影片
更多
2023-06-01
756 瀏覽
食過一次家嫂已經回味無窮，真心正，無限時任食海鮮，仲要好新鮮，每樣都好食😆午市勁抵食$298都係任食，海鮮就冇蟹同蠔，少啲選擇但都好夠食了！大癲嘅係每樣都好高質好好食，超高性價比！一餐有齊小食，刺身(份量固定 冇得任食)，雞煲，火鍋，海鮮，甜品，自家製飲品/普通嘢飲🍴午市 $298 另收加一 11am-4pm🍴小食 (7/10)炸蝦多士，食都有蝦味，唔會好油膩，酸薑皮蛋正常酸酸都開胃嘅，有個南乳味嘅白菜雲耳豆卜普通啦，蜆肉鹹鹹地冇沙，仲有個麻醬青茄，正正常常！黑糖糍粑外脆內軟好煙銀，裏面有黑糖甜甜哋！🍴刺身 (7/10)大蝦都大隻爽口，魷魚有沙，吞拿魚普通有啲腥，北寄貝爽口，帶子厚肉 ，三文魚都係正常！🍴雞煲 (7.5/10)有花膠同埋雞肉，有啲葱同芫荽，雞煲醬汁嘅味道係鹹鹹地幾向後唔會辣，蜆冇沙，豬皮正常，啲雞肉有炒香過，都幾嫩滑！🍴漁民海鮮湯 (10/10)個湯底飲落超香濃蝦味，勁重海鮮香味，真係勁好飲！湯係可以直接飲用，入邊有啲絲瓜花膠枝竹蝦乾，真心同海鮮好夾！🍴海鮮 (10/10)有白鱔鮑魚海蝦珊瑚蚌魷魚，白鱔片好新鮮，有魚味又彈牙，珊瑚蚌好爽口，魷魚都好彈牙好新鮮！鮑魚都好大
一餐有齊小食，刺身(份量固定 冇得任食)，雞煲，火鍋，海鮮，甜品，自家製飲品/普通嘢飲
🍴午市 $298 另收加一 11am-4pm
🍴小食 (7/10)
炸蝦多士，食都有蝦味，唔會好油膩，酸薑皮蛋正常酸酸都開胃嘅，有個南乳味嘅白菜雲耳豆卜普通啦，蜆肉鹹鹹地冇沙，仲有個麻醬青茄，正正常常！黑糖糍粑外脆內軟好煙銀，裏面有黑糖甜甜哋！
🍴刺身 (7/10)
大蝦都大隻爽口，魷魚有沙，吞拿魚普通有啲腥，北寄貝爽口，帶子厚肉 ，三文魚都係正常！
🍴雞煲 (7.5/10)
有花膠同埋雞肉，有啲葱同芫荽，雞煲醬汁嘅味道係鹹鹹地幾向後唔會辣，蜆冇沙，豬皮正常，啲雞肉有炒香過，都幾嫩滑！
🍴漁民海鮮湯 (10/10)
個湯底飲落超香濃蝦味，勁重海鮮香味，真係勁好飲！湯係可以直接飲用，入邊有啲絲瓜花膠枝竹蝦乾，真心同海鮮好夾！
🍴海鮮 (10/10)
有白鱔鮑魚海蝦珊瑚蚌魷魚，白鱔片好新鮮，有魚味又彈牙，珊瑚蚌好爽口，魷魚都好彈牙好新鮮！鮑魚都好大隻好爽口！
🍴丸類 (7/10)
墨魚丸手打嘅有馬蹄墨魚碎粒，幾好食！鯪魚球有少少白胡椒味，同平時食嗰啲鯪魚球好似！豬肉丸正常，彈牙但好重薑味！
🍴餃子 (7/10)
白菜雲吞皮？室內好爽口，真係冇乜肉嘅。韭菜餃都係剩係得韭菜好爽口！
🍴肉類 (7/10)
牛肉片，普通牛片都有牛味！豬肉片都正常！
🍴嘢飲 (8/10)
蘋果雪梨比較清甜，又蘋果同雪梨嘅味道，都係比較清淡啲，帶少少微酸。紅棗桂圓好香甜嘅桂圓味道，感覺好補身！
🍴甜品 (7/10)
芒果玫瑰啫喱，啫喱味道好淡，芒果好香甜，桃肉就係普通蜜桃罐頭，正常！仲有其他雪條選擇！
推薦指數: 9/10
可能係香港最高質好食嘅海鮮邊爐放題，質素同出面好多自費又貴嘅差唔多，所以係勁抵食！餐廳接受電話booking，OpenRice 好似要比訂金，真心大推！
張貼
