家嫂一家大小

營業中

休息中

同朋友夜晚BOOK左位黎呢到食,一入到去已覺得環境好舒服,任食既打邊爐一般都好迫,仲好勁蒸氣,食完個身會成浸味,個頭又笠。家嫂環境真係好好,我地一行三人,三個都係肥婆但位置好闊落,坐既SOFA同凳一樣舒服,枱同枱之間吾係好貼個種,傾計好舒服黎到會有員工幫你安排好哂食物同次序, 6道小食都好食,之前係刺身,雞煲,再打邊爐,出菜時間剛剛好話說佢雖然樣樣每樣一人一件,但係3個肥婆    一路食,雞煲冇加過單,邊爐佢安排左一轉野食落黎.我地都食吾哂但佢個D餃好食同蝦好新鮮好好食,牛就不過不失拉. 野飲好多都係自己整類似果茶薏米水等,都吾錯調味料個部分不得了,有差不多20款,仲有好多出邊冇既好似XO醬,多種吾同辣椒,埋單12XX,呢個價錢好值得再去 附責我地張枱既姐姐好NICE好WARM,真係好有家嫂既感覺

初次到訪，食物質素一流，刺身真係好新鮮，而且好多款，油甘，帶子，三文魚，北寄貝，鮑魚，甜蝦，八爪魚，章紅...基本上每樣都好新鮮，另外加左$280叫左象拔蚌，呢個反而唔覺得好好食，唔夠鮮甜火鍋配料都一樣好多，都好新鮮嘅，可以再加的，不過真係好夠食😅呢度首先食刺身，之後雞煲，之後再打邊爐😅好忙佢有好多飲品揀，花茶，清熱飲品任飲，紅酒，白酒每晚出來四次，每人一隻杯，當然唔好要求咁高啦1830坐低，我地人未到齊，阿姐姐提我地時間緊迫，要快啲點嘢食，話2130已經差不多執枱😅😌咁真係未到齊都無計... 其實真係好趕，做好多嘢，好忙，阿姐姐提左我哋好多次夠鐘😑我個人好唔喜歡，所以下次都係食其他火鍋算，起碼無限制，先可以享受食物同埋同朋友傾到計😌🤷🏻‍♀️$385一位未計加一

餐廳環境： 餐廳環境很寬敞，面積很大，見到有獨立間格和獨立房間， 很適合一班朋友聚會， 座位亦不會太狹窄 ，餐廳環境都算乾淨， 可惜洗手間一般。食物質素： 食物會有先後次序上枱， 首先會有些小食和冷盤， 有蝦多士，雞絲粉皮，麻辣菜脯花生等等 ，小食質數很好， 可以無限refill 。食完小食和冷盤後會有一條刺身船， 每天刺身會有不同， 當天我們有鮑魚，三文魚，甜蝦，長腳蟹，帶子，劍魚， 八爪魚還有兩碟漬物， 所有刺身都非常新鮮，尤其是帶子非常厚肉， 可惜刺身船仔只能食一轉不能refill。 然後他們會上雞煲，雞煲可選辣度， 雞肉嫩滑不會過鞋，亦有專人姐姐幫你。火鍋配料，食完雞煲後會選擇一個湯底然後打邊爐， 謝謝推介花膠湯， 可以先飲一碗湯之後才打邊爐，湯底非常清甜，我們每人飲了兩碗， 火鍋配料推介手打丸， 另外有海鮮當天我們叫了蟹蝦蠔鮑魚這些以上都可以 refill，牛肉亦是不錯的選擇， 略嫌豚肉切得太厚身， 其實食到火鍋已經飽了七成， 他們還有很多特色飲品都值得推介。服務質素： 當天負責我們的姐姐服務非常之好 會週不時給我們換乾淨嘅碟， 會定時詢問我們需要加食物嗎， 非常良好的服務態

