太元樓

營業中

休息中

北角一向都多餐廳，呢間新開嘅中菜館一直都幾多人嚟食，價錢唔太貴之餘又多選擇！一坐低就會有姐姐拎普洱比你，正常茶樓嘅茶咁，唔會太淡😋我地叫左一籠小籠包($38)🍽有4隻，皮薄多汁！肉汁爆多，好新鮮嘅🤤皮算好薄身，又唔會穿左👍🏻👍🏻 另外叫左獅子頭，有2大粒！有d大白菜同冬菇做配菜🥗🥗 個汁都幾濃縮，但唔會太咸嘅⭐️ 獅子頭就啖啖肉嘅，都幾彈牙！肉味十足，可以撈飯😺😺 炒鱔糊都幾大碟🐟🐟鱔魚肉幾多，同芽菜好夾😃😃 鱔糊味道幾惹味，甜甜地，而且有d麵一齊炒，食落都幾飽肚❤️❤️因為新開所以有某d菜式未有，希望遲下會食到🍽

位於北角新開張既京川菜太元樓新開張，於是抱著人試我試既心態去湊下熱鬧，星期六18:00已經大排人龍，好彩既係我有訂枱，有好多街坊o黎到已經話full booking要等。店內既餐具都係比較優雅，有d似翡翠玉石，古色得o黎又有點新派既感覺。先來小籠包4隻，小小既包點已經見到內裡滿滿既肉汁，慢慢夾起放入口，唔加任何醋汁已經滿口濃濃肉汁香，皮簿肉香。脆皮乳鴿($28隻)2隻，即點即炸，上枱仲係熱辣辣，皮脆而且肉嫩，小朋友都爭住要食，唔係淮鹽都已經好入味。瑤柱蛋白炒飯：瑤柱及蛋白都炒得很香口，飯粒分明，每一啖都有濃濃既瑤柱香氣，火喉十足。椒鹽黃金豆腐：豆腐炸得外脆內軟，豆腐依然非常滑，外層帶有少少七味粉，微微辣度又帶出黃豆香。黃金蝦：黃金蝦被滿滿鹹蛋黃包圍，蝦頭滿滿既蝦膏令整體錦上添花，唯一不足係如果蝦殼帶少少脆會更好。上海粗炒：鑊氣十足，每一條麵都非常入味，食得出師傅用心制作。

北角一向多野食, 不過不太集中, 最近城市花園新開既太元樓, 主打上海菜。喜愛新鮮感既老媽子當然要去食啦～餐廳選擇不少。水晶肴肉!$72肴肉作為小食冷盤 我一向十分喜愛!沾一沾醋, 一啖享受。黃金蝦。$108鹹蛋黃沾滿蝦表面, 而鹹蛋黃調味適中。蝦肉爽脆, 證明食材新鮮。五香牛展拉麵。$68牛展厚度適中, 拉麵偏軟易咬, 但不失彈性。但廚師可想想點樣擺盤!奶油津白。$68忌廉味湯底配津白確實可口, 加上金華火腿粒小鹹配合, 不錯。太元雞。半隻$108正如餐牌description: Crispy!脆口!雞肉嫩口。果然係招牌菜!

每一次約食飯除咗夾啱日子之外仲係要搵一間大家都會想食既餐廳但通常大家都係拖字缺唔拖到最後一刻都唔會決定到咁啱晏就行落銅鑼灣見到呢間餐廳新開就whatsapp大家不如夜晚試下呢間啦終於解決咗一個難題lol其實見到點解想試呢間係因為我見到出面個板寫住話有28蚊試食價食乳鴿因為太耐冇食乳鴿既關係出自私心就同大家講想食呢間lol夜晚7點幾約好咗可能仲係新開張既關係啦都幾多人排隊不過等咗15分鐘到就有位啦等既期間就拎張餐單睇下有咩食啦因為實在太肚餓啦食物選擇我覺得都算多既海鮮類 小菜類 麵類 飯類既都有去開食上海菜通常都一定會點擔擔麵同埋小籠包所以今次都唔例外呢到有兩款擔擔麵我哋叫咗個款係辣味擔擔麵平時我唔係幾食得辣但呢到既擔擔麵辣得黎我係食到既而我平時唔太點食花生醬既所以覺得呢到既擔擔麵做得好係辣味同埋花生醬既份量恰到好處小籠包係必點既item價錢上黎既係reasonable既而家連鎖式個d我冇記錯好似已經要起碼40蚊以上啦小籠包入面既湯幾夠最值得讚係d湯唔會話太味精我最怕就係小籠包d湯味精太勁個味太搶得滯個小籠包既皮亦都算薄之後仲叫咗糖醋魚塊我唔太鍾意食魚但食魚塊我就鐘意因為冇骨lol再加上

