影片
更多
2022-05-27
1321 瀏覽
重要嘢要講咗先😂 唔好學我咁蠢係工廈等lift😂 商場正門口有專用lift上3樓😂有趣嘅放題體驗，位位$368+1，大約$405左右一個人😆 除咗刺身之外所有嘢都係任食😆 你可以先食咗小食先，等齊人就上刺身❤️ 係等人期間，我諗住睇定嘢食，原來呢到無餐牌架😱 食完刺身就會食雞煲，食完雞煲就會揀湯底打邊爐🤭 隨時可以倒返轉頭食🤗飲品醬料係入門口嗰位任拎😋 好多特色醬料都齊全😆小食必食蝦多士，好足料，細細塊易入口，唯一缺點係太多沙律醬🫣 刺身係長過張枱嘅刺身船，打卡啱哂📸，但我哋6個人食，佢唔係全部都有6件，係得鮑魚、帶子有6件🥲 其他三文魚、油甘魚、蝦、北寄貝、八爪魚都係得4件😂 雞煲就好足料，啲雞都幾嫩口😆 由於佢個汁好食，所以豬皮吸晒啲汁特別好食‼️入面仲有蜆同雞腎，雞腎太淋麻麻哋好食🫣 打邊爐🍲有4個湯底，我哋嗌咗家嫂最著名嘅家嫂花膠老火湯😛 不過湯底冇乜特別😂 佢啲海鮮係真係幾新鮮，特別係魚❤️ 肥牛太肥，無乜牛味😂 其他都無乜特別🫣 食哂仲有糯米糍同雪條，一啲相對較低質嘅甜品。不過如果你係大食嘅，呢到都真係幾抵，性價比都算高，但係嚟得就唔好得兩三個人嚟食，因為所有嘢一煲煲嚟，可能去到
有趣嘅放題體驗，位位$368+1，大約$405左右一個人😆 除咗刺身之外所有嘢都係任食😆 你可以先食咗小食先，等齊人就上刺身❤️
係等人期間，我諗住睇定嘢食，原來呢到無餐牌架😱 食完刺身就會食雞煲，食完雞煲就會揀湯底打邊爐🤭 隨時可以倒返轉頭食🤗
飲品醬料係入門口嗰位任拎😋 好多特色醬料都齊全😆
小食必食蝦多士，好足料，細細塊易入口，唯一缺點係太多沙律醬🫣
刺身係長過張枱嘅刺身船，打卡啱哂📸，但我哋6個人食，佢唔係全部都有6件，係得鮑魚、帶子有6件🥲 其他三文魚、油甘魚、蝦、北寄貝、八爪魚都係得4件😂
雞煲就好足料，啲雞都幾嫩口😆 由於佢個汁好食，所以豬皮吸晒啲汁特別好食‼️入面仲有蜆同雞腎，雞腎太淋麻麻哋好食🫣
打邊爐🍲有4個湯底，我哋嗌咗家嫂最著名嘅家嫂花膠老火湯😛 不過湯底冇乜特別😂 佢啲海鮮係真係幾新鮮，特別係魚❤️ 肥牛太肥，無乜牛味😂 其他都無乜特別🫣
食哂仲有糯米糍同雪條，一啲相對較低質嘅甜品。
不過如果你係大食嘅，呢到都真係幾抵，性價比都算高，但係嚟得就唔好得兩三個人嚟食，因為所有嘢一煲煲嚟，可能去到雞煲你都已經飽咗😂
到服務態度了，有好有差，有幾嗰小插曲。除咗小食，啲嘢嚟得好慢，吹幾次都未必到😂 同埋我坐係近上刺身嗰位，因為啲刺身船太大架嘅關係，侍應放上去嘅時候倒瀉晒啲冰+水，整到我隻腳濕晒🥲 不過都有職員即刻攞紙巾俾我🙏🏻 到最後因為我哋係慶祝生日🎂叫佢上蛋糕，佢就咁成個紙袋拎返俾我，但係佢都有拎返啲碟同埋叉刀比我😆
整體來講一班人一齊去係值得過嚟再食😆
53 瀏覽
0 讚好
0 留言
張貼
