太元樓

營業中

休息中

端午節一家人去咗北角太元樓做節，食返家鄉嘅上海菜🙌🏻每碟份量都不少，結果食到一家人都捧住個肚走🐷油炆筍一家人都大讚，筍尖稔身入味亦冇渣雞絲粉皮份量好大，加上大量嘅麻醬非常好吃酸辣湯雲吞一碗已經夠4人分享，裏面大概有五粒菜肉雲吞，再加上大量嘅冬菇絲、木耳絲、豆腐乾，酸辣味夠濃，抵過嗌一窩酸辣湯鍋貼底皮煎得夠脆香口，裏面嘅肉餡份量亦唔少，入口啖啖肉小籠包皮薄多汁，肉汁鮮美，一啖咬落去爆汁水煮魚魚肉嫩滑，內有豆卜、寬粉、芽菜、本菇，辣味香濃，非常下飯的一道川菜，不過建議唔食得辣嘅朋友要嗌小辣回鍋肉醬汁香濃，半肥瘦嘅五花腩片加上椰菜、紅椒、青椒，有少少辣辣地，最適合重口味人士乳鴿一隻只需$32.8，非常抵食，乳鴿剛炸起，皮脆又充滿油份，略嫌味道比較淡，點上淮鹽就剛剛好話梅骨推介👍🏻味道有啲似糖醋排骨，加上菠蘿酸酸甜甜，十分開胃手撕包菜椰菜爽口脆身，帶點辣同酸，送飯一流📍太元樓 (北角)北角炮台山電氣道233號城市花園1，2及3座部分平台地下 24-49號A及C號舖人均消費：$200-300食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

之前同屋企人食過, 環境舒服又好食, 經開附近又唻食🤭酸菜魚 $188魚嘅份量好多, 夠2-3人食, 仲有少量薯粉, 豆卜同菇👍🏻睇落好多辣椒, 但係湯底辣到適中, 微酸, 增加食慾😂啲魚質地黏黏地, 厚實好好味😋紅油抄手 $58比起一般紅油抄手, 呢個味道偏甜, 大大粒, 不過個人鍾意辣一啲🤣正體食物份量比較大, 適合多人share, 可以叫多啲唔同款

今日行開炮台山，啱啱有少少肚餓，而佢嘅set餐都好似幾好味，一於入去試下。當時已經3:50分，而佢嘅set餐係去到4:00，一坐低佢哋已經嗌我哋快啲嗌嘢食師傅要落場⋯⋯🆗我哋表視明白就用幾分鐘嘅時候嗌囇嘢食在嗌嘢食其間我哋有問過員工可以食到幾點，但係個員工無回應，咁我哋自然以為可以食到五點之後佢哋開始晚市。之後我哋見到其他客人陸續離開已經好快速咁食曬啲嘢，因為自己都係做飲食業，所以真係唔想阻到人，去到4:30分個員工叫到我哋要落場啦！要熄燈啦！當時個心已經唔係好舒服，因為如果得個一陣間食嘢時間就唔好嗌我哋入嚟，又唔講可以食到幾點，其間啲員工仲喺度講當呢度係大家樂咩⋯⋯咁我哋都無講咩！就諗住走人，人都未起身全場嘅燈熄曬，講真如果咁唔想做我哋生意就唔好俾我哋入嚟啦！無下次（因為食得太急無影到相）

今日年初二都冇咩野開 見呢間上海野會開就黎食✨小籠包 $38有4 粒 皮好薄不過都好易穿 🙈 入面熱辣辣好多汁👍 不過肉就唔夠滑✨水晶生煎包 $48有3 個但覺得一般般 個底唔係燶同脆 🙈 入面又一啲湯都冇🥲✨回鍋肉炒年糕 $108年糕幾煙韌 回鍋肉連埋啲肥膏食幾香 都幾有鑊氣嘅😋✨炒鱔糊 $148鱔嘅份量都幾多 唔會太咸 唔錯👍✨酸辣湯 $38材料都幾多 夠酸但唔係幾辣🤔同埋個質感唔似平時啲羹總括黎講味道正正常常 冇乜特別🙈🙈 環境就幾靚幾舒服嘅 味道❤️❤️❤️💔抵食❤️❤️❤️服務❤️❤️❤️💔環境❤️❤️❤️💔午餐人均～$190 (唔收+1)

3人食團年飯叫左一隻$388 片皮鴨回鍋肉 津白 賽磅蟹片皮鴨既肉勁乾 （下圖）再者 $388 我唔預期配料要加錢重點：成碟鴨好似幾隻配埋一隻 完全唔係同一鴨出身既感覺 又唔問要唔要番個鴨身其他食物還好 值晚市勁多人侍應靚姐係幾好人 但忙到未停過手整體來講建議唔洗去食 訂左位都要等成15分鐘仲要我地自己不斷問先比到埋單連茶+1 $800蚊

