好食雲南米線

營業中

休息中

以前喺土瓜灣譚公道好鍾意幫襯大家食，一份炸豬扒加一碗手攪麵，最配少少辣菜脯已經好滿足。後來冇喺土瓜灣出入已經冇機會食，深水埗雖然都有，但深水埗美食太多，首選都係文記車仔麵。荃灣路德圍呢間好食雲南米線，原來都係大家食j集團旗下，見佢啲嘢同大家食差唔多，就行入去試下。很可惜佢嘅米線同擔擔麵都非常唔掂，米線都勉強可以，嗰個擔擔麵直情唔得，傑達達嘅醬汁好難食，好彩嗰塊炸豬扒都保持水準，辣菜脯都要加錢，仲有個qr code幫襯兩次都scan唔到，環境衛生同服務係ok的，食物水平就真係比以前差咗。

今日過來食左呢間位於路德圍叫做好食雲南米線，地方都比較容易搵，餐廳裡面比較多座位，入到去就用電話扫碼落單，兩個米線，一個係炸醬豬潤米線（炸醬一般，豬潤去腥做得OK，湯比較清，無之前晚餐食果時甘濃，配炸醬還可以，無驚喜）一個係擔擔麵，面轉米線（湯底都係比平時食噶擔擔麵湯底清，有食到少少花生醬調噶味，米線還可以，軟硬適中）兩個小食，一個係大份狀元骨，份量唔多，就係普通噶排骨，來到無招牌上甘吸引，一個係小份過山雞，份量OK，呢份小食可以點，外層裹住噶醬有少少甜。下午茶係甘又求其解決了！

10點零行過見到呢間爆晒棚，諗住會好食啦，點知啲阿姐因為忙，燥晒底，隔離枱杯奶茶三個字都出唔到，外賣啲騎手又嘈，仲要同啲客嘈晒交⋯⋯成餐飯就不停咁聽啲阿姐同啲客嗌嚟嗌去，想食餐安樂飯都唔得，中晒伏。酸辣食到最辣，居然又唔夠辣，問佢加辣又加左啲奇怪味道既辣水落黎，同個湯底一啲都唔夾。配菜份量都算足既，但真係唔好食，啲滷肥腸似係攞貨返黎果種，咬落冇滷水味。好心你地忙得滯就截下啲單唔暫停5分鐘行順左先繼續啦⋯ 勉強接晒黎做，攪到各方面都唔開心

好食雲南米線的村村住家鍋麵，配酸辣湯底及手攪麵，配餸有腩肉及好時雞，讓我感受到了濃郁的雲南風味。首先，手攪麵的質感非常獨特，口感有些彈牙，配合酸辣湯底，味道鮮美，讓人回味無窮。腩肉與好時雞的配搭也很恰到好處，腩肉的油脂與好時雞的清爽口感相互平衡，讓整道餐點更加豐富。然而，有些人可能會覺得湯底稍微有些鹹，需要再加點水或調味才能更加適合自己的口味。此外，店內環境偏小，座位較為擁擠，可能需要等待一段時間才能享受到美食。總體而言，好食雲南米線的村村住家鍋麵是非常值得品嘗，而且價錢公道。如果您喜愛酸辣口味和手工麵條，這道麵食絕對值得一試。

唔知幾時轉左餐牌，今日過到去食，嗰手工面個質地再唔好食，令我好失望。之前嗰個面質有口感彈牙….依家手工面一夾就碎。仲要比之前嘅味道再重口味。想問大家依家係咪轉咗手呀？

午飯時間去食嘅話，都有好多人同埋要有心理準備同其他人搭枱，而且環境都比較迫夾。豬大腸酸辣湯米線，$37。米線份量正常，口感亦算滑溜。手工麵比起米線更好食。豬大腸，$10（包含喺$37入面），完全冇味，口感亦都較靭。酸辣湯味道有啲奇怪，有種好似薄荷嘅味道。凍奶茶，$3（跟餐價），只有茶味同埋澀味，完全飲唔出有落到奶。炸豬扒（細），$14。10分細薄，冇香口嘅感覺之餘都冇乜調味，而且都等咗差唔多15分鐘先上。

