太子餐廳

營業中

休息中

一年總有幾次因不同原因要去花墟，每次時間許可嘅總是會到這裏吃個下午茶! 愛這裏的老格調，現在這樣的老餐廳越來越少! 企理得黎舒適，沒有那種高不可攀的高竇!食物款式選擇多，味道也好! 至愛的薯仔沙律就是home made 的那種味道，的那種! 下午茶有很多選擇，炒粉面，焗飯，意粉，沙律，三文治，不能盡錄! 最後選擇了3 個set 牛脷沙律，豉油皇炒麵及焗肉酱意粉! 有飲品，埋單只係200 元! 置身這舒適環境，同樓下闹哄哄車水馬龍的完全不一樣，有點像進入了時光隧道，讓自己身心慢下來休息一下罷!食物也非常美味，會keep 住再來!

耐無食簡左依間，簡左依間做紀念日晚餐，咁耐無食餐廳扒餐仍然保持水準依間試左好多次，帶麻扎花食晚餐就第一次入座後服務員態度和藹有禮貌，問我要不要花架？可以提供免費花架比客人，客人無須將花放在櫈上，好貼心服務員吾問，我都吾知餐廳有花架讓紀念日晚飯點綴回憶每次幫襯必叫焗田螺🤤同扒餐晚餐前菜除左叫焗田螺、焗青口都點左，但兩者比較田螺食落帶汁較美味主菜點左西冷牛扒配薯菜，西冷牛扒幾時黎幫襯，依然保持水準，吾錯😋仲有飯後甜品，雪糕配朱古力百力滋做拍檔配搭吾錯餐廳內寬敝，客人吾需要坐得太迫

雖然太子餐廳唔係好似花X餐廳咁便，但質素一定好幾級。常常幫襯佢因為環境好舒適，食物質量又唔錯，當然唔係什麼超級大廚，星級米之蓮，但也是味道也唔錯的選擇。可以悠閑咁食個晚飯，特別係出面人多車多嘅花虛。如果想靜靜地食個飯，同朋友傾下計，呢度係唔錯，有傳統港式扒房文化，有埋甜品🍮你嘆，可以慢慢食。同麗妹撐下枱腳，据個扒。今次叫左個豬鞍同檸檬魚扒，雖然價錢係比普通茶記貴，但可以慢慢食慢慢嘆。跟著嚟埋個甜品🍮都係滿足晒。

想食個lunch,兩大人帶住兩個細路仔。。。 企咗好耐先有人應我，一見到有兩個細路，即時話每人都要order一個lunch..... 仲話食唔曬唔好入去😑大佬呀!個細路得四歲,點食一個餐呀?諗住嗌三個餐加個小食，又話唔得!其實價錢係差唔多， 食唔曬唔想嘥嘢， 所以咪諗住嗌一個小食， 但佢根本唔想理你，分明係趕客! 跟住個老闆直情走咗去,唔理我哋...唔帶我哋入去坐! 叫啲夥記唔使理我哋真係以後都唔想再去!!!!

住了太子二十幾年，間唔中 我會過嚟食嘢，每次來樓面都親切，所以食物質素一般都冇所謂～今天來午餐 見好多人，亦見到老闆， 問佢可唔可以坐，有一個單丁位，佢話唔好問佢！ 夥記叫我自己坐低 ～已經 感覺好受氣！跟住叫嘢食， 老闆就咁掉低個湯～跟住十分鐘內都冇畀麵包我， 又係要問樓面拎！ 等咗半個鐘先有飯食 ，同佢講咗要白飯底，又俾炒底我！ 已經唔想再換！同佢講佢又話係炒底，但係我叫咗你白飯底你話好？ 我唔只見老闆對我一個係態度咁差～啲人追佢話啲嘢食未到佢啲態度都係好差！永不回頭！

