好食雲南米線

營業中

休息中

今日中午見到好似好乾淨咁，於是入去試吓，心想米線唔會差得去邊，我叫咗海膽丸、腩肉麻辣米線。女朋友叫咗豆卜豬腸米線，兩碗米線同Ｄ餸完全唔friend，擺明就咁求其放Ｄ餸落碗野度，酸辣湯底有陣怪味衰過車仔麵，相比譚X、雲XXＤ米線，呢間真係到難以置信。凍檸檬茶少甜，－飲係甜過糖水。即刻要換過杯先入到口，crazy! 叫咗個小食雞翼尖，雪到硬掘掘，又無味。嘩！放落枱時係掟落枱，Ｄ樓面好無禮貌！我好肯定，呢間係無下次！

💜酸辣米線：蟹籽包心丸 炸醬個湯底岩岩好 唔會太酸 本人都幾中意 湯底有腐皮芽菜韭菜同豆卜 份量都唔少 叫左小辣 都唔會好辣 佢地個蟹籽丸唔同平時出面買果啲 比較偏身 但好彈牙 仲會爆蟹籽！炸醬有好多肉燥 調味方面都幾特別 味道偏重口 🧡麻辣米線：滷大腸 腩肉非常麻辣嘅湯底 一黎到已經聞到好大陣麻味 岩晒中意麻味既人 腩肉好有趙口 滷大腸冇咩滷水味 不過都好味 💛尖椒皮蛋整體正常 醬汁都幾咸 一定要配面一齊食 但皮蛋都好香好味 💚麻香雞雞肉偏鞋 調味方面都偏單調 只有咸咸地既味道 但勝在夠多雞肉

做嘢做到夜晚21:15，超肚餓嘅情況諗住好好咁食返碗米線先再返屋企，喺路德圍想食嗰間米線夜晚只係做外賣無堂食，咁唯有去第二間啦。轉個角就見到好食雲南米線，咁夠膽叫自己做好食，心諗應該都唔會差得去邊啦，咁就入去坐低叫碗米線食。平時食開麻辣嘅我，突然好想試吓酸辣米線，餸菜就點咗雞肉同滷水豬大腸，等咗一陣都好快上到。習慣食任何湯麵米線永遠第一啖就係飲咗啖湯先，一飲落去，我食米線食咗十幾年，第一次飲到咁難飲嘅酸辣湯，最終飲咗杯咸青檸後就埋單走人。

係路德圍搵野食，太多選擇，最尾決定食米線。探熱後，登記聯絡資料。埋位坐低就睇下餐牌。第一次黎，唔洗等位。落單係自己手寫，無咁易出錯。揀左米線同撈功夫麵。見隔離枱食暖心鍋，好大份八卦、好奇望左望~唔知好無食。落完單，等左五分鐘後，陸續上菜。仲叫左麻香雞，其實係手撕雞咁。米線酸辣+$1，三餸有豬腸、腩肉、炸醬。原來腩肉係譚仔個種，我個人偏好醃好、炒香紅紅橙橙既腩肉，呢個有些失望，豬腸、炸醬味道OK，係正常好食既。米線整體唔算酸都唔算辣。野飲跟餐+$7 稍貴。撈麵揀左功夫麵，未試過但出乎預料唔錯。但系個味道有d淡，要另外加多一d炸醬先夠味。小食麻香雞，味道雖然叫左小辣，但係味道對我而言，係偏淡，唔夠香，雞肉亦好鞋。野飲，凍檸茶，綠茶，普通質素無特別。檯面有醋有豉油，但唔見辣椒醬。筷子，我認為非常時期，直接擺係枱面無遮掩，有些不妥，雖說很方便。整體，位置就腳，唔洗等位，加分，落單快速方便。味道還可以，無話特別驚喜，唔算好好食，係一般般咁。無好吸引既理由會再回頭。

一個月總會去食幾次，因為實在太過合我口味，這裏麵底可選米線或功夫麵，個人覺得功夫麵比較有特色，比起米線的軟更度更有口感，$31已包一餸，非常抵食。要揾到間煮豬膶煮得好食嘅餐廳唔容易，豬膶彈牙得來仲好有豬膶味，做得非常出色，真係名副其實嘅好食。另外我加配了茄蛋牛肉竟然出奇地夾。豬膶同麵嘅份量都好多，夠晒大碗，性價比極高。

一向身為米線控既我點會錯過平價嘅高質米線🧐今次小編又去到荃灣見到呢一間外表平平無奇嘅米線店 我相信好多人都唔會俾佢吸引到入去😂但係由於有朋友介紹俾我聽好食我就決定入去試一試🤫入去坐低嗌左一碗雲南小鍋功夫麵 中麻辣 配上鹹腩肉 湯底清甜而且麻辣味香 花椒味重而且麻 湯顏色好似好清淡但實質好濃香！腩肉方面佢好似白灼 但係好好食 因為佢係鹹鹹地無添加其他香料 但又吾係完全冇味 突出左肉嘅鮮味😍👍🏻至於麵方面 功夫面比米線更出色👍🏻由於佢係手打嘅 所以好有口感 而粗幼度同拉麵好似 食落其實好似手打嘅幼拉麵！！總括而言呢一間米線性價比好高❤️價錢亦都好平會再次回顧❣️

