家後

營業中

休息中

家後不愧為人氣店，以為避開 lunch time 同 Tea Time，4點幾去會少人些，結果都等了半小時有多才能入坐。自問胃口不大，湯餃同煎餃只可二選其一，思前想後，因為想試下個粉葛湯，所以決定要一份白菜豬肉湯餃。先講餃子，餃子皮滑，餡料新鮮，白菜豬肉屬清爽口味，餡料中還多入薑米，更豐富了餃子的味道。沒有試過其他款式，不知是否全部餡料都下薑米。因為大白菜偏寒涼，如因而特意在白菜餃中加入薑米，實在非常貼心。睇過訪問，老闆話最初用豬骨湯同牛骨湯，但給有感覺沒有價值，所以嘗試用老火湯。試過不同款式老火湯，發現赤小豆粉葛最受歡迎，所以沿用至今。個人認為湯底是給平白的餃子皮上味，簡簡單單用上雞湯，已經能令餃子添上鮮味。但赤小豆粉葛味道獨特性強，與餃子混在一起，個人覺得唔襯，亦不喜歡。明白老闆做老火湯的心思，粉葛湯亦是在餃子淥好後才加進去，既然兩者放在一起並無相得益彰，倒不如分上變成心意老火湯會更好。

第1次幫襯，食煎餃，第2次幫襯，食湯餃。本人雀仔胃，次次都叫凈餃再外帶cheese cake。餃同芝士餅都好味。食過好幾間人氣餃店，呢間係我最有印象，我會再去，同埋值得推介。

💛家後 @深水埗📍深水埗基隆街211號地舖家後既煎餃同同湯餃都好有驚喜😍weekend 5點幾都有人龍 不過要排隊都值得會再encore！🥟洋蔥豬肉煎餃 8隻 $42 餃子皮薄餡靚✨ 餃子皮煎得黃金脆口😍 完全同平時食開既煎餃唔同 冇咁油膩但又唔乾！紫洋蔥🧅超爽脆多汁🥟韭菜豬肉湯餃 8隻 $38湯底係自家煲既赤小豆粉葛湯 味道清甜😋 有煮家嘅感覺🏠 飲完都唔口渴👍🏻🧀日式手作芝士蛋糕 $28傳統餃子店都有basque burnt cheesecake🤤 芝士蛋糕一d都唔漏 整得好creamy中間有軟身效果 入口順滑 黎到家後一定要order一件試下！😋👅好味：4.5/5💲價錢：4.6/5🌟性價比：4.5/5👀環境：3.3/5👥服務：4/5

深水埗食肆林立 今日lunchtime經過搵野食見到落住雨都咁多人等位幫趁相信一定有原因😋表面係一間大路嘅餃子店 都係煎餃水餃湯麵個啲啦但見到門口好多報導 竟然係推介有巴洛克蛋糕同布丁甜品好多人都為咗件蛋糕專程幫襯～決定即使落雨同咁多人等位嘅情況下都要排！除咗一入門口嘅位置之外原來入面仲有走廊位同埋一間房仔等咗一陣都好快有位湯餃嘅湯底係蓮藕粉葛湯心思思揀咗一陣但又好想試煎餃 最後叫咗雲耳椰菜豬肉餃同洋蔥豬肉餃雙拼真係要讚下餃子皮非常薄！餡料超級豐富脆皮煎得恰到好處唔會過分油膩特別推介洋蔥豬肉餃係用紫洋蔥做㗎好鮮甜多汁😍好鐘鐘情紫洋蔥之後就係專登留肚食嘅重頭戲焙茶巴洛克蛋糕老闆話原味會比較實身焙茶的話睇下切開 超級軟滑creamy🥹焙茶甘香 唔會好甜喎 真係茶甘味比起Cafe試過嘅更加好食！非常推介大家專程嚟試吓家後嘅蛋糕！有機會會再試埋冧酒味😋

