太子海鮮菜館

營業中

休息中

傳聞此店晚飯小菜，水準極高，所以在晚飯時段，往往高朋滿座，客似雲來，如冇預早訂位，顧客都無謂嚟此店，碰運氣博即時有位食飯。有見及此，揾食肥華在3月11日便致電此店，預訂咗3月15日晚上18：OO晚飯四人枱，訂枱時接電話位，女服務員，強調因該晚訂座已接近夫卜，衹能安排一張四人卡座給，肥華一家四口同坐，可是當肥華坐落該卡位後，該名女服務見身型龐大嘅肥華，坐得太逼狭，主動為肥華一家人，轉為坐六人圓枱，肥華在此萬分感謝，呢位女服務員嘅貼心安排🙏🙏🙏至於今餐在此店，食到嘅食物都唔使點評，因每樣餸菜，都喺濕水棉胎級数，，食到肥華，靚媽，大細仔仔都俾👍👍👍此店一定有回頭

自伯娘去世後，李氏一家的成員見面機會減少了！幾年間，經過慢慢調整，每逢中秋和農曆新年兩大節日，我們總會聚在一起，延續昔日的熱鬧！不過，每次要找到合意的場地，的確不容易！今年年初九，多謝姪兒的安排，到訪位於長沙灣的太子海鮮菜館。令人稱心的地道的氣氛、分隔的場地和免開瓶費的安排，然而最喜出望外是席間兩道不錯的素菜，加上令大家雀躍的減甜版西米布甸，在配搭其他菜式下，不單老少鹹宜，亦能減輕負擔。據知有不少食飯店因不想為廚房添加麻煩而不做素菜，證明太子海鮮菜館本身甚有態度，值得跟大家分享！當晚李氏成員自攜了香檳、白酒和日本清酒，更有士多啤梨佐酒，Cheers！湯品是杏汁菜膽燉豬肺，每人一碗剛剛好，開餐前先來滋潤脾胃！份量十足的上湯焗開邊龍蝦配烏冬底，記得以前伯娘安排節日的酒樓飯，每當遇到龍蝦菜式，大家便會馬上嘩嘩大叫，氣氛超熱閙！龍蝦新鮮、味道不過濃，但最後竟留下一點烏冬無人問津，似乎我們的食力已隨年齡增長而下降了，哈哈！事前沒怎留意菜單的我，起初還以為這是咕嚕肉，豈料它是一道值得推介的素菜 — 鳯梨拔絲黑醋淮山！採用炸淮山替代豬肉，一咬帶有淡淡酸甜味道的炸醬，十分鬆脆可口，而經炸後淮的山，原本

喺呢間海鮮飯堂食晚飯，真係一個咁意想不到嘅驚喜🎉！首先，佢個豉椒炒蟶子真係太正喇！啲蟶子新鮮彈牙，加上啲豉香同辣椒嘅香味，令人食指大動，口水直流。跟住上咗枱嘅菠蘿生炒骨就真係撈到我咁心水，啲骨頭炒得啱啱哋，又脆又香，菠蘿嘅甜味就好似喺口裏啪啦啪啦嘅爆炸，正喎！飯後甜品我頂唔順，就來個西式跨界嘅creme brulee，同埋正宗港式嘅紅豆糕。creme brulee塊焦糖面脆得嚟，下面嘅奶油質地又滑，紅豆糕就啱啱好嘅甜，食落口感綿密。我對面嘅小朋友眼光都飛快閃過一片讚嘆，全因為佢食得閉眼篤篤口，啱晒小孩子嘅口味。總括來講，呢間飯堂提供嘅唔止係一餐好食嘅飯，更加係一次地道嘅港式飲食體驗。同屋企人一齊食嘅，真係開心到不得了🥢🍽️！下次再來，記得一定要留個位畀我喇！

太子海鮮菜館 #長沙灣太好味了吧😆 份份都大碟～全部都有心製作👍🏻好彩朋友叻 卜枱嗌定餸先去吾系送閘晚去果陣 就咩都賣光光🤣6人行～ 性價比高✨✨#椒鹽瀨尿蝦 $414 @3隻 好好肉👍🏻 連個殼都系脆既 有人連殼食埋 好有益🤭#豉椒聖子皇脆麵 $348 @6隻 大隻到不得了 勁入味😋#蜜汁燒鱔 $288 @半條 個皮都係脆架！ 未試過呢個食法😆#至尊燒鴨皇 $248 @半隻 啖啖肉～ 半隻都好多👍🏻#芝士焗龍蝦 $828 真的很多肉🤤 成個味好夾～#酥炸桶蠔 $248 @5隻 真系 巨 大隻😆 上菜果下都好興奮了🤩🤩 最鐘意呢款🩷 好香好好咬 好滿足！#鮑魚 $348 @@6隻 外脆內軟～ 好彈牙～#牛肋骨 $388 佢脆既程度 吾講得笑😂 d肉 好有牛味 好淋 會不自覺再夾一件🫢😆吾少得甜品🍮#法式焦糖燉蛋 $36@1 有驚喜！ 都幾大碗 好滑 好香😋 食完會掛住佢😍#北海道36牛奶馬豆糕 6件 $28 2款都好食～ 用靚奶 真系會滑d 冇果陣騷味～可以再返吃的餐廳🫢

