家嫂一家大小

營業中

休息中

難得一次約齊人食飯，諗住揀間餐廳可以邊食邊傾計，無想到咁既價錢既餐廳，居然會有澳牛既體驗！約左7點半到餐廳，一去到職員已經同我講，9點半last order , 十點半清場，當下都未有當一回事，心諗好多餐廳都會咁講定。人都未齊，職員就上左小食，我個時心諗，都好好服務，點知職員之後不停問我地齊人未，話要盡快上刺身，話怕我地唔夠時間食，咁我咪叫佢照上，邊食邊等、點知上左無耐，刺身都未食晒，佢又走過黎問我地食完未，話要上雞煲wo, 有無搞錯，好趕時間收工？我地叫佢等等先，佢每過十分鐘又入黎問多次，我地頂唔順佢煩，於是叫佢將啲刺身攞走， 俾佢上雞煲，心諗佢應該唔會再入嚟煩我哋啦，點知雞煲啱啱講咗食咗半煲都未有，職員又入嚟問我哋食完雞煲未，話要上火鍋，如果唔係驚10:30交唔到場，難得約朋友食飯都係想吹吓水傾吓偈休息吓啫，使唔使不停咁催我哋呢？我哋最後雞煲換小碟，跟住佢上左個火鍋，但佢冇問我哋要咩火鍋料，就自己攞左一堆過黎，之後都估到就係每隔幾分鐘就會入嚟問有冇嘢要啊，有冇嘢要加啊，話就嚟9:30啦，最誇張係好不容易終於都到咗10點，跟住佢居然居然不停攞個好大嘅垃圾桶入嚟係咁執我哋枱上面嘅嘢，完

🇭🇰Hong Kong - Tsim Sha Tsui📍家嫂好耐無食過啲任食火鍋放題，因為胃口比較細就唔會選擇去食呢啲。最近同屋企人經過尖沙咀，唔知食乜好屋企人就話去食「家嫂」。一開始以為係小炒店，去到原來係任食放題。成個放題有別於平時食嘅放題，係好有順序。由小食>刺身>雞煲>火鍋，一開始啲小身有好幾款，最中意就係個辣菜脯同紅糖糍粑，呢款又係中間流心出黎。仲可以無限Refill。之後刺身，但刺身就無得Refill，普普通通無太大好食唔好食，但唔會有雪藏味同都幾厚身。再黎雞煲，實不相暪去到呢度已經開始覺得有小小飽。雞煲揀咗小辣，嚟到辣味唔會話太辣而佢個辣唔係麻辣個種。味係唔錯但如果佢係出邊個款麻香會更好食。終於嚟到最後，打邊爐。揀咗花膠湯底，好香濃亦都好足料。落單時店員就問我地有無訂，但好好彩仲有貨所以可以食到，如果你都想試呢個湯底可以Book枱時Mark埋。一開始會confuse，因為佢唔似平時打邊爐咁有order紙到有咩食，就係佢上乜你食乜。但會有得Refill。整體而言，都幾好食好適合聚會去食。因為你人多啲有啲野食種類都會多啲。另外，呢間店嘅服務好似內地火鍋

