家後

營業中

休息中

今日放假嚟到深水埗記起之前同事帶我嚟食餃子就決定再去回味一番可能落雨關係，唔洗排隊直接入得～睇過餐牌先，主要分湯餃及煎餃，加$2就可以雙拼加$16可追加成套餐跟上海麵/日本飯團/雞翼，包飲品今次想食埋蛋糕所以冇跟餐香菇粟米雞肉湯餃+$6配熱豆漿湯頭係蓮藕老火湯，味道新鮮而飲完唔會口渴總共8隻餃子配一棵生菜，感覺幾健康～水餃食落鮮潤爽嫩，外皮軟韌而厚薄適中不過呢款配搭就味道真係好一般相信韭菜會較好味豆漿就有啲失望，係加咗糖同溝淡咗豆味較啖同唔鍾意果種假甜味+$33追加開心果芝士蛋糕芝士蛋糕表面夠色而較挺，內裡柔軟細嫩食落綿密而濕潤，可惜芝士味同開心果味都較淡相信原味的芝士蛋糕會較好食整體餃子較普通，值得一讚係用老火湯做湯頭而冇加味精每枱客都會追加的芝士蛋糕是不錯的下次有機會再試原味～

個日去到都有唔少人 所以叫左外賣買走食 兩個人食 所以就叫左菠菜湯餃同洋蔥湯餃 食落相對覺得菠菜餃好味啲 但兩款質素都唔錯嘅 另外有配到飯糰 食落去啲飯都算粒粒分明 但係感覺上唔算好特別 不過不失啦 另一個就配麵 麵就麵囉 麵係無咩特別嘅 另外有食到芝士蛋糕 原味同咖啡味 我個人鍾意咖啡味 可能本身好咖啡啦 但屋企人覺得原味好味啲 因為芝士味會重啲 咖啡味就蓋左芝士香 整體質地同味道唔錯👍🏻但比想像中細舊🫣餃子同蛋糕嘅配搭 雖然聽落去有啲怪 不過食落好味就無問題嘅🤣

其實如果唔俾外賣個蛋糕，可以寫到明，唔使我特登為咗個蛋糕去買外賣順便買埋餃子嘅時候，同我講蛋糕唔可以外賣，因為得返好少外賣客唔算係客？冇資格買蛋糕？之前有幾次都有外賣到蛋糕，點解今次唔得？如果真係唔得，不如寫到明蛋糕唔可以外賣。

首先，餐廳係自助形式拎籌。我去到之後就自動自覺填資料。當職員叫我號碼嗰陣，由於我朋友未到，男職員話人齊先入得，黎齊講佢知。其後，我朋友嚟到，我同男職員講人齊。佢話ok。10分鐘後，佢放咗下一張籌入，我都算。15分鐘之後，女職員出嚟嗌飛，又係skip 咗我。我好聲好氣同佢講，我人齊，係咪應該係我入？女職員： 你自己頭先走咗去，宜家梗係放其他人入。我：我無行開過囉，係人齊先入得。女職員： 咁都係你問題，等下啦。當然我無等落去，未食就一肚氣！事後，我致電去舖頭揾老闆投訴。職員問完詳情，老闆唔肯聽電話，只係話誤會。佢連接電話講句唔好意思都無！

當日假日下午來到這間很多人推介的餃子店，這家餃子店真的人流滿滿，即使是下午時間，都需要等候入座，餐廳門外貼了告示，如要等候入座，可先寫下姓氏再寫電話號碼。當日大概等了20分鐘左右入座，餐廳環境不算寬躺，但位置都不小的。當天2人點了：❣️酥脆炸肉丸每粒肉丸都炸得外脆內軟，不會過鹹，是一款不錯吃的小食👍🏻❣️湯餃（韭菜豬肉餃&香菇粟米雞肉餃）湯底應是粉葛湯， 有種喝家中媽媽所煲的湯🤭調味是較清淡；餃子的調味亦是較清淡。兩款餃子的餡料都是包得滿滿，餃子的大小適中，個人較偏好韭菜餡，因為比例是韭菜多過豬肉，很香，而另一款味道不過不失❣️煎餃 （洋蔥豬肉餃&芫茜豬肉餃）煎餃是偏油，但煎得很脆身，洋蔥豬肉餃帶甜的味道，很特別，因個人是不吃芫茜🫢友人說這款都不過不失。❣️日式手作芝士蛋糕最後，來了個甜品作完美先句號，芝士蛋糕細細件，有香濃芝士味道，口感細滑，挺不錯吃，難怪每人都要點1個。餐廳還有售不同口味的芝士蛋糕，如焙茶味、開心果味，有機會都想試試其他口味。總括來說，這間餐廳的餃子🥟是有種平淡的味道，是健康清淡為主，重口味人士未必習慣，甜品是不錯吃的。這間是人氣滿滿的餐廳，如想去食，便要有心理準備要等候🕴