雖每次都開「OpenRice 」只是搵食多過寫食評，今次想話比大家知，此間餐廳的環境是休雅（英式）又休靜，傾計談心，非常好。食物上，是西餐好味，後來多元化了。1） 羊架2）銀雪魚及3）大🍤沙津4）田螺伴薯蓉是買飛化上兩個月（9月）同屋企人來食晚餐，有兩位（我唔識）在門口徘徊，她們好奇問我「太子餐廳」得唔得，我只說一句，你試吓啦⋯⋯ 她們最終也有試而且見到我也對我說： 事實上，最近太多遊行示威在附近，食客怕怕以催淚彈作伴食，放心喎，自示威衝突那麼多次，來了三次不會吹到的。希望大家支持只此一家的食肆「太子餐廳」。提提大家，仲有下午茶㗎😋

很久沒見的同學約我來這餐廳吃晚飯，這是我第一次到這餐廳。遠處已可以看到餐廳的招牌，反而餐廳的入口不太大。進入餐廳後有樓梯出現在面前，要走上樓梯才可到達用餐區。樓梯旁掛了一些相架，其中一些是年代久遠的太子道黑白照片，甚有風味。這餐廳環境幽靜，很適合和朋友聊天，我和朋友一坐下就互道近況，兩人說過不停，幾乎忘了點餐。我們點了兩客日式晚餐，一客雞，一客薄西冷。這晚餐日西合璧，除了主菜和白飯，還有麵豉湯（日），又有蘋果薯仔沙律（西）。麵豉湯不會過鹹，沙律心清淡，薄西冷和雞就味道十足，之後還有飲味和甜品，飲品我們選了凍檸檬茶，甜品選了奶凍。奶凍都不太甜，不過不夠奶香。總括來說，這餐廳食物一般，環境和服務都不錯。

行行下街落雨，所以原本要做既任務都暫停一下先。要搵個地方避下雨。本身諗住去同一條街既茶餐廳食個快飯避一避雨就算。點知一打開門就已有經俾侍應上下打量又不俏。。。。咪走囉~ 最後去到太子餐廳。 相信好多人都同我個想法一樣，係想搵個位避雨兼食飯，所以都好多人。上到樓，職員都忙到個碌都唔知去咗邊。但見到有客都笑笑地迎來，真係天堂跟地獄既款待。 講番食，點了焗鴛鴦飯，餐湯就揀洋蔥湯。鴛鴦飯係牛脷配白汁雞球。最值得讚係牛脷，香酥軟滑。 醬汁就唔太濃味，用來撈飯就啱啦~~~本身諗住只有雞球，事實係雞扒，都唔錯啦~~雖然雞扒略嫌乾咗少少。 洋蔥湯就只能講不過不失，無驚喜，但都唔會覺得伏咗既

今日終於有機會去太子餐廳，試試他們的西餐。打量一下餐牌後，點了一份🦞沙律、洋蔥湯及牛排🥩！！真是喜出望外！沙律的賣相非常吸引👍🏻👏🏻之前在其他餐廳也吃過類似的沙律，這兒的水準及誠意，確實無得彈！牛排也不錯！還要配上一個薯蓉，美味！份量也合適，價錢也合理。餐廳環境也不錯，舒舒服服吃頓飯。員工招呼相當周到，不時為我們加添溫水。住在太子區一段時間，也不知道有這麼好的餐廳。這兒的水準，比起連鎖式的餐廳，更有人情味。

去花墟行街諗住食間正常及快捷的港式西餐廳，見到餐牌已深知不妙，果然價錢高昂但質素好一般，個洋蔥湯加左味精，杯凍奶茶真係好怪，唔係一般茶底，有d似國內茶餐廳果d桂花茶？焗飯份量太少，但收費78元，大家樂好食好多，裏面樓底不高及環境暗，十分嘈吵，d員工手腳粗魯，十分嘈吵玻璃及刀叉撞擊聲不停，去呢度食飯好似受苦。

同個女報完補習貪方便上左呢間太子餐廳，8個人，有一個唔想食，叫7個下午茶餐，個女職員話唔得，一定要叫8個，算，我叫8個，雞亦沙津，雞亦淡味，沙津淡味，芒果pancake淡味，賣相很好但質素衰過茶餐廳，不會有下一次

