影片
以上資料只供參考, 請與餐廳確認詳情
我們一行七人，星期六11：00不難找位，竟然在拿籌時講埋飲咩茶。填寫點心紙後半小時後才有點心到，是新鮮出爐的，所以沒有不滿。我們之後order第二輪點心＆甜品，結果點心比甜品遲到，我們有的是時間，而且點心也夠熱，所以沒有問題。點心在同區來説幾好，但是食哪一間結果總是覺得特別口渴。家人喜歡吃「小尖堆亅，我喜歡吃蒸魷魚。我們order了灌湯餃，誰不知用料比蝦餃燒買白菜餃差，好像不夠鮮；叉燒腸不滑且很粘，不容易筷子分開。鍋貼同桂花糕都唔掂我們埋單$800+，沒有糖水送也罷了，只送一小時免費泊車？有冇孤寒d啊！自從元朗海天結業後，在區內還未找到喜愛的茶樓😌因為好彩酒樓易找位丶食物和服務尚算合格，有機會再來，期待有改善成為我們的飯堂吧！
繼續閱讀
7月20日本來去彩晶軒飲茶的,但等左半小時都未叫過飛,原來係擺酒好少枱入,即刻轉去呢度,即刻有枱,我地點左一個88元套餐,有炸子雞,一碗菜,一窩上湯河粉,跟住都叫左蘿白糕及腸粉的.洗碗水冇人倒,茶冇人加...放係度好耐....有人行過冇人做....上菜速度都OK,味道唔掂,蘿白糕好粉,好實,唔好味,腸粉都唔夠滑身.套餐的雞都OK,幾香口及脆皮的,茶及河粉都係正常啦.最唔掂係服務,好差好差呀,所有嘢食晒都放係度冇人執的,同埋只叫我地坐開點,俾佢地拉枱拉櫈....價錢又唔係平,環境唔係特別靚....唔會再嚟.
繼續閱讀
冒著黃色暴雨警告下乘車往元朗,第一件事當然是醫五臟六腑。酒家門口勁多人,原來剛巧當天有新人日光日白擺酒,作茶市的地方縮減了。等了超過一個小時終於到我了,酒家以白色為主,白色的凹凸花朵紋天花,襯蟹爪菊型吊燈,光潔明亮。個肚打哂豉,快速點了5枱有3枱叫的$88套餐B。蜜汁叉燒:用梅頭燒的叉燒,帶少許脂肪,入口微暖,軟淋蜜味。以兩條生菜作伴碟,原來燒臘汁配生菜很正。灼菜芯:一碟8條,灼的時間剛好,不會太淋,也不會太硬。高湯河粉:高湯偏咸,河粉分量少,只分到4小碗。眼見隔離左右食米粉和檬粉分量多D,乜河粉成本貴好多?。兩個人食咗個餐還差少許,多叫兩款點心。鮮蝦干蒸燒賣$27:蝦膠很削,香菇粒唔香,肥豬肉適量,每顆燒賣都放上粒青豆,使口腔清新起來。懷舊豬肚燒賣:現在很少酒家會弄豬肚燒賣,當然要試試。豬肚厚身,清洗乾淨,沒有臭臭味。飲飽食醉後,雨亦停了,可以於元朗行逛。
繼續閱讀
朋友要飛回美國, 一眾老友唔少得同佢fairwell, 貪方便回到這家朋友住响樓上嘅連鎖酒樓, 點知就中伏因唔想受限制而且價格偏高, 一眾老友決定"散叫"家常菜色 : 冬瓜盅 大而無當, 湯底同配料無味似開水, 而且瓜肉 已太淋身啦 前菜= 只有拍黃瓜同海浙頭味道不過不失咁, 但係細到呢; 前菜= 牛展算好入味京蔥牛肉教另一位點菜嘅老友失望非常, 唔熱嘅菜似做定好耐, 梳打粉充斥嘅牛肉而給肥膩嘅京蔥疊住, 睇到佢無晒心機 佢太太叫咗嘅肉末四季豆太乾亦無鑊氣 古嚕肉厚粉而味道太假; 連同出一徹嘅香檳橙花骨都係硬度可做石仔玩拋擲百花釀豆腐蒸嘢較為正常但無技術可言, 百福豆腐上放嘅係無味嘅蝦膠(正確係粉!) 一堆疊住毫無美感可言嘅西瓜同菠蘿出場以後者較清甜味美 正值各人食得唔多高興之際, 阿姐解圍咁講: "D玄米茶好好飲㗎!" 或許可以打破僵局~!
繼續閱讀
搬了入元朗後，已經沒有一落街就有野食呢支歌仔唱lu，以前住大埔墟，一落樓不到5mins，周圍已是食肆，絕對不會餓親呀!但是搬進元朗後，換來更寧靜的居住環境，那是值得的; 相比以前住在馬路邊，午夜汽車飄移，難免會被吵醒，現在基本上不會再發生了。這家好彩酒家，離家只是12-13mins步程，算是最近的食店了，閒日喝過多次早茶，等位時間大約在10mins以內，而且不用搭枱，價錢亦大眾化。迷李點心拼盤($16.8): 包括隻素粉果、鮮蝦白菜餃及蝦肉燒賣，這個拼盤的點心時常轉款，每次來都不同的，但燒賣則是鐵腳，每次也有的。素粉果的皮都幾煙韌，內裡也頗多雜菌，味道不錯; 至於白菜餃內裡則沒有太多蝦肉，大部份也是白菜，但都可以接受; 最好的要數燒賣，爽口的蝦肉加上適量的肥肉，入口吃到肉香，算是這個拼盤最好的一款點心。七彩雜素煎米粉($11): 米粉份量頗多，不過所謂的雜素即胡蘿蔔、西芹則寥寥可數，尤幸米粉送上桌時是熱滕滕，挽回不少分數。臘味糯米包($11): 臘味糯米包內有頗多臘肉、臘腸，雖然肥肉極多，但糯米把肥油盡吸，吃後又不覺太肥膩，味道都不錯。這間酒樓的點心並不是最好，但這個價錢做到這個質數，也不能要求太多，如住附近也可一試。
繼續閱讀