下晝3點幾去到都排緊20人，唯有買外賣🥹⭐️雙拼煎餃 (香菇粟米雞肉+白菜豬肉) $45餃子皮薄，餡料飽滿，餃子皮煎到均勻既金黃色，咬落脆卜卜得黎又唔會好油。🌽餃粟米味好出，香菇同雞肉味相對地淡。🐷餃一咬落去爆汁，要用鮮味黎形容肉汁，菜同肉既比例岩岩好。食得辣既朋友仔一定要試埋佢地既菜甫，爽脆得黎又辣得過癮。⭐️ 巴斯克芝士蛋糕 $29今日遇唔到開心果，得原味，芝士味濃但唔會好甜同膩，口感軟滑，雖然細細件但呢個價錢同質素絕對抵食。推介指數: 🧸🧸🧸🧸

食過好多次既家後👍🏻比佢既餃子🥟，cheese蛋糕吸引住，日式住家飯團🍙 ，仲有辣菜莆食真係好有住家既味道因為八點半先去到等位等左三個字左右 門口有得寫低電話號碼等叫飛見佢新開左新舖係隔離街 call家後2.0 太夜飯團同🍰芝士蛋糕已經售罄有小小失望 不過都預左今次叫左🥢韭菜豬肉湯餃+米線 $42 有6粒餃子 ，好鐘意餃子既大小適中 唔一定係大粒先好食 🥢芫茜豬肉煎餃 8粒煎得好香脆 ，配埋辣菜莆一齊食 好夾

終於唔使等位仲可以坐得舒服啲 … 因為開咗家後2.0 🎉點咗必食嘅手工韮菜豬肉煎餃 ($42)，一貫皮薄餡多又酥脆。今日店員係老闆嘅auntie, 我話驚唔夠飽佢介紹咗我試老闆娘整嘅日式住家飯團($16)同埋2.0獨有嘅熱湯($6)。飯團暖暖哋好足料又飽肚，個湯就係用咗蟲草花茶樹菇等等嘅材料煲… 真係好有住家feel! 最後梗係唔少得家後手作芝士蛋糕($28)，rich & creamy。呢餐又抵食又滿足！不過要提提大家2.0 只係開咗幾日，好多舊舖供應嘅食物呢度都仲未有 … 其實私心有少少唔想post ，因為驚多人知道咗第日又開始要等位啦！😜#終極SSP名物#SSP名物#手工韮菜豬肉煎餃 #手工餃子#韮菜豬肉餃 #日式住家飯團 #日式手作芝士蛋糕#巴斯克芝士蛋糕#家後 #家後2.0#深水埗の尋寶 #深水埗逐間試#ChopsticksAndForks #LifestyleInfluencer #MyFoodDiary #FoodBlogger #FoodBlog #FoodLover #Foodie #HKFoodBlogger #HKFoodBlog #DigitalCreator

經過見到成日都要排隊 終於忍唔住試一次 睇下佢嘅魔力喺邊度 sunday七點前去到等十多分鐘便入到😊試咗芫茜湯餃芫茜煎餃同埋韭菜煎餃 芫茜湯餃會比較出味, 煎餃嘅話可能芫茜同韭菜都係濃味嘅關係，所以一齊食會有少少混淆。 但係煎同湯都一樣出色。特別值得一讚，其實我唔鍾意食出前一丁，但係佢都煮得好好食，因為真係煮到啱啱好， 麵係爽身而且好濃一丁麻油味有試埋佢嘅雞翼同埋芝士蛋糕, 我哋三個人建議叫一嚿芝士旦糕，留返畀其他客人。 雞翼大大隻抵食❤️芝士蛋糕我覺得都值得一試， 因為做到軟心嘅感覺，而芝士味又濃老闆好好人，走嘅時候都有溫馨提示，如果想買外賣餃，可以早啲唔好人多嘅時候去買， 因為會做唔切。 一定會再回頭幫襯

平日中午一個都要等15至20分鐘，見到唔少上班族黎食😍椰菜煎餃$42 8隻價錢算合理，新鮮煎起脆卜卜，可以錄asmr😂菜同肉比例ok，食落唔會好寡🤩落埋醋同菜脯 無得彈！原味芝士蛋糕（$28）略嫌細件，口感幾綿密，好夠香~食落都算滿足

