客家原味粉

營業中

休息中

愛吃湯飯的人不能錯過的小店小店位於紅磡工業邨的小巷內，店內座位不多。小店內主要售賣以豬作材料的各種生滾湯、飯和粉麵，但我來到這裡的目的只有一個，就是湯飯！🔸️ 豬什湯跟飯 HK$62小店每天都有不同的菜底可供選擇，菜心娃娃菜蕃茄是鐵膽，偶然有白菜仔或勝瓜。如果不愛吃飯，也可選擇跟粉麵。湯是即叫即煮的，口感醇厚，充滿新鮮材料才有的鮮甜味道。菜底推薦大家選擇帶甜味的菜，例如娃娃菜或勝瓜，菜的鮮甜跟其他材料煮滾融合之後，美味程度會倍增。湯中還加入了薑，入口就是樸實無華的好味道。小店還有一個很好的地方，就是水準非常穩定，每次來吃都是煮得剛剛好。可能因為附近都是體力勞動工作者較多的關係，小店食物份量會給得很足，飯如果不夠吃還可以再加。但如果份量不大就記得要少飯。可惜人類只有一個胃，這家小店的豬手和豬肉丸也非常出色啊！

小店座位唔多。份量超多。抵食夾大件，有湯飯。湯粉米河麵。雙餸$60元左右。可以選擇青菜或蕃茄湯。//魚腩+鮮鯪魚球+米粉魚腩非常之厚身大件，爽口新鮮。鮮鯪魚球超級大粒煙煙韌韌。新鮮美味.//另有豬手+豬雜+豬潤+腸粉+娃娃菜+通菜+菜心+蕃茄。自由配搭。

這家店的舖頭面積雖然很小，但卻能為食客帶來非常出色的美食體驗。係食野個日，間鋪頭只有一位廚師兼做侍應的工作。起初我都只是想為填肚入內，但是因為味道真的十分出色，所以我想同大家推薦這家店。這家食店出名的菜式是薑汁豬潤。當天我就叫左豬潤鮮牛米粉同鮮牛肉丸米粉，食完之後真係令我驚艷不已，為左有相介紹比大家兩個人最後叫多左碗豬膶粉腸米粉食,一共三碗。首先，讓我們談談豬膶。呢到用新鮮的豬膶，經過薑汁醃製後烹調而成。豬膶肉質鮮嫩多汁，搭配著薑汁的香氣，更顯美味。唔會煮到太硬，生熟啱啱好，唔係間間食豬潤都做咁好。呢間鋪頭能夠將粉腸做到如此出色，我絕對相信老闆對於食材的挑選同烹調嘅方法都一定非常用心。佢不會太過軟爛，保持返粉腸原有嘅彈性。同時粉腸充滿香氣，讓人在品嚐時能夠感受到食材的鮮美和獨特的風味。接下來是鮮牛、肉丸。這道菜使用了新鮮的鮮牛肉，新鮮有咬口，豬肉丸彈牙有嚼勁，口感鮮美。用作主食嘅米粉本身煮得剛好，口感彈牙，能夠完美吸收湯汁，令到每一啖都充滿了豐富的味道。提到個湯，一啖落口，十分清甜，食得出係落足材料去煮，絕無味精，每一碗食完啲餸同粉，我連個湯都唔會放過，一飲已盡儘管呢間舖頭面積雖少，但

佢D湯類都好好食，尤其豬肉丸，大大粒又juice食過返尋味仲有沙薑雞都好正，面頭撒上好多沙薑，送飯一流，雞都好入味，滑得黎沙薑味好重，底又墊左菜芯，又有番茄，青瓜。如果再瘋狂可以買一樽沙薑自己煮餸樓面個叔叔超有禮貌+親戚

喜歡休息時間，更喜歡休息時間撞上好西！工作關係，有時候會到紅磡食飯，尋找驚喜嘅食品，而我相信嘅係，用心係睇得出嘅。由街頭行到街尾-祟志街，有好多間食店，憑感覺去做事嘅我，街尾行返轉頭，見到呢間小店，一點也不起眼，就係要睇下兩點多呢個時間點解每張枱都有人？！見到老闆(應該係)有飯有麵有粉，無撈麵就叫個兩餸米線，又提提我米線要點時間，十分鐘多…送上黎嘅樣就感受到色、香、味之首嘅色嘅威力！it made my day！味道睇相片評論啦，唔打過。奶茶都幾好，淡茶、奶比例合我口味。推介！希望佢唔好因為我嘅食評而有更多人走去食啦，因為我好憎好多人嘅小店，人生充滿左矛盾！

