女人街食飯公司

營業中

休息中

懷舊窩貼小棠菜 - 冇食過呢個餸一直都想試下, 原來係小棠菜整碎再加好似魚滑之類既野拎去煎炸🤔 味道都唔錯, 但其實冇咩小棠菜味🤣 好似同墨魚餅蝦餅既口感同味道差唔多, 但呢個好似淡味d同埋多左層炸漿, 我就中意墨魚餅蝦餅多d la, 不過冇試過都可以一試! 唔會伏黑椒蜜餞薯仔牛柳粒 - 呢個係大家一致認為最好食既一碟! 薯仔整得外脆內軟, 牛柳粒都煮得好軟稔唔會un . 兩樣野出面沾滿左蜜糖甜甜地好入味! 成碟都好好食!😍鳳梨懷舊咕嚕肉 - 咕嚕肉出面層脆漿炸得幾好, 幾脆身, 又唔算好厚. d肉都冇乜肥肉, 但都唔會好un. 肉既份量都幾多, 唔會三色椒仲多過肉😂 都算幾抵食古法豉油皇鵝腸 - 鵝腸同d芽菜應該係分開炒, 鵝腸就落左d甜豉油咁炒, 芽菜就冇豉油ge, 但個底都好似有少少豉油, 所以撈埋一齊食都可以, 唔會太淡味, 但個人中意再濃味多少少, 鵝腸都有時有少少鵝油味幾香口. 芽菜都ok, 唔會煮得太生, 同埋佢係偏肥短ge芽菜, 唔係幼長個d, 呢隻好似好味d!XO醬海鮮小炒王 - 好typical ge 小炒王, 有韮菜, 蝦乾, 魷魚, 腰果, 上面仲有d銀魚乾仔.

星期六夜晚10點幾，本身想去樓上另一間，但盲無開，於是轉戰二刷女人街食飯公司。餐廳內部一貫地道裝修必食之選：黑松露鮮蝦多士 🌟🌟🌟🌟🌟每次嚟都一定叫，加上黑松露沙律醬，好好食高湯蝦乾粉絲雜菜煲🌟🌟🌟湯都幾鮮，蝦乾好食，唔係唔好食，但有更特別嘅菜前面就略嫌失色。主食：蟹籽蛋白野菜脆米炒飯🌟🌟🌟🌟飯係脆米嚟，口感好食，推薦加埋雜菜煲嘅高湯，會更好食。胡麻雞絲粉皮🌟🌟🌟醬多，好食，但唔算驚喜。戰鬥碗啤酒

20個人去食飯，6點半入座8點3交枱，8點鐘仲食緊，啲侍應已經過嚟執枱，驚死你食唔切，未食完既野仲要畀佢拎收，果然係香港特色！佢哋唔係自己收野，而係叫你擺上轉盤畀佢收，呢個加一服務冇白費到！公道啲講，佢啲嘢食ok gec 特別係黑松露蝦仁炒蛋,薯仔牛柳粒都唔錯，不過可以大份d。其他野食普遍都細份d, 賣單一個都$250蚊。要再嚟畀錢受氣就不了👿 唔好諗住打住大排檔,香港情懷就要食你間野，香港人係醒目嘅!

有冷氣地方寬敞，有哂懷舊裝飾幾過癮。一大班人想柴哇哇食飯係唔錯的選擇。多人嚟可以試到好多菜式🤗燒乳鴿 - 非常出色！個皮超薄燒得勁脆，肉質唔乾好juicy，而且好入味，超推薦💯黑松露蝦多士 $28/pc - 多士脆到飛起，黑松露亦好重手好濃味👍🏻金沙炸魚皮 $78 - 新鮮炸真係冇得輸，鹹蛋黃沙沙的口感加上超級鬆脆魚皮真係食唔停口 超邪惡都要食！八味脆豆腐 $62 - 脆豆腐炸得好出色，脆漿夠薄裡面豆腐依然滑一滑👍🏻地道咖哩水魷 $68 - 冰鎮水魷特別清爽彈牙 口感好正，咖哩汁係精粹，超香濃惹味再帶點沙爹的感覺，微辣好食，適合重口味人士😏咕嚕肉 $118 - 夠脆肉嫩，醬汁好味，脆漿同肉比例剛好，唔會淨係得炸粉團蜜餞薯仔牛柳粒 $168 - 牛柳粒好嫩喎，蜜汁都好味黑椒再重手少少更正蒜蓉粉絲蒸大元貝 $58/pc - 超巨型元貝好抵食小食仲叫咗黑醋茄子、雞絲粉皮都好食。豉油皇墨魚BB 較為失色，墨魚BB係好爽口但豉油皇味道唔夠。