「太子餐廳」位於太子太子道西，屬舊派西菜餐室。店內最特別的擺設，是有關太子道西的歷史圖片及由來簡介，未知餐廳與這段歷史有否關係。 通常一間西餐廳的午餐選擇不過十款，現在有超過 30 款選擇實在少有。 這道「法式洋蔥湯」味道不覺甜厚，欠深度。少了一塊半溶芝士麵包作陪襯也有點美中不足。 「芝士焗海鮮飯」即點即焗，製作需時。海鮮有龍脷魚塊、魷魚、小蝦、青口等，選材水準平平。芝士白汁比預期淡薄，就是舊式西餐廳傳統白汁那份味道。 整體而言，小編對「太子餐廳」的評價持平。人均消費 $86 不算特別便宜，附近亦有相類似但更便宜的選擇。

每一次聽父母在想當年，回想他們拍拖時的浪漫歲月，新填地街同太子道是周不時掛在他們口邊的地方。今時今日，新填地街不要再提了，但太子道，花園街，砵蘭街一帶，依然是旺地，一邊食肆、火鍋店林立，一邊成為了特式的花街，另一邊就保留著上世紀的鐵皮檔。然而，當中，也有豉油扒房的存在，而保持到現在的，已經可以說是老扒房了。而是日我來臨的，是位於花墟內的《太子餐廳》。 我沒有去考究這餐廳有多久的歷史了，只看見，餐廳樓梯旁的圖片及擺設，證明了這兒見證了香港成長的一點一滴。喜歡舊世界的朋友，這一條樓梯，值得你我去停留一番。 中午來，就食他們的午市套餐，跟餐就來一個羅宋湯，而這裡的羅宋湯，感覺似雜菜湯多一點，有少少辣，有茄味，但入口比起平常飲開的清。 傳統的西餐廳，一定會配一個熱辣辣的麵包。《太子餐廳》的午餐也不例外，熱熱的，再整舊牛油塞入內心，很香很味美。 我選的午餐是迷迭香烤羊脾肉蒜蓉汁配飯，羊肉嫩滑而不太羶，蒜蓉汁同迷迭香亦沒有蓋過羊肉自身的味道，配飯食，是香港食西餐的特色，因為中國人，有飯才會飽肚嘛。 餐後，我不飲奶茶了，要了一杯黑咖啡，不過，這只是普通咖啡粉沖出來的咖啡，味道始終差點點。 地方不錯

過咗九龍買聖誕禮物準備開party買完就要慶祝下聖誕先🎅🎅好多地方都有聖誕餐但好似好伏咁千揀萬揀都係嚟呢間我唯一熟悉嘅餐廳又唔伏又有聖誕set又唔太太貴每檯都有呢啲節日玩意好有心思四個人嗌兩個二人餐一個食牛一個食羊蒜蓉包好味好脆沙律嘅菜普普通，未至於唔食得仲有擺盤一人一隻焗虎蝦，幾大隻幾靚架可能太忙，我地四隻分咗兩次嚟，同埋有少少小未熟曬🙈牛扒嗌咗七成但得五六成左右雖然無流血不過紅卜卜但都可以接受嘅其實個飯同個意粉係同一個汁點解會唔同色嘅呢🤔🤔飯就多啲南瓜味意粉都唔差不過我自己鍾意個飯多dd烤羊架都等咗有d耐但一落檯陣羊羶味好香一切開仲不得了明明已經食到七成飽都流曬口水肉好淋，啖啖肉都有羊羶味真係好滿足飯後甜品就麻麻地🙈

最近完成咗個project，中午決定食少少當慶功。大約一點半左右到，唔洗等位直接可以入去。我哋坐窗口位，雖然望馬路，但成個內部環境幾舒服。由於過咗午市高峰期，仲喺餐廳嘅都係d唔趕時間可以慢慢享受嘅食客。我哋分別叫咗「美式雜扒伴燒汁」同「煎三文魚伴忌廉汁」講我個雜扒先，牛扒同雞扒質素中上，好食但未到有驚喜個種。牛脷就煮到好林，易入口，好好食。至於個三文魚，味道都正常，但可惜太多骨啦，食落好唔方便。另外個洋蔥湯都值得推介，香草味好足但又唔會太濃，清清地。