影片
營業時間
星期一至四
12:00 - 15:00
18:00 - 00:00
星期五
12:00 - 15:00
18:00 - 02:00
星期六至日
18:00 - 00:00
以上資料只供參考, 請與餐廳確認詳情
最近上網搵到青衣有間隱世日式串燒店「宙串燒」，🏮位於青衣山上嘅涌美村，雖然位置有啲隱蔽，但都吸引唔少街坊捧場❤️🔥我哋特登上山一試，發現真係唔錯！😋👍🌟雞白湯叉燒拉麵湯底似忌廉雞湯🥛，麵條略帶鹼水味，但叉燒非常出色，採用慢煮方法，肉質嫩滑🥩，近皮位置特別爽口！✨🌟豬皮釀雞皮餃子外層煙韌，內裡肉餡 juicy 🥟，醬汁特別，酸酸鹹鹹，好有驚喜！😲👌🌟醬燒雞腎超爽脆！🔥 火候控制得好好，完全冇內臟嘅異味，處理得非常乾淨！🌟醬燒雞軟骨特製味噌醬燒，口感脆口又唔會太韌，易咬，好味道！🌟厚燒牛脷厚切牛脷，口感超鬆軟！🐮牛味超濃，調味適中，啖啖肉感！🌟雞皮炸到金黃香脆🐔，脆脆嘅外皮掛滿醬汁，咬落口感層次豐富！🤤💥🌟醬燒豬頸肉超爽彈！🐷🔥 入口仲帶少少油香，成件事好邪惡！🌟秋葵釀蝦滑配搭特別！✨ 秋葵同蝦滑都滑溜🦐，整體味道唔錯，但秋葵略嫌偏鹹🌟鹽燒雞中翼燒得香口，醬汁甜甜地，加上柚子胡椒🌿，酸香開胃，平衡到油膩感！👏🌟燒牛油粟米條粟米粒粒飽滿多汁🌽，牛油香氣滲入其中🧈，調味適中，完全食到粟米原味！😍宙串燒CP值超高！店舖雖然細，但老闆對每道菜都充滿心思，火候同調味掌握得一流！💯🎯 無論你係街坊定專登上山嘅食客，都值得嚟試下！🍢🍶🍻😋
繼續閱讀
係青衣運動跑完步之後跟左地膽去搵食，帶左我地黎呢間隱世既日式串燒店，平時真係唔會經過呢度，更加搵唔到呢間咁高質既串燒店😍叫左好多款串燒一齊share黎食，當中最最最推介既係豬肉釀雞皮餃子，真係必食，表皮燒到脆卜卜入面就鎖住左啲肉汁；另外就係燒粟米🌽，老闆話佢地用左隻靚既牛油黎燒，聽完唔記得左，但最緊要好食😋仲有一個推介既係秋葵蝦滑，因為好少蔬菜類，所以都好推介要食呢個😋牛舌就好大塊但係一啲都唔韌，我本身麻麻地食牛舌都覺得唔錯，其他串燒正常發揮，係雞皮餃子同粟米太好食，所以唔記得咗其他既味啦🤣
繼續閱讀
喺街坊群都有聽聞涌美有間日式食店風評唔錯，今日終於去試吓了。6pm 去到見落左閘，以為摸門釘。唔甘心行埋去睇，原來入面有燈同有個似老闆嘅人坐左喺度，再等多一等就真係開門了。兩個人叫左咖哩吉列豬扒飯、串燒牛脷、三文魚鰭同白鱔。吉列豬扒當然無日本專門店嗰啲咁 juicy，但唔硬唔柴，我覺得唔錯，而最欣賞係咖哩飯入面有蔬菜，十分平衡，飯量也多，仲送凍綠茶一杯。呢間店串燒多數係醬燒（不過我後來聽到隔離枱落 order 時有強調要鹽燒，唔知係咪可以選擇呢），個醬我覺得偏咸，可能為左送酒，所以個白鱔咸左少少，同份量較少，不過肉質非常好，有彈性，如果可以大件少少就好啦。牛脷同三文魚鰭都疑似老闆送多件比我地食（唔通因為我等開門？）牛脷好食！燒得啱啱好，好淋有肉汁，無奇怪味。三文魚鰭就正常，用同一隻醬黎燒但無白鱔咁咸，可能因為肥份多啲。食完晒其實夠飽，不過仲有啲為食，所以叫埋個 Set A 試吓。樣樣都好食，尤其係個雞腎，好 juicy。
繼續閱讀
滑蛋吉列豬扒丼配蕃茄汁（$60）滑蛋頗滑但無咩蛋味；吉豬炸粉脆身唔硬實，豬扒算厚身，有口感，少少嚡但可接受；蕃茄汁微酸少甜，味道不錯；飯係珍珠米，較黏身；仲有啲椰菜絲。丼飯會附送一杯凍綠茶。薯條（$18）加肉醬（+$10）即炸，粗薯條，除咗肉醬，仲有芝士。肉醬係牛肉碎，味濃。薯條同肉醬份量都多，食到最後一條薯條都仲有芝士肉醬。串燒套餐 B（$73）・醬燒豬腩肉，有三件，醬汁微甜，豬腩肉有咬口。・醬燒煙肉芝士，有三件，微咸煙肉卷住芝士。・醬燒豬大腸，無豬臭味，有𡁻口，味道不錯。・燒牛油粟米條，有三條，普通。雞軟骨肉棒串配泡菜（$23）雞軟骨棒係來貨嗰款，無咩特別，但夾埋泡菜一齊食又幾特別。厚燒牛脷（$25）有三片，唔係爽口嗰款嘅牛舌，係炆過嘅牛脷再燒，口感偏腍，味道正常。小店家庭式經營，一位樓面一位廚師，坐位唔多，收費合理。如果要比意見，我覺得串燒嘅火喉仲差啲，可以提升一吓。
繼續閱讀
新開嘅小店，老細十分友善有禮貌，會主動溝通拎食客意見。住青衣嘅人都知過左夜晚9點之後，除左連鎖快餐店，其實選擇唔多。難得有鋪頭肯開到咁夜，一定要試下。主食方面，丼飯塊豬排炸得薄皮又juicy，唔係果種淨係食到成口油。加埋滑蛋蕃茄醬，個醬調配得岩岩好，味道再有加乘。再叫左啲炸物同串燒，整體都做到皮薄多汁。我個人偏好醬汁唔會過濃而蓋過食物原有嘅味道，老細係味道平衡感方面處理得頗為出色。小食推介：玉子燒 - 即叫即整，濕潤鬆軟炸雞塊 - 酥脆多汁肉醬薯條 - 份量抵食燒魚鰭 - 最有驚喜，必試！整體性價比十分高！
繼續閱讀