好時沙嗲

營業中

休息中

上次好時沙嗲結業，都有黎排過隊，黎食最後次，留個美好回憶，畢竟呢到都充滿住不少兒時的回憶。無諗過轉眼間，舊址重開返，其實都幾開心！今日晏就諗唔到食咩，就決定黎重溫一下呢到美味的海南雞飯！50幾蚊海南雞飯，尖沙咀區來說價錢屬於好親民了。好多餐廳食個lunch都過70元。呢到海南雞飯，雞肉都幾多，雞肉好嫩滑，雞皮都好彈牙好味！不過就雞味爭少少，略覺得唔夠鮮味。醬汁黎講就非常唔錯了，有3種，最愛個辣醬，酸酸辣辣咁好開胃！個酒飯都好香，撈埋個辣汁一齊食，好正呀！一碟唔夠，仲可以refill多碟個汁，撈飯真心一流呀！！

好時沙喺尖東已經好多年了，我由佢舊舖食到新舖，雖然做到出哂名，但食物水準依然保持到，去到每台客差不多必食嘅就係佢啲沙嗲串燒豬、牛、雞，老實說，佢啲沙嗲醬真係好好食，比我哋平時食到嘅會比較杰身，因我上網睇過馬來西亞正宗沙嗲醬，是比較杰身的，混合花生醬之類，不過呢度啲串燒肉質唔算好好，但未至於差，配落佢個沙嗲醬度可以遮掩到缺點，仲有就係佢嘅喇沙，湯底做得好出色，好重夜奶未，不過配米粉好像差了一點點，還有就是我通常都會叫埋巴東牛肉，呢度嘅巴東牛肉味道一流，不過都亦是同一缺點就是牛肉質地一般，但嗰醬做得好食！

多年前來過好時沙嗲，當時覺得好奇怪，咁靜嘅商場入面竟然有咁出名嘅星馬菜餐廳，幾年前佢地重開食然選擇原址，但就加咗鋪位，隔咗幾年之後首次再嚟。食第一啖已經覺得好味！喇沙汁又濃又滑，椰香味重但微辣，米粉索哂汁，只可惜呢度只用米粉而非油麵米粉兩溝，配料都唔少，有豆卜、鮮蝦、白魚蛋、芽菜等。沙嗲串燒嘅薑味十足，沙嗲醬嘅花生味都幾出，但肉就煮得熟啲，口感有啲韌。炸豆腐都做得唔錯，夠熱，食落內脆內軟，但豆腐本身嘅調味唔多搞到好淡，而且份面太多水，要點多啲豆瓣醬先夠味。

同朋友係學校溫書，本身諗住是但頹食，廢事行咁遠，點知突然醒起尖東有好西食，高係好時沙嗲。因為得兩個人，所以無嗌到好多野食，都無食到沙嗲串燒，不過嗌左海南雞飯。食物好快就送上，有三碟醬汁，有辣有唔辣，迎合各人既口味，仲有碗湯，清清甜甜，無乜味精既感覺，不得不提就係碗油飯，飯煮到粒粒分明，油飯既味道又好特別，咸咸地。海南雞方面，肉質好白好滑，唔使點咬就入口都得，份量就合理，一碟都有五六件雞塊，雞皮都好滑，唔食皮既我都不禁食左幾塊。

Lunch時間去幾乎滿座，我見唔少人都係叫海南雞飯，份量都好大，油飯個樣仲相當吸引，不過我就叫咗叻沙$50。一嚟到就覺得個湯非常「傑」，另外仲配上蝦、魚蛋同豆卜，三樣配料都好好食，亦都夠味。湯底同平時食開有啲唔同，唔係好辣，比較重椰香，不過都好好味。唯一一樣美中不足係佢剩係得米粉做麵底，口感略嫌唔夠豐富，如果有多一種麵底就好喇～另外叫飲品都有半價，大部分都係$9-$10，有最特別嘅椰子飲品，好似叫真椰，亦有最普通嘅咖啡檸茶檸蜜，不過檸茶叫咗少糖都仲係非常甜，怕甜嘅朋友可以走甜。上菜速度都非常快，下次一大班人去嘅話可以每人叫個飯，再叫餸，咁就可以食到更多款式嘅食物喇～

去尖沙咀想食海南雞飯 搵到呢間 真係第一次食 地方係一個商場裹面後少少的舖位 總算易搵到 當然要點海南雞飯, 之後仲叫左巴東牛肉同半打沙嗲串 -海南雞飯 雞非常滑嫩 一點都不韌油飯剛剛好 不油膩 而且配埋3隻不同醬料 仲有湯 ~好好食 －巴東牛肉 份量比較少　肉質還可以 少少辣　醬料很好味　可以捞油飯一齊食～ -半打沙嗲串 可選擇 (牛, 雞, 豬) 最後叫左3串雞, 3串豬 一黎到已經覺得好好食 最重要果沙嗲醬真係正 配埋一齊好味~ 仲有其他野食都想試架 ~ 下次會想試埋叻沙呢 !  