今次同幾個朋友一齊去同人慶祝生日食飯，其中兩個朋友屋企未推介我哋嚟呢度食飯，先講地點就喺荔枝角同長沙灣中間，長沙灣站應該比較近啲，或者叫做方便啲行過去，其實都唔係行好遠，都算幾方便。裏面裝修簡潔乾淨，真係菜館嘅感覺。我哋先叫咗個孖寶組合，就係一碟叉燒配一個響螺雞湯。個湯好足料同埋好夠味，碟叉燒其實都好好味，嚟到都係暖暖哋嘅，不過碟叉燒係上咗幾個小菜先上。我哋當然有點到佢哋嘅招牌菜，就係響餐牌上面做封面嘅豉椒炒蟶子米粉底，果然係招牌菜，炒得好入味，加上個米粉薦底有埋香脆嘅口感，好好味。之後我哋仲有食咗半隻燒鵝，燒鵝皮都好香口，成隻燒鵝都好味㗎。仲有基本每次嘅咕嚕肉，都係中常嘅水準。之後仲有一個金銀蛋莧菜，冇失手。最後，我哋一早已經預訂左一個傳統特色甜品，西米蓮蓉焗布甸做朋友嘅生日蛋糕。呢個真係好友驚喜，味道唔會好甜啱啱好，面嗰浸仲好有咬口。個個食完都覺得好好味。所以總括嚟講今次呢度食飯經濟實惠又開心，一定會返嚟再食過。

4人叫左6樣野個鱔好得😍又脆又彈牙，無得輸龍蝦伊麵清清地，唔咸伊麵襯返個龍蝦鮮味蝦夠哂入味，唔會太咸，個殻易甩蒜蓉粉絲蒜扇貝清清地幾開胃另外叫左個金銀蛋現菜，鴛鴦炒飯。😍

今日突然好想食菠蘿生炒骨，就周圍行下搵下小菜館，行行下發現佐呢間太子海鮮菜館，入面坐滿曬人，但又未至於需要大排長龍，眼見好多都熟客黎幫襯，就知一定唔會太差，於是決定試試佢。大概等佐15分鐘左右就有位，2個人嗌佐3個餸。一上檯忍唔住即刻食佐兩舊🤣發現好正影相出返個po推介下，無記錯應該$88，茶餐廳價但有小菜館嘅鑊氣🤤正！不過美中不足係我見隔離檯係有半個菠蘿🍍伴碟🥲可能我地得兩個人啦。bb乳鴿同腐椒絲乳通菜都唔錯☺️最驚豔係食完埋單發現只係$288，計埋兩個人茶錢，係小菜館食性價比都算高👍🏼而且如果一大班人聚餐仲可以食埋甜品同海鮮，特別見到隔離檯食隻蟹爆曬膏，有機會真係要叫埋班fd一齊黎試，嗌多d唔同嘢。

$3400 －圍美食，可以帶酒免收開瓶費，菜式美味：脆皮燒鵝，大蝦米餅，新鮮菠蘿生炒骨、香濃燉湯、燒大鱔、菜色美味、值得推介、仲可以要求房間飯局、品嚐12位菜式，價錢O k

菜式好味👍👍👍燒鵝脆皮吾太肥、其他菜式味道香1圍十二人享用$3400元，靚湯、脆口炒飯、香濃美味鮮菠蘿牛付粒、大𧎚米餅飲酒非常合口感～正⋯⋯正，可以要求有房享用美食😃

𝕊𝕖𝕡𝕥𝕖𝕞𝕓𝕖𝕣 𝟚𝟘𝟚𝟚🙆🏻‍♀️ ：今個中秋食飯有驚喜！🙋🏻‍♂️：但冇我份食喎（每年屋企做節食飯好多時都會嚟呢度包間房仔，打下麻雀，大家聚一聚，今年一如既往，當大家都以為係食普通野既時候，好啦！上菜啦，嘩嘩嘩，好精緻喎 ，咩事今次咁有驚喜既，果然由後生女叫菜係唔同d。分享下今次菜單蟶子煎米粉底鹽焗奄仔蟹(每人半隻)蝦多士拼金錢雞黃金鮑魚牛柳粒拼菠蘿咕嚕肉冬瓜盅蜜汁燒鱔燒鵝(半隻一圍)煙燻太爺雞(半隻一圍)金湯扇影蔬砂鍋蝦籽蝦膏蝦肉炒飯焗蓮蓉西米布甸除咗今次有精緻嘅擺盤之外，令人最驚喜嘅就係每度餸菜都好特色，同埋味道都好一流，黃金鮑魚 鹹蛋黃加鮑魚一齊炸 入口唔會油膩之餘，仲好香脆可口。另外都要讚下每次泥到都必食菠蘿咕嚕肉，雖然好似好普通咁，但甜甜酸酸既醬加埋香脆既肉，絕對好啱送飯食，而且放耐左都唔會影響到d肉既口感，而金湯扇影蔬，呢一道有好精緻嘅擺盤啦，我諗廚師應該用了不小時間去製造，而所有蔬菜都吸收到金湯的精華，好好味呀。當然呢到海鮮都係好唔錯啦，掛住食飯有幾樣菜色都唔記得左影相添😆。）

