家後

營業中

休息中

比想像中差，環境一般，網上見到食評咁好，專登去試，芝士蛋糕還可以，size 細細件收$28, 真係一般，杯咖啡就淡茂茂好唔掂收$15，連M記都不如，噉嘅價錢噉嘅環境就唔掂，都唔會有下一次。

高質芝士蛋糕｜📍家後🙈雖然呢間小店主賣餃子，但係呢間小店嘅名物居然係芝士蛋糕😂蛋糕口味唔一定每日一樣，當日去食有開心果味同埋原味提供💚♡湯餃8隻♡｜💰$38🤔明明我係嗌香菇粟米雞肉餃，但唔知點解咬開無菇但有梛菜🤔食落爽口，餃子雖然大隻但內餡又唔算多🫣湯底係粉葛湯，飲落幾清甜而且唔會口渴👍🏻但整體嚟講有啲普通( ･᷄ὢ･᷅ )♡開心果芝士蛋糕♡｜💰$33ヽ( ຶ▮ ຶ)ﾉ!!!�呢個真係有驚喜！蛋糕雖然偏細件，但居然做到軟心效果，食落口感滑順💚開心果味濃郁得嚟唔會太甜💚味道個平衡做得好好💯食哂成件都唔會覺得涸喉💓食完好滿足🫶🏻呢個價錢食到呢個水準真心優質，基本上每一枱客都會嗌一件😂個人超級推薦！

一行二人，行過這間排隊店今晚不是很多人就自己寫個名等吓，等了太約十分鐘已經有位，服務員好細心知道我哋要睇住部車，安排坐近門口的位置👍🏻 水餃都很多選擇，見到芫荽豬肉水餃，還有波菜麵，朋友就叫了韭菜豬肉水餃，上菜的時候來了兩碗波菜麵，以為啲水餃沉咗喺底部，冇嘅🤭，原來是分開上的，水餃的湯底是粉葛湯。菠菜麵很幼滑，水餃口咬下去有種很清新的感覺，食得出芫荽很新鮮👍🏻。臨走之前見到佢有芝士蛋糕就叫了兩件開心果和原味俾外賣都非常好吃😃

遊走舊區覓食 享受週末自我釋放用美食治癒一切在深水埗區內嚐到的家常味道 完完全全能在家後找到看到餐牌上的洋蔥豬肉餃子口味 一直幻想這種有洋蔥的餡料是怎樣的口感和味道原來紫洋蔥的爽甜更顯清新爽快不油膩即叫即做的煎餃香氣撲鼻 小餃邊沿上的焦脆讓人饞嘴菜肉比例偏健康樸實 味道合格有餘還有點上自家製的開心果芝士蛋糕更是放飛自我態度滿香的開心果味混合芝士蛋糕 吃下來感覺是超過70%的濃郁綿滑中間的流心不多 質地屬於較挺身 喜歡它不太會吃膩甚至有種想多點一份其他口味的衝動(然而一想到跑步的痛苦 還是緊緊控制好正想點餐的小手)獨自享用一份的這份中西合璧餐點 剛好滿足了( ຶཽ ˙̫̮ ຶཽ )𓏭𖤥 家後 深水埗基隆街211號地下༶ 洋蔥豬肉煎餃 ₄₂༶ 開心果芝士蛋糕 ₃₃𓏭

🥟粟米雞肉煎餃--$42 (8隻)✨煎得好香脆✅雞肉餃子好特別🤩✅皮黏度啱啱好✅熱辣辣❌無咩雞肉🥟白菜豬肉煎餃--$42(8隻)✨一口爆汁✨勁Juicy✨白菜勁爽口-----個人評評分❤️：8.8/10性價比💸：9/10環境📷：7.5/10回頭🤓：會總結：呢度嘅湯餃蒸餃煎餃都係世一🥰佢嘅煎餃全部都好香脆，雞肉餡嘅餃子真係比較少見，不過整體食落豬肉餃都係最難忘一咬爆汁超juicy🤤👍🏻鐘意餃子嘅一定要去試！