響飲食平台不斷都有提及呢間家嫂一家大細火鍋 ,尤其是火鍋佢係無限時,所以決定今晚同家人慶祝生日試下踩場😋入到嚟環境非常優雅走中國風 , 入座後職員就放下幾點𠮩𠹌前菜,例如有蝦多士, 花生辣菜脯,皮蛋酸薑 ,黑糖糍粑等等 。之後再來一條需要兩個職員台上枱嘅刺身船, 場面非常震撼加上煙霧瀰漫增加食慾,打咭一流,而職員亦好專業幫大家影相😂刺身船裏面材料亦非常豐富, 我大概只記得有甜蝦 帶子 三文魚 吞拿魚 鮑魚 及海膽(附上紫菜)等等... 刺身材料非常 新鮮,唔似一般日式放題 貨色!另外再來一個雞煲 ,打開蓋之後原來係非一般嘅雞煲,裏面除咗滑雞之外還有卜卜蜆及豬皮 ,豬皮出奇性係彈口的 ,(雞煲是可以免費追加的)嘆完雞煲之後就開始火鍋,我哋揀咗個椰子水湯底 ,水滾後先來一口靚湯 ,之後海鮮放鍋上 ,海鮮亦非常之多種類, 因為太多不能盡錄,我淨係記得都係有海蝦 鮑魚 蜆 東星斑 脆蟮片等等。 之後再來一個擺得非常之精緻好似盆栽一樣嘢雜菜盤, 以及 三色丸 黑豆腐竹 以及 份量非常多嘅 炸魚皮,佢仲係用個 雀籠包住 ,噱頭十足。 而肉類雖然佢只得肥牛或豬肉片選擇 ,但係質素都唔算太差,當然唔可

🍽️ 環遊海鮮火鍋放題 $312超值午市放題👍🏻 包季節當造刺身、中式小食、蔬菜🥬、極上牛肉🐮、豚肉卷🐷、雞煲🐔、海鮮🦞 食完一定飽飽☺️ 餐廳嘅醬料同飲品都好齊全🤩

真係一間無得輸🎖的家嫂一家大細，任飲任食嘅海鮮火鍋放題🥘！兩次來到都係平日中午，呢個任食火鍋放題星期一至日的最新價錢是每人＄312（再加一），除了食火鍋外，眼見酒樓其餘食客，多數叫點心套餐，因為見到散叫點心的價錢偏貴，下次再來試點心套餐！細細餐廳環境整潔寬敞好坐，溫馨的氣氛倍感親切🥺。裝修和陳設柔合中西風格🎋🎎，讓人感到一份優雅舒服感覺，用餐區劃分了不同的小區域，侍應按不同的食客人數，安排坐那位置，餐枱與餐枱間也有一定的距離，私隱度不錯，坐得十分舒適。我地一大班人去到仲俾左間房我地坐，我們剛坐下未人齊，女侍應已經主動熱情招待，她們都笑容滿面😄，對答如流，像是久經訓練，向我們講解在這裡食火鍋的流程📃。客人是不用自己手機落單，要侍應用手機落單📱，除可增加侍應與食客彼此的交流💬和互動🤝外，更重要的是，食材按入座人數落單，不會浪費食物，侍應上菜的速度很流暢，上枱的每一款食物賣相也很精緻🥰，放食物的器皿亦很講究，讓食客感受到酒樓老闆用心經營❣️。 大堂中央，放了超過10多種各式各樣的醬油，排列整齊有序，除咗既定嘅豉油、蔥、蒜🧄、辣椒粒🌶之外，仲有幾款自家調配嘅醬料🧂，自己中意加咩就加咩。之後趁機看

呢間好嘢引我可以打咁多字….星期六假期中午時段,$312有這質素嘅食物係唔錯嘅（牛肉除外,我平時都好怕浪費食物,但係今次真係食唔落）,服務就真係可以有好大大大改進,你同佢講嘢同佢接收嘅程度,就好似覺得同一個鬼佬講中文咁,一開始上小食刺身,兩樣都唔錯😛然後食雞煲嘅時候同我搞咗一輪,計好時間開蓋叫我食,一口咬落去有雞血,fine,小事,自己閂返個蓋煲多陣,嚟火鍋配料,佢話每一樣Menu嘅嘢全黎一次先,唔夠之後再叫佢order,一開始有一籠嘢,下面響鈴，上邊炸魚皮,個炸魚皮份量係平時去食雲麵六碟左右嘅份量,我同佢講我兩個人可唔可以攞返走一半食唔晒嘥晒,佢答:食唔晒由佢啦然後閃咗😨(你老闆真係多謝晒你)食完打邊爐換椰子湯,放幾舊海鮮落去都未夠5分鐘,佢揸住一壺湯走來幫我加,已經唔想俾佢加同佢講夠啦,又係同鬼佬講中文,佢同我成壺車落晒成個煲滿晒然後閃,未食已經有少少火，即時叫佢攞個大碗過嚟,我逐羹裝返出嚟,竟然裝滿咗個碗仲剩返一大半, OK,加海鮮啦,order多一盤海鮮佢又話公司規矩要逐件叫,阿姐,我逐個item叫返出嚟同你落有咩分別？OK我逐樣同佢講返,佢有懶係有係逐樣落,出到嚟又唔啱ite