有露天雅座，夏日炎炎當然坐裡面嘆冷氣！盡量遠離門口，不想吸住吹入的二手煙食飯呢，討厭！生意旺等出奇，點幾已爆棚滿座，好采有個單丁位給我攝埋去搭檯，到食完埋單 30 分鐘過後都依然有食客在等位中。 嬸嬸稱師傅們太忙已經取消客家炸醬撈麵及紅咖哩，陰功無緣一試。食飽飽後再買外賣美食贈好友，淨肉丸、淨豬手各 1 碗，菜肉份量跟粉麵一樣，價錢都一樣，真的這樣計嗎？美食要靜候 30 分鐘最基本，午飯黃金時段仍舊食客坐滿，堅係越食越旺，比最初到訪時暴升一倍。明白的，我都無發脾氣，用最大的耐性坐定定靜候。熱奶茶，奶味濃而茶味清淡，質地夠滑可以的。熱檸茶走甜，濃濃的紅茶散發少許甘苦味道，浸浸檸檬後更有點點澀澀的，消滯醒神。辣椒油，香辣並重，不馬虎不求其，豐富有料到有質素。一品湯即食麵走蔥，意外地居然係即食麵不是生麵。肉丸不得了非一般的手打豬肉丸，比火鍋店更高質更出色！先來結實再來彈滑入口，爆汁豬甜味拍手叫好。鯪魚球跟肉丸一樣有料到，散發清淡魚味，鮮而不腥，彈彈幼滑的質地使我更想咬多兩口。肉片鬆鬆腍劈劈，濁氣的醃味。豬手爽脆的豬皮及手筋，沒什麼特別感覺，似白雲豬手。粉腸滑啫啫嚥嚥韌韌，豬甜味顯著，不苦不澀

唔係朋友介紹都真係唔會搵食搵到嚟呢度！知道肉丸係名物，嚟到啱啱見到廚房正正喺度唧緊肉丸。餐牌選擇除了肉丸外多數係豬雜類及以湯煮形式，可配粉麵或飯。肉丸豬手湯飯$44—好少機會食到上湯煮豬手！平時都係濃味南乳或鹵水咁炇到軟淋淋入晒味果隻。呢度隻豬手毛去得乾淨，外皮咬落非常爽口！如果覺得平時去打邊爐食果種$70六粒手打肉丸已經收貨的話，咁食過呢度就會返唔到轉頭！鮮、彈、有肉味真係招牌貨！有機會一定會再嚟返兜肉丸同試埋豬雜係咪一樣咁得！

去紅磡開會，開會前食個早餐補充體力！行到好多食店嘅崇潔街，已經食厭茶餐廳，所以搵啲特色食店，呢間主打原味，天氣冷又可以飲啖熱湯！行幾級樓梯，店面平實，店外有座位比吸煙人士，我入內地方細，簡潔桌椅，裝修平實，食物係麵食，主打食材新鮮！其實有啲食材：魚腩、豬潤我都不喜好！所以叫了：鮮牛肉丸米粉（$28）賣相平實，鮮牛肉片片得薄，一啲都唔韌（又唔係喇到無晒味嗰種）仲有牛肉味，肉丸彈牙有肉汁，鬈鬈的米粉彈牙又滑，菜心係爽嫩脆口嘅！湯底夠晒熱，味道好清甜！超出預期中嘅美味（所有材料都熟口熟面，但又做到好味）熱檸茶：好奇怪有耳瓦杯無跟隻杯碟，茶底濃，檸檬唔澀，唔落糖好味！唯一女店員初時比較cool，我問麵跟唔跟餐飲，佢答跟，但我又見唔到飲品餐牌，咪問佢有乜揀，佢已經黑面唔答我，我最後叫熱檸茶！不過最後發生一件小插曲，佢預防到個客想食霸王餐，個客事敗走咗，跟住發現佢好開心同我傾呢件事，佢對啲熟嘅客都幾好面口，可以我生面口，初時唔主動理我喇！平凡中的美味