每逢喜慶，最愛切蛋糕，七月之星生日，聚會低調在家中慶祝，朋友介紹深水埗一間餃子店有好味芝士蛋糕，餃子店竟然賣蛋糕，相當有趣筆者聽到”好味”兩個字，決定一試⋯⋯國慶假期當日，食店開11:00am ，未夠11點，門口已有食客排隊，果然是人氣食店。原來大家都是過來堂食。由於預早訂定，所以很快就拎到蛋糕，見啲餃子這樣精美，想外賣一些，可是店主話，沒有預訂，未能供應，睇嚟又要留待下次了⋯⋯原味芝士蛋糕$200~芝士厚身夠質感，甜度適中，用义品嘗有Creamy 的感覺，會吸引下次試另一口味。蛋糕沒有寫名服務，只能附送一塊汽球生日牌，朋友買了生日數字蠟燭，恰巧與生日牌的顔色很合襯。

收工黎食，已經20:30了，門口依然有不少人排隊中，幸運地等了20分鐘就可以入座了我叫咗菠菜豬肉煎餃轉套餐要上海麵個煎餃熱辣辣真係好好味，而且每隻餃子啲餡都好飽滿而上海麵就無乜特別，食得辣嘅一定要加麻辣油友人就咗炸豬扒飯，不過飯原來有汁，令到啲飯好淋，豬扒亦都麻麻地，都係食返餃子好小食仲叫咗炸雞翼同滷水大腸，炸雞翼揸得好脆，熱辣辣好好食，但略嫌偏鹹，滷水大腸不過不失雖然煎餃出色，但我係為咗芝士蛋糕而來的真好彩，有開心果味+原味，咁就每款各一原味之前食過，入口即溶，今次亦都一樣，超濃郁芝士味，入面仲好軟滑，不過略嫌太細件唔夠喉至於開心果味，我平時好鍾意食開心果，但呢個麻麻哋，佢個質地都係軟滑，但個人都係鍾意原味多啲總括嚟講，性價比高，值得排隊試，由其原味芝士蛋糕真係好正而且老闆都非常友善健談，就算好忙都唔會黑口黑面，有問必答

呢晚收工特登拜訪一下呢間人氣高企嘅餃子店，當然亦都係專程黎品嚐小店嘅手作巴克斯芝士蛋糕😍🥟手工餃子total有8款，我地嗌左雙拼湯餃：雲耳椰菜豬肉、香菇粟米雞肉，同雙拼煎餃：菠菜豬肉餃白菜豬肉餃。覺得咁樣嘅嗌法係最正，因為兩個人一次過就可以試到4款味😍欣賞呢度嘅餃子全部大大隻餡料十足，以呢個價錢，真係抵到爆🤩特別要推介下煎餃非常香，個底仲要係脆架加$16嘅套餐有多一款野食同野飲，我地又點會放過丫，加左個波菜麵同麻辣雞翼，仲有感覺好健康唔甜嘅豆漿🤩👍🏻👍🏻至於個菜心係再散嗌嘅～手工餃子以外嘅另一個重點就係手工巴斯克芝士蛋糕，今日仲要有開心果味呀超超超級滿足質地夠挺身，食落去個開心果味都幾出！跟住芝士味又夠濃，驟眼望真係枱枱都必嗌chesse cake! 好估唔到餃子同cheese cake都可以做得咁出色，好欣賞呢間小店，一定再黎幫襯

之前係網上見到有人推薦呢間家庭式餃子店，甘岩路經一於去試吓。星期五夜晚既時間，門外滿滿排隊既人士，小店多位唔算多，但係甘熱既天氣都甘多人係門口等，呢間野一定係唔會差。等左一陣就終於可以入座，餃子既款式都算多，有8款甘多，你都可以選擇煎餃同埋湯餃，一場嚟到梗係兩款都要試吓。煎韭菜豬肉餃&菠菜豬肉餃 - 加$2就可以雙拼 ($44)咬落去第一啖係覺得個底煎到好脆，肉汁隨即流出，韭菜味好出，可能因為食完韭菜味再食菠菜味，導致到菠菜味道唔算好出，但係整體黎講，真係好好食。煎洋蔥豬肉餃 ($42) - 洋蔥味既餃子係第一次食，估唔到會有一種fresh 既口味，原來洋蔥味既餃子可以甘好食，現場仲見到有人食完買埋生餃返屋企，如果唔係住得遠，我都會買生餃子返屋企。真心推要試呢款！湯白菜豬肉餃 ($38) - 呢個白菜餃就上面煎餃甘出色，但係湯餃既湯就變到好有驚喜，佢唔係平時出面既味精湯底，而係真係湯，當日飲到既味道飲赤小豆粉葛湯，真係忍唔住清底🤭加$16就可以多一個飯團同埋一杯普通飲品，飯團就真係比較屋企味道，有啲菜脯係入面，食既時候係脆脆地甘。不過飯團都係限量供應，當日想叫兩個，最後賣晒只剩一個，不

