好食雲南米線

營業中

休息中

星期六同老公去做運動，做完抖一陣就食晏，今日同老公嚟試下呢間米線店！店舖算大～都算好多位～我同老公兩人就坐卡位一邊…都算幾迫，如果鐘意坐得舒服嘅人就唔係咁啱嚟了！想試下食手工麵，所以今次就點呢個！$31蚊包一個餸，價錢都合理！還有其他小食，我見店內都有一半人係食冷麵！而坐我對面的老夫婦就點了蔬田沙律，連老人家都食生冷嘢，應該好好味！不過我就下次先試了！主角嚟喇…雖然賣相就差啲啲，但呢度啲麵明顯地係續碗煮…睇下啲餸同手工麵係撈埋一齊，而且啲湯底就見到啲牛肉沫，我覺得咁煮啲湯係濃厚啲！至於啲手工麵口感係軟身嘅～類似煮淋哂嘅岀前一啲麵咁！係我最 like飲品係加七蚊嘅豆漿～有豆味不過略甜！

而家一同身邊人講米線, 已經個個都淨係記得tamj, 3哥呢間鋪頭都同佢地有少少似講既唔係食物, 而係借鏡, 因為佢係由「大家食」走出黎既車仔麵形式經營,裝修光鮮, 青綠色牆, 配料三十四款湯底有清湯, 酸辣, 麻辣, 同普通米線店一樣不過佢地招牌唔係湯米線, 係涼拌米線米線幾滑,  帶少少爽口最抵讚係份量好足, 滷蛋同麻辣海帶都幾入味但係環境超逼, 冷氣機又勁漏水, 炸醬麵味道出奇地淡呀, 唔推介

年近歲晚，路德圍又近荃灣花市，所以好多餐廳都坐滿人。趕時間又超肚餓嘅我諗住求其食碗麵就走，見「好食」有位就二話不說行左入去。當下諗住：最緊要快！於是叫左個涼拌雞絲米線（揀左小酸辣）加杯凍檸茶~點知等呀等，等左接近15分鐘先有得食雖然人多，但未坐滿喎，加上⋯拌麵啫，有需要拌咁耐嗎？碟麵分量好多，好大碟的。不過味道就⋯⋯連一個處於極餓狀況嘅人都唔覺得好食雞絲其實唔係真係絲，似雞粒多啲，而且食落好「諧」口。可以贊嘅係：剔紙落單幾方便，環境都算舒適、乾淨，店員友善，有禮貌。如果趕時間唔建議試這間了，畢竟製作時間太長，熱食需要等更長時間。

原為食米線而來，本人就點了一般的米線食，一碗配一餸，$31，抵食，仲要份量都不算少，配了炸醬，比較油，所以都沒有吃下全部！朋友點了酸辣雞絲拌麵食(暖食版），見到也難以不試一口，嘩，好味呀，吃下去都想一食再食，比較酸一點，但好開胃，有食到粒粒花生，又有點麻香味，好味呀！相反比較自己的米線，嗯，我知道下次到來應該食什麼啦！因為自己點的米線無加任何辣，所以係原味米線，肚餓就都可以，不過加了炸醬就油了一點，米線比較實一點，因為拌麵也可轉拌米，所以一米兩用，比較實都正常。下次可以試下雞絲拌米線。拌麵平時食多為冷拌麵，這間可以選擇暖食，味道更好食！小食點了一個冷麻辣雞絲，味道不及拌麵的雞絲好食！總括，會再食！好食！

天氣乍暖還寒，晚上來一碗麵最好不過。荃灣路徳圍附近，可謂食肆木人行，新舊店交替，開得快，執得也快。幾月不來，又不知換了多少面孔。說到麵食，更是兵家必爭之地，有六成都是同類競爭者。到底是香港人太愛吃麵食到市場遠未飽和，還是劣根性作怪，非要把邊際利益歸零為止？我還是吃碗麵好了。走過幾間，這一間店名就是好食，夠氣派。地方乾淨光猛，價錢又便宜，難怪也見人來人往。點了一款鍋麵叫暖心，看相片以小型湯鍋上，也是少見。等了十多分鐘才上桌，在一般麵店來說是比較耐，對我而言就很好了，慢未必好，可以肯定快就多數差。上桌時見蒸氣，可以肯定才剛出鍋。熱麵要熱冷麵要冷，基本要求，在香港外出用餐就要每次都祈禱了。配料豐富，除了點的鹹腩肉和魚腐還自帶青椒蕃茄海帶紫菜，用料新鮮。說真的，不少店家一早備貨，一備就賣一整天，有時生意不好，其中青椒最易出事，一陣酸味，所以一般我也不食，還好，這次青椒有青椒味。而主料也大方，魚腐四五粒，也不是一般貨，鬆軟有嚼勁，很好。腩肉是白切，也交到貨。湯底也見清甜有放心機，大都滿意。唯一不足居然是功夫麵。嚐到米香，多半自家新鮮做，可惜多數新鮮麵都不耐火，稍一不慎就糊口了，也正是我所食的，未

