女人街食飯公司

營業中

休息中

推介另一間中菜俾大家試吓感覺好似妹記同楚撚記但個人認為呢間嘅質素認真唔錯啱晒星期五晚去一齊啤啤佢嘢食份量都夠四至六個人共享我去當日見到都幾full分開18:30同20:30兩輪提提大家一定要book枱🟤黑松露鮮蝦多士🟤椒鹽粟米🟤黑椒蜜餞薯仔牛柳粒🟤招牌瑤柱走地雞🟤金銀蒜蒸扇貝🟤虎皮尖椒醬爆鮮魷🟤香葱蒸龍𧄌腩🟤欖菜肉鬆四季豆🟤豉油皇龍鬚炒麵門口有對充滿茶樓特色嘅大龍鳳入面裝修係模仿香港大排檔但係係有冷氣嘅大排檔亦相當闊落乾淨嘢食嘅選擇夠豐富亦有幾款唔同啤酒價錢亦算經濟只係海鮮類價錢比較高上菜速度快但依然維持到夠熱絕對係經濟實惠嘅聚餐之選

-對上一次嚟應該差唔多都有半年今次因為屋企人生日 約咗一大班朋友一齊過嚟食飯我哋一行八人叫咗個六人餐 另外再加點其他小菜埋單三千零蚊都有好多嘢食🤭 大家都好滿意 仲話要帶朋友過嚟食佢地懷舊設計 鐵閘 舊式招牌 霓虹燈 全部都係打卡位📸超有六七十年代嘅嗰種情懷✨(⭐️必點食物).✅屋村三鮮✅黑松露鮮蝦多士⭐️⭐️✅淮山杞子燉螺頭湯✅原隻澳洲大龍蝦✅豉椒炒蟶子皇⭐️✅滷水鵝腸✅金沙魷魚✅白菜仔✅墨魚餅✅蔥油雞⭐️⭐️✅蜜餞薯仔牛柳粒✅菠蘿咕嚕肉⭐️⬆️⬆️⬆️每樣炒菜都好有鑊氣‼️蟶子皇新鮮大隻‼️蔥油雞雞肉超嫩滑‼️大龍蝦、蝦多士、墨肉餅 外脆內彈牙‼️絕對值回票價 真系每一樣餸都好出色❤️

想食大排檔又唔想坐係街，依家多左好多選擇！依間樓上大排檔裝修型格，地方又大又企理，正！平日晚九點幾黎到滿座之餘仲有要排隊試左黑椒蜜餞薯仔牛柳粒($168)，炒得啲顏色好靚又有獲氣，三色椒、洋葱、薯仔好香蜜糖味，甜甜地好開胃，牛柳粒都係，而且仲好多汁，咬落保持到嫩滑金瑤扒時蔬（$118)，西蘭花淋上瑤柱金菇芡汁，鹹鹹地好入味，而且仲有唔少菇係上面，夾埋食口感幾好另外仲叫咗兩隻蟶子皇，時價，我今次就百幾蚊兩隻，肉質柔嫩得黎都爽脆，清蒸配蒜蓉粉絲，簡單好食依間開到凌晨12點，真係好岩一大班人聚舊啤啤佢，但真係要記得book位，如果唔係有排等！

🍴晚飯必食三寶 HKD548🔸金蒜銀絲蒸蟶子皇👧🏿同屋企人食剛剛好可以一人一隻 蟶子每一隻都有隻碟咁長 十分飽滿😍上邊粉絲吸收曬蒜香同蟶子嘅鮮味 可以話係精華所在🤤🔸啫啫南非鮑魚雞煲南非鮑魚有兩大隻 口感彈牙 汁煮到入曬味 食落十分惹味🥴但係雞肉就比較少 骨位較多 但係有肉嘅位都煮得入味 同埋唔會鞋身🙈🔸黑椒蜜餞薯仔牛柳粒薯仔有先煎炸過 邊位脆脆地 食落更加香口🥳牛柳粒都大粒 同時又唔會煮得太老😋但係👧🏿就覺得黑椒味唔太出 可能俾蜜糖搶左少少味 成碟都偏甜少少🙈🍴養顏花膠燉螺頭 HKD218一盅燉湯四個人可以每人可以分到兩-三碗左右 十分抵食🤩花膠螺頭令到個湯十分鮮甜 花膠都唔少 每人都可以分到一大塊🥴飲完成個湯即刻覺得皮膚好左🤣

Ladies Street Sik Fan Co. is a local Cantonese restaurant aka Dai Pai Dong, located in Mong Kok. It is like a time machine that brings you back to 90’s HK, the decoration is based on the nostalgic street art of 80’s -90’s HK. From the menu to the atmosphere, you can feel the nostalgic vibe all around the restaurant💈. The staff are funny and friendly, they have recommended some popular dishes for us. The environment is comfortable and clean, it is suitable for chilling after a long day of work.Sw

