天天海南雞飯 (ELEMENTS圓方)

營業中

休息中

今日要返公司做嘢，過晒lunch time先食飯，醒起有個同事話呢間過咗lunch Time後外賣自取好抵食，點知我係啲外賣平台見到有半價，仲平過直接喺天天度叫外賣。平時過$100嘅海南雞飯，今日$70就食到🤭雖然係外賣，但佢啲包裝都幾好，外賣袋唔係紙袋，可以環保啲之後用返。海南雞雞皮爽彈，同埋都真係幾滑，好重雞味，係同平時食嗰啲海南雞有啲分別。不過如果你要我用原價百幾蚊去食，咁就覺得唔係好值，如果下次仲有半價先至會買。

平時都有去開fashion walk分店服務都唔錯，圓方呢間一入去明明仲有位，但安排我地兩位搭台，原先四位食客都明顯不高興🙄🙄我見有個2人卡位(其他同類型台都有2人客坐緊)，就要求換位，佢竟然態度好差咁答話呢度係4人台，以佢呢個價位配上呢個服務態度，我就決定都係幫襯番港式茶餐廳算🙂‍↔️🤘🏻

有朋自遠方來，帶佢食好西。原來圓方個Menu同銅鑼灣好唔同，更多選擇更有驚喜😍鍾意飲湯嘅朋友，一定要叫呢個「椰子八寶燉雞湯」完個椰子呈上，超足料！湯頭特濃，陣陣椰香，好飲到不得之了🤤呢度最出名，梗係要叫返份天天燒雞. 肉質嫩滑脆皮，就咁食，唔點薑蓉或者醬都已經好好食😋乾炒牛柳絲銀針粉炒銀針粉夠晒特別。超有鑊氣，牛肉大大片，食落好似燒肉嘅牛肉，絕對高質👍咖央醬炸饅頭炸饅頭細細粒，易入口。界花令到更加脆，鹹甜鹹甜好過癮😍最後甜品要試埋豆腐花加美祿，超滑！！

一入到呢間舖頭，覺得裝修好別緻，坐椅好舒適，窗邊仲有陽光滲入嚟，感覺好舒服。一坐低就會先來一壺熱茶，茶好香濃。呢度最出名係文昌海南雞，無論雞胸定係雞髀肉都好滑，調味醬汁好入味，味道適中，仲可以再配上醬汁，一款酸酸地，另一款辣辣地，更加出味。沙嗲串燒有三個口味，每款有兩條，兩個人食啱啱好，可以試晒三款，串燒好有特色，夥計即時喺你張枱度，用火槍燒，令到肉汁出晒嚟，更加香口。沙嗲醬有花生粒，真材實料，又唔會太鹹、或者太辣。味道調配得剛剛好。豆腐湯海鮮雜菜煲，豆奶湯底好香濃，新鮮嘅蔬菜，配合豆奶湯嘅鮮味，感覺健康又美味。炸蠔仔餅，脆卜卜、大大碟、好足料，味道清清淡淡的，如需要重口味，可以點汁食，好正，非常推介。

因為嚟緊會去新加坡🇸🇬，所以今日特登去試吓呢間新加坡過江龍🤣睇嚟香港經濟真係幾差，午市套餐嘅價錢比我記憶中平咗，尤其是呢度係圓方貴價商場，午市套餐做到呢個價位都相宜。海南雞拼燒雞飯套餐 ($129)所謂金玉其外，賣相就唔錯。雞肉嘅份量十分少，燒雞直程只係將一隻雞全翼打橫斬開幾件，份量又少又多碎骨，有冇搞錯！唔怪得要收喺啲海南雞下面遮醜啦！海南雞面頭嘅汁，好似溝淡咗嘅吉野家雞飯照燒汁味，碟邊有三款常見嘅海南雞飯醬汁可以點。雞皮好薄好滑白色的。燒雞嘅份量少到comment唔到。全靠碗飯塞入個肚，飯幾香，米夠乾身。跟餐的餐飲選擇都幾多。不過我揀嘅檸檬薏米水，只係得一片檸檬，冇薏米粒，同我想像中有點落差。午市加埋一，過百蚊不過唔飽肚食完之後離開餐廳後先發覺好口渴有機會係有太多味精