本人大部份時間一人時都會選擇食米綫，貪佢方便同埋夠飽。平時都會去梨木樹或者荃灣唯一食，但有時過左十點後就要搵其他選擇。一般會去路德圍「景霖」，但自從有一次去左隔離舖既「好食」之後就慢慢轉移過去。原因之一係味道更川味同埋冇咁鹹。仲有佢個沙律亦係令我驚喜同「翻啅」既原因之一。今次一共點了三樣食物：1. 麻香雞 （$18），雞肉同芹菜比例大約一半一半，要了小辣味道剛好，麻辣亦夠，作為小食其實份量唔少，性價比好高。2. 蔬田沙律（$28）作為食不定時既流動上班一族，平時最希望有機會可以食多啲蔬果，呢個絕對比普通油菜全走吸引同醒胃，份量一樣不少。比較鍾意既係佢入面有不少「紅、黃、綠椒」，令全份沙律多左不少清甜。3.）滷大腸金菇功夫面（$36+1）純粹一試，因為一個人食三樣嘢確實係會有啲飽😅所以澱粉質方面求其要一碗點綴下就算。滷大腸雖然係推介，但口感偏硬，而且滷水味調較得偏酸，食食下會唔覺得係滷水嚟。湯底方面，要了小酸辣，唔知忯火咪前面食左麻香雞同沙律啲燈籠椒關係辣度略嫌不足，似微辣多啲，不次會叫中辣。麵底試左下功夫面，我會形容係幼既陽春麵，唔夠米綫滑口同彈牙，我下次會食番米綫。今次係我第二次食，

米線鋪多的是，荃灣有唔少，呢間我間唔中都會食，不過多數都唔係食普通米線而係涼拌米線，出面比較少有的。走了辣因為我不吃辣，辣都有幾隻辣可選。酸辣唔算有辣，少酸，味道唔錯的。米線再加汁再拌幾拌，幾惹味，唔錯唔錯。雞都算有唔少，味道可以因為佢既汁味道酸酸地已經拌到成碟都有，所以雞都有了這味道，不錯。芝麻花生都有，令呢個米線更加惹味。所以如果食呢間不妨試一試啦。青瓜絲都有，味道都可以。呢個涼拌米線都有唔少配料，加起哂其實幾好味。米線盛惠： $34忌廉：$7總結涼拌米線，好味好味。

位於荃灣路德圍嘅米線鋪選擇有好多，今次就試吓呢間叫做”好食雲南米線” 佢嘅米線有湯嘅熱食或者涼拌米線，仲有啲小食都OK啦一到去鋪面都算OK企理，都見幾多人食。我哋仲等左10分鐘位先有得入跟住我就帶咗呢個小辣涼拌雞絲米線，感覺出奇地好食酸酸辣辣，加上有啲青瓜好爽口同埋有蔥芫荽吊味，好香！啲雞絲帶有啲麻味，吾錯！佢啲米線唔係好硬，口感適中！呢個涼拌米線可以分凍食或者暖食嘅，我今次就揀咗凍食。價錢大約$34，唔算太貴跟住之後就帶咗呢個牧民風味雞翼$22，個味道係OK嘅，不過隻雞翼就乾咗小小，炸過咗龍，而且呢份雞翼等咗半個鐘先上 有少少耐

今天要在荃灣坐巴士去元朗，諗住到路德圍食碗米線才再搭車；點知去到路德圍，見到出名嗰幾間米線門外排滿等位的人，我唔想嘥時間等位，於是入了這間唔使等位嘅好食雲南米線。點了一碗酸辣米線配炸醬，滷大腸及海膽蟹籽丸；覺得唔夠酸辣，滷大腸唔夠淋，米線都係麻麻地，同樣價錢應該可以在另一間食得好啲。

