天然豚骨拉麵專門店一蘭

營業中

休息中

記得初初一蘭拉麵過嚟香港嘅時候排隊要超過一個鐘頭，而家大概等10幾分鐘就可以安排入座。我最鍾意呢間餐廳好有日本文化，每一組客人入座，佢哋都會好大聲用日文講歡迎光臨🥰招牌一蘭拉麵 $98 價錢雖然比日本貴，但係香港租金寸金尺土，所以呢個價錢都係無可厚非。我最鍾意選擇六倍唐辛子走油，面底好有咬口。順帶一提，而家帶埋小朋友身高 140cm以下download app 做會員，可以免費一碗小童份量拉麵👍🏻最後掃描店內的QR code，可以儲積分，下次可以免費半份面。

100蚊一碗麵唔緊要，但係少成咁又唔係好好食，得兩小塊叉燒，個麵量係唔係俾小朋友食？憑咩啊？員工服務又唔係特別好，舖頭裝修又唔係靚，真係唔會再嚟啦，唔怪得係日本啲舖頭執得咁多

天然豚骨拉麵專門店一蘭📍尖沙咀棉登徑8號地庫B舖及地下入口大堂🥄經過尖沙咀想食拉麵，簡左好耐無食既一蘭試下去試， 拉麵咬口唔會太淋淋，好爽口，湯底濃郁，我會飲埋湯，不過飲返多點水，至於豚肉就一如既往，唔會好硬，記住下次加底先夠飽，價錢就係貴少少但水準仲係到，環境方面當日都密密坐，想靜少少傾計都唔得

早兩日收工去左尖沙咀上堂落堂都已經9點夜已深諗唔到食咩同行肥仔提議食「一蘭」MM未食過就決定一試聽聞一蘭要成日排隊但當日人又唔算太多等左25分鐘左右就有得食本身期待係隱閉咁自閉食不過原來宜家自閉枱要預先預約😵我地叫左「天然豚骨湯拉麵」盛惠$98，另外再加一湯底可自選濃>普通>清而麵質都可以自行選擇軟定硬身今次我就試左清淡湯.普通麵質同6倍既辣度…湯底：清.唔會太油膩. 唔會咸麵質：正常.不過不失辣度：辣度可能叫得太多.有啲搶左湯既鮮味..份量：少，男仔食一定唔夠要加底總括而言.味道okay,不過性價比唔高一碗麵加埋一幾乎要$108推薦指數：⭐️⭐️⭐️⭐️（味道okay，未試過可以一試）性價比指數：⭐️⭐️（成百蚊一碗，但食唔飽😂）

Lunch時間大約一點鐘到，等左唔使10分鐘就可以入坐，成件事不論裝修同格局都同日本一蘭無分別，而湯同麵確實都好味，當然個人感覺都係日本好食啲，特別係福岡博多本店，而麵既軟硬度我係邊度食都一定係揀較硬，不過都係老通病，就係份量較少，所以一定要order 替玉（即係加底），可以預先order不過差唔多食完先按制叫人比替玉，多加一份半熟鹹味蛋，簡直係正啦！不過其實開返關可以去旅行，如果大家都準備去日本，就不如留返個胃去日本先食，平好多呀，差唔多7折，而且又好食啲，不過等候時間又會耐啲！

面条和面汤都很赞，但是一定要单点叉烧肉，你会惊奇发现单点食材的美味程度会超过面中本身配备的肉片。多点一分葱，点1/2辣，加醋，汤头浓郁到很想再来一碗。值得一等。唯一缺点是服务生态度非常一般，冷漠。味道4分，实惠4分。

好耐冇去過日本啦好掛住拉麵就會諗到一蘭拉麵！我相信所有人都會諗起！我最愛重口味所以叫左濃郁湯底！豬骨濃湯湯底真係好好食 好香，又唔會有豬臭味！因為本身容易胃痛，所以就叫咗超級林嘅麵底！超級欣賞日本人製作嘅食物同埋可以比客人挑選！叉燒入口即溶超級好食 另外仲叫咗一個特濃抹茶布丁唔記得咗影相真係想食完再食 因為超級濃嘅宇治抹茶味同埋好重奶味真係好好食當日人數都幾多，只不過等咗15分鐘等待嘅期間仲可以坐喺舖頭入面排隊

相信香港人都非常之熟悉一蘭拉麵，基本上唔使多介紹，識咗咁多次，今次試吓濃湯同濃油，睇吓係咪真係香口啲，入口感覺還好，不過對我來講就覺過鹹咗少少，睇嚟都係選擇返適中已經好夠味😆😆第一次加隻半熟蛋，間中奢侈一次，好好味😝😝😝開咗業咁耐，夜晚11點去到仲要排長龍，一蘭真係有佢嘅魅力😍

過咗十點諗住食個拉麵，得一蘭收十二點，唯有入去食，入去先在自助點餐機比錢，然後入到去排成半個鐘，真係想講粗口，食個拉麵者，都唔係話特別好食，仲要門口唔話比人聽要等咁耐！