前兩日去荃灣口痕想食米線，就隨便行入呢間叫好食既舖頭，想睇下係咪真係咁好食。入去嗰陣係12點幾1點，人唔算多，唔洗等位但每張枱都幾乎有人。咁雖然話就話口痕想食米線，入到去見到有功夫麵揀，就想試下咩黎，所以最後我係嗌左碗雞肉生菜功夫麵麻辣中辣，再加杯凍豆漿。上枱見到個碗既大細同連鎖米線鋪差唔多，而兩個餸既份量就偏多，望落都幾滿意。將個麻辣撈勻之後，試左一啖個湯，我個人就唔覺得辣，但要讚一下個功夫麵幾彈牙，雞肉亦煮得啱啱好幾好食。而豆漿呢，我都明白唔係間間米線鋪既豆漿都好飲，但呢杯真係稀得黎得糖水既甜味，建議可以考慮採購現時其他米線小店既細枝裝豆漿。而朋友嗌左金菇米線酸辣小辣，雖然金菇係圖度好似有保護色咁，但個份量都唔少架！最後就係講下最影響今次評分既衛生同服務。現時既防疫政策係餐廳坐位既一半以及四人一枱，以及入坐前量體温。當我同朋友食到一半，樓面同事叫我攞開背囊俾另外兩位客人坐既時候，我都禮貌向樓面表示我唔想搭枱，自問當時我既語氣同態度都尚好，但樓面同事表示張枱可以坐4個人以及可以提供隔板，所以我都有合作攞開背囊。但去到最後，樓面都只係拉開左我半隻食指既距離，而隔板就從頭到尾都冇出現過。

原來上次光顧已經一年前。今晚又路經路徳圍，對麵線一類頗有執著的今晚，之前試過不錯，今晚穩陣。點了暖心一人鍋。鍋子是同樣的。可惜配料不如當初。鹹腩肉，就和名字一樣，有三片。魚腐，貨色普通，這東西很蝦人，只有現煮發脹即食才好，否則都差。功夫麵，沒有驚艷，只不過有點煮過火的麵條。最後要說加錢的蕃茄蛋湯，這是全部的料。整體而言，對比當初第一次來，真的失色不少。好食源出於大家食，曾經也是我的光顧名單之一，可惜近年發展無力似的，也逐漸不眷戀了。

Today was so hot and it’s great to eat cold mix. The noodles was great and springy. The Cucumber 🥒 was so crispy. You must try pig large intestine which was chewy ! Very 👍🏻

路德圍有好多嘢食今次唔太肚餓時間又比較夜所以搵咗間可以快食嘅經濟晚餐👉🏻叫咗雞絲拌功夫麵（暖食）酸辣味道調得幾好 夠入味功夫麵都彈牙嘅但雞絲就真係比較少寧願佢少啲麵多番啲雞😂👉🏻擔擔芥末一口骨可以一試啊！

見行左5個鐘真係腳都無力啦, 一落車即急住食個lunch...呀..唔係,係Tea架啦原來！然後見到我鐘意食既米線, 就入左去叫：【雲南米線(麻辣)＋蟹籽丸($33)】👍念左陣我叫咗麻辣湯底, 等左陣終於食得, 湯底唔會得個辣字, 而且仲好香, 味道都好豐富, 相比起譚仔既湯底, 我個人覺得佢既麻味比較香, 湯既味更濃更好味, 有機會會再返黎食既。

今朝路過荃灣同班朋友食早餐，去左間茶記是但咁食下，點左個麻辣功夫麵配貢丸同芝士蟹籽丸、仲有皮蛋同埋凍鴛鴦。個貢丸都算ok，不過細粒左少少，個功夫麵味道都可以既。鍾意食個皮蛋，少辣配麵食就最岩。

咁啱去開荃灣，又有少少少少肚餓，本來係諗住食碗$3嘅豆腐花就算嫁啦，點知行過忍唔住都要食碗米線🤣荃灣實在太多嘢食，多到唔知點揀，見佢門口有涼拌米線，哇，涼拌係我嘅最愛，就行咗入去。我地叫咗一個湯米線同一個雞絲涼拌功夫面。過橋米線小辣，配豬潤同豆卜估唔到豬潤都幾okay喎，豬膶係薄切，爽口，滑身，唔太有過份嘅血腥味。湯底都唔錯，豆卜吸晒啲湯。不過應該味精都重重地，食完好頸渴。酸辣雞絲涼拌功夫麵(暖食)酸辣適中，蒜味濃。功夫面有咬口。青瓜絲夠多，酸辣中帶點清爽。雞絲都OK滑。不過都係啦，食完好頸渴，飲左成晚水。

叫左杯豆漿，好似糖漿咁，即時叫樓面過來解決，來左幾次都唔肯好好解決，一般食肆應該換飲品，或者溝淡啲，正常應該做出處理。去左勁耐都冇人理，又攞返來話唔肯換，話我哋飲過，大佬未飲過點知有問題啊！同埋又唔係飲左好多，面頭小小咋喔！話個個客都話冇問題，得你地話有問題咋喔，你卑個個客飲糖漿嘎。唔係話一定要換，但係你個經理洗唔洗咁嘅態度同我哋講嘢呀，個細都卑你識做啊，佢都知係唔啱，好好講嘢呀，不過老細唔錯，親自過來同我地講唔好意思。可惜了有咁樣嘅經理。

在店內可以聞到好大腥味，叫左碗米線雞肉和竹笙，啲雞肉好腥，竹笙未洗乾淨，有啲黑色。食物並唔好食，令人無胃口。雖然未試其他餸，但依兩個餸一定唔好食，服務嘗算可以。