是日做完運動，特別想食d川味粉麵，所以黎到路德圍呢間米線店，試下佢既麻辣雞絲拌麵。麻辣雞絲拌米線(暖食) $34由於唔想食凍野既關係，所以轉左暖食，結果令我有驚喜，甚至覺得暖食比凍食更正😋。原因一因為熱力令芫茜、花椒、辣椒香更加溢出，並滲入麵中，香氣四溢🤤；原因二熱力減退油膩感，全碟食哂都無滯既感覺。呢度既麻辣麵另一特點係唔用花椒油，而係用原粒花椒，所以食落麻味更香、更真實，不過就要忍受不時食到花椒殼(我個人唔中意食殼，所以不停挑出黎😅)，配上彈牙既米線、青瓜、雞絲、芽菜，豐富又惹味牧民風味雞中翼四隻 $22炸過既雞翼雞皮帶點少脆，上枱前再壓上一層薄孜然粉同白芝麻。由於我食左麻辣野，味覺已被影響，所以試到既味道唔準確，只能講其肉質滑溜，不過略嫌雞翼瘦削左d酸辣雞絲米線 $30朋友點既湯麵，佢話雞絲比”譚X”滑，但配料較多，味道唔錯

上星期放工又嚟到荃灣喇！咁上次食過魚湯米線，今次就試下第二間啦！不過路路過荃灣路德圍呢度呢就好多嘢食嘅，咁花多眼亂，咁我哋呢行行吓就搵到一間叫好食嘅米線，諗住入邊冇乜人。就入去試吓啦，一坐低啊，啲人就不停咁入嚟啦！ ！我嗌左一個雞肉墨丸清湯米線，咁呢個米線個湯都好濃郁㗎雞湯味咁我試咗一啖佢哋啲墨魚丸。嘩！好彈牙啊！我哋仲嗌左一個雞絲撈米線，叫咗小辣。佢個辣度都幾辣下，都有譚仔嘅小辣咁滯，好惹味！個米線都好彈牙，非常值得推介呀！果然好食米線真係好好味！

同媽咪去完仁濟醫生探爸爸之後，大概7點，就左去路德圍食野，媽咪話又熱又口喝，想食啲凍野，飲杯凍野，本來淨係諗到越南野啲撈檬粉，但行到去見到間招牌有涼拌酸辣麵既鋪頭就問阿媽食唔食，佢見個牌有功夫麵話未食過，咁就入去試下我地叫左個麻辣雞$18（張相唔知點解影完無左），同涼拌酸辣功夫麵$34另外野飲+7蚊，咁叫左檸茶同菜蜜涼拌酸辣功夫麵，入面有雞絲，芽菜，青瓜絲，香菜，花生，芝麻，撈埋一齊食，夏天食，酸酸地幾開胃，但功夫麵第一次食，唔知係咪原本既口感係咁硬身，定煮唔熟呢…再加埋啲醋，青瓜都幾清爽，不過不失，但又唔算好好食另有麻辣雞就芹菜加雞絲，雞絲比較事，芹菜又生，啲口感幾奇怪到比錢時，我媽唔知出去埋，佢又同我搶埋單，見到個侍應就一野話埋單交埋啲錢比佢，個侍應就收左張單，但補左句:其實呢埋單係走果時出去埋既~咁我覺得，侍應可以唔攞單然後講句:出去埋得架喇~我地會識攞單出去埋就唔好單又照幫你收，又要後補一句串你咁，其實呢咁咁咁咁既~”其實”啲咩呢？然後找錢交比我媽時，整跌左1蚊落地，然轉身走，無諗過幫你執或講唔好意思我自己都做服務性行業，我地整跌客人錢都基本講唔好意思啦，你咁到掉錢有咩分別?個

今晚途經荃灣路德圍附近，剛好又到食晚飯的時間，見到依間雲南米線叫好食雲南米線，之前從未食過依間，點知好失望。叫咗碗酸辣米線加豬潤，另叫咗杯凍奶茶。首先講酸辣米線，湯底完全唔覺得有酸辣味道，形容不出是甚麼味道，另外只有幾條韭菜，又唔覺入味，豬潤雖然份量還可以，但唔覺好食。好難食。米線配湯底完全唔入味，唔好食，很失望。另外凍奶茶好難飲，杯奶茶無奶茶味的。都好是冰凍的。價錢雖然只係收$38。我個人一定不會再光顧這店。我個人不會介紹朋友來食。

餐廳有曱甴好正常，但系今次爬左上隻腳😱😱😱然後我問員工，叫佢地幫手掃一掃我踩死果隻曱甴，又唔理唔睬，叫多兩次仲用掃把掃我😡想叫佢地比D紙巾我整下隻腳，就要我比3蚊😡認真態度、衛生都差。

涼拌酸辣 $34 熱食、米線、小辣味道配合得很好。有很多配料，雞絲、芽菜、青瓜絲、香菜、辣椒、花生及芝麻。非常豐富，多重口感。滷大腸 $22唯大腸內有很多肥膏，味道也偏咸。