朋友介紹又一吹水麻甩食店，於是今晚過來試試菜，了解一下。我們一行六人，預早訂枱，店員安排這個角落梳化位置，一讚。如果唔想煩，有是日特價海精選套餐，但由於第一次到來，想吃自己心中所想，未有選擇。椒鹽鮮油下酒的配搭，但略嫌過火。豉椒蟶子皇咪粉底$398~菜單清楚列名$58/隻，米粉底另加$50，由於是食店招牌菜，所以決定一試，米粉底煎得脆卜卜，一塊塊像吃脆米，一讚唯獨是㕑子當日將蟶子皇煮得過火，大家都有點兒失望鳳梨生炒骨$88~生炒骨粉漿未算做得脆口。鹽焗奄仔蟹$474~奄仔蟹$158/隻，大家決定一試，蟹有膏，但未算爆膏，不過不失。整體來說:每道菜味道適中，唔會太鹹，一讚。這裡免開瓶，所以多台食客也自攜紅白餐酒，酒杯四起，熱鬧非凡，這裡適合大夥兒暢飲的好地方。唯獨是冷氣未夠凍，在炎炎夏日，涼快感會比較舒適。

一班人相約BYOW飯局，再次幫襯唔喺太子嘅太子海鮮菜館，幾年無嚟，樓上而家係房嚟，可以自成一角仲正 菜單係訂枱嘅時候已經寫好，等齊人就可以上菜「太子秘制碌鵝」，其實唔識咩係碌鵝，只係知道佢好好好好食！ 好滑好腍，隻脾簡直係不得了「椒鹽軟殼蟹」，超香口，但係佢唔係炸到又乾天硬，係好有咬口「花鵰蛋白蒸龍蝦球」，剩係個賣相就已經超掂， 全晚大家影相影最耐一定係佢 「南乳脆燒鱔」，好香，唔散，肉厚又實，脆皮「孜然烤羊排」 又係不得了，羊熟度非常好，鮮嫩多汁「金銀蒜開邊蝦蒸荷葉飯」 本身都食到飽飽地，但係呢個無可能 skip，香到～ 飯撈埋啲汁同蒜，又係完全停唔到去到尾聲嚟個「家鄉甜薄撐」 係細個成日食「糖蔥餅」嘅味道，好耐無食過，忍唔住又食多幾舊多謝友人們悉心安排嘅高質飯局，絕對會再回頭

一行七人訂左間房，因為房間有最低消費，所以叫左比較多餸。小食有醉豬手、炸金菇、胡麻沙律和蝦多士，蝦多士嗰麵包比較油，其他嗰啲冇乜點試。主菜有琵琶鵝，外皮脆卜卜d肉厚得嚟肉汁又豐富，盤龍鱔，鱔身好粗好大條，嗰汁又夠味，送飯一流，菠蘿拔絲咕嚕肉，皮脆又大舊肉加上鮮菠蘿，最好食系佢，燒雞就一般正正常常，花椒東風螺和上湯番茄准山菜芯就冇試。甜品系焦糖燉蛋，話系名物，個人覺得試吓可以，但不叫也不是損失。埋單每人$430，都可以嘅。侍應明顯人手不足，每次都要出去找人加水、換碟和追上菜，比較磨人。

已經兩年沒有來這店，今天經過再吃， 仍然保持水準，真難得！ 第一次來幫襯， 是夾埋3個素友來叫晒餐牌嗰幾款素食， 雖然只有幾款，但都做得好出色。 第二次來，跟5個家人來，他們吃海鮮肉食小炒， 我自己繼續素食， 他們都大讚店子𣎴知名， 但水準𣎴錯！ 今天只叫一碟豉油王炒麵和脆金菇腰果素炒， 炒面煙韌味道都ok, 脆金菇腰果素炒真的很好吃！ 沒想到兩年沒來，還是這麽好吃！其間見 鄰桌點的龍蝦伊麵， 賣相非常新鮮美味， 見他們也吃得很開心！ 店舖𣎴是位於大街， 但從茘枝角地鉄站行過去又𣎴覺很遠， 值得一試 ！

朋友介紹嚟食晚餐，估唔到個樣好似好舊咁既餐廳，啲海鮮可以煮得咁出色，比得上嗰啲流浮山呀西貢呀⋯每一道餸菜都好新鮮，而且非常足料。其中個黃金鮑魚真係唔係度度地方都有得食。冇諗過鹹蛋黃同鮑魚原來都咁夾！另外個焦糖燉蛋又係一個精粹，估唔到海鮮餐館都可以有西式甜品食！