想試呢間好耐，今次我地大概7點零到上到去拎飛仔，過左大約45分鐘終於到我哋可以入座啦!! 唔好睇店員外表成個硬漢 (澳牛d frd) ，佢好有禮貌，又細心地提議我地點擺野會方便D。⭐️ 金銀蒜蒸蟶子（唔記得左幾錢）蟶子皇新鮮彈牙，乾淨冇沙粒，粉絲索晒啲汁好好味！⭐️Wasabi沙拉骨 $128 （食到得意忘形唔記得左影相）排骨外層金香，肉質嫩滑，Wasabi醬味道適中，唔會太攻鼻，老公平日唔太好Wasabi都覺得好食！⭐️黑松露鮮蝦多士 💲28/1 蝦多士三件起叫，多士非常脆，食落索Soksok聲，蝦肉彈牙，配埋黑松露醬，口感豐富。⭐️黄金軟殼蟹$98軟殼蟹分量都幾多，外脆內軟，面層咸蛋黃好足料，好香！膽固醇超標都要食！

播歌又大聲 仲要播黎播去都容祖兒個兩首歌 完全傾唔到計 聖子又話係最少叫兩飯，叫兩隻既時候又話做緊特價最少要叫4隻 平個2蚊叫做特價，賣唔去咪出聲囉 碟炒菜勁難食 又淋 依間野啲服務員女侍應都好啲 啲帶眼鏡個既男侍應態度就好有問題 依間野可以唔洗再黎食 因為已經唔係好食 食茶記小菜可能仲好食 食依間不如係妹記 上多層就係，我絕對唔係打手 認真妹記好食過依間野多多聲

旺角有格調玩味感中式小炒女人街食飯公司📍旺角通菜街1A-1L威達商業大廈1樓B室➰依間咁有趣名字嘅中式小炒都開左一段時間，終於約朋友搵左日一齊上去試試。✥黑松露鮮蝦多士 💲28/1 ⭐️4.1/5⭐️最少要三件起叫，蝦多士金黃香脆，蝦多士入口彈牙，配上黑松露沙律醬更加香甜易入口，推介。✥黑椒蜜餞薯仔牛柳粒 💲168 ⭐️4/5⭐️份量都唔少，薯仔先炸後炒收汁，做到外皮脆口，加上蜜汁撈勻，入口好滋味，牛柳粒就正常水準發揮。✥金沙脆鮮鱿 💲118 ⭐️3.8/5⭐️金沙脆漿炸衣包裹哂所有鮮魷，望落非常吸睛，但入口感覺頗為油膩，金沙味太重搶去左鮮魷味道。✥新西蘭蟶子皇 💲時價 ⭐️4.1/5⭐️粉絲鋪滿蟶子面，火喉啱啱好，入口鮮滑爽口，非常唔錯。➰總結餐廳主打中式小炒之餘，亦有其他創新菜式，但今日只有兩位，可以試嘅野唔多，裝修佈置方面頗有心思，營造舊時香港風格。➿➿➿#女人街食飯公司#旺角美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機

久仰大名，前排終於來到☺️而且用餐途中已相約朋友下一次再來呢度😂咕嚕肉外層很脆👍🏻如果鍾意偏酸口味，你會鍾意嘅，我就好鍾意啦🤭杏汁豬肺燉湯有驚喜👍🏻杏仁味唔會太過份 (坊間有啲杏仁味濃得太可怕😆)又唔油膩，而且份量比我想像多，能裝到六七碗😂順帶一提，屋邨三鮮嘅麻油味好香，魷魚好爽口，感覺好似旺角某間知名小食店嘅口味😆呢個大排檔好懷舊，包括裝潢、餐具同播放嘅歌曲。裝潢雖然係仿懷舊新裝，但窗框應該係保留舊有嘅🤔餐具有歲月的痕跡，但放心係乾淨嘅😆店內播嘅全部都係八九十年代嘅廣東歌 (出賣年齡嘅時候到啦😂)呢個大排檔亦與時並進，包括強勁嘅冷氣、乾淨闊落嘅環境和殷勤有禮嘅服務👍🏻

係網上搵到貴店第一次到貴店品嚐食店以懷舊香港風格做主題驟眼見環境衛生👍🏻在網上見客人將貴店食品放到網上睇到食品相片覺得出品不錯今日有朋自遠方回港約齊朋友聚會人多食野真好可以品嚐多款菜色首先我鍾意食焗魚腸梅菜扣肉好入味因為朋友落單我吾知道餸菜名清食左隻雞算大隻肉質滑煎肉餅都好好味叫左碟扇貝 冇蒸過火有三味餸菜有啲覺得🤔咕嚕肉上枱我即刻試食感覺醬汁稀做吾到掛身效果醬汁可酸多小小肉質太淋應該要有小小炸後脆身質感叫左碟乾炒牛乾師父炒得有鑊氣上枱重出緊煙但係隻豉油好似帶吾出豉油嘅味道我自己就食到小小濃味🙄朋友有講過小炒皇失色左我自己冇留意整體貴店出品味道係ok嘅因今日掛住同朋友傾計未完全清楚所有餸菜味道日後再次到貴店細心品嚐👍🏻👍🏻👍🏻👍🏻👍🏻