今日要介紹已經食過幾次連屋企人都讚口不絕嘅中菜館「太元樓」👍🏻全因佢價錢大眾化，份量亦相當慷慨，由包點到小菜小炒都有水準，經常好多熟客仔幫襯😎佢地嘅下午茶由2點半開始，連湯/豆漿同點心，都只係$50-60，已經係食到好飽😋 點心試過「小籠包」、「生煎包」同「鍋貼」，其中以「鍋貼」最出色😍 外皮香脆金黃，而且漲卜卜好飽滿🤤 「生煎包」就略厭包身偏厚，不過肉餡新鮮嫩滑，湯汁清甜👍🏻《 糖醋排骨客飯 》$57 4 / 5糖醋排骨肥瘦適中，啖啖肉得黎肉質有嚼勁👍🏻 重點係醬汁甜中帶酸相當醒胃🤤 餸飯一流🍚 跟餐仲有粟米魚肚羹😋滿滿嘅粟米粒同魚肚絲，足料之餘香滑濃郁，暖笠笠最啱冬天食☺ 《 上海湯粗麵 》$59 3.5 / 5上海粗麵份量十足，上碟熱辣辣好有「鑊氣」🔥味道偏甜，稍為失分嘅位係麵條太淋影響口感，可能係焯水時間太耐🤔整體而言不過不失😌《 五香牛展麵 》 $49 3 / 5麵底有淮山麵、拉麵同刀削麵等選擇，湯頭清澈，比較清淡🍲 而牛展調味香濃，只係太薄身食起上黎欠缺口感，整體較單薄🤏整體包點較出眾，客飯亦較小菜優勝，最緊要價錢實惠👍🏻———————————————🏠環境舒適度：💛💛💛

估唔到太元樓呢間上海嘢，有啲驚喜喎！星期六去開炮台山，經過呢間太元樓，兩點半又有下午茶餐，又有set lunch , 有辣有唔辣，啱晒我同小朋友一齊去食，佢食小籠包時我食酸菜魚。我哋嗌咗兩個下午茶餐同埋一個set lunch小籠包+涼拌小青瓜+豆漿$47小籠包充滿肉汁，青瓜脆卜卜鍋貼+雞絲粉皮+豆漿$47雞絲粉皮濃郁花生醬味，煎得鍋貼皮脆，有肉肉酸菜魚+豆漿$88（太肚餓酸菜魚唔記得影相添）配菜夠多，魚有多，湯又好飲最後見到枱枱人都食燒乳鴿，梗係嗌返一隻來試正，都好食喎，熱辣辣肉又有未加埋啲華鹽又幾好味。今日經過呢間餐廳估唔到啲嘢又幾好食喎，啲位置坐得都幾舒服，絕對有驚喜，下次可以再嚟食👍

光顧當天，生意滔滔，這夜早到的我可找到一席之地用餐，遲來的客人便唯有等一下。蛋炒飯份量多，飯粒乾身又夠味道。片皮鴨熱辣辣鬆軟嘅餅皮，包裹住香脆又充滿油香嘅鴨皮鴨肉，加埋香甜嘅醬汁絕。口水雞集麻辣鮮香爽嫩于一身。

去北角Staycation前，當然要食個Lunch先，食力啟動嘛🤣選擇了［太元樓］，估唔到呢間超有驚喜喎，原先諗住叫啲啲頭盤邊食邊傾…跟住個份量似主菜咁大碟，仲碟碟都有驚喜😍😍，由其係香煎腐皮卷，個皮超脆仲腐皮香味👍👍👍碟醉豬手又係超正，口感味道都不得了，雞絲粉皮又滑又香又好味，跟住見有午市套餐客飯，叫了鍋酸菜魚配酸辣湯或豆漿，加$25可配小食一款，價錢非常唔錯低食，不得了，飽到去酒店食唔到個下午茶😂😅下次再去北角一定會再去🥰#bowieyim

位於和富道的一間上海中菜（顯理中學對面）經過幾次都想試試，被$29.9 燒妙齡乳鴿吸引了試餐廳環境都比較舒服😌最緊要有足夠的空調🤣🤣如果人數多的位，應該可以安排坐大枱餐廳之內大部分都是家庭客我們叫了紅油炒手，正常味道（辣辣哋有油）醉雞，懷疑師傅比較輕手，酒味不濃😂担担麵，份量都大菜飯,唔太貴，正常味$29.9 妙齡乳鴿 ，味道還好，不過不失黑啤酒🍻$3x其實仲有好多款食物，下次再試今次只有2 個人，食得唔太多😂

