家嫂一家大小

營業中

休息中

食物仍保持好水準，更喜悅是招呼一流，很细心，工作人員笑容滿面，更為我們一一介紹用餐內容，更不用揚聲，隨時自動自覺為客人加茶水。不失家嫂稱號，是好優秀的家嫂😆老實說，實令我這名食客感受親切舒服，以這樣合理價錢，有好食物，好環境，好服務，真心推介所有朋友，最後，希望家嫂能繼續保持這樣好水準。（補充，食物味道好好，因本人所寫字數不達要求，所以不讓我評食物味道）

前菜有：酸菜魚 皮蛋 清酒煮蜆 三文魚頭 同encore咗3次嘅黑松露蝦多士🍤🍤🍤跟住就係打卡刺身船🤩有鮑魚 三文魚 生蠔 赤蝦 蟹 帶子全部都好新鮮！不過wasabi攻鼻咗啲大家食嘅時候要注意呀🤧然後係雞煲！同出面嘅唔同 相對冇咁惹味但啲雞真係好滑🤡登登登登跟住就係戲肉邊爐🫕我哋今次揀咗花膠湯底 要早一日留嫁🈯️嘢食嚟到幾乎唔使再嗌噉濟 因為真係好多 海鮮有珊瑚蚌 蟹 蝦 蜆 重有打邊爐唔少得嘅肥牛響鈴同炸魚皮 啲肥牛肥膏唔多重好濃牛味😍真係好幸福佢哋重有紅酒白酒提供 唔使額外收費嫁🥂醬料嘢飲甜品都係出面自取 佢哋好多自家製飲品 今次試咗薏米水 去下水腫🤏甜品有紅豆味榴槤味同芋頭味雪條 每個味都好好食 強推⭐️⭐️我哋幾乎一人食咗兩支以為噉就完？佢重有蕃薯糖水呀🍠🍯食到噉埋單每人都係$470連加一 講緊係除咗刺身其他嘢全部都係任食呀😱😱食到捧住個肚返屋企 唯有安慰自己咁多海鮮都係蛋白質嚟嘅🫢

食過一次家嫂已經回味無窮，真心正，無限時任食海鮮，仲要好新鮮，每樣都好食😆午市勁抵食$298都係任食，海鮮就冇蟹同蠔，少啲選擇但都好夠食了！大癲嘅係每樣都好高質好好食，超高性價比！一餐有齊小食，刺身(份量固定 冇得任食)，雞煲，火鍋，海鮮，甜品，自家製飲品/普通嘢飲🍴午市 $298 另收加一 11am-4pm🍴小食 (7/10)炸蝦多士，食都有蝦味，唔會好油膩，酸薑皮蛋正常酸酸都開胃嘅，有個南乳味嘅白菜雲耳豆卜普通啦，蜆肉鹹鹹地冇沙，仲有個麻醬青茄，正正常常！黑糖糍粑外脆內軟好煙銀，裏面有黑糖甜甜哋！🍴刺身 (7/10)大蝦都大隻爽口，魷魚有沙，吞拿魚普通有啲腥，北寄貝爽口，帶子厚肉 ，三文魚都係正常！🍴雞煲 (7.5/10)有花膠同埋雞肉，有啲葱同芫荽，雞煲醬汁嘅味道係鹹鹹地幾向後唔會辣，蜆冇沙，豬皮正常，啲雞肉有炒香過，都幾嫩滑！🍴漁民海鮮湯 (10/10)個湯底飲落超香濃蝦味，勁重海鮮香味，真係勁好飲！湯係可以直接飲用，入邊有啲絲瓜花膠枝竹蝦乾，真心同海鮮好夾！🍴海鮮 (10/10)有白鱔鮑魚海蝦珊瑚蚌魷魚，白鱔片好新鮮，有魚味又彈牙，珊瑚蚌好爽口，魷魚都好彈牙好新鮮！鮑魚都好大