深水埗家後餃子店， 係我食過暫時最出色的餃子， 我是香港土生土的香港人， 不知何解對餃子情有獨鍾， 可以講好多餃子店我都食過， 但要我值得推介及寫食評的就是間「家後」喇!每次到場都只有選擇外賣 因為實在太多人等緊堂食。 今日終於有位喇， 可以入去吃。呢間店嘅餃子不論是香菇粟米雞肉餃、雲耳椰菜豬肉餃、畫芫茜豬肉餃、 及韭菜豬肉餃都係我最喜歡嘅餃子。 粒粒餃子都係脹卜卜紮紮實實， 而不論湯餃或煎餃以上嘅餃子我十分喜歡。 佢哋嘅餃子口感豐富材料新鮮 ，尤其係芫茜豬肉餃， 好食到不得了， 皮薄餡靚， 芫茜惹味新鮮， 食落口湯汁爆滿 在口內， 一個字絕。 韭菜湯餃同樣出色， 食落口好香韭菜味好惹味， 一碗8隻係唔夠食的對於我嚟講😂😂。 我見好多人都大包細包叫外賣， 可見佢喺深水埗 餃子店嚟講真係有朶㗎。仲有一個特別為佢係有甜品食， 重點推介開心果芝士蛋糕， 好出色， 係你估唔到咁好食， 芝士味香濃蛋糕香滑軟熟唔係太甜， 大家不妨試下一定有驚喜。

一放工，我哋就去家後食餃子，我哋嗌咗煎餃雙拼，包括：白菜豬肉餃、菠菜豬肉餃，但前者肉多菜少；後者菜多肉少。之後我哋又叫咗個湯餃雙拼，我叫咗雲朵粟米雞肉餃、椰菜豬肉餃，之後叫咗一杯熱豆漿同一杯凍豆漿。我哋仲叫咗菜心一碟、綠茶芝士蛋糕一小塊、飯團一個，湯餃個粉葛湯底好鮮😜🤪不過大腸小腸湯就唔識欣賞了😮‍💨

今日放假嚟到深水埗記起之前同事帶我嚟食餃子就決定再去回味一番可能落雨關係，唔洗排隊直接入得～睇過餐牌先，主要分湯餃及煎餃，加$2就可以雙拼加$16可追加成套餐跟上海麵/日本飯團/雞翼，包飲品今次想食埋蛋糕所以冇跟餐香菇粟米雞肉湯餃+$6配熱豆漿湯頭係蓮藕老火湯，味道新鮮而飲完唔會口渴總共8隻餃子配一棵生菜，感覺幾健康～水餃食落鮮潤爽嫩，外皮軟韌而厚薄適中不過呢款配搭就味道真係好一般相信韭菜會較好味豆漿就有啲失望，係加咗糖同溝淡咗豆味較啖同唔鍾意果種假甜味+$33追加開心果芝士蛋糕芝士蛋糕表面夠色而較挺，內裡柔軟細嫩食落綿密而濕潤，可惜芝士味同開心果味都較淡相信原味的芝士蛋糕會較好食整體餃子較普通，值得一讚係用老火湯做湯頭而冇加味精每枱客都會追加的芝士蛋糕是不錯的下次有機會再試原味～

個日去到都有唔少人 所以叫左外賣買走食 兩個人食 所以就叫左菠菜湯餃同洋蔥湯餃 食落相對覺得菠菜餃好味啲 但兩款質素都唔錯嘅 另外有配到飯糰 食落去啲飯都算粒粒分明 但係感覺上唔算好特別 不過不失啦 另一個就配麵 麵就麵囉 麵係無咩特別嘅 另外有食到芝士蛋糕 原味同咖啡味 我個人鍾意咖啡味 可能本身好咖啡啦 但屋企人覺得原味好味啲 因為芝士味會重啲 咖啡味就蓋左芝士香 整體質地同味道唔錯👍🏻但比想像中細舊🫣餃子同蛋糕嘅配搭 雖然聽落去有啲怪 不過食落好味就無問題嘅🤣

其實如果唔俾外賣個蛋糕，可以寫到明，唔使我特登為咗個蛋糕去買外賣順便買埋餃子嘅時候，同我講蛋糕唔可以外賣，因為得返好少外賣客唔算係客？冇資格買蛋糕？之前有幾次都有外賣到蛋糕，點解今次唔得？如果真係唔得，不如寫到明蛋糕唔可以外賣。

首先，餐廳係自助形式拎籌。我去到之後就自動自覺填資料。當職員叫我號碼嗰陣，由於我朋友未到，男職員話人齊先入得，黎齊講佢知。其後，我朋友嚟到，我同男職員講人齊。佢話ok。10分鐘後，佢放咗下一張籌入，我都算。15分鐘之後，女職員出嚟嗌飛，又係skip 咗我。我好聲好氣同佢講，我人齊，係咪應該係我入？女職員： 你自己頭先走咗去，宜家梗係放其他人入。我：我無行開過囉，係人齊先入得。女職員： 咁都係你問題，等下啦。當然我無等落去，未食就一肚氣！事後，我致電去舖頭揾老闆投訴。職員問完詳情，老闆唔肯聽電話，只係話誤會。佢連接電話講句唔好意思都無！