巳經食過好多次了絕對會回頭再食既小店最鐘意佢餃子既湯底 係蓮藕湯同埋日式飯團 🍙的的適適有時飯團同芝士蛋糕好早就賣完芝士蛋糕🍰食過開心果味同原味口感軟滑 一樣都係甘好食聽講係日本人整 一件，次次都要食兩件佢杯港式熱奶茶都好濃滑 茶味出色暫時覺得佢每一樣嘢都水準之上小店好有家的味道不過就要排隊先食到⭐️CP值;⭐️⭐️⭐️⭐️⭐️👩🏻回頭指數;👩🏻👩🏻👩🏻👩🏻👩🏻📸打卡比分;📸📸📸

買咗幾次外賣琴日終於唔洗點等入到去食。點咗佢哋出名嘅手工水餃。今日揀芫茜豬肉同埋香菇粟米鶏肉煎餃雙拼 … 皮薄餡多好好味！手作芝士蛋糕試過原味超好味。之前老闆娘返咗日本幾個禮拜，等到頸都長等佢返嚟先有芝士蛋糕供應。今日好開心咁叫咗開心果手作芝士蛋糕，味道濃郁口感又滑，超滿足！#終極SSP名物#手工水餃#日式手作芝士蛋糕#開心果芝士蛋糕#家後#深水埗の尋寶#ChopsticksAndForks #FoodyRuby #LifestyleInfluencer #MyFoodDiary #FoodBlogger #FoodBlog #FoodLover #Foodie #HKFoodBlogger #HKFoodBlog #DigitalCreator #LiKitchenInTheMountain #Yummy

今次呢間係地區名店，之前成日喺IG都見到話除咗有好食嘅煎餃子，仲有勁好食嘅巴斯克蛋糕！今日我哋下午茶時間嚟到都要拎飛等位，勁受歡迎😂我同朋友叫咗兩份煎餃，分別係白菜豬肉同埋芫荽豬肉🥳煎餃，即叫即煎入口好香脆，而且都有啲肉汁，所以都好好食！我哋跟餐配咗日式飯團，同埋麻辣雞翼。請姐已經調好味撈咗啲牛蒡絲，好日本風味🇯🇵後者滷水好入味麻辣好出色，都夠辣！重點係最後嘅巴斯克蛋糕，入口好香滑好濃郁芝士味果然係臥虎藏龍🤩🥰🥰

〰️日式手作巴斯克蛋糕 （開心果味）$33夜晚黎到得返好少 得返一兩件 好彩等哋18:30 左右到 先有得食開心果味好濃郁😍😚😍唔會死甜 成件蛋糕好滑🥹 一擺落口就好似溶左咁 真係好正❤️❤️〰煎餃 （8隻） $42雲耳椰菜豬肉餃雲耳唔係好食得出煎餃啱啱新鮮出爐好好食🤤個皮煎到脆一脆 一咬落去仲要好juicy🤓〰️ 水餃配菠菜麵 $42菠菜豬肉餃每一粒餃子🥟都係大大粒好多餡料 好豐富😚🤪咬落去一啖就食到菠菜超級多菜 真係好正 配埋湯麵一齊食簡直一流😍麵條係闊身啲嘅波菜麵聽落去好似健康少少😂雖然食落去，唔係好有菠菜嘅味道️

好耐之前朋友經介紹認識呢間店，朋友仲話啲芝士蛋糕好出色，必試。不過第一次去係星期六，太太太太太多人，所以冇試，今次平日放假咁岩又出開深水埗，所以打算去試下😎😎星期中午12點零，唔洗排隊，店入面都full 左7成🤭 同朋友傾完之後決定叫左一個湯餃都同一個淨煎餃加兩個芝士蛋糕share🤤🥰韮菜豬肉湯餃（6隻）配上海幼麵餃子入面好足料，皮都夠薄，湯底唔同一般既店，見到湯底有啲應該係赤小豆同牛大力既湯料，果然係家的味道🤩洋蔥豬肉煎餃（8隻）應該係即叫即煎，上到枱都係熱辣辣🤗外皮好脆，洋蔥係紫洋蔥，特別甜，食既時候我仲加左啲辣菜莆，又多一層口感🥳😋😋原味芝士蛋糕細細件，可以試多啲味，質地有軟身既芝士蛋糕，而且芝士味好濃，但又一啲都唔膩，真係好出色🤤開心果味芝士蛋糕開心果味好重，但又唔會遮左本身芝士蛋糕既味道，一樣係食曬成件都唔會覺得好膩，不過建議食左原味先再食開心果味🤭 諗起都仲想再食😌