上次喺度食完火鍋，一直念念不忘佢嘅點心。所以再次黎試佢既點心菜單，非常抵食，因為服務同食物都好高質，精品咁嘅呈現。但份量唔多，我女仔食都有啲唔夠飽。山楂沙拉骨：有少少太難咬，但係味道唔錯花膠雞湯餃：值回票價，食得出雞味同埋花膠，個湯好濃稠。馬友燒賣：食得出馬友嘅鹹香，幾特別花雕醉蝦餃：唔係好食得出花雕味，不過係幾鮮。燒鰻魚脆多士：個多士太出色，完全蓋過咗鰻魚嘅口感同味道，食咗落口都唔覺得食咗鰻魚，淨係有炸多士嘅印象。貴花蚌腸粉：呢個諗法幾特別，不過就有啲分離，痴唔到條腸粉裡面，麻麻地。

一個太趕的放題經歷😑，朋友在openrice睇到可以食3小時，所以經openrice book 位，點知一去到店員就講你哋係openrice book 位用餐時間只有2小時 5：00入座，7：00就要交枱人未齊就上魚生盆，小食盆，隨後上雞煲，食到一半店員就問要咩湯底，好快就將食淨既雞轉碟，咁就上湯底打邊爐，叫人點食吖😤😤？？店員仲要黑面，成日係枱附近行嚟行去，追住要收枱咁，太不自在啦😒😒每人消費$383，一般放題價，食材都新鮮既，醬料選擇多既，但自家飲品就麻麻地，罐裝紙包飲品種類少，到想再追加食物時，又無餐牌架😡😡

人均消費$383，一般放題價錢，食物質素正常，自家製飲品味道怪，罐裝及包裝飲品選擇少整體表現差👎🏻👎🏻👎🏻5點入座店員即表示經OpenRice 訂座的客人必須於7時交枱，隨即上刺身，小食…店員不時在幾張入座限時的枱附近表現得不耐煩。上了雞煲後不久便問火鍋湯底……雞煲食了一半店員便將剩下的放在碟上，急不及待上火鍋…好趕，好趕 **沒有餐牌提供給客人選擇可encore 的食物種類，要花時間跟店員玩問答遊戲**😠😠😠重點係店員服務態度差，有幾位店員連基本禮貌都無全程黑面😠😠😠

終於食到家嫂既手勢！同行5人，原來有個好處就係刺身有象拔蚌！第一次食唔知架步，原來佢上菜有一定嘅次序，首先前菜種類好多，最出色真係蝦多士，雖然我唔鍾意嗰個沙律醬😂但係都encore左！紅糖糍粑唔係度度有，而佢都整得非常煙靭，裏面紅糖好濃郁，所以都encore左！全部刺身都好鮮甜好肥美，最開心係食到象拔蚌好爽脆但係應該四人或以下無的。之後到雞煲，之前睇食評話麻麻哋，我又覺得唔錯，都幾入味。但我都係叫佢比少啲我哋希望嗱嗱臨食完食海鮮😂😂之後到海鮮部份！嗰隻鮑魚，估唔到咁彈牙，爽口！午餐係冇蟹嘅，而蝦非常新鮮！食物非常出色，自助區域飲品任飲、雪糕任食，性價比非常高。環境好闊落座位亦都好舒適，張凳坐得特別爽，傾偈一流。午市冇free flow，我哋自己帶咗幾支酒去，是影都好好免費幫我哋擺喺冰桶，仲要唔收開瓶費美中不足嘅係由於冇點餐只我哋都唔知有啲乜嘢可以點，只能夠每一次都麻煩侍應佢哋都好忙，我地有啲唔好意思，所以其實我哋都唔係encore好多嘢！下次齊人必定再encore 😋😋😋