食左呢間星加披菜館都好幾次喇真心抵食好味！價錢平份量多而且味道不錯亦是約三五知己聚會的好地方大聲講野都唔怕！之前食過佢地嘅星洲炒蘿蔔糕、辣通菜、串燒、排骨茶同海南雞飯都好好味今次兩個人就叫左三款星洲炒蘿蔔糕排骨茶(肉骨茶)加多加多加多加多相信很少朋友會叫嘅一款菜式呢款菜式係印尼特式菜因為屋企人係印尼人有時都會自己整黎食見到就試一試啦！花生醬配有生菜、青瓜、薯仔、蛋等面上亦有一大塊蝦片(可以整一細塊混合食)當前菜食比較開胃味道ok但就覺得星加坡菜會較為好味！星洲炒蘿蔔糕$60份量多夠鑊氣xo醬配有菜甫及蛋超足料！ 惹味可口！值得一試！真心推介！排骨茶配細碗油炸鬼$65茶味香濃回甘肉質嫩滑油炸鬼浸落排骨茶食 味道ok推介！

朋友成日都同我講好時沙嗲回來了，一定要去再試試😆不過講真⋯佢倒閉過我都唔知😅以前返學都成日走過黎尖東食好時沙嗲⋯又平又好味喎😋好有大學回憶既一間餐廳😊排骨茶-真材實料，湯入面有強烈既藥材味道，唔知點解覺得好似台灣夜市啲十全排骨湯既味🤣無骨海南雞軟滑有雞味，點薑蓉黑豉油真一流，必吃油飯（健康主義既就咪叫油飯，都真係好肥吓好油膩！不過我呢啲都唔理咁多，最緊要好味！）炒蘿蔔糕-我最喜歡這裡的蘿蔔糕，炒得香口惹味。大大碟又好夠鑊氣，大家都一致勁讚，話精髓在於啲菜甫好好味😆炒貴刁-炒蘿蔔糕同佢味道都相類似，可以兩者選其一，個人私心較推薦炒蘿蔔糕😊另外，沙嗲串燒也不錯。加上價錢大眾化，值得推介。

由於突然間很想吃海南雞飯，要揀一間地點就腳的，便想起尖沙咀的好時沙嗲，它就在港鐵出口的附近，非常方便 !今天是星期日的午餐，不是很爆滿，所以不用等位便能進店了。我們三人點了 : 海南雞飯 : 海南雞很嫩，沒有太多肥膏，油飯是很香，醬料也很正宗，贊 !咖哩牛腩 : 這個反而沒有太多驚喜，不太辣馬拉盞炒通菜 : 聞落好香，但吃的時候反而不是很濃味在新加坡時很過這當地的羅白糕，這裡的味道很近似，雖然有點偏甜，但還是一口一口往嘴巴放進去

近排要去尖東番工所以見到呢間好多好評仲要係附近就去食午餐時間唔算太full 好快就等到位原本想食喇沙麵/海南雞飯聽到間離枱話呢度最好食係海南雞飯所以就嗌左個海南雞飯同熱檸水（飲品半價、好似椰奶除外）佢上餐既速度好快 基本上你嗌完到送個飯個過程5分鐘內就搞掂份雞睇落少 但未食晒已經覺得飽唔知係唔係太油既原因因為油飯無咩味 只係得個油個雞就無味要靠d醬 但就好嫩滑海南雞飯跟埋湯 係雞湯黎 但味道好淡 中意飲湯既我都覺得麻麻埋單就加埋一

去紅磡理工大學睇龍劍笙嘅牡丹亭驚夢趁有時間就同我lilo行遠d搵坐咁啱之前友人帶我路經好時沙嗲，咁就帶佢去試試6點幾人都未算多，食食下就越嚟越多人兩個人叫咗三樣嘢Lilo食叻沙，湯夠熱又夠香濃，魚旦一開二份量超多，味道幾多豆卜果然係吸汁能手，正！海南雞飯個油飯真係好好食，食食下成碗食曬個雞都幾大碟，味道唔錯，有好多雞胸沙嗲比較遲嚟有兩串雞肉，兩串牛肉，兩串豬肉本人較喜歡雞肉加埋特製醬汁的確係好正下次要試試個蝦面

餐牌上明明寫着叻沙是用Thick rice noodles，點知來到發覺根本足用普通江門米粉，根本貨不對辦，全不正宗！服務生完全不接受意見！總之此店是過譽了！本人有多年在星馬工作經驗，絕對分得到何謂正宗。真的中伏了！

想食好時沙嗲好耐，舊舖食唔到，唯有翻新後既佢！叫左沙嗲，香葉包雞，叻沙，椰汁飯同椰汁炒各米！沙嗲一分鐘都唔夠就上，暖暖地，但D肉好梅同有D乾，個沙嗲醬酸酸地，但唔覺好食，係怪！之後來左個好難食同好恐怖既叻沙，一陣睇相就知！基本上係一個咖哩湯，魚蛋鯹到吐出嚟，個湯又咸又傑，河粉好鞋，成件事似嘔吐物！唔知點解係招牌！個香葉包雞好小小，但好明顯係雪左好耐，勁多黑椒同好林身，不過都算食到！椰汁飯要讚，都幾好味！個西米就偏甜，但都幾特別！另外幾位姐姐既服務都要讚，好快好幫手，好醒目，係收銀個一個串小小！總括來講，同出面比係平，但兩個人200蚊又未算話好抵！下次比多次機會，試埋雞飯再比過食評！

After hiking, I was super hungry but we still managed to hold it untilWe reached this Singaporean restaurant. This restaurant was famous for its unique satay and tonight I finally have a chance to try it out. Satay platter:I was actually quite disappointed as everyone said that it was super yummy but I found it not so special. I don’t know if it was the sauce or the chicken itself was sour. I didn’t finish the chicken as it tasted sour but the beef and pork was alright. Laksa:The soup was very n