同朋友去咗圓方嘅天天海南雞飯食飯，呢間嚟自新加坡嘅人氣餐廳環境舒適，裝修充滿南洋氣息，主打梗係食雞！我哋叫咗幾款招牌菜，天天燒雞勁大份，雞皮香脆，雞肉嫩滑多汁，一啖咬落去就聽到雞皮薄脆裂開嘅聲音 佢哋嘅雞油飯都係一絕，粒粒分明，雞油香氣好吸引！原條酸菜魚，用爐新鮮呈上，魚肉新鮮嫩口，酸菜開胃，估唔到份量仲好滿足！斑斕汁椰香鱈魚好有驚喜，鱈魚肉質高質實正，配上香濃嘅斑斕汁同椰香，味道層次豐富，好有新加坡風味。椰奶炸龜靈膏真係好特別！第一次食炸龜靈膏，炸咗嘅龜靈膏外脆內軟，浸在椰奶入面，甜度正好，食落口先苦後甘，伴有椰好易入口。

圓方入面有唔同嘅餐廳選擇，但吸引到我入座嘅就係呢間藍色為主嘅新加坡餐廳。餐廳嘅裝潢設計都幾靚，簡約得嚟又有設計感，就咁睇偏西式風格，但又有中國元素👍🏻。餐牌上有好多選擇，第一次食嘅推介海南雞同燒雞雙拼。兩款都各有千秋👍🏻。天天燒雞$169外皮燒到香脆，雞肉鮮嫩而唔膩。蒜香西蘭花$99西蘭花色澤嫩滑、軟硬適中，蒜香味出眾。黑胡椒蘿氏蝦粉絲$149蝦超大隻，味道鮮甜。黑胡椒味又濃又香，而且唔會太嗆口。小籠包$59第一次食插住小管嘅小籠包，擺盤創意十足。小籠包多汁鮮嫩，咬落去口內充斥住香濃嘅肉汁。恐龍美祿$35美祿味濃，唔鍾意甜嘅朋友都可以選擇嗌其他飲料。選擇都幾多，有茶類/養生飲品，不防一試👍🏻。

黎自星加坡既過江龍之前食過銅鑼灣分店一直心心念念佢既海南雞前排約左朋友試埋佢尖沙咀分店環境幾舒服骨緻黑松露醬酥炸大生蠔 $69炸生蠔大大隻、漲卜卜，唔係得個樣，炸漿十分薄身，外脆內嫰。加左黑松露醬更顯蠔肉鮮甜細膩、肥美。黃金蠔烙 $99蠔餅脆卜卜，但唔會覺得好油膩，外酥內軟。蠔餅蛋味都幾香濃，仲食吃一粒粒既蠔仔，十分鮮甜！加左香蔥令口感更加豐富。喇沙海鮮小火鍋 $189喇沙湯底十分濃稠，椰香加上微辣既香氣。小火鍋十分豐富，有魚蛋、魚片、蝦、魷魚、青口、雞蛋各半隻等，仲有粉絲同埋芽菜，索哂啲湯汁，超級惹味。如果可以refill湯底就更加正🤣🤣。新加坡天天無骨海南雞 $169黎到一定要試埋招牌菜海南雞😆🐔！雞肉肉質嫩滑多汁入味，冇油膩感，伴碟有薑蒜、淮鹽同埋自家製辣醬，好滋味。

