太子餐廳

營業中

休息中

親戚家孩子在這裡丟失了長輩給的紅包，打電話到餐廳後，職員爽快地如實回答，讓家人到餐廳拿回，非常感謝。整體體驗非常良好，服務態度佳，等待食物時間也不算長。下次會再光顧～

真.失望+一肚氣到餐廳時,已經靜到水靜河飛,落單時候已經講咗3份扒餐要跟炒飯,腦細話ok ok 點哂頭咁,唸住no problem 啦 點知嚟嘅時候,三份餐側邊有薯蓉 ,明明嗌咗炒飯,以為係伴碟,於是問班waitress又話唔知又盛....腦細話落錯,話廚房出錯,跟住拎返份扒餐入廚房,心諗個薯蓉細到=3個5毫子咁,咪攞隻碗拎走佢,is it necessary to take the whole plate into the kitchen again?份餐又等得耐,嚟到已經凍哂😊😊嗌左嘅肉眼扒係靭到一個點咁又咸,食完真要係要去醫院洗腎(: 加埋啲waitress收野收唔切,人地d醫汁都未用完就收都收唔切,以為有炸藥😔😬 仲要倒瀉埋我杯凍咖啡,搞到成枱都係🤗 因為同同事食所以埋單$800 態度又差,野食直情係不予置評添啦. 叫腦細俾多少少蒜蓉汁都好似好唔情願咁,咁度縮就咪鬼開門做生意啦.間餐廳d食客已經屈指可數最弊係7點幾,正值繁忙時間. 見佢同名寶石比,差幾條街啦. 奉勸各位大佬,咪鬼幫襯呢間垃圾,食呢間野真係腎虧,仲好意思收人一份$238 肉眼扒未計加一.總括而言,離哂大鋪,伏到爆

📍太子餐廳太子太子道西162號每次去太子揾食，總是走了去隔離的懷舊餐廳。直至聽到朋友提及呢間餐廳才第一次入內光顧，之前都無留意到呢間餐廳添。餐廳座位算寬敞嘅，算是坐得舒適，木製傢俬帶出一點懷舊味道。侍應態度亦友善啊。叫了煎豬扒伴洋蔥汁，整體上肉質算嫩嘅，不錯呢。蒜茸大蝦伴天使麵，大蝦就一般😬。套餐包咗餐湯，一個餐包，甜品同餐茶。我哋甜品分別叫咗啫喱同涼粉。整體來說，食物不過不失啦，香港嘅懷舊餐廳越來越少喇，真係要幫襯多啲，希望所有懷舊餐廳繼續營運落去。😊

今日行花墟行到肚餓嘅時候見到間餐廳好似幾好味，咁所以就入咗去食，叫咗個白汁龍脷柳意粉同埋肉眼牛扒，個白汁龍脷柳意粉，味道同埋相都幾好食，但係一到咗個肉眼扒之後就完全改變左我食牛扒嘅定義，點解一間餐廳牛扒可以咁難食嘅難食都唔緊要，佢連個汁都非常之難食，都唔明點解可以咁多人去食，價錢又唔係平得去邊仲要貴過去xx餐廳鋸扒，嘢食就唔多講啦，因為真係好難食，侍應嘅服務非常之差叫極人佢哋都好似睇你唔到咁，要叫幾次先應得你一次，成個場成10個侍應個個都好似唔係做緊嘢咁，所以唔會再去呢個餐廳食浪費時間

無論去個湯 同埋帶牛扒 同埋薯菜 都係 用鹽醃過放咗好耐 同個老細講 佢就話冇問題 你飲杯水都係鹹 我點半畀你 態度極之惡劣 我哋未食過個餐淨係飲咗個湯試咗啖吐返出嚟 全部啲嘢都喊叫我怎樣換 跟住我話唔食 佢唔畀我走 一係叫我點過第二啲或者畀曬成個餐嘅錢 我嘢飲都冇飲 牛扒食咗一啖同埋個薯菜食咗一啖 跟住我同我朋友報警 差佬上到嚟咬咗一陣 之後去行過呢個湯我請你飲唔使畀好唔好我話唔使 呢啲咁嘅老闆同埋咁嘅質素 千祈唔好上去食 我哋走嘅時候係得幾枱客 所以有幾好食大家知道

叫左個下午茶沙嗲牛肉煎蛋公仔麵，食食下見到隻曱甴仔係隻碟到。好彩個服務員肯換，但真係接受唔到…廚房啲人又睇唔到，出餐個個又唔睇清楚？點做嘢㗎！之前係到買過外賣，諗住黎試下堂食啦，點知就出啲咁嘅事。對宜間餐廳好失望，唔會想再黎食。

