太平館餐廳

營業中

休息中

老牌餐廳喺香港已買少見少，有多間分店嘅太平館餐廳仍能屹立不倒，大概只有一個理由就係自己物業！做得老牌，食物製法或風味都應會保留傳統，至於價錢相對一樣有番咁上下，所以食大平館下午茶，最適合精打細算嘅我⋯⋯哈哈！太平館下午茶餐選擇一啲都唔少，無論招牌瑞士汁系列、其他焗飯、湯米麵或甜品類都有，老牌餐廳來講，價錢相當大眾化。今日三個茶餐分別⋯⋯太平館瑞士汁炒牛河：太平館招牌瑞士汁一定無得輸，汁香味又唔會過甜，整個炒河一啲都唔肥膩，超好食！焗豬扒飯：呢個係朋友必食之選，佢話食到一種舊式餐廳焗豬扒飯嘅感覺。即係點？！我都不大了解⋯⋯哈哈！葡汁焗三寶飯(蝦、牛脷、雞)：非常抵食，三款主菜嘅葡汁焗，葡汁唔似一般的濃葡汁，配上白飯一碟，好味！當然，餐廳任何時段都會附上主餐牌，種類和價錢同樣多與高。所以，太平館茶餐始終係我首選！

我們2人突然想食瑞士雞翼，便往最有名的太平館出發。午餐消費每位太約 $80-$100，有熱辣辣餐包，很足料又夠味的羅宋湯，主菜及咖啡，銅鑼灣來就價錢合理。羅宋湯真的不可錯過, 酸度是剛剛好, 而且菜很多, 感覺開胃. 所以晚上單點也會叫.今天我們點了瑞士雞翼及燒豬脾，都好味。2款汁顏色看似一樣，如果喜歡甜口，要選瑞士雞翼，喜歡鹹的便是豬脾。雞翼要等上20分鐘, 要有心理準備呀.很入味, 雞翼夠大隻, 啖啖肉.豬睥不太肥, 略嫌不夠厚, 口感不足.餐咖啡也香濃, 享受了悠閒的中午.

唔知你地既童年係屬於咩味道呢？ 而我既童年最開心就係同屋企人去太平館食乳鴿 瑞士雞翼同梳乎厘 ！ 而今日就襯早早地仲未好多人排隊揀左呢間老牌子西餐廳 太平館 入到餐廳 個一陣懷舊味簡直係湧埋黎 無論餐具 裝潢 都係十年如一日 我都可算係由d 侍應由哥哥變到做叔叔 ！ 細個總係一班屋企人食 所以就會有多d款式食 但今日呢 得兩個人所以就叫左呢個 瑞士雞翼餐！ 有一個呠酒豬扒飯 瑞士雞翼 同餐飲 因為我同朋友都想食甜品所以就冇叫太多主飯 個呠酒豬扒飯既豬扒係用左麵包糠炸成既 所以食起上黎都比較脆口 再加上呠酒汁配飯 個口感都非常之豐富 而個瑞士雞翼都係保持十年如一日既味道 雞翼浸到脹卜卜 啖啖肉最後唔少得我地既重頭戲 梳乎厘 以前細個侍應哥哥會淋上冧酒再點火 但而家可能係安全問題 所以冇做到啦 但拎到出黎都仲係全場注目 因為個size都幾大下 食起上黎仲係蛋味空氣感十足 四個人share都係幾夠 童年味道唔係成日都食到 所以間唔時黎下呢度食飯都係十分之回味😋😋😋

太平館餐廳其實係香港老字號，分店都有幾間所以我都並非第一次光顧太平館餐廳過往曾經光顧過尖沙咀分店，而銅鑼灣分店則是首次。兩間分店之間的分別，在食物方面差異不大，而最大差別在於用餐環境尖沙咀分店明顯環境優雅得多，寧靜清幽，座位都寬敞得多而銅鑼灣分店則十分逼迫，人來人往，自由行陸客甚多，店內嘈吵混亂，格調庸俗。店內侍應雖然穿著整齊制服上菜，但細心一看為數不少的手袖污黑有跡，實在驚嚇所以如果想安全舒服用餐，建議還是移步到尖沙咀分店吧廢話講完，講返食物重點雖然銅鑼灣店環境欠佳，不過平心而言食物質素屬於高水平點了一個2人晚餐套餐前菜沙律，配菜新鮮，蝦肉飽滿爽甜清炒時蔬，賣相欠奉不過配合了煙肉炒，菜又新鮮，味道不賴主菜當然要試瑞士汁炒牛河非常出色，油份不多，但每條河粉都炒得均勻熱辣，牛肉的鬆肉粉並不過火，能夠品嚐牛肉原味肉汁太平館必點食物必不可缺大大隻瑞士汁雞翼它的瑞士汁相信獨步香港，要做到如此香甜濃郁，雞肉又嫩滑入味，暫時無出其右甜點似乎係布甸，味道頗香滑，但不清楚名堂是什麼整體而言，食物質素必定滿意，不過價錢略貴，還是尖沙咀的環境才更為值得吧

