太子海鮮菜館

營業中

休息中

叫咗個孖寶套餐A係西蘭花炒龍躉球及太子叉燒, 叉燒外表ok，食落就係湯渣一樣，西蘭花炒龍躉球就成碟都係油，龍躉球完全唔新鮮，無鮮味，令人非常失望， 一句講曬中伏，行過門口都唔想。

走過這食店門外，看到店名和入口旁的魚缸，還以為是小菜館，入內後，才發現是茶餐廳。點了兩個下午茶，一個是鮮蝦廈門炒米，另一個是豉椒排骨炒麵，跟餐分別點了例湯和凍奶茶。廈門炒米的樣子一點也不像廈門炒米，因為一般的廈門炒米的米粉是能帶粉紅色的。本來對這廈門炒米沒有什麼期望，但吃後卻發現它的味道和平常吃的廈門炒米是一樣的，還算合格。豉汁排骨炒麵則不好吃，排骨沒味道，麵的醬汁太多，而且很肥膩。例湯的味道很淡，奶茶的茶底也不好喝。不過，令我不會再來光顧的原因是服務極差。我們曾向在我們的桌子旁走過的侍應說，請她給我們兩杯茶，她沒作回應就走過了，我們還以為她一會兒後會送茶給我們，但她沒有。第二次她再走過，我們再次向她說請給我們兩杯茶，她仍是不作回應便走了。之後，我們發現其他的枱上是有茶壺和水杯的（但我們的桌上兩者也沒有）看來這店的茶水是自助的。即使如此，侍應不可以向我們說一聲嗎？實在太沒禮貌了。之後，食物送上，我向另一侍應說想要辣醬，她同樣是不作任何回應，結果，我是自行到出菜口旁拿取辣醬的。若店家是以自助形式經營，這沒問題，侍應說一聲就可以了，但完全無視顧客，將實在太過分了。

這店已經幫襯好多年，一直保持超水準的小菜和海鮮。13/4/2019又再惠顧，各樣食物美味可口，性價比超高。當日，我們10大5小預訂了海鮮和壽包。菜單：出席人數：10大5小1）果皮蒸南非鮑魚$58@X12隻2）豉椒炒蟶子皇$58@X12隻3）蒜茸蒸元貝$48@X12隻4）鹽焗奄仔蟹$148@X5隻（每人半隻）5）上湯焗本地龍蝦送伊麵🦞$428@X2隻6）壽🍑包-12個（店子原本沒有的，但老闆特地幫忙訂）另外，我們也叫了其他小菜，埋單$5050，十個大人分都係$505。我們個個食到lam lam 脷，飽到上心口，捧腹回家。唯一美中不足是地下這層枱與枱之間好逼，比較嘈，如果可以坐樓上廂房就好了。早d訂位，應該可以坐得舒服d。

比起蟶子, 我更在意鋪在下面的煎米粉, 在吸收了蟶子的鮮味和豆豉醬汁的濃厚味道之下, 它依然不會糊掉, 內𥚃仍然相當結實, 比起蟶子本身更吸引. 叉燒頗瘦, 以梅頭製成肉香充足, 但沒有脂肪咬出來的油滑感, 我不太滿足! 至於脆皮雞, 皮脆肉滑, 而且沒有油溢味, 比叉燒感覺好些, 托賴我吃過的脆皮/炸子雞大多沒有中伏的感覺!至於兩個主打海鮮: 芝士龍蝦和蒸龍躉, 由於是套餐的關係, 不會有太多的期望. 龍蝦肉多彈牙, 芝士味道不太濃而且伊麵太腍, 但是以龍蝦而言是OK的! 後者最大問題是蒸得不太熟, 特別是近中間骨的部位, 就顯得不太合格了!