要吃家嫂的話，請務必提早一星期book！打邊爐+雞煲+海鮮+自家茶放題，選項非常多樣化，海鮮及食材也很新鮮，讓顧客可以根據自己的口味和喜好來選擇食材。也有職員推車仔，酒也是任飲的！首先，這家餐廳的湯底非常出色。必嗌的是花膠湯，早一天職員會聯絡，需要提早留湯的。也可以提早預訂海鮮。其次，這家餐廳的海鮮選擇非常豐富。他們提供新鮮的蝦、蟹、貽貝、魚等等，值得推介的是任嗌的鮑魚和蜆，蜆非常非常之鮮甜，湯底也昇華了不少。此外，這家餐廳的服務也非常出色。服務員態度友好。並確保每一位顧客都能有一個愉快的用餐體驗。而且，他們的服務速度也非常快，確保顧客能夠及時享用到美味的食物。總的來說，雞煲海鮮打邊爐放題是一家非常值得推薦的餐廳。他們提供多種湯底和海鮮選擇，讓顧客可以根據自己的口味來選擇。而且，他們的服務也非常出色，讓顧客有一個愉快的用餐體驗。如果你喜歡海鮮和打邊爐，這家餐廳絕對是你的不二之選。

今次一行十幾個好耐冇見嘅朋友約食飯，其中一個好快就提議食家嫂一家大細，果然無介紹錯！！是間好西🥰❤️之不過，如果你同我一樣係雀仔胃，咁就唔建議嚟呢間餐廳度食啦，因為你會好蝕底😂😂😂🛶刺身船🔥🔥🔥🔥印象中好似有蟹、油甘魚、鮑魚⋯⋯鮑魚佢幫我哋切咗一半咁我哋就每個人都可以分甘同味啦！其實隻刺身船都係俾我哋打吓卡，基本上每人食兩舊就已經想佢拎走佢😂😂不過！！都叫做幾有鮮味，唔似其他連鎖放題，又薄切又唔新鮮🤦🏻‍♀️🤦🏻‍♀️🐤雞煲🔥🔥🔥中規中矩啦，煲入邊除咗雞件好似仲有豬皮，我啲朋友幾中意食！🍲任食海鮮火鍋🔥🔥🔥🔥重頭戲就係個任食海鮮火鍋，最鍾意就係食貴妃蚌，不過好快就無晒了！下次早啲嚟嘅話要提自己快快手清晒前面嗰啲嘢，就開始打邊爐咁就可以食晒所有貴妃蚌落肚啦哈哈！鮑魚相比起其他海鮮就冇咁新鮮，我同另一位朋友都夾到一隻係臭嘅🤦🏻‍♀️🥥椰皇燉雪燕🔥🔥🔥🔥🔥朋友話呢一個甜品係要去之前就要預先嗌定！本身都係跟大隊一齊食下，點知原來是好L正的！！雪燕下面就係蛋白，然後好食到我用匙羹刮起晒側邊嗰啲椰肉！可以嘅話我下次會食兩盅