深水埗-Sham Shui Po去到深水埗，除左去打卡Café之外，仲有一間特色既粉麵店值得去！！一間粉麵店居然有賣蛋糕，飯糰😱😱😱。佢係港式粉麵店格局的餐廳，提供茶餐廳常見的湯麵和飯餐，仲有人氣餃子、小食同日式手作芝士蛋糕。而且作為粉麵店，價格都係平民價，去到都有好多人排隊。白菜豬肉湯餃麵 $42💭餃子好足料，不錯田園上海麵（豆卜，白菜🥬，芽菜） $32豬大腸+$8巨魚蛋+$8轉米線💭湯底好味，唔係味精湯🌟🌟值得一試🌟🌟佢有 （開心果/原味/抹茶）日式手作芝士蛋糕🍰（原味）🤩🤩🤩 $28💭係巴斯克芝士蛋糕💭口感綿密，芝士味濃💭好食！！而且只係 $28！附近d cafe都唔止呢個價啦😋整體黎講：環境：7/10食物：8.5/10CP值：8/10💭即使係繁忙時間，d服務都好好，不錯，會再去食💛💛

第一次幫襯 平日晚市等左成個鐘 明明有位又拖左兩三個字先入人 跟住乜都賣晒都算 落單叫兩個芝士蛋糕個姐姐又唔比人叫兩個原味 係都要話食左一個好味先再叫 比生意佢做又唔得 好啦 坐左個近廚房位 然後男朋友無啦啦比人話做咩唔坐過埋邊 我望一望 心諗個埋邊位首先冇凳 二黎個位其實比個飲品櫃擋住 連我女仔都會覺得逼仲叫個男仔坐 無理由我地一對情侶要我地坐到隔開個位好似隔離枱唔識咁 其實個位置阻住佢地出菜既話 一係就你地反省下點解咁擺位 然後仲要反智咁叫對情侶分開坐 一係佢一開始帶位就唔好叫得地坐呢張😡食物方面就正常 叫左一份湯餃同煎餃 加麵套餐 湯餃個湯係蓮藕湯 清清地唔會好鹹 雖然味道同價錢黎講性價比高 但係唔值得排一個鐘去食 如果晚市回復正常會建議外賣另外出菜都混亂 本身叫左麻辣雞翼點知黎多左份豬肚 仲要係最後一份 原來係隔離枱叫 好彩人地唔介意 員工的服務表現都有待改善 都明白小店忙碌會有錯 希望將來會擴充業務同請多啲人手 令食客食得開心 個芝士蛋糕係正的 臨尾食完諗住再叫多件芝士蛋糕啦 兩個人share一小件真係好少 跟住明明有都唔比叫雖然唔明點解有咁多好評 但係今晚的體驗只能值差評