五知各位有咩見解！原由系咁～今日晚上10点20分，佢地收12點。想坐卡位有店員講如人多會拼坐 都算了 我無坐 之後點了3小食2碗面 有禮貌地請问可以要杯熱水嗎？其中一位店員講自己倒 都算 自己走去倒！隔离既客问就倒比個客 咩事呀歧視呀？叫我自己倒水既店員出餐拎2碗來 又五系拎五稳 有成個人位置可以放低 點解要2碗面 片落來好彩隻手靈活頂得到 如果五系燙傷下身 系米要賠錢呀？宜家咩意思呀？同您有仇呀 如我態度差您咁對客都情有可愿 但我好聲好氣 客客氣氣有禮同您講野 咁樣對我 呢啖氣我忍五到咯 火🔥都來！點都要個解釋咯！又五見其他店員似您咁 咁既服務好五掂！其他同事拎小食同食品都有禮講聲小心d啦！ 五會再有下👇次不會再食 ！差評。帮襯其他间都五帮襯呢间……遲早都無人去食

嗌左個米線，食食下可以食到人地食過嘅骨頭，本身諗住低調解決，嗌咗個姐姐過嚟，個姐姐say曬sorry咁，但係個姐姐話佢話唔到事，我先嗌佢嗌經理過嚟。個姐姐去搵個經理，個經理轉個身就入左廚房，過左好耐先行埋黎話佢地衛生無問題，話係煲湯雞骨。我話有牙齒印喔，個經理話肯定係煲湯留低。跟住個經理又開始打感情牌，又話佢地服務態度有幾好，我地兩個人都俾四人檯我地坐。咁究竟係雞骨定人地食過嘅，見仁見智了🤷🏼‍♀️

買外賣時收銀員沒有理會客人。當點餐時收銀員又大聲說快少少落單。態度十分惡劣。排隊點外賣果陣。個收銀望到都唔理我。繼續做佢手頭上既野。我以為佢做完野會幫我落單。點知有另外比我遲來的客人行埋去講話要咩。個收銀員就先行幫佢落單。

平時食米線都可能只係諗到譚仔、三哥，但其實呢間米線都可以作其一之選😌呢間《好食》食過好多次，每次必點都會揀選雞肉作配料。雞肉肉質好嫩滑，份量夠多，雞件尚算切得大件，另外調味上好夠味，都有醃過先煮。另外，米線份量都好多，如果係小鳥胃，真係建議少米，米線麵質煮至剛好又滑身，唔會淋。湯底方面，我每次都必點酸辣湯，個人喜好鍾意食酸辣湯。是次點了少辣，酸度和辣度剛好，湯頭係橙色的，有必於平時認知既酸辣湯。而最近，都會揀竹笙作配料，既可吸湯底，口感又爽口，食落酸爽。曾經都試過點中辣，但酸度會夠酸一些，辣度會更明顯，感覺食落會較吃力。如果有機會經過荃灣，想吃性價比不錯的麵食 ，亦可一試。

話說今日見晏就終於得閒少少米線隱起既我係荃灣附近近諗住見邊間入邊間！於是係我行行下遇見第一間既米線鋪就碌左入去.係門口亦見有幾位等外賣既人心諗應該都唔會太差啦安左一個心.入到去座位有卡位同長枱雖然有隔板但無卡位情況下自選左個最埋便既位坐底.去到任何一間米線鋪都要點我最愛既酸辣湯底我就嗌左*酸辣米線走青，豬大腸，豬肚，雞肉*熱飲+7.首先整體色水還好除左自選既送外另外仲有豆腐卜，芽菜同腐皮.味道方面大腸尚可 但顏色有d 怪怪地偏紅豬肚可以雞肉調味唔錯米線偏淋少少但可接受.for 我尼個米線控10分滿分我會比合格高dd 6分大家可以參考一下