雖然佢哋裝修係舊式大排檔，但服務比舊式大排檔仲差。特別係其中一位男侍應，落單冇耐性，態度勁差。之後因轉枱上的轉盤，導致倒瀉杯茶，整到件衫濕晒，一句對唔住都冇，望一望就走開。生氣😡😡😡😡😡

同朋友傾開，佢話之前去左女人街樓上大排檔，裝飾擺放有好多懷舊香港招牌😍餐廳開到夜晚12點😱😱😱今晚放工收嘢就去試吓😻一去到餐廳真係覺得充滿懷舊氣息，超多人，好彩有book位🤣🤣🤣同大排檔將唔同嘅嘢就係佢有超大冷氣，坐得超級舒服😍😍😍今晚叫咗幾樣嘢食👍🏻密餞金錢鱔，香甜鱔亦新鮮😍黃金軟殼蟹，呢個不得了好邪惡，充滿着鹹蛋黃醬❤️❤️❤️蒸聖子，蒜蓉粉絲入味聖子新鮮彈牙😆😆香噴噴油飯，味道跟海南雞油飯非常相似！😋餐廳上菜超快，真係好似大排檔，熱辣辣鑊氣超香，嘆住冷氣，可以享受到大排檔風味嘅美食，值得encore😍😍😍

女人街食飯公司，就座落係女人街，大排檔風味，裝修全部都係大排檔風、香港味道，超有親切感💟懷舊感覺，但舒服、乾淨，升級大排檔，餐牌當然係大排檔各式小炒、海鮮，啤酒配戰鬥碗就係正🍺未食已經感覺良好瑤柱招牌走地雞，半隻，上枱賣相好吸引，好多唔同既醬料、配料，真係有瑤柱同炸葱頭舖面，好香👍🏻先配瑤柱加葱油，非常香，瑤柱味再提鮮，好好食，雞肉肉質幾好，新鮮雞既味道😋再試另一個醬，類似泰式海南雞醬，酸酸辣辣，幾惹味😗鍾意食葱好似我咁，仲可以一大堆葱加葱油加炸葱頭，好濃味好正💕一碟雞幾十種食法 不得了💦蒜蓉粉絲蒸新西蘭蟶子皇，大碟蒸，連隻碟都係舊式個啲蒸碟，好detail👏🏻好香蒜味，蟶子好好肉，口感味道都幾鮮，粉絲味道一流，爽😗XO醬碧綠炒蝦球，超大碟好足料，XO醬有大蝦米，西蘭花同蝦球都掛晒XO醬，蝦球好鮮好彈牙，相當好味🤤鑊氣都好正，幾唔錯既小菜選擇🔥相當唔錯既大排檔經驗，高質又好味，開到十二點，暢飲暢食，好啱一大班朋友聚會👩‍👩‍👧‍👧👨‍👨‍👦‍👦👩‍👩‍👧‍👧👨‍👨‍👦‍👦

Happy Friday 約三五知己食野飲酒去邊好？ 大家方便梗係去MK 啦😎 呢到環境闊落，老細見我地人多仲好好咁幫我地併檯。 好味菜色多到不能盡錄🤪 去圖❕推介菜式： 蝦餅，臭豆腐，干炒牛河，咕嚕肉自帶酒水50$ 枝with 冰桶🥳🥳環境做到老香港style, 鍾意懷舊feel 既朋友一定要黎打卡阿！埋單：🍺🍺🍺🍻 飲左太多唔記得🤣🤣🤣p.s. 可以早d 打去book 位😏好食指數：⭐️⭐️⭐️⭐️性價比：⭐️⭐️⭐️⭐️⭐️