行花墟經過見到這間太子餐廳，之前行都無留意到有這間餐廳，覺得好神奇。跟住俾油鴨腿餐牌吸引住。又咁啱睇緊餐牌時有一對中年男女剛剛食完出嚟，稱好好食，咖啡好好飲，所以我哋都入咗去試，入去前已經決定想試鴨腿及羊架，坐低後就叫咗。還點了前菜田螺，湯方面還有洋蔥湯揀，另外再試埋羅宋湯。點餐時個男士應講嘢好細聲，感覺上無感情似的。像似AI人工智能人。點完後先嚟餐包，餐包暖的，但我嗰個包角位濕了，最怕這樣，只好切走一角罷了。羅宋湯比較茄醬味重，但我OK的，而洋蔥湯幾好飲，但如果有埋芝士在面就滿分。田螺方面正常，如果熱啲就更好了。羊架方面有3大件，夠厚，味都幾好。7成熟又唔會太老，都幾好，但配菜就麻麻，薯條凍的，配菜亦唔吸引。而鴨腿味OK,但如果皮可以整到脆就好，而且無汁的，如果有啲汁伴碟會好好多。甜品都是舊式餐廳啫喱，布甸，涼粉。咖啡俾剛才嘅食客吹大rm, 佢話好好飲，但我覺得正常嘢。我食完後而家先睇到話啲職員無禮貌，但我又無這情況出現，女職員好健談有禮，啲職員好勤力斟水，而且有個大年紀的職員更加同我哋主動介紹店入面啲得意擺設。整體當日來到這間比較舊式的餐廳食嘢，感覺很開心。如果羊架方面可以燒燶啲嘢

因為之前同朋友係花墟附近上開堂，午餐經常去幫襯太子餐廳（個陣覺得午餐CP值高又坐得舒服）。今日剛好約左朋友去附近，順便就去太子餐廳午餐喇～點知好似轉左大廚，羅宋湯味道差左，扒餐份量都少左咁⋯⋯我地兩個女仔好耐無見係咁傾計原本唔多為意，到飲完餐茶要求侍應幫我地加水，第一次來加左，但之後我地再請侍應加水就開始話等陣，遲遲唔黎加水…大概等左3、4個字我地傾到好口乾頂唔順又催人加水，個侍應反而隊左張單叫我地埋單，咁我地又請佢加水，點知今次係個老細黑口黑面行過黎話過晒午餐時間喇，出邊仲有人等緊我地交檯等等說話，我地即刻嬲左問佢：唔係連杯水都唔比飲掛！？ 唔係等緊水飲我地點會坐到宜家啊！ 個老細直情當聽唔到咁走左去，我地個刻又渴又嬲（最衰我地兩個唔係戰鬥格…激到唔識同佢嘈🤬），只能自己永遠blacklist佢，同埋擺上網唱衰佢囉⋯⋯講真，午餐如果有限時唔能好好地同我地講聲咩？駛唔駛扮晒嘢唔加水然後咁無禮貌趕客走啊？！我地等加水先坐到14:15左右，同埋個陣餐廳入邊仲有好多吉檯㗎…祝個老細早日關門大吉喇

行完街,搵食飯,朋友帶路去呢間舊式豉油西餐食飯環境懷舊,食物有驚喜,唔係HEA煮餐廳環境偏暗,可能以前興呢D先叫浪漫啦平均價位都係百零蚊一位有指定特價套餐,有豬扒,牛扒,魚柳,配意粉或飯 包湯,餐包另收加一服務費2SET套餐另有焗薯蓉一客法式田螺,墊底係薯蓉,香草味焗,肉質幾彈牙,味偏淡,配埋薯蓉食唔錯既紅湯2客,足料,飲到洋蔥紅蘿蔔等食材,少少辣,唔錯最搞笑佢有咸檸七叫黎飲,反正想飲,加錢換當特飲汁燒豬扒夠大件,墊底附一份水煮蔬菜同埋番茄仔加薯蓉豬扒鬆化厚身,靠個醬汁個味,不過不失煎羊架,有3支,5成熟,味濃肉嫩,呢個最有驚喜,個燒汁又做得好食太子餐廳太子太子道西162號平均消費$150評分7/10

見到咁有歴史，諗住應該唔錯😏係門口見晚餐價錢又唔算貴，值得試試。點知上到佢只見到比門口餐點貴一百以上的套餐。再三問個waiter 先肯比返個平價餐牌。所以。。。第一件事原來唔係點餐，係點餐牌 ！真有意義 😡😠🤬野食質素比茶記更差，好處係真係無人，唔驚比人趕。到甜品時間居然唔話我知可以要雪糕！ 明明隔離枱岩岩先叫完，點解要忍暪唔話我知。係咪我唔配食雪糕🥲🥲🥲🍧🍨🍦🧁😎騙徒手法果然層出不窮 😎Anyway , NO NEXT TIME 🤫