去咗一蘭拉麵，真係好好味！佢哋嘅豚骨湯底非常濃郁，有著濃濃的豬骨味，令人垂涎欲滴。拉麵的口感也非常好，非常有嚼勁，彈牙十足。除此之外，拉麵上的叉燒和糖心蛋也十分美味，完美地融合在湯底和拉麵中，令整碗拉麵更加豐富和美味。一蘭拉麵的食物質素真的非常高，湯底和拉麵的味道都非常出色，令人回味無窮。此外，服務員的服務態度也非常友善和周到，讓人感到非常舒服和滿足。總之，如果你是拉麵愛好者，一蘭拉麵是一個非常值得一試的地方。無論你是要品嚐湯底的濃郁味道，還是要體驗拉麵的彈牙口感，一蘭拉麵都會給你帶來一種非常美好的用餐體驗。

喺香港已經唔係第一次食一蘭，不過就第一次喺尖沙咀呢間食，之前喺銅鑼灣食嘅都係一個人咁坐，而尖沙咀呢間就係平時餐廳咁坐，感覺即刻唔同晒，同埋有少少嘈。我哋兩個人星期六一點半左右去到，門口已經有牌寫住要等半個鐘，最後等咗25分鐘就入到去。佢同銅鑼灣嘅做法唔一樣，呢度係喺自助售賣機度俾錢，然後再有一條長廊排隊，我諗大概都要等二十幾個人。一坐低就揀返自己想要嘅麵質、濃度等口味，我自己就揀咗走蔥同埋½辣。之前覺得食一蘭冇乜特別，後來有個朋友提議加辣，真係好上癮，所以我覺得要加少少落去食一蘭嘅重點😋😋如果加麵嘅話，係張紙填好咗之後，店員會比一個夾夾係枱面，食完原本嗰碗之後就可以叫店員比麵，我諗呢個做法可以阻止啲麵浸到林晒。今時今日黎講，我諗一蘭都唔算係拉麵既唯一選擇，叫做正常發揮，如果唔使排隊都可以得閒去食下。

香港開鋪果陣食過，日本食過，今日貪就腳速食，點知差咗咁多。湯底似足溝水煮，已經唔似以前食落好重豬骨湯味，除咗夠熱我諗唔到有咩優點；叉燒有3小塊，唔計個湯麵呢樣配料已經係靈魂，擺落口直情慘不忍睹，早知去先前望吓大家食評相環境冇要求，預咗個位細細地速食，但求乾淨企理，不過都係飛行物係枱，遇到就自行處理。服務冇要求，一班後生仔女做服務行業比多啲機會，正正常常。整體：$108真係唔值，永遠blacklist各位食家You deserve better

網紅日本九州連鎖拉麵店，每次經過，門前二三十人排隊是常態。今日居然不用排長龍，還可以入內坐下等，實在太幸運了！主打一款拉麵🍜有葱花、叉燒－片、蒜泥$98，可自選湯底濃稠度和麵的硬度。如果想再吃得豐富一點，可付費再加些配料例如糖心蛋、木耳、蔥花、筍絲、叉燒、紫菜等等⋯我加了木耳絲$14.安著店家推薦選好了湯底，個人比較喜歡有咬口所以選擇了硬麵。首先，湯底比較水汪汪🥺，沒有一般豬骨湯底的濃稠。（超後悔，應該揀超濃厚湯底）麵硬度適中，是我想要的。叉燒～質感有點奇怪，跟傳統日本叉燒不一樣！總結～似乎跟日本的有點距離。

一進店就可以自助落單、一張可以讓你自由選擇的點單紙，自己挑選濃度、 油膩度、 香蒜、蔥 叉燒 、秘製醬汁、 麵條的軟硬等。。。入到去先見到個公共空間食野，成個感覺有啲似大排檔對於重口味的我來說，湯底都真係好鹹同好油，但嗰兩塊叉燒真係薄薄的一片， 好彩有加溫泉蛋🥚，加上6份🌶🌶🌶🌶🌶🌶， 都係唔辣😅， 而且麵嘅份量比較少， cp值較低， 都因為朋友仔個仔仔，想食就冇所謂啦，陪下小朋友當日隔離枱有個小妹妹一坐低就好大聲話要小朋友拉麵真係好可愛

呢排好多人都話日本人唔再食一蘭啦 咁又係嘅而加嘅拉麵開得越來越多 分薄左個熱潮都好正常話時話我都好耐冇食過一蘭喺香港啱啱開嗰陣食過一兩次同埋毒撚自修位嘅專利就嚟過期喇!!!!就諗住過嚟享受吓自己一個人靜靜地食飯嘅時間不過太耐冇嚟喇原來而家一蘭已經唔再係得自修位 嗚嗚唔知係咪人大咗覺得個麵都算咸湯底係好夠濃 不過就冇第一次食咁驚艷都正常嘅 而且咁多年嚟都冇乜點加價Keep倒都算係咁不過同一價位就真係有好多其他選擇嘅而且味道好似經過精密計算唔會有差錯但亦都唔會食到更加多嘅風味都係突然之間醒起先食佢啫😹短期內應該唔會翻兜了