終於都食到旺角出名嘅女人街食飯公司! 這家餐廳在我的開飯list上面很久了 (心情興奮中🤩)。懷舊風的裝修令人感到驚豔，非常復古的霓虹燈、招牌、鐵閘，模仿8、90年代香港舊時的海鮮檔、燒肉檔、車仔麵、理髮店，甚至麗晶大賓館和酒樓喜宴金龍，真非常適合拍照打卡！連餐桌、椅子、碗筷、水壺等都是8、90年代的款式。至於食物方面，除了一些傳統的大排檔菜單外，亦有一些新的fusion菜和一般大掛檔較少見的菜式❤️。黑松露鮮蝦多士 ($28/件) 三件起和坊間的不同，這裡不是用蝦膠，而是用上原隻大蝦，再加上黑松露真的很香。蝦非常爽口彈牙，麵包炸到金黃色，好香口又唔太油，再沾上有黑松露沙律醬一起吃，十分邪惡又好滋味。一定一定要襯熱吃，才能吃到最酥脆的狀態🤪!一囗臭豆腐 $72未上桌已經聞到朕臭味!!! 以為小小一碟，點知上到黎係好大碟，有超多塊。外表炸到金黃酥脆，内裡軟滑充滿豆香，沾上甜醬辣醬一起吃，正宗港式食法👍! 梅菜扣肉煲 (忘記了價錢)有別於一般餐廳，這裡的是以砂鍋來烹煮，氣氣撲鼻👃。扣肉夠糜爛酥香，入口肥而不膩，也充分地吸收了梅菜的香氣，連皮連肥膏一同吃真的會令人充滿幸福感，白飯少不免要來上一

今日去左旺角睇樓！原來都要幾長時間，唔經唔覺睇左幾個鐘！又行到好攰，就唸起之前有間高質旺角大排檔——女人街食飯公司！人流多，門口有7-8枱等緊。好彩我地兩個人，等左15分鐘左右就有得入座！1. 黑椒蜜餞茨仔牛柳粒 ($168)ENCORE 左呢個餸，水準keep 到！牛柳係厚身，但咬開好軟，好香好有咬口！薯仔係炸過，好香口，青椒洋䓤都好好味, 同埋我覺得價錢都公道👍🏻2. 杜小月櫻花蝦炒飯 ($118）重點係櫻花蝦！彈牙的玻璃蝦仁，放入味道似瑤柱蛋白炒飯裡面，好好味！蛋香重加上顆粒分明的飯，上面鋪左蝦子，幾種味道撞埋一齊好有新鮮感！再一次，我地食到清埋碟。3. 紐西蘭蟶子王 ($136）粉絲加蒜蓉蒸蟶子，再加上豉汁，老配搭，好有風味！今次再食既感覺係，人流比起之前多左。我地頭先打黎唸住book 位，電話哥哥都叫我地9:30pm 後先打黎。跟住walk in 上黎就明白晒，係keep 住有人等位，哥哥仔係好忙😂味道: 4.5/5 環境: 4/5服務: 4/5性價比: 4/5

店內環境闊落，空間感大設計以港式懷舊風為主有場景佈置，例如理髮店、海鮮檔同車仔麵檔等等亦有不少舊式招牌、霓虹燈、鐵閘、紅吊燈等元素門口位置更有喜宴金龍作裝飾，滿滿情懷彷彿置身於香港舊時大排檔而且餐廳營業時間去到凌晨12點嫁👍🏻✾ 鳳梨懷舊咕嚕肉 $118用上新鮮菠蘿同三色椒炒菠蘿香甜多汁；三色椒爽脆咕嚕肉酥脆，啖啖肉醬汁酸酸甜甜，相當開胃✾ 黑椒蜜餞薯仔牛柳粒 $168牛柳粒鮮嫩軟腍，而且好入味薯仔表面焦脆，入面粉粉綿密醬汁甜甜地帶微辣黑椒香✾ 金鴛鴦蒜粉絲蒸蟶子皇 $96上枱時就聞到濃濃蒜香蟶子皇大隻鮮甜爽彈蟶子上鋪了粉絲；粉絲吸曬蟶子鮮味蒜香如果再多啲粉絲就好🤭🤭✾ 金銀蛋浸時蔬 $88叫番碟菜，健康啲🤣莧菜份量多，碧綠軟嫩除左金銀蛋外，仲有肉碎同蒜子蒜子炸過甜味更突出整體口感豐富，入口清爽