點完湯 就送上微暖餐包 一行6人 每人一個 開頭仲以為點幾多個湯先有幾多個包以前好討厭呢個餐包 但係當越來越小見到呢種餐包既時候就覺得佢好珍貴 男仕們 哥哥同爸爸就點左個牛尾湯 好濃味 我就覺得味道重手左少少我就未坐低既時候已經睇中左呢個燕窩雞蓉湯 我諗可以養顏 阿嫂就嗌左個海鮮湯 勁足料 有鮑魚 蟹肉 等等 入口既海鮮味一D都唔假 ! 百幾蚊一碗 絕對係交足功課!嗌左2份蝦多士 唔太油 炸粉又唔厚 多士中間仲夾左肝醬  側邊D沙律都好好食 夠多沙律醬點左個乾炒牛河 呢個就比瑞士汁少河遜色 唔會話特別好味瑞士汁炒河 係菜遠牛河既朋友 精髓係個汁 所以醬汁既比例既比較多牛舌 厚厚既牛舌 好少見 我開頭覺得就咁睇都幾難接受 不過食落又真係幾好味 唔難咬  唔同出面又UN又老燒魚 比較多骨 乳鴿係咁多道菜之中最失色 唔香 肉質較乾 巨型梳乎厘 6個人分都覺得多 好香蛋味 瑞士汁雞翼 全晚既焦點 雞翼漲卜卜 無雪味 雞肉都好滑 都加埋無敵瑞士汁 

平安晚前夕，大家都想嚐試下新的餐廳來慶祝聖誕。這間餐廳內部結構是英式風格。待應十分有耐性和態度很好，我們坐的桌子很細，放了2碟菜已經很逼。我們食完，不停地叫待應收碟。他們不但沒有表現煩躁，反而問我們要不要換新碟食，他們真的很好！！這間餐廳雖然較貴，但食材十足，份量很大，所以我覺得幾抵食！鮮牛尾湯濃湯，很重牛肉味，餡料也十足。焗洋蔥湯  清淡，很重洋蔥味，餡料也十足。大蝦沙律 很少餐廳還會有這傳統沙律食，這入面有蘋果、薯仔、青瓜、大蝦、蕃茄。太平館瑞士汁炒牛河河粉炒得很干，牛肉煮得剛剛好，但太多汁了，有點鹹。太平館瑞士雞翼 8隻 我最喜歡這個，一黎瑞士汁很好味，二黎雞翼煮得好滑好軟。而且，這個有“米之蓮”之稱。太平洋焗梳乎厘這個是店內最具特色的甜品。它很巨大、柔軟、滑口、不太甜等等。這一定要同人分享，它有你的臉那麼大。(P.S. 女生們，一定要同朋友一齊食這間，1個人食一定食唔曬！)

對於我呢啲個個星期六都要返工嘅人黎講，星期六係紅日，都係唔錯嘅一件事，變左可以連續休息兩日。聽日唔駛返工，就同老婆出銅鑼灣行下街。經過太平館，老婆話好耐無食呢間啲瑞士汁。難得佢有建議，今晚就食呢間啦!望望餐牌，既然係為咗瑞士汁黎，就點晒兩款瑞士汁嘅菜色。太平館瑞士汁炒牛河 $120 – 牛河熱辣辣上枱，已經傳出陣陣香氣。牛肉份量都幾多，食落肉質好腍。瑞士汁炒成嘅河粉，口感好滑。瑞士汁甜度適中，而且炒得夠鑊氣，好食。太平館瑞士雞翼 (8隻) $176 – 平均都成 $22/隻，但雞翼係全翼，所以好大隻。皮薄，用刀輕輕一切，已經可以好輕易切開。甜甜嘅瑞士汁醃到雞翼好入味，咬落肉質好嫩滑。

好傳統裝潢的西餐廳，整個環境舒適，一入去有個屏風阻擋住，會有位侍應叔叔出嚟問你幾多位，寫低你貴姓，再叫你x小姐一位入去，同一般餐廳唔同。睇落應該係唔會叫人客搭枱，我眼見好多兩個人坐四人枱，一個人坐兩人枱。一坐低有杯茶同濕毛巾會比你，真係好舊式，只記得廿年前阿爸帶我去漢寶酒樓食飯會有遞濕毛巾。嗌左個午餐set，喜出望外！有羅宋湯有焗飯仲會有餐包，餐包大大個仲暖😃茄汁焗大蝦球飯，蝦球切開邊大大粒，汁好濃味，美巾不足杯奶茶唔好，好淡，可能下次嗌咖啡會好D！侍應叔叔們穿著正式西裝/恤衫，埋單又會遞個鐵碟找錢比你，呢間餐廳好有風味，眼見都有好多係熟客，同侍應會傾下計咁，人情味那份人情味👏🏻👏🏻👍🏻😃