家嫂評分：🌕🌕🌕🌕🌑阿嫂係一間餐廳係可以同事去食到魚生打邊爐同埋雞煲🥘🥘🥘。人均價錢大約四百幾蚊，當中餐廳嘅魚生新鮮，如果有五個朋友以上一齊食，就會有一盤魚生船，魚生船包括新鮮嘅魚、鮑魚、螺、蝦，食材新鮮以唔會太過量， 食到舔舔脷！😋除咗魚生之外，呢間餐廳呢會推介係佢嘅花膠湯，花膠湯就會係食完雞煲之後呢就會提供嘅花膠湯底，花膠湯底濃郁，花膠軟熟都拎個嘴會癡立立， 滿滿嘅骨膠原！另一方面打邊爐提供嘅食材亦係自助形式，可以自選嘅食材種類繁多， 首先海鮮類包括左鮑魚、 聖子、魚蝦蟹， 仲有其他唔同類型嘅火鍋配料包括三色丸、豬牛羊🥩🍖🍗，食到超飽！飲品方面亦都唔使額外加錢， 包括竹蔗茅根同埋唔同嘅果汁，唔使驚食到口乾～

有朋友生日，又想坐吓傾吓計，食耐啲，而且食物種類超多，時間又可以由5:30食到10點，於是早半個月就定咗呢間慶祝生日🎂一出lift就見到自助醬料吧，自家製醬十多種。飲品都係自家煲製嘅，實有一款啱你口味一坐低店員就上左啲小食俾我哋，小食選擇很多，個人認為食少少就好，因為好戲在後頭。食完小食就上刺身，成隻刺身船長過張枱，件數跟人頭計，可能人多轉流快，所以刺身都很新鮮。食完刺身之後即刻上雞煲，如果唔夠食仲可以無限添加，食到夠為止。食完雞煲，馬上就上海鮮。海鮮多品種有龍躉、鮑魚、珊瑚蚌、魷魚生蠔，另外仲有我冇影相嘅膏蟹同大大只貴妃蚌，見到咁多海鮮真係有些後悔之前食得太飽。加上各種各樣的配菜，雖然已經飽咗，但都忍唔住即刻再淥啲海鮮嚟食。我叫咗嘅係老火湯煲花膠，店員叫我哋先飲湯，湯底濃郁鮮甜，我們飲完湯之後佢再加清湯俾我哋打邊爐，叫咗幾轉海鮮之後，個個都捧住個肚已經飽到食唔落，總括嚟講呢間性價比超高👍

火鍋以外的推介 - 午餐特色點心我哋今日去尖沙咀家嫂吾係食火鍋放題，原來呢度lunch 有特色點心食，全部都睇得又食得，賣相很精緻：* 金魚🐠餃 - 即蝦餃，用乾冰上，仙氣非常，大大隻，皮薄餡靚👍🏻* 生拆蟹肉🦀小籠包 - 讓客人用試管把醋灌入小籠包內連湯享用* 松露如意水晶餃 - 很香松露味，一樣皮薄餡多麻辣🌶菜甫小粉果 - 小小麻辣加香脆菜譜粒，非常惹味* 蘿蔔🥕千絲酥 - 又薄又脆皮內包了很多蘿蔔絲，外脆內軟，配上椰菜絲及青瓜，還有伴菜-紅酒蕎頭😋* 南美麒蝦🦐蘿蔔糕 - 麟蝦煎得脆卜卜，加上多多蘿蔔絲👍🏻* 軟殼蟹🦀腸粉 - 果然係即做點心，軟殼蟹卷上腸粉還是脆脆的😋* 羊肉羹 - 做法和蛇羹相似，咁多材料包括羊肉、果皮、木耳、花膠…沒有半點臊味👍🏻👍🏻* 最後令人尖叫的甜品：山楂凍糕 （配上山楂醬，醒胃 、酸甜適中）、Hello Kitty流沙包、栗子西米布甸👍🏻點心種類很多，下次再嚟試其他點心😜餐廳環境舒適，侍應用心介紹食物服務態度很好。