好食雲南米線💚素菜涼拌功夫面 $35涼拌雞絲米線酸辣 $35凍咖啡 +$7凍豆漿 +$7尖椒皮蛋 $21-素菜涼拌功夫面偏大碟👻 配料有花生 蘿蔔絲 青瓜絲 海帶 芝麻 蕃茄 洋蔥 芹菜感覺上成個好清新🌱尤其是因為🥒絲同埋🍅🥕絲佢係有啲生好香芹菜 芝麻 花生味💁🏻‍♀️啲面比較煙銀有啲似長啲 幼啲嘅撈撈面🤣．凍豆漿一般冇話特別好味 或者特別唔好味🤭．尖椒皮蛋佢嘅尖椒係真係辣🌶佢嗰陣味好唔同三哥嘅尖椒皮蛋佢個蛋黃係比較大啲👻成舊嘢口感係蛋黃嗰種jam jam地🤭- 24/8 eat唔寫得好詳細㗎啦💁🏻‍♀️-好味程度：🌕🌕🌕🌕🌑抵嘅程度：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌕🌑🌑👆🏽媽咪嗌嘅涼拌雞絲米線 酸辣

荃灣路德圍出名多嘢食今次嚟到呢度掃街掃到攰選擇左間餐廳堂食坐吓好食雲南米線之前喺荃灣工作，間中都會過嚟呢邊食轉咗工好耐無黎有啲念念不忘🥺每次嚟我都淨係會叫拌麵同小食今次叫咗涼拌雞絲麵😋功夫面，酸辣小辣 $35呢度好好將地方係可以涼拌轉暖食天氣凍嘅時候都唔驚凍👯‍♀️👯‍♀️呢度拌麵既味道，永遠都唔會令我失望😭雞絲正正常常但重點係個醬汁，調配得啱啱好🤤不過我叫小辣，都幾辣下🥵唔食得辣嘅朋友，記得同侍應講聲再少d辣啦個小食就叫咗 粒粒桔香雞（細）$20絕對唔推介🙅🏻‍♀️🙅🏻‍♀️🙅🏻‍♀️好彩叫咗個細嘅舊雞炸粉厚肉唔juicy而且桔桔醬汁比得非常之少完全食唔到有桔味😥好後悔冇叫返之前好鍾意食嘅啖啖芥末骨😢但係已經好飽唯有下次再食以下係餐牌大家參考吓無食過呢間嘅有湯酸辣米線但好似好多朋友都話係伏大家小心啲叫🙊

今日中午見到好似好乾淨咁，於是入去試吓，心想米線唔會差得去邊，我叫咗海膽丸、腩肉麻辣米線。女朋友叫咗豆卜豬腸米線，兩碗米線同Ｄ餸完全唔friend，擺明就咁求其放Ｄ餸落碗野度，酸辣湯底有陣怪味衰過車仔麵，相比譚X、雲XXＤ米線，呢間真係到難以置信。凍檸檬茶少甜，－飲係甜過糖水。即刻要換過杯先入到口，crazy! 叫咗個小食雞翼尖，雪到硬掘掘，又無味。嘩！放落枱時係掟落枱，Ｄ樓面好無禮貌！我好肯定，呢間係無下次！

💜酸辣米線：蟹籽包心丸 炸醬個湯底岩岩好 唔會太酸 本人都幾中意 湯底有腐皮芽菜韭菜同豆卜 份量都唔少 叫左小辣 都唔會好辣 佢地個蟹籽丸唔同平時出面買果啲 比較偏身 但好彈牙 仲會爆蟹籽！炸醬有好多肉燥 調味方面都幾特別 味道偏重口 🧡麻辣米線：滷大腸 腩肉非常麻辣嘅湯底 一黎到已經聞到好大陣麻味 岩晒中意麻味既人 腩肉好有趙口 滷大腸冇咩滷水味 不過都好味 💛尖椒皮蛋整體正常 醬汁都幾咸 一定要配面一齊食 但皮蛋都好香好味 💚麻香雞雞肉偏鞋 調味方面都偏單調 只有咸咸地既味道 但勝在夠多雞肉