閒日下午茶時段有位直入老伙記招呼周到熟練直接帶我們二人坐卡位下午茶的選擇有很多，價位在＄50至＄70不等我們點了焗豬扒意粉和瑞士雞翼配火腿蛋炒飯焗豬扒意粉的份量一般男士吃的話可能不夠但這是下午茶呢分量當然不會太大想不到是吉列豬扒，肉不厚、說真的有少少失望意粉不是很熱、諗身合我心意、味道一般而招牌的瑞士雞翼當然不會令人失望雞肉很嫩入味，不會煮得甩皮甩骨火腿蛋炒飯亦是正常質素不斷有熟客到店見到有兩位熟客甫坐下就點了咖喱牛腩飯下次一定要試試很喜歡這種雇用老夥計的餐廳與熟客打成一片環境舒適融和吃到老香港的人情味

I went there to have lunch and soufflé as my mom highly recommended the soufflé. Their service is great and very attentive to my kids. However, I was very disappointed with their soufflé. Its sweetness is appropriate and has strong egg smell. But it was not fully baked when it first came out. After asking them to re-bake it, it was still raw.The interesting thing was the other waiter told us to return it once we found it raw. Well, I tried to give them another chance and asked them to re-bake it

前一日已訂位，故不用等位。去到時將近18:00，當時若有數張枱有人。是日點了兩個套餐：1. 乳鴿餐  HK$275  ；  2. 瑞士雞翼餐  $228兩套餐均有餐包餐包不像是來貨貨色，鬆軟、皮脆，上枱時是熱辣辣的。乳鴿餐中，可選沙律或燕窩雞蓉湯。揀了燕窩雞蓉湯，內有不少燕窩，濃郁的白汁湯味，唔錯~瑞士雞翼餐，可選鮮蝦沙律或海龍皇湯。揀了鮮蝦沙律。沙律有蝦一隻，切開了一半，都幾大隻，又夠爽。還有蕃茄、青瓜、沙律菜、生菜、薯仔、紅腰豆等，材料豐富，每樣都非常新鮮爽口砵酒焗豬扒飯  --  豬扒很腍，夠哂入味，醬汁很濃，但唔會有酒味，飯是炒底飯，又夠乾身，粒粒分明皮很薄，雞翼非常大隻，肉亦很滑，又夠入味，唔錯乳鴿唔細，肉亦很多，皮亦夠脆。但頗乾身(其實乳鴿又要皮脆，很難做到肉唔過乾)，且我不是太有興趣食乳鴿，所以覺得麻麻。自問真係唔識用刀义食乳鴿，故侍應很貼心地給予我檸檬水洗手個葡汁真係好好味，有椰汁香，但又唔會過濃，個汁又夠滑有幾舊雞肉，size唔細，肉亦嫰滑。當中亦有幾舊薯仔作伴菜。整體很好味套餐跟餐飲及甜品是日甜品是啫喱。

因為六點半前才可以留位，我地很早便到達。餐廳七點左右便滿座。餐房新裝修很有古典味道，服務員跟以前分別不大。食品依舊好食。唯一問題上菜有點亂，可能是因為當天生意太好吧。

今天只想講講極品梳乎厘！有拳頭咁大嘅梳乎厘！等了30分鐘的梳乎厘！好味！易消化！一流甜品。必食！So I only want to talk about soufflé today!It's a HUGE soufflé bigger than my fist!Waited for 30 mins!Good taste, easy eat, perfect dessert, must try!

客人要求凍飲5夠甜，需要糖水，但侍應竟然提供西多士用的糖漿，其次客人要糖水，但侍应叫客人落沙糖，凍飲竟然叫客人落沙糖，真好笑！另外，用餐時要求店內侍應提供餐具，有員工竟然擲碟……可能由於午市時段，比較繁忙！希望下次再來會有改善

這是我第一次到太平館一直久仰大名因為我是瑞士雞翼的粉絲於是我在上星期六就跟父母在下午茶時段去了太平館我們點了： 太平館干炒牛河其實我覺得與灣仔某間著名干炒牛河的餐廳不相伯仲味道濃但又不會太鹹 不會太油膩 可是牛肉真的數量很少和size也很小不過整體來說也不錯 重頭戲—瑞士雞翼2隻和雞蛋炒飯（這是一套的）可說是瑞士雞翼是太平館的招牌，也應該是香港瑞士雞翼的始祖但是跟我平常吃的略有不同太平館的比較濃味，可說是比較苦當然不是燒焦的味道，只是較鹹和較苦不過值得一讚的是肉質嫩滑，骨肉也很容易分離應該是熬了很久整體來說這個雞翼的味道就不太合我口味，我始終比較喜歡甜的瑞士雞翼疏乎里坦白而言我覺得味道只是十分普通，只不過特色在於份量十分大我認為比較甜，蛋味也濃只不過邊緣位置很多也焗焦了我覺得中間位置也是剛剛熟透，呈一點稀狀，不過可以接受的雖然過了30秒後已經塌了三份之一，不過跟很多疏乎里一樣越吃越漏所以一定要幾個人share是否我以前期望過高？食物質素其實還可以的，不過配上這樣的價錢，我想再次光顧的機會都不大