長沙灣一向有不少地道小炒店，只是平常不會特意出去，今天晚上正好幾個朋友飯聚，人多點小菜可以多吃一點。雖然名為太子海鮮菜館，但其實位於長沙灣跟荔枝角之間，要不是友人帶路恐怕迷路不知迷到哪裡去。吃小菜必點的小炒王，這裡的太子海鮮小炒皇除了基本的韭菜花、蝦乾，腰果以外，還有鮮蝦、鮮魷魚跟帶子，跟一般的小炒王有點不同，海鮮味道不錯而且鑊氣十足。有酒伴菜當然不能不點的椒鹽鮮魷，難得椒鹽鮮魷不會明顯吃到油炸味，調味得宜不油膩。對於愛吃辣的我們來說，水煮的菜品是非常適合的，這個水煮班球麻辣度適中，夠惹味又能帶出班塊的新鮮，班塊肉質嫩之餘卻不會夾下去容易散，水準不錯。朋友早已預訂半隻至尊燒鵝皇，這裡的燒鵝外皮光澤度不錯，肥瘦度適中，不過不夠乾身，淋上醬汁的關係所以沒有脆皮燒鵝的口感。可能之前已經吃過本人認為超水準的燒鵝，要求自然變得高了，這個燒鵝整體來說是不俗的。吃完香口濃味的小菜，是時候要喝點湯，友人點了這道香茜西湖牛肉羹，湯羹足料，而且麻油的香味撲鼻，配合香茜跟蛋白的清香，實在非常出色跟滿足。

叫碟叉燒雞飯，叫左幾 次瘦叉，呀姐十問九唔應，黎到碟飯全部肥叉，雞無肉得堆骨，40蚊食白飯，其餘全部肥膏，你斬俾個客都要過到自己個關啦，你話碟野叫肥膏骨飯，ok，我食左佢，但你碟野叫叉燒雞飯wo!列入黑名單，請我都唔會再黎，垃圾餐廳！

工作地方睇野, LUNCH未食野, 就順便係附近行下見到餐廳就隨心入去食係門口一塊快餐牌, 就係望到個四寶飯就咁引左我入去食我叫 NO.5 太子四寶飯 加 熱華田  $43又唔貴, 又快, 一入去又有位坐,唔洗等最怕食野要等,除左TEA TIME, 因為肚餓唔等得 華田濃,唔淡, 四寶有(紅腸,雞,叉燒,半隻咸蛋) 再加幾條菜心,又有薑蓉, 齊全對於肚餓既我係唔錯既醫肚選擇 價錢合理, 快 令 正 , 岩曬番工人士既LUNCH 時間 

Lunch 同同事去食飯，因為多人，去左太子開左一枱。本來大家都唔知食咩好，突然呀姨話今日A餐(雙拼叉燒雞飯)冇哂，但有切雞燒鵝飯，貴3蚊。成班即刻勁興奮咁話要呢個飯，我有d 唔理解，不過既然佢地咁嗌，一定有佢既獨特之處。等左一陣，一碟碟既切雞燒鵝飯就排哂隊咁送過黎，雞同鵝睇落都好大件好肥美！切雞油得黎唔算好乾，燒鵝好有光澤，塊皮仲好脆口。加埋燒味用既醬油，甜得黎唔算好咸，正！想加薑蓉同燒鵝醬既都有，難怪我班同事會咁想食呢個飯