前個禮拜五晚同舊同事食飯，舊同事食過呢間，話好正，超多嘢食，叫我哋一定要留肚，果然，d食物真係超大份量，食物好新鮮，特別魚生，整條船上，好壯觀，前菜》魚生〉雞煲》海鮮打邊爐，仲有榴槤雪條

以前食過幾次家嫂，包括副線嘅一家大小，都覺得唔錯嘅。但今次食落，除左感覺嘢食水準下降之餘（尤其小食同雞煲嘅味道差啲嘢咁），衛生情況都唔多掂，目測到嘅碗碟餐具都污糟到一個點，就算清潔過先用，一行8人有3人番去都肚屙唔舒服。另帶一提，以前不足90cm嘅小朋友免費，超過90cm嘅話都有小童價，而今次訂位時侍應只提及如小朋友超過90cm會照收費，去到先知原來依家冇左小童價了～ 懷念以前的家嫂～ 暫時都唔會再去了👀

今晚的飯局就揀此間啦百聞不如一見，一進去，地方挻大，周圍已坐滿晒人，環境整潔寬敞好坐，溫馨的氣氛倍感親切。自助區飲品超多款式 任君選擇前菜精緻多款的小食已令人大開胃口刺身船果然够晒特色，打卡也非常一流，有三文魚，油甘魚，帶子，冰鎮鲍魚，象拔蚌，八爪魚，甜蝦等，味道鲜甜。雞煲叫左BB辣，味香肉嫩滑，仲加入蜆同豬皮，煲耐小小索晒d雞汁，更入味。海鮮火鍋好豐富，有鮮蝦，蟹，珊瑚蚌，貴花蚌，廣島蠔，鮮鱿，肥牛，手打肉丸，蝦丸，炸魚皮，多款蔬菜。最正係鮑魚，隻隻都生猛超新鮮。

一行7人星期二7:00 入座，因為佢喺無限時，可以唔洗食到咁趕。一座低，有好多小食，都好味嘅侍應姐姐會問你，幾時上刺身/雞煲（咩辣度）食完再會問你有冇需要 refill, 你話唔需要，佢會幫你上邊爐。上邊爐，之後佢上埋海鮮一埋嘢蟹：勁水、蝦/蜆：正常，鮑魚：新鮮仲郁，聖子：超薄，蠔：超級冰，魷魚：都唔錯，鱔條：有啲娒，或者係叫淋，總之唔係新鮮豬/牛肉：正常普通嘢咁都無問題，之後食到大概8:45，再order 貴妃蚌、珊瑚蚌已經話無晒，感覺好味嘅就已經無晒，中途你要留意「酒」車行過先有紅、白、清酒飲，香檳喺要另收錢嘅。食到9:30 佢已經叫你埋單，但你可以繼續坐嘅埋單時問你要唔要糖水，我哋跟手落咗3份，點知仲未嚟？再追問時，另一個侍應話，已經 last order 無得叫嘢食。仲留咗肚食蝦多士等前菜、簡直晴天霹靂我話無人講嘅？咁之前落咗order啲糖水呢？侍應話：無晒啦，之後就走咗去最後坐到10:30 侍應們都開始叫客人離開。總結：熱盤喺好味嘅、雞煲都好味。刺身新鮮（但無得encore)，邊爐部分，如果你係食肉獸，未必岩你。呢間嘢始終賣花巧多啲。而且佢好似無menu㗎，有咩嘢食，有咩可以

朋友請食生日飯，見到網上介紹，覺得價錢及時間長，可以一試！唔知點解入到店內覺得有啲腥味，可能每枱都有刺身送…但未必全部好新鮮！有雞煲任食，但一定要食完雞煲先可以開始打邊爐 🍲，因為同用一爐，所以雞煲就算任食，都唔會食太多，打邊爐的食物都是一般，沒有太大驚喜😋，飲品都有多選擇，但甜品就沒有太多選擇。不過如果用$2XX 可以食到咁多款食物都是合理的，但如果對食物有高質要求，這間未必適合大家。因為是朋友請客的，所以最後未知每位價錢。