今日約左舊同事食飯，由於我們都是港島區返工，其中一人提議去炮台山新開的大元樓。晚餐時份，門口已經企滿人，餐館內人流水洩不通，我們需要等半小時才有位。門口傳單$28隻乳鴿好吸引，點知我們落單時已經沽清😭，好可惜。由於舊同事鍾意食雞，所以我們叫了幾款由雞做的餸。我們點了以下既餸：小籠包：皮薄，要小心翼翼用筷子🥢由頂端夾起小籠包，再沾上醋，湯及醋在口中配合得天衣無縫。擔擔麵：酸辣，份量都唔小，湯底濃郁。宮保雞丁：辣，喜歡辣的要必食。口水雞：辣，雞肉很滑，喜歡辣的要必食。砂窩雲吞雞：材料足，好鮮甜，一試難忘。瑤柱蛋白炒飯：香味撲鼻，蛋白滑，瑤柱香，粒粒分明，垂涎三尺🤤甜品本想叫高力豆沙，但餐館仍未有提供😭唯有叫豆沙鍋餅。豆沙鍋餅：豆沙餡料，炸至金黃香脆，微甜，正👍🏻

本身想食添好運見隔離有新餐廳門面幾靚 乳鴿都只係$28覺得不妨一試內部都好光猛四正約長輩或請客食飯皆宜菜式有齊京滬菜基本款之餘亦有啲係比較考究 例如樟茶鴨 百寶鴨同北京填鴨同埋有啲未聽過未食過嘅 例如 漁夫竹籃蝦 賽螃蟹春卷 西湖藕韵 同黃金棗蓉咁第一次食試啲基本嘢先啦雞絲粉皮粉皮好爽口 青瓜居然冇草青味 仲幾清甜多汁小籠包皮薄多摺餡多汁湯汁熱之後就試咗個樟茶鴨肥美 醬汁味之中有少少茶香同煙燻味配搭饅頭非常出色鬆軟香糯最後食多個酒釀桂花丸子呢間嘅酒味比起其他餐廳嘅稍重啲連帶桂花香都出啲非常清甜食咗咁多嘢都只不過係二百幾蚊Service亦好好食唔哂打包呀姐亦幫我細心pack好用袋裝起下次可以再進階試一啲平時少見嘅菜色

有關注開我既朋友應該留意到我食親中菜多數都係上海菜，呢幾日係北角添x運旁邊開左間上海菜，等我試下先外面連招牌都未整好，店內已經超級多人，呢兩張趁客人走左先影到。裝修幾靚，顏色好柔和，好光猛，俾人好乾淨既感覺。客人自己點菜，餐牌上有幾多選擇，由基本至特色（有部分需預訂）上海菜都有。聽聞新張期間有85折乳鴿預左細細隻冇咩肉，不過呢隻真係冇肉（陰公），得個香字通常首次去食既餐廳，我都會點返基本菜式或者廚師推介，今次就先試擔擔麵。排骨炸得幾香口，厚身，不過調味唔均勻，有部分好咸，又甜甜地，味道怪怪地，唔識形容😂 擔擔麵夠濃味同辣，只係冇咩特別之處。年糕賣相對辦，份量亦好多，足夠2-3人share，但係一食就發現冇味，連穫氣都冇認真要改善下喇。小籠包賣相好麻麻，皮好似好厚甘🙈 好彩同炒年糕相反，入面都幾大舊肉，有湯汁，味道都ok，不過都唔係突出。前菜冇時間試，點好菜10分鐘內不斷上菜，塞爆左張枱，一邊清碟就一邊上菜，完全無視張枱既大小同客人進食既速度😓 服務方面需要改善。如果你鍾意我今次既分享，俾個like同關注我如果唔鍾意就麻煩你手下留情，我下次會再寫好d