新加坡中米之蓮推薦餐廳之一，過江龍黎到香港都進駐咗一段時間，今日黎到圓方商場嘅天天一試究竟。黑松露鳳尾蝦多士係招牌之一，蝦中間再夾住墨魚滑嘅多士，再喺面頭加上黑松露醬，口感味道層次都頗為豐富🙂‍↕️迷迭香火焰黑金叉燒：店員會即席用火槍再燒香表面，炙燒味香，肉質屬半肥瘦爽淋口感，微微嘅蜜糖味亦唔怕會膩，推薦🔥黑胡椒羅氏蝦粉絲有4大隻羅氏蝦，粉絲夠乾身入味☺️酥炸椒鹽板豆腐，外脆內嫩有豆香味，主要配上特製醬汁一齊食，惟獨覺得椒鹽味可以重手啲🤔飲品選擇都算多，叫咗杯龍眼冰正常，另外可以留意返餐廳係有收茶位。

睇左openrice嘅介紹先去食嘅 見話係來自新加坡 不過個人覺得D醬汁食落去好泰式🇹🇭雞好嫩滑好好食 真係同去新加坡果陣食嘅海南雞一樣！真心有少少衝動問老細有無成隻雞可以比我買走😂餐有包免費野飲 送餐之前會比小菜（但唔知有無得續）食完印象中下午茶平過Lunch幾多下

今日放假同朋友去圓方行街食晚飯。 先前有人向我們推介有一間在圓方的餐廳，名天天海南雞飯；是新加坡過江龍嘅餐廳品牌，仲係米芝蓮中攞獎，當然要去吃啦! 它位於圓方水區1樓1050A號鋪，九龍站行出來就到。 餐廳門面夠大有氣派，招牌很顯眼。 裝璜簡約時尚，燈光柔和，加上可看到日落景色，環境高雅，座位寬敞，倍覺舒適! 餐牌內的食物選擇很多：海南雞、小食、串燒、燉湯、海鮮、特色飲品和粉麵飯等等。 🌟天天海南雞 (中份)海南雞用文昌雞，皮薄不油膩 。肉質香濃和嫩滑多汁。 去骨的雞肉真係煮得好滑，可加上特製醬汁：經典的辣椒醬、蠔油和薑蓉，可以更加突出雞肉的味道和層次感，果然是招牌菜，是必點的! 🌟班斕汁椰香鱈魚鱈魚炸得很鬆脆，入口又不油膩，肉質非常嫩滑。最正係個班斕汁，充滿椰香；帶些甜，和鱈魚球十分夾和好味道! 🌟羅勒海鮮什錦一上檯已有很香的羅勒香料味，湯汁非常濃郁，很地道。 內裏材料好豐富，有蝦、魷魚和大量配菜，青椒、粟米仔、蔥等。 食材非常配合，超正! 🌟酥炸椒鹽板豆腐板豆腐炸得超鬆脆可口，椒鹽好惹味! 最正都是個汁料，一口一件，吃到停不了! 這間餐廳食物質素很高，價錢相對唔貴，性價比高。

一個中意食雞料理既人點可以錯過依間米芝連既推介餐廳呢！😳 今日睇完戲即刻落黎試試佢😎👍天天海南雞（中份）依個招牌菜一定要點！雞肉超級滑，而皮因為帶有d 油脂，食落真係滑上加滑，一流！👍👍醬料方面個人最中意酸辣醬，酸酸地超級開胃，好食😋😋黃咖哩牛面頰肉黃咖哩好香，個汁好濃有少少辣！牛面頰係煮到仲有少少咬口既口感，吃落好正，加埋d 咖哩汁食正到爆😳 個人最中意都係佢配左好多配菜，健康度拉滿👍👍咖央炸饅頭因為唔想食太多碳水，所以無叫到油飯😂 叫左個細細地既炸饅頭。估唔到又幾好食，饅頭炸到金黃色，加上甜甜地既咖央醬，真係好滿足😎👍50年代奶茶豆花年代奶茶野飲方面叫左一杯熱奶茶一杯豆花奶茶，熱奶茶茶味好出，甜度好適中，like! 豆花就比較淡，估唔到豆花味同奶茶會甘夾，可以一試😋😋整體而言食物質素好高！一定要試海南雞🥳🥳 會再黎的👍