其實這食評理應上年就要出，但一直拖到今年才有時間寫。無奈工作實在太忙碌了，但試問香港人有誰不忙？相約幾名友人晚餐，想到好久沒有到太元樓吃晚餐，於是便訂枱來到這裡共膳。蔥油海蜇皮 先來個輕吃，海哲爽口而且很香，是不錯的頭盤。乳鴿 友人堅持要吃的乳鶬，我則沒有淺嚐一下，所以不能作任何評論，但朋友說很不錯，香口脆皮。金磚豆腐 外脆內軟的豆腐，很好吃😋。五味俱全加上肥而不膩，豐富的層次感，足以讓大腦感到愉悅。最後以 蟹粉小籠包 作結尾，吃小籠包時要留意小心的輕輕夾起小籠包，不要弄破小籠包喔。蟹粉小籠包的餡料實在香甜可口，當我輕輕咬開薄薄的面皮時，滿口都是蟹香的湯汁，吃後實在是令人回味無窮。- Thank you for visiting, and I wish you a pleasant day!感謝你的瀏覽，我希望你有愉快的一天！Thanks for your support

🇭🇰太元樓·呢間我係有朋友住附近推介話幾好味 所以黎既😌不過大家要留意佢個入口唔係喺渣華道嗰邊嘅 而係係後面城市花園道嗰邊 大家去既話記住唔好行錯 如果唔係就要好似我咁兜翻成個圈🙊🙊😂·酸菜魚$188 l 妙齡乳鴿$29.8我本身上網睇啲人係推介食佢個排骨擔擔麵同小籠包既 但係我哋去到嘅時候見到隔籬枱食呢個酸菜魚食到好滋味咁 所以就忍唔住嗌左🫢🤣🤣佢呢個都幾抵食 佢超大兜 而且魚肉好嫩 之後佢個調味唔會太油 我地幾鍾意 入面啲酸菜 豆卜 金菇都好食 個底仲有好多紅薯粉 開心😍之後佢個乳鴿我哋叫佢做緊優惠 所以都嗌咗一隻 佢呢個質感都唔錯 而且都算多肉 不過我自己就覺得佢調味鹹左少少🙊·#rbyeat#rby中菜#rby北角 #rby炮台山·📍北角電氣道233號城市花園1，2及3座部分平台地下 24-49號A及C號舖

食咗幾廿次，終於忍唔住要寫「正評」比佢！優質餐廳👍🏻👍🏻👍🏻一般都係食午飯套餐，大件夾抵食，二人餐可以三人食；四人餐夠五人享用，優！👍🏻冷盤必食海哲頭，好大碟，海哲爽，麻油味濃，未試過失準。雞絲粉皮有一堆青瓜絲係面，100%視覺衝激，加埋香濃花生漿，粉皮滑入口，嘩！雞絲就少咗DD，但唔椱口，肴肉果D啫喱無得頂，推介！小籠包就一般少少。主菜好多選擇，會成日叫酸甜魚柳，魚柳一般，但貪佢有菠蘿，賣飛佛，宮保雞丁屋企唔會整，怕洗鑊，所以都要叫；豆腐有兩、三款，但紅燒豆腐最正，豆腐內裡香滑。個餐可以配菜飯，必選，另外兩款湯或豆漿三選一，三樣嘢都唔差，酸辣湯足料；粟米魚肚湯有少少「🐟肚」；最正係豆漿，有豆香而且唔太甜。好戲在後頭，必送甜品：桂花洒釀小丸子，酒味煮過之後好香甜，加埋桂花，perfect match，小丸子好有咬口！正。

又到秋天！又到咗食大閘蟹嘅季節！竟然見到太元樓第一年有大閘蟹套餐！就第一時間book咗去食！真係好抵食，啲蟹仲好新鮮佢啲蟹粉仲要真係餐廳自己拆新鮮蟹膏蟹肉去做，同出邊街叫貨嗰啲好唔同，新鮮好多！蟹粉小籠包真心正！皮薄餡靚仲要勁多蟹粉，一啖食入去淨係食到蟹粉味！超鮮甜另一至愛係蟹粉賽螃蟹🦀️今次賽螃蟹真係有螃蟹😂送飯一流！可惜期間限定，一過咗大閘蟹季節就冇得食🥲想食嘅快啲去book位啦！

呢間係超值之選！抵食夾大件又好味😍😘😋😋😋👍🏻👍🏻👍🏻👍🏻冇加一，叫了2人餐及1只乳鴿，埋單只是$260。好多人來食呢～待應來不及執枱的。乳鴿香熱又醃得夠味;定為小吃選擇的糖醋燻魚份量一點都不小，幸好醋酸不強，正合我胃口;酸辣湯則太強醋味了:客家酒釀桂花糯米丸子糖水，足料又不太甜膩，為這頓飯劃上完美必飽的句號。後記: 本來揀去食印度嘢，後尾醒起delta 病毒肆虐，印度人功勞不少，馬上轉軚。