好耐冇去旺角探家嫂，原來尖沙咀都有一間，不過多咗一家大小，一上到去咁暗嘅😬，店員帶路，越行越入🚶‍♀️唔係要帶我哋入廚房呀嘛❓️ 原來最尾有間房仔，只能容納一枱，唔錯噃，靜靜哋，店員都好照顧我哋，不時入嚟招呼，值得一讚🧡🧡🧡，服務態度比旺角店好得多了🌟自助區有多款特色飲品，當晚仲有鮮榨西瓜汁，正呀😍，而紅白酒有專人同你斟，唔使驚手震🍷🌟刺身拼盤(一次性）淨係打卡都值啦📱每款刺身都好新鮮 💯🌟小食 螺肉、黃金翠玉瓜、酸菜魚，紅糖糍粑及蝦多士，只有蝦多士稍為突出，其他平平無奇，注意只要火鍋未上，小食都可refill🌟雞煲一直覺得雞煲係佢哋嘅弱項，即使尖沙咀店都一樣，硬係d雞唔入味😞🌟海鮮拼盤大部份都可追加，當日d蜆唔係好新鮮，滾極都唔開口，反而鮑魚最新鮮👍🏻🌟老火湯底點解無咗宮廷鍋🥺？先飲啖湯，同旺角店有一段距離，飲一碗夠了✋🏻🌟火鍋配料牛肉➡️任食質素嚟講算唔錯，唔係下價肥牛❤️手打丸➡️唔夠彈牙餃子➡️韭菜餃唔錯💜蔬菜➡️有幾款菜，樣樣試d，食到呢度大家都好飽，投降👐🏻💁🏻‍♀️如果未嚟過，可以一試，唔會失望，但我哋幫襯過好幾次，確係每況愈下，尤其小食及海鮮類

難得疫情過𢓭，現在復常，Hello Hong Kong，終於可以約埋班舊同事出嚟歡聚狂食啦 👍🏻因為之前有試過家數一家大小金馬倫道舊分店，十分之欣賞，所以再試一試尖沙咀新分店，因為最出色嘅係一嚟到可以有不同的小吃選擇，然後就有一盤長長的刺身船，然後再食雞煲，最後就當然係打邊爐啦。今次我哋有六個人，所以有一盆長長的刺身船，有七種不同的刺身和一板海膽，刺身算是新鮮的，海膽算甜，我們都很滿意的。飲品種類都算多嘅，但係我比較喜歡佢嘅特飲——蜜桃梳打。之後就係叫咗BB 辣嘅雞煲，因為我哋唔食得太辣，估唔到豬皮夠味，雞好滑，仲要可以不停加雞。我哋已經食到半飽，豬牛嘅種類一定冇出面嘅火鍋店咁多嘅，肉嘅選擇就普普通通啦，但係佢有一款三色手打丸，蝦和鮑魚都好新鮮，大硯都好好食🤤 記得原來要佢招牌湯底原來要預訂….總括而言，係值得去嘅，佢性價比係高嘅，我會再幫襯的。

難得疫情減退，終於可以約埋成班同事出嚟喪飲喪食啦🤣今次來任食打邊爐，基乎所有野都係飲食，除左魚生。首先前菜我覺得皮蛋最好食，黑松露蝦多士都唔錯。之後來隻超大嘅魚生船真係好震撼，好吸睛🤪大家都忙於打卡😅魚生有成10款都好新鮮⋯⋯接住來嘅雞煲我地揀左bb 辣都好適合我。豬皮夠味，雞都好滑。其實食到呢度都飽飽地，所以反而覺得打邊爐就普普通通🤔⋯⋯記得原來要佢招牌湯底原來要預訂，海鮮拼盤沒想像咁好食，不過最勁就係海鮮類都可以無限添加🥰大滿足嘅晚上😊