好抵食🤣服務員又nice，套餐包埋茶芥，加一，豐富前菜3大碟，點心/手藝菜6款，主食1碗，1甜點，食到最後已經好夠食，估唔到依個價錢食到咁多野，而且全部都唔錯。前菜有帶殼蜆，蟹子螺肉菜苗蝦餃金魚蝦餃 （漲卜卜）立麟鮮魚燒 （依個正，魚肉厚）個蕎頭好正，服務員話用紅酒腌過主菜有海參鮑魚粥一碗，足料甜品有柚子啫喱配紅糖糍粑

第一道菜是魚生船，種類選擇不錯， 十分注重上菜的船，雖然賣相有點浮誇，但第一次去，好多人都會有Wow effect☺️ 一班朋友或一家大細，影吓相打下卡都幾開心 ！ 至於火鍋，由肉類、餃子、魚皮到菜籃；選擇非常豐富、可以再添食的火鍋料也有很多。罐裝/紙包飲品，和自家製凍飲，也是如此，當天我們特別喜歡桂花杞子茶。 比較失望就是紅白酒，對酒有要求的朋友，最好自備。 而要求冰桶需要多付$20 ，這也合理的收費。 枱與枱的空間比起很多雞煲/放題酒樓，已經寬敞很多； 地方也很乾淨👍🏼

好耐無食過放題邊爐，一心都抱住嘗試心態，去到真係無諗過咁高質的放題邊爐，全程一早安排好，刺身新鮮多款式，海鮮新鮮多種類，環境舒服，非一般的飲品花茶，涼茶，果茶多選擇，整體性非常高，我一定會再去仲一定會介紹人去！希望keep住，現在高質將來更高質……

重要嘢要講咗先😂 唔好學我咁蠢係工廈等lift😂 商場正門口有專用lift上3樓😂有趣嘅放題體驗，位位$368+1，大約$405左右一個人😆 除咗刺身之外所有嘢都係任食😆 你可以先食咗小食先，等齊人就上刺身❤️ 係等人期間，我諗住睇定嘢食，原來呢到無餐牌架😱 食完刺身就會食雞煲，食完雞煲就會揀湯底打邊爐🤭 隨時可以倒返轉頭食🤗飲品醬料係入門口嗰位任拎😋 好多特色醬料都齊全😆小食必食蝦多士，好足料，細細塊易入口，唯一缺點係太多沙律醬🫣 刺身係長過張枱嘅刺身船，打卡啱哂📸，但我哋6個人食，佢唔係全部都有6件，係得鮑魚、帶子有6件🥲 其他三文魚、油甘魚、蝦、北寄貝、八爪魚都係得4件😂 雞煲就好足料，啲雞都幾嫩口😆 由於佢個汁好食，所以豬皮吸晒啲汁特別好食‼️入面仲有蜆同雞腎，雞腎太淋麻麻哋好食🫣 打邊爐🍲有4個湯底，我哋嗌咗家嫂最著名嘅家嫂花膠老火湯😛 不過湯底冇乜特別😂 佢啲海鮮係真係幾新鮮，特別係魚❤️ 肥牛太肥，無乜牛味😂 其他都無乜特別🫣 食哂仲有糯米糍同雪條，一啲相對較低質嘅甜品。不過如果你係大食嘅，呢到都真係幾抵，性價比都算高，但係嚟得就唔好得兩三個人嚟食，因為所有嘢一煲煲嚟，可能去到