當日假日下午來到這間很多人推介的餃子店，這家餃子店真的人流滿滿，即使是下午時間，都需要等候入座，餐廳門外貼了告示，如要等候入座，可先寫下姓氏再寫電話號碼。當日大概等了20分鐘左右入座，餐廳環境不算寬躺，但位置都不小的。當天2人點了：❣️酥脆炸肉丸每粒肉丸都炸得外脆內軟，不會過鹹，是一款不錯吃的小食👍🏻❣️湯餃（韭菜豬肉餃&香菇粟米雞肉餃）湯底應是粉葛湯， 有種喝家中媽媽所煲的湯🤭調味是較清淡；餃子的調味亦是較清淡。兩款餃子的餡料都是包得滿滿，餃子的大小適中，個人較偏好韭菜餡，因為比例是韭菜多過豬肉，很香，而另一款味道不過不失❣️煎餃 （洋蔥豬肉餃&芫茜豬肉餃）煎餃是偏油，但煎得很脆身，洋蔥豬肉餃帶甜的味道，很特別，因個人是不吃芫茜🫢友人說這款都不過不失。❣️日式手作芝士蛋糕最後，來了個甜品作完美先句號，芝士蛋糕細細件，有香濃芝士味道，口感細滑，挺不錯吃，難怪每人都要點1個。餐廳還有售不同口味的芝士蛋糕，如焙茶味、開心果味，有機會都想試試其他口味。總括來說，這間餐廳的餃子🥟是有種平淡的味道，是健康清淡為主，重口味人士未必習慣，甜品是不錯吃的。這間是人氣滿滿的餐廳，如想去食，便要有心理準備要等候🕴

下晝3點幾去到都排緊20人，唯有買外賣🥹⭐️雙拼煎餃 (香菇粟米雞肉+白菜豬肉) $45餃子皮薄，餡料飽滿，餃子皮煎到均勻既金黃色，咬落脆卜卜得黎又唔會好油。🌽餃粟米味好出，香菇同雞肉味相對地淡。🐷餃一咬落去爆汁，要用鮮味黎形容肉汁，菜同肉既比例岩岩好。食得辣既朋友仔一定要試埋佢地既菜甫，爽脆得黎又辣得過癮。⭐️ 巴斯克芝士蛋糕 $29今日遇唔到開心果，得原味，芝士味濃但唔會好甜同膩，口感軟滑，雖然細細件但呢個價錢同質素絕對抵食。推介指數: 🧸🧸🧸🧸

食過好多次既家後👍🏻比佢既餃子🥟，cheese蛋糕吸引住，日式住家飯團🍙 ，仲有辣菜莆食真係好有住家既味道因為八點半先去到等位等左三個字左右 門口有得寫低電話號碼等叫飛見佢新開左新舖係隔離街 call家後2.0 太夜飯團同🍰芝士蛋糕已經售罄有小小失望 不過都預左今次叫左🥢韭菜豬肉湯餃+米線 $42 有6粒餃子 ，好鐘意餃子既大小適中 唔一定係大粒先好食 🥢芫茜豬肉煎餃 8粒煎得好香脆 ，配埋辣菜莆一齊食 好夾

終於唔使等位仲可以坐得舒服啲 … 因為開咗家後2.0 🎉點咗必食嘅手工韮菜豬肉煎餃 ($42)，一貫皮薄餡多又酥脆。今日店員係老闆嘅auntie, 我話驚唔夠飽佢介紹咗我試老闆娘整嘅日式住家飯團($16)同埋2.0獨有嘅熱湯($6)。飯團暖暖哋好足料又飽肚，個湯就係用咗蟲草花茶樹菇等等嘅材料煲… 真係好有住家feel! 最後梗係唔少得家後手作芝士蛋糕($28)，rich & creamy。呢餐又抵食又滿足！不過要提提大家2.0 只係開咗幾日，好多舊舖供應嘅食物呢度都仲未有 … 其實私心有少少唔想post ，因為驚多人知道咗第日又開始要等位啦！😜#終極SSP名物#SSP名物#手工韮菜豬肉煎餃 #手工餃子#韮菜豬肉餃 #日式住家飯團 #日式手作芝士蛋糕#巴斯克芝士蛋糕#家後 #家後2.0#深水埗の尋寶 #深水埗逐間試#ChopsticksAndForks #LifestyleInfluencer #MyFoodDiary #FoodBlogger #FoodBlog #FoodLover #Foodie #HKFoodBlogger #HKFoodBlog #DigitalCreator