這間食完一次馬上book第二次，對於港式小炒情有獨鍾，很矛盾最怕大排檔濕漉漉的地下和悶熱的環境。有朋自願方來，特別選了有香港特色的餐廳，《女人街食飯有限公司》猶如置身舊香港懷舊大排檔。要讚裝修入營入格，霓虹燈招牌，古舊式鐵閘，不鏽鋼茶壺及摺櫈都足本還原，唯一缺點係餐廳都幾繁忙，要預早少少預約或者提早等位屋村三鮮 $88坦白講我覺得仲好食過旺角好多人排隊嗰間小食店，生腸、墨魚、雞腎都好新鮮爽口，蘸上黃芥辣及甜醬很惹味，送啤酒一流金鴛鴦蒜粉絲蒸蟶子皇（$58）蒜蓉粉絲蒸蟶子皇超大隻，而且火候拿捏得很好，新鮮彈牙，最精華當然是吸滿汁的蒜香的粉絲，一人最少2隻先夠🤣魚香茄子煲（$98）去食大排檔首選的下飯煲仔菜，一上枱渣渣聲熱騰騰，好有風味勁多汁撈飯，再配上招牌香噴噴油飯勁夾，雖然卡路里爆燈，太好吃食咗先講—————————————————女人街食飯公司 (旺角)旺角通菜街1A-1L威達商業大廈1樓B室—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foo

餐廳叫女人街食飯公司簡直又直接就係一間位於女人街 充滿懷舊排檔風的餐廳除左平時見到的排檔小炒外估唔到佢仲有唔少屋村懷舊小食例如一口臭豆腐、生腸墨魚雞腎等兩個人叫左個咖喱水魷做餐前小食好爽口彈牙 咖哩好掛身 唔算辣 但食落好惹味 最細心碗底有青瓜絲 等你可以清下咖喱既重味如果係熱食就滿分了 本身想食牛肉炒河可惜無河粉 轉叫蝦子豬油渣撈麵油渣好好味 脆口 唔油膩 調味做得唔錯高湯蝦乾粉絲雜菜煲上枱時熱辣辣食唔到味精味有好多蝦乾 仲要大大粒 好有蝦味 加分最後食埋粉絲蒸蟶子皇大大隻 食落好彈牙好新鮮用粉絲加豉油蒸永遠都係咁好味 用黎撈飯簡直一流餐廳晚市營業時間到12點適合下次一大班friend再黎😋

🥢朋友介紹呢間樓上大排檔門面裝修 內部整個設計令我諗起一間結業多年嘅大排檔🥹🫁 招牌杏汁燉豬肺湯個湯真係要第一個介紹‼️好飲🤩味美鮮甜杏汁同椰子味本人勁~抗拒杏汁 但呢個完全接受到👍🏻料多🤩一個中湯碗都裝唔晒豬肺好乾淨唔臭 肉好~腍又唔老大盅🤩2條友前後飲咗3碗仔🦪 新西蘭蟶子皇 (時價)蟶子肥厚鮮甜 唔腥無泥味加埋上面啖蔥蒜粉絲 唔洗任何調味🤤🫘 一口臭豆腐攞到埋黎已經聞到臭以為小小地 點知好大碟好多下🫣外表脆脆地 内裡軟滑豆香有甜醬辣醬 點咗臭味更出唔點一樣惹味🍖 鳳梨懷舊咕嚕肉一上枱個臭豆腐即刻比下去炸粉薄到完全唔覺佢存在🤣食落無肥膏啖啖肉 又嫩又腍加上新鮮菠蘿、三色椒、洋蔥點綴果然係第一熱門菜式👍🏻溫馨提示💁🏻‍♀️大家記得要預先book枱因為好旺好full 晚市仲會開到12點 齊齊聽住舊歌啤一啤食返幾味👀🍻(以上食評 只屬個人意見)

餐廳以香港懷舊大排檔為主題充滿霓虹燈、舊式招牌、漁檔仲要係有冷氣嘅大排檔呀‼️每碟小炒都好有鑊氣就算夏天嚟食都唔會怕熱晚市仲會營業到12點架😆一定要book位 超旺場🔸青芥沙拉骨 $128Wasabi味幾濃，但唔會好攻鼻，辣辣地又甜甜地咁，配飯一齊食好開胃！每舊肉都沾滿沙拉醬，仲大大舊。🔸鳳梨懷舊咕嚕肉 $118用咗新鮮菠蘿🍍炒，菠蘿鮮甜多汁！咕嚕肉沾滿甜酸醬，外脆內軟，啖啖肉！酸酸甜甜勁開胃呀😆🔸蒜粉絲蒸蟶子皇 蟶子皇好大隻，好新鮮爽口，蒜蓉蒸超香！面層鋪上粉絲索晒醬汁，正👍🏼🔸油飯 $22之前係間中菜餐廳食過油飯都好鍾意🤣唔會覺得非常油膩，撈左豬油再混合埋蔥花超香

成日聽呢間餐廳啲人講到好正終於有機會一試環境裝修得好特別嗌咗個酥炸牛腩好正放耐咗都唔會林晒唯一可惜嘅就係今次剩係得兩個人食嗌唔到，好多小菜下次多啲人食，應該會開心