呢間 #家嫂一家大小 一定要有準備先好人均 $368+ 由小食 #8小碟 開始再黎～枱咁長嘅 #刺身船食埋 #雞煲 又黎 #老火花膠湯#打埋邊爐 肥牛海鮮任點任食五點食到十點，中間仲有 #餐酒車 請埋你飲食完食埋 #甜品加雪條免開瓶費、切餅費， 服務好好。#個個飽住到第二日#PS我地只係清左基本野冇追加#唔好諗住佢會將價就貨#用料足海鮮好新鮮#行過又話送鮑魚（仲識郁架）#無酒精飲品好有誠意📍 家嫂一家大小 (尖沙咀)尖沙咀堪富利士道8號格蘭中心3樓

~~~~~~~~~~~~~~~~~~~~~~🔷 有大量自家製飲品，一杯杯整齊排列好放上雪櫃任你拎。除左冷飲，仲有幾款熱飲可以揀。我就最鍾意佢嘅 蜂蜜西柚茉莉茶火鍋醬料枱上亦都好多選擇，除咗平時見開嘅幾款基本調味之外，仲有好多特色醬料🔷 第一輪餐前小食，已經非常豐富。首輪奉上清酒煮花甲、雞絲粉皮、子薑皮蛋、黑松露蝦多士、蜜汁雞球、麻醬茄子，我最鍾意係黑松露蝦多士， 細細件炸得好鬆脆， 我一個人食左2碟！所有小食都可以無限添加 🔷 第二輪刺身，係唯一冇得追加嘅食物，一米長嘅刺身船一上枱，超吸睛！！！，有三文魚、劍魚腩、帆立貝、北寄貝、甜蝦、八爪魚、廣島蠔、蟹，全部都好新鮮美味，特別係蟹，超多膏又鮮甜！🔷 第三輪雞煲，我揀左要小辣，辣度啱啱好，除左雞之外仲有豬皮同蜆肉，有加左蜆肉令到整個雞煲鮮味增加。 雞煲都係可以無限添加🔷 第四輪火鍋，湯底有幾個可以揀，我揀左海底椰 清清地可以食到海鮮，肉嘅鮮味。火鍋海鮮嘅選擇都係好多，其他配菜都超過20種，仲要全部都可以追加，所以佢嘅賣點真係非常豐富。呢度嘅環境確係唔錯，空間感十足，而且人手都好充足，基本上一舉手就有店員嚟幫你，侍應們好好人，好有禮貌

門口服務員態度極惡劣，十分沒禮貌。食物質素亦比以前差得多，海鮮不太新鮮，雞煲味道及材料大大減少，牛肉及豬肉質素亦不太好，整體食物份量就減少左，但價錢比以前貴，不太值得。

第一次光顧家嫂，形式類似倫哥私房菜，都有刺身、雞煲和打邊爐,大部分都可追加，不過唔追加都已非常飽。而且服務非常慇勤，經常問駛唔駛換碟。晚餐價錢仲包埋house wine 任飲。諗住平價野實唔好飲，點知又唔差！都有medium body, fruity,唔澀。仲成日推住架酒車幫人添酒。飲品選擇好有驚喜，有台式鮮果茶，飲品選擇精緻又多款，唔會淨得罐裝飲品，女仔應該會好開心。刺身拼盤-都好有驚喜，擺盤靚刺身又新鮮，仲有海膽刺身，唔差㗎喎！六小碟-樣樣都幾好食跟住到雞煲（無限追加），我覺得普通，唔夠倫哥惹味，無需要添吃。倫哥個雞煲係明知頂住個肚都會想添吃！打邊爐- 因為係即興訂枱，所以試唔到特別湯底。特別湯底要預訂，建議可早一日打來預訂湯底。今次試個花膠老火湯底，先飲湯，再加湯打邊爐。（已經飽飽地）上火鍋時已有海鮮拼盤，蝦同蟹都好新鮮，仲有蟶子同鮑魚。隔離三層盒係：一層餃、一層手打丸、一層黑白枝竹（碟餃無乜點食，因為好飽）手打丸好新鮮，出去食都要差不多一百元一碟。黑色枝竹好特別，食落就同普通枝竹差不多。仲有一碟肥牛、青菜和炸魚皮。仲有甜品：黑糯米雪條/香芋雪條食完剛好十點，收工。捧住個肚走。

呢個$168 套餐非常之抵食.. 環境舒服  我剛才坐得舒適..差d睡著了,  服務員又親切有禮 出品精緻又好食呢度仲有午市火鍋海鮮放題 $258 任食任飲...真係會食到嘔的 hahah,  希望遲d再放寬人數可以約一大班朋友仔來一齊enjoy一下 嘆下茶