去咗深水埗飲咖啡，附近有呢間幾出名既餃子店，決定要排下隊試下呢間人氣小店。麻辣豬肚：豬肚彈牙辣辣地幾惹味鹵水豬大腸：豬腸處理得好乾淨無異味，同埋鹵汁入曬豬腸入面，好味炸雞：係日式炸雞既感覺，脆得黎入面仲充滿肉汁，同埋唔會係硬到鞋口，真心推介日式飯團🍙：飯團加入咗出面鮮有的牛旁，加埋雞肉，健康得黎有醬油香，米粒粒粒分明。雙拼湯餃子（韮菜豬肉餃+雲耳椰菜肉餃）：兩款餃比較較出嘅係韮菜餃，調味岩岩好，個餃麵皮好有彈性，唔會林曬。椰菜餃就比較淡少少。值得一讚係個湯底係粉葛湯，無咩味精既味道，有煮家既感覺。雙拼煎餃子（洋蔥豬肉餃+香菇粟米菇餃）：洋蔥豬肉餃用咗紫洋蔥，洋蔥甜味好出，好有記憶點。粟米餃食到粒粒粟米🌽今餐最驚喜真係大家講既芝士巴斯克蛋糕：中心係有軟心既效果，奶香十足同埋唔膩，食完餃仲食得曬。下次會想黎食番，食完出面仲排緊隊，果然係有人氣。

📍 @homey_dumpling in Sham Shui PoDumpling #家後 #深水埗美食 Food: 💛💛💛💛 🤍Décor: 💛💛💛💛🤍Service:💛💛💛💛🤍Price Value: 💛💛💛💛 💛Price Range:💰 $50-$100Favourite:💖 Coriander dumplings------------------------------- Dumplings are freshly house made- No MSG was added- Super friendly staff------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰

呢間要撐😼🫶🏻！6點半前到達，唔洗點排隊，叫左4款餃子試：［包括：白菜，菠蘿，洋蔥，芫茜（配豬肉）］首先，個餃子皮，咬落去唔會太林，有咬口得泥，好薄，係用料同火候控制得好。餡呢，我鐘意洋蔥同埋芫茜😀！洋蔥大粒、爽口、甜、又唔會太硬，口感同味道都好好；芫茜就滿佈豬肉餡，芫茜迷一家要試試🥳！湯呢，係雞、青紅蘿蔔湯，好有住家既感覺😎！最後，要講講佢地既芝士蛋糕！我地揀左個開心果味，幾正！開心果味好濃郁，入面係溶溶地既，口感同味道都非常好👍🏻！最後最後，呢個係我地食完既畫面，建議大家早d到或者…要有耐性！😜

呢間餃子店好出名，除左餃子餡多又juicy外，佢地自家手作芝士蛋糕都好好味。好多人都特登黎朝聖🥺>洋蔥豬肉煎餃：餐廳用左少見既紫洋蔥作為餡料，口感爽脆，甜甜地咁，配埋好juicy既新鮮豬肉，外皮煎到金黃色脆卜卜，咬落口都爆汁，簡簡單單咁都幾好味。>芫茜豬肉湯餃：芫茜控有福了！呢度既芫茜餃茜味好重，菜同肉既比例岩岩好，配埋冇味精既粉葛赤小豆湯，好似媽媽煮既味道咁😋>開心果芝士蛋糕：好香濃既開心果味，中間仲要流心🥰入口濕潤輕巧，仲要唔太甜，細細舊咁，食完餃子再食，都唔會覺得好滯。>麻辣豬肚：估唔到呢度既小食都唔錯，豬肚入口係滿滿既椒麻香氣，咬落Q彈有嚼口，如果怕辣仲可以叫少辣。>炸小雲吞：粒粒小雲吞炸到好酥脆，餡料唔太多，點甜酸醬食都幾開胃。>麻辣雞翼：雞翼係滷水雞翼，大大隻煮到軟淋入味，再淋上辣油，辣到好過癮。>蠔油生菜：每餐都要食下菜，咁大碟先20蚊，生菜幾新鮮，好抵食！熱飲：味道中規中矩，唔太甜。本身想食鮮大腸羹，點知夜晚7點幾去就賣哂，搞到我心思思再去食多次😩

呢一間深水埗嘅小店 無論係湯餃定煎餃 都好出色🤩全部餃子都皮薄餡靚🥟煎餃脆身 唔油膩～湯餃個湯都好清甜💕佢哋嘅日式手作芝士蛋糕都好高質 芝士味濃郁 食落仲非常之creamy 仲有軟心🧀