今日去咗圓方睇戲，睇完戲就順便食埋晚飯先返屋企，圓方商場餐廳價錢都比較貴，天天海南雞價錢比較貼地同味道唔錯嘅餐廳，所以毫無懸念咁去咗拎位今日兩個人叫左三碟野，食到飽飽都係五百蚊，以呢個地點黎計係幾抵食天天燒雞之前食其他分店食過兩次海南雞，今次試吓食燒雞，估唔到燒雞都好好味，外皮香脆，雞肉柔嫩滑，又有雞味，點埋嗰幾款醬汁，令味道更豐富同有變化海鮮炒貴刁海鮮材料新鮮同豐富，有帶子，魷魚同大蝦，貴刁上枱嗰陣熱辣辣，見到啲燈籠椒炒到有少少焦香，就知道鑊氣好足，而且每條貴刁嘅顏色都好均勻，師傅功力十足原條酸菜魚酸菜魚上枱時真係有少少嚇親，呢個價錢有原條魚真係幾抵食，酸菜魚嘅賣相好好，魚頭魚尾炸得乾身同香脆，魚塊啖啖肉又冇骨，仲有唔少配菜，例如炸枝竹同紅薯粉，調味方面比較溫和，啱晒一家大細食

環境(4分)—西九elements,位置環境都已經吾錯，服務 (3分)— 本來接待位小姐系吾錯，但其他服務員同茶餐廳差不多。— 好奇怪，一間米芝蓮高級餐廳，連 SINGAPORE 都寫錯做 SIRGAPORE.。衛生(2分)— 執檯同其他同茶餐廳差不多，搵塊布抹完就算，吾會之前噴野。— 收$10一位茶，但因為要等位，所以睇到壺茶估計系上一檯飲吾曬，放系門口張檯，不換茶包，有客就比下一台。抵食(2分)—本來價錢同分量系哩個地點都可以接受，但味道真吾得。迷迭香火焰黑金炒燒($109)1分—如果用傳統叉燒評價，哩個真系吾可以叫叉燒，似系煮好的鼓油豬腩肉，在客人面前用火熗燒幾秒，所以絕對沒有燒烤味道，肉亦吾系平時的梅頭，系一個好”鞋”痴口的腩肉。—迷迭香只是放在叉燒旁邊燒一下，所以叉燒系絕對吾會有迷迭香味，無意義。乾炒牛柳絲銀針粉($139)2分— 睇照片都知道絕對吾系牛柳絲，系好大塊的牛肉，—銀針粉太”林”痴口—太多油，比較油膩。桂花糕($49)3分—有3分主要系分量夠—桂花味好淡—米糕太“林”

之前喺沙田試過呢間天天海南雞飯記憶都幾好食嚟到圓方都再食多次亦都攞過米芝蓮餐廳嘅用具非常之精緻一坐低店員仲會即刻拎壺茶過嚟餐牌嘅選擇亦都非常之多我哋叫咗個古法肉骨茶湯嘅中藥味適中豬肋條非常之入味食完個肉骨茶之後超暖身跟住一定要叫天天海南雞拼燒雞擺盤非常之精緻無論係海南雞又抑或係燒雞都非常之嫩滑仲配有三款醬汁可以去點返再叫咗個雞油飯（細），油雞飯嘅香味配搭埋海南雞一啲都唔油膩之餘仲食極冇停口食完正餐之後，就梗係要嗌返啲甜品我哋嗌咗個桂花糕配斑斕醬冇諗過個蒸糕係咁大份桂花淡淡嘅香味，配搭埋斑斕醬甜味滿滿另外再叫咗個新加玻原味豆腐花加美綠豆腐花嘅質地偏布甸另外會有一大盒美祿粉俾你自己加落去味道亦都相當好食呢一餐真係相當之滿足