尋晚去左位於旺角嘅呢間超人氣餐廳「女人街食飯公司」，去到門口已經見到有超過30人係門口等緊位🙀好彩小編聽朋友講過話要訂位，預先訂左位先😬大家計劃去嘅時候記得要Book位呀😝餐廳嘅裝修充滿80-90年代嘅色彩！非常之有特色☺️ 即刻令小編懷念返以前細個嘅日子😊再食埋啲家常小菜，令小編更加窩心！大叔焗魚腸 $98呢個餸係非常之經典，已經好少餐廳會做呢個餸，小編細個嘅時候就最鍾意呢個餸黎撈飯食，可以食多兩碗飯！佢哋整嘅魚腸非常出色，冇腥味，啲燉蛋亦都好滑！😋XO醬馬拉盞芥蘭煲 $98一上枱已經聞到香噴噴嘅馬拉盞味道，而且個煲仲係熱辣辣添！又香又熱，真係想快啲試吓！🤤八味脆豆腐 $62炸到吹波波 香噴噴！內裡嘅豆腐好嫩滑😋真係外脆內軟！鴛鴦蒜粉絲蒸蟶子皇 $96呢個蟶子皇煮嘅火喉啱啱好！食落有啲煙韌，再配埋蒜蓉粉絲，簡直係絕配！😋醇滑嘉士伯 $30P.S. 餐廳嘅營業時間係去到晚上12:00架，岩哂啲夜麻麻想食宵夜 同埋 夜收工嘅朋友仔去食😋

難得復活節🐣長假期天天👦🏻放假，爸爸媽媽👩‍❤️‍👨都要攝啲時間拍拖🫶琴日就同Baba出咗去食宵夜😍，位於旺角依間 真係我哋食宵夜👍嘅首選 ，水準保持得非常好，而且位於旺角中心地段而且又收得晏👏🐟椒鹽九肚魚炸到金黃酥脆。外脆內嫩的口感，加上鹽和胡椒的調味，讓人回味無窮。🌶️豉椒炒蟶子新鮮的蟶子，加入大蒜、豆豉和辣椒炒制而成。咸香微辣的味道，讓海鮮愛好者一定要嘗試。😍XO 醬海鮮小炒王非常適合送啤酒🍻口感鮮美，香氣撲鼻，韭菜花和銀魚乾的搭配非常契合。加上魷魚鬚，大頭菜絲及香脆腰果多重層次，真係食唔停口

-女人街食飯公司 🍚諗諗下都已經好耐冇食過大排檔聽朋友講呢間都樓上大排檔都幾高質於是上星期同朋友聚會就黎試下估唔到平日上去食飯都要等一陣位 餐廳裝潢好有懷舊風 好似搭左時光機咁有霓虹燈 鐵閘 舊式窗花 舊熱水壺而且冷氣充足 環境闊落乾淨企理🥢啫啫南非五頭鮑魚雞煲 ($218)一放低就係香到要流晒口水呢個五頭南非鮑魚完全係精髓 又大又彈牙索晒D汁真係好好味 雞肉既份量都好多 啫啫雞煲係我每次去大排檔必點 好佐飯!🥢金銀蒜蒸大元貝 ($96/2pc)呢個元貝不得了 大大隻啖啖肉重點係真係好鮮甜彈牙 粉絲就吸收晒元貝精華配埋蒜蓉 豉油 冇得輸 食完其實好想再嗌多2隻~🥢砂窩臘味豬油撈飯 ($88)同朋友一見到係豬油撈飯就即嗌雖然天氣開始熱番但冇阻我地食砂窩飯既心情一放低侍應就會加油豬油醬油撈撈撈再焗一陣 焗到有飯焦再撈撈撈就食得臘味既份量比想象中多 每啖都一定會食得到連埋飯焦同芫茜一齊食 好香口惹味呢~🥢淮山杞子燉螺頭 ($188)本身其實想嗌招牌杏汁燉豬肺可惜8點就已經賣晒! 下次要早D去食!不過呢個都好好飲 完全係老火令湯非常足料 "不"左出黎既湯渣燉到好淋 可以點少少甜豉油食 完全唔會

推介另一間中菜俾大家試吓感覺好似妹記同楚撚記但個人認為呢間嘅質素認真唔錯啱晒星期五晚去一齊啤啤佢嘢食份量都夠四至六個人共享我去當日見到都幾full分開18:30同20:30兩輪提提大家一定要book枱🟤黑松露鮮蝦多士🟤椒鹽粟米🟤黑椒蜜餞薯仔牛柳粒🟤招牌瑤柱走地雞🟤金銀蒜蒸扇貝🟤虎皮尖椒醬爆鮮魷🟤香葱蒸龍𧄌腩🟤欖菜肉鬆四季豆🟤豉油皇龍鬚炒麵門口有對充滿茶樓特色嘅大龍鳳入面裝修係模仿香港大排檔但係係有冷氣嘅大排檔亦相當闊落乾淨嘢食嘅選擇夠豐富亦有幾款唔同啤酒價錢亦算經濟只係海鮮類價錢比較高上菜速度快但依然維持到夠熱絕對係經濟實惠嘅聚餐之選