係炮台山城市花園附近開左間新上海餐廳 雖然外面未裝修好 但餐廳入面好靚好乾淨☺️因為早入去所以有卡位坐好舒服😊 點菜前會有酸辣青瓜 好開胃Menu上都有好多選擇 價錢又唔貴上湯浸白菜仔 清清地幾鮮甜我至愛既上海小籠包 好多湯係入面😋紅油炒手 唔太辣味道岩岩好😊見menu推介太元招牌海鮮炒飯 所以就叫左試下 材料好足 有唔同海鮮 好好味 值得推介😋最後就係妙齡乳鴿 因為開張優惠$28一隻 差唔多每枱都有叫 所以我地都試左 好惹味肉質鮮嫩😋😋

又到每個月同最好既朋友食飯，因為大家都住港島，就簡左個中間點黎食飯。同另一個fd早小小到炮台山睇下有咩好食，本身想食點心但見呢間新開張又多人排就去拎飛等位😂Tick完食咩本身想加$28要乳鴿，點知已經賣哂了🙈前菜❤️涼拌小青瓜 $42本身以為係酸既開胃菜，原來係用蒜黎拌，幾清爽，不錯❤️雞絲粉皮 $68擺碟幾靚，青瓜絲份量又多，撈起黎食有口感d同可以解走麻醬既膩感。呢度既麻醬好杰，又掛粉皮，粉皮又有咬口唔會散，不錯！❤️擔擔麵 $48呢個係必食推薦，麵有咬口同掛湯！湯底濃郁又唔膩，唔太辣，恰到好處！❤️小籠包 $38有4粒，入面都算多湯，但皮唔會話非常薄，正常水準。❤️奶油津白 $68賣相好靚！超重奶香味，菜亦十分鮮甜，份量亦算多，唔太食菜既朋友都中意食。❤️豆沙鍋餅 $62本身想叫高力豆沙，但新開業未有住。total有8塊，豆沙餡幾正，唔會死甜。不過個皮唔夠薄脆影響左口感，但都ok既。

朋友公司附近開左間新餐館，試業期間有85折，我見就腳，就去品嚐一下。我們7點左右去到餐館，等了一會了就可以有位入座。餐廳環境很舒適，我們安排坐在卡位上。我們點了黃金銀絲卷、擔擔麵、小籠包、紅油抄手、口水雞、辣子雞丁、砂鍋雲吞雞、椒鹽小黃魚、瑤柱蛋白炒飯及豆沙窩餅。黃金銀絲卷：剛炸好熱呼呼的銀絲卷沾上濃濃的煉奶，真是極品，當我一咬下，好滋味，不停刺激著味蕾，包你一吃便上癮。擔擔麵：湯底香濃，香辣美味又開胃，一大碗超滿足。小籠包：皮薄餡靚、肉汁豐富、質感鬆化有咬口。紅油抄手：香氣逼人、一口咬下，肉汁、醬汁、紅油瞬間融為一體。口水雞：醋香開胃、麻辣鮮香嫩爽集於一身，雞肉嫩滑，令人吃個不停。辣子雞丁：由乾辣椒🌶️、腰果、雞肉組成，雞丁酥香惹味，麻辣適中。砂鍋雲吞雞：奶白色雞湯好鮮甜，再加上爽口的小棠菜及雲吞等材料組成。椒鹽小黃魚：小黃魚炸得香脆可口，加上灑在魚身上的炸蒜油而不膩，十分惹味。瑤柱蛋白炒飯：飯有菜心粒、蛋白、炒飯煙韌乾爽，裡面有瑤柱絲，足料。豆沙窩餅：色澤金黃、豆沙餡料、外脆內軟、甜而不膩。妙齡乳鴿$28，可惜落餐時已經售罄，唯有下次再幫襯時先有機會品嚐。