📍#尖沙咀 #火鍋 任飲任食火鍋！海鮮都任叫，啲貴妃蚌 蠔 蝦 飽魚都好大隻同任食！鮑魚仲郁！！又有一round刺身！但小心一開始比啲炸嘢小食整飽左！ 肥牛同肉就失色啲，好肥同得一款！酒水都任飲，有紅白酒清酒！ （又要努力減肥了🥲）👅：🌟🌟🌟🌟 花膠湯底堅有好多花膠！丸既選擇唔多！💺：🌟🌟🌟 好似幾難book, 預早兩星期！💸：🌟🌟🌟#foodie #hongkong #hkig #hkiger #hkigers #foodiehk #hongkongfoodie #foodlover #foodporn #foodig #hkeat #hongkonger #feedme

呢間餐廳其實想試好耐，咁啱朋友都想試就太好了。因為呢度人均都要$470。 不過試完覺得對得住價錢嘅。一嚟就上個刺身先，都有6款咁多而且舊舊都厚，鮮度都可以，另外有d前菜：花生菜莆、金錢肚、螺、蜆。蝦多士還好，唔夠脆紅糖糍粑都ok，但如果夠熱就正雞煲有得refill，不過未好食到想refill。叫咗bb辣但出到嚟係小辣同bb辣中間。終於到打邊爐環節，叫咗椰子湯，飲落清甜，野食煮完都帶有湯底甜味，唔點醬都夠味。呢個真係海鮮大餐嚟，勁多款海鮮，有蝦、沙白，蝦膠冬菇、蠔、珊瑚蚌、扇貝、脆魚鯇。係幾新鮮，特別欣賞珊瑚蚌同脆魚鯇，食落好爽。 蝦就大隻唔梅算唔錯。另外仲有蟹，部份有少少膏。但係冇鉗食蟹增添咗難度。蟹嘅下面仲有鮑魚同象拔蚌。想講d鮑魚都幾新鮮仲生勾勾。除咗海鮮都有牛肉同豬肉，同埋炸魚皮。佢一開始問要牛定豬，仲以為二揀一，食到好後來佢地問要唔要豬，先知可以要埋😂😂😂另外仲有雜菜盤，同埋一個三層架，內有韭菜同芥菜餃，腐竹同幾款丸。餃唔錯，丸就正常但係右邊嗰款綾魚丸少腥。最後仲有碗蕃薯糖水，勁飽。除咗人頭計嘅是日糖水，外面仲有雪條拎。飲品方面都幾用心，有竹蔗茅根、西瓜汁、紫貝天葵、鮮橙綠茶呢

一開始係比個刺身船吸引咗，諗住生日食飯影張卡都靚啲，點知原來四個人係冇隻船，亦都冇海膽，刺身只會上一轉（呢個可能之前冇睇清楚）。點解覺得少少中伏？可能我哋一心諗住打邊爐，坐低之後佢地已經自動幫我哋點左有啲飽肚嘅前菜、小食，仲有一整個雞煲（唔好食的）同埋個刺身拼盤，印象中兩個鐘頭食嘢，淨係食呢啲都冇咗一個鐘。前菜、小食、雞煲食完咁多嘢其實已經飽咗一大半，跟住佢就上左盤預設咗嘅海鮮同埋一啲打邊爐食品。啲海鮮算係同預計差不多，但係個珊瑚蚌食落個味道同口感怪怪地😅至於其他打邊爐食品就好普通，本身都冇乜太大期望，但係啲肥牛太過肥瘦分明就比較失望。