前一天收到朋友通知,有意大利北部某酒莊莊主朋友到訪香港,朋友帶其試一些地道菜式,問及我有否興趣參與,我當是欣然答應赴會!七時多到達,只見內裡裝設都是一般港式餐廳款式,但座位擺設得較寬鬆,加上燈光光度適中,感覺也較舒服!由於朋友訂了檯,所以入場就有大檯,也更輕鬆了!由於一班朋友尚未到齊,我就看了餐牌,先點下酒前菜--泰醬煙鴨胸!先來試其味;肉質煙韌有致,加上煙燻味點綴,不蘸泰醬,卻配上了來自意大利的輕淡紅酒,帶來了令人愉悅的感覺!慢慢地品嚐著煙鴨胸的時候,朋友們陸續到齊了;互相介紹寒暄一番後,是時候點主菜了!先來一個燒鵝皇,份量夠大,有點兒霸氣;各人齊齊起筷,連意國友人竟也懂得運用筷子!此鵝皮脆肉滑,而且調味頗佳,再配合一些酸度與濃度較高的意大利佳釀,直令人吃得十分滿足,意國友人也不停稱讚!之後再上燒味拼盤,各人也很快把其掃清,再加一個較少份量的;而這細份的以性價比論十分高,四種燒味都做起很好;燒肉夠脆皮,油雞肉質嫩滑,燒鴨味道適中,叉燒亦夠肥美;對於瘦身人仕來說極度邪惡!另外此兩款一口菜式亦是下酒妙品!火候夠猛,每件肉的份量大小剛好;在口中細品,油脂與肉香蔓延開來,與一些清新爽口的意大

自己一個都係食碟頭㗎啦, 門口貼咗大廚同啲明星影嘅相, 大廚好似上過TVB大廚出馬, 環境一般,飯店咁, 今日叫咗燒鵝叉燒飯睇落幾好, 試試叉燒, 味道唔會過甜, 肉質鬆化, 有肉味, 燒得幾香, 尤其是燶邊啲位, 不錯不錯。燒鵝味道都可以, 皮脆肉味都可以, 但比起叉燒就差少少, 只因叉燒太出色。 加咗$2 叫咗凍飲, 埋單$40, 滿意

同屋企人諗住出街簡簡單單食個晏，經過元州商場見到有間新開既中菜館，門口有D相，以為係菜牌，原來係個大廚上電視比賽嘅得獎相片。心諗攞奬咁勁，試下都冇所謂啦！入到去環境幾舒服乾淨，服務都唔錯！睇下個餐牌價錢街坊價。本想隨便叫D小菜，點知老板竟然親自招呼客人好親切，佢話可以另外寫菜，唔駛跟餐牌。原來老闆就係大廚，好後生喎！最後我地9個人叫咗個招牌燒味拼盤、濃湯娃娃菜、健康手工豆腐、清蒸沙巴斑、豉椒炒聖子、法式焦糖燉蛋、北海道奶椰汁紅豆糕。個燒味拼盤既燒肉比較硬D，好彩燒鵝軟嫩又唔肥因為有老人家，所以叫咗清清地既豆腐，估唔到切工咁厲害，全部都切到好似一mm咁薄，好均勻好靚，上面有鮮東菇，鮮淮山，同粟米，估唔到小菜館都咁有心機豉椒炒聖子有鑊氣又新鮮蒸海斑火喉適中，鮮甜嫩滑意外驚喜係有西式甜品個法式焦糖燉蛋好綿滑，蛋香同奶香好平均叫咗一個試下之後，屋企人忍不住要叫多幾個

長沙灣終於有新餐廳！同屋企人試下新野本身都係諗住試下新餐廳 點知食落有驚喜！炒左幾碟小菜 都好有水準價錢比酒樓大眾化 但水準有過之而無不及最推介係豉椒炒蟶子 少少辣又開胃又惹味同埋最驚喜既係海鮮菜館竟然有creme brulee同紅豆糕等等既甜品 小朋友都岩食 食晒先記得影相添哈哈

經朋友介紹同屋企人來左呢間食晚飯老闆推介我地食佢地嘅自製咖喱同埋秘製燒鵝，味道確實唔錯 另外仲食左個一口骨，好特別好香好好味 最後食埋個焦糖燉蛋，$18一個都幾抵食~呢度環境雖然唔算好高檔，但服務都唔錯，老闆都好nice，而且又唔洗加一，一家人或者一大班朋友來食都好適合 我地4個人平均每人都係幾十蚊，啲餸又夠大碟，下次會帶埋朋友再去食過