香港未遇過比這更差的服務態度，一度以為返咗大陸。首先我哋3個人上去，佢安排咗三人座位，我話仲會有一個人，叫佢轉做四人位，佢哋話一陣幫我哋併埋兩張枱，結果人齊之後，佢話張枱太重併唔到（佢連張枱都無掂過，更無試過併）亦無安排番4人座位比我哋（當時只有一半座位有人，明顯佢唔想開另外嘅枱比我哋），結果全程我哋要分兩張枱食嘢。坐低咗就order咗個雲呢拿格仔餅，個waitress 聽錯咗係雲呢拿奶昔，而且無重複單嘅內容，結果等咗一陣，嚟咗杯雲呢拿奶昔，我話唔係我嘅，個waitress好大聲（以全個餐廳都聽到嘅聲浪）：你明明就叫咗雲呢拿奶昔，我重複咗單你話無問題㗎喎！！但事實我從來無叫過，而且亦從來唔飲雲呢拿奶昔。Waitress自己聽錯又唔認，仲想屈我要咗佢杯奶昔，理論咗一陣，結果個經理過嚟話：你唔認叫過，佢就要自己出番錢！（咁係將責任要食客負？但事實我自己想食乜，自己唔係最清楚咩？）食物質素每況越下，連服務質素都咁差，仲點會留到客人呢⋯

早前到花墟買年花過年, 順道同家人喺太子餐廳享用午膳。呢間餐廳已開業超過20年, 可以話見證住花墟嘅轉變!用餐當日係新年前數天, 好多人辦年貨, 所以餐廳中午12點開始營業, 已經8成full! 午市套餐選擇頗多, $79起連餐湯飲品。餐湯可選擇洋蔥湯, 喺香港平民扒房比較少見。魚柳豬扒配薯菜 $93size和味道唔錯, 魚柳煎得幾好。美中不足係薯菜雖是配角, 但得兩舊薯仔實在太少...家人叫嘅洋蔥焗牛柳粒飯 $79 反而有驚喜, 洋蔥汁濃, 焗飯火候控制得好, 牛柳粒又稔又juicy!

下午茶 @ 太子餐廳 ~這一家位於 太子-太子道西 的 Prince Restaurant 太子餐廳 , 屬於老派港式西餐廳 , 開業數十載 , 筆者自小已有幫襯 , 屈指一算 , 都有幾年無來過 .... 當日路經此地 , 雖然肚子不餓 , 但都入內幫襯 , 懷舊一下 ~餐廳的裝修都是老派的格局 , 是有意識型態地刻出英式的裝修 , 當然 , 這是太子道嘛 ,... 明的自然會明 .... 不解釋了 ~Menu ~吉列魚柳配沙律 : 吉列魚柳是龍脷魚 , 外皮炸得金黃脆口 , 肉質都算嫩滑 , 伴以港式風味的生果沙律 , 真不愧為港式西餐 ~焗蘋果批 : 味道非常獨特 , 不是一般的 apple pie 的味道 , 既沒有蘋果的酸味亦沒有玉桂的香味 , 外皮不算酥脆也沒有牛油香 , 但就是甜 , 好吃與否真是見仁見智 , 但就是非一般的蘋果批 ~咖啡和凍檸茶的味道一般，實在不需要太多的陳述～本篇完 ~

去花墟買香草偶遇家姐, 作為乖妹的我當然陪埋家姐買花啦, 而作為有姐的妹像個寶情況下, 梗係有人請食下午茶啦! 拎住一袋二袋, 行唔到遠, 眼見咁古色古香的餐廳, 試試吧! 點知.....雞翼超細隻, 只得4隻, 一大陣雪味, 完全無醃, 又嚡又硬, 只能用不知所謂來形容! 蘋果批, 面頭嗰幾條睇唔出係咩嚟, 食落應該係餅皮! 餅皮唔脆唔香又肉酸, 老實講, 新手整批皮都一定靚過呢個! 蘋果餡唔夠酸又唔甜, 成個批都唔知做乜! 價錢唔記得, 只知性價比離奇超低, 貴到一個點! 

和朋友去食晚飯，我點了當日晚市套餐的油封鴨；一位點了黑椒牛柳；另一位則點了羊扒，全部都係套餐。其中一位套餐有蝸牛，朋友說請我食一粒，正躊躇怎樣吃，侍應已即時悄悄送上多一副食具，抵讚！值得一提的是，油封鴨非常好味，還有最愛的薯蓉，套餐$178，實在性價比極高。筆者已幫襯過很多次，食物水準一直Keep 到，令人滿意。而兩位朋友雖是首次光顧，卻也讚不絕口，頻說沒有介紹錯呢，而且還有大家久違了的花奶啫喱作完美句號！