第一次去食呢間雞煲火鍋放題 -- 家嫂一家大小。一坐低，好有禮貌咁介紹一次點樣食同有咩食~~頭盤係刺身（但刺身係冇得再落單的）。雖然冇得再落單，但好好食同好新鮮👍🏻👍🏻。之後就係啲小食，蝦多士同個黑糖炸物（唔記得叫咩名）係超好食！！特別係炸黑糖糯米糍，正正正👍🏻！然後就上個月疾煲喇，雞煲有辣有唔辣，任君選擇~ 😃我哋揀咗唔辣，味道方面就不過不失啦~ 跟住就上咗個火鍋，揀咗椰子湯底，清甜夠味好飲👍🏻👍🏻！仲有時令海鮮：蠔、蚌、鱔、魷魚、海蝦、花膠等等...食食下之際，侍應突然問我哋要唔要鮑魚；話係啱啱返咗貨😲😲！！叫咗嚟食，真係新鮮㗎！！除唔時令海鮮，仲有肥牛同蔬菜，若果唔食牛可以揀豬，若果兩樣都食，可以食完一樣再嗌另一樣㗎😃😃。食到呢度，只係所有嘢食咗一round ，個肚已經....打爆咗...😋😋好飽...甜品就係雪條，出面任揀的。飲品唔止係汽水，仲有竹庶矛根水、桂圓紅棗茶等等...對於唔太好汽水嘅朋友，有好好嘅選擇。佢哋嘅店舖裝修、食具同服務都好有驚喜，火鍋用嘅“架撐”都好貼心~~價錢又唔太貴（午餐$312 一位加一），重可以坐3個鐘慢慢食，性價比高吖👍🏻👍🏻👍🏻。

小數高質任食火鍋💛💛💛家嫂一家大小(尖沙嘴）火鍋(部分海鮮同食材可以無限refill)牛豬雞，海鮮有鮑魚、廣島蠔、珊瑚蛘、蟹、貴妃蚌、生蝦etc。刺身船(不能refill)刺身船有乾冰造出煙霧效果，刺身船上有生蠔、甜蝦、八爪魚、三文魚、帶子、飽魚etc，幾新鮮。雞煲(可以無限refill)雞煲叫咗BB辣，味香肉嫩滑，加入咗蜆同豬皮，索晒d雞汁，幾入味。💰💰💰人均消費 ～$480💰💰💰

〰️火鍋放題 （$428位）首先上三文魚、八爪魚、北寄貝、蝦等等。之後有六個小食，松露蝦多士、紅糖糍粑、胡麻茄子、酸菜魚等等。小食無咩話好特別，建議唔好食太多。留肚食之後嘅野食感覺仲抵！🤣（因為我哋就係開頭食得太多，之後到後面勁多野都食唔落🥲）之後上雞煲，雞入味，略厭唔夠辣。🤣仲有豬皮，愈煮愈好食，可以再添。食完雞煲開始飲湯再打邊爐lu，湯底揀左養生花膠菌香湯鍋。由茶樹菇、姬茸菇、花膠、無花果熬成。呢個湯底勁濃味，想要呢個湯底記得要預留～😝之後嘅重點係海鮮到。種類多又新鮮，蟹爆哂膏，鮑魚大大隻。不過貝類有啲仲有少少沙。：（另外仲有手打丸、餃類、牛肉、響鈴等等。連菜都放到勁靚，成束花咁。😂最後仲有個蕃薯糖水，薑味略重，冬天食應該一流。〰️象拔蚌刺身 （$288）呢個都係要預訂，一隻一斤半左右重。有切片同切條，口感大不同，但都一樣好味。😝〰️〰️📍 家嫂一家大小 (尖沙咀)尖沙咀堪富利士道8號格蘭中心3樓

我一向都唔太喜歡星期六出街食飯，特別多人幫襯我食店。這家店我第二次來，第一次是平日晚上，今次是昨天晚上。都知道會好多人，但冇諗過食每樣嘢都要趕快食完比員工收嘢再上另一度菜。例如，食前菜時員工問過好多次齊人未要想刺身。跟住食刺身員工又問幾次食完未要上雞煲。食雞煲又係問幾次要上邊爐鍋。成晚都俾人吹住快d食。食得好有壓力。當然員工都是很有禮貌的詢問，但最終食客食得咁趕又有壓力，為乜呢？我約朋友出街食飯是為了放鬆及開心，但昨晚真是比唔到這些感覺我囉。。。p.s. 幫襯過兩次已經足夠，兩個唔同嘅感受！