天丼 (已搬遷) 新店位置

這間分店開張不是很久，11時半已經有很多人在門外輪候。原先不知道是吃什麼的，原來這分店是主要食天婦羅特別是海鮮天婦羅。分店和連鎖拉麵店差不多，位置很少卡位大多是和人共用的大枱。套餐七八十蚊，通常係一個飯，或者一個面，咁就配天婦羅，唔包嘢飲，飲品同埋前菜都要加錢。我就叫咗個人氣嘅天婦羅飯送麵豉湯，另外豐項前菜加埋$12。麵豉湯太鹹，天婦羅飯冇咩醬汁，有少量豉油上左喎上天婦羅度，令到天婦羅軟了。天婦羅不過不失，但稱不上係日式好頂尖嘅天婦羅，面皮其實幾厚，加上其實有啲油膩，而且冇咩醬汁所以有啲油膩陪烏冬麵就其實好點，但其實個天婦羅都係普通

晏晝兩點，經過見到竟然呢度唔使排隊，即刻入嚟試吓！叫咗個天婦羅烏冬（冷麵）定食，每份有黑虎蝦2隻、蟹柳、南瓜、蓮藕、四季豆各一。點餐後大約7 分鐘就有得食，賣相都幾正咁，份量適中。烏冬沾咗醬汁後味道係好嘅，不過我覺得略硬咗少少，但就好彈牙，絕對唔係淋晒嗰種烏冬。天婦羅炸得剛剛好！尤其黑虎蝦係必食，大大隻夠晒肥美，肉質好緊實帶甜，而蓮藕做成天婦羅後就好爽脆。我仲另加咗一件天婦羅魷魚，炸完肉質都咁柔軟鮮美，冇加錯單。不過我完全忘了加呢度最出名嘅秘製天婦羅醬汁食，唯有下次再試。

睇左咁耐openrice ge 食評，估唔到我第一次寫食評就係要負評呢間新開ge 天婦羅店見呢間店開左一段時間都仲有人排長龍等，就決定今晚同老公去試一試。大概六點去到排隊，排隊等其實都預左要d 時間，因為等ge 人都幾多，而我地等左三十分鐘左右就已經等到。坐低左之後店員好快就拎兩杯茶俾我地，由於排隊ge 時候已經睇定想食咩，所以店員拎茶黎ge 時候可以即時叫佢落埋單，叫左一個華味鳥天丼，一個有三隻蝦ge 天丼。由於舖裡面都有寫明天婦羅係即叫即整，要等15~20 分鐘，我地覺得只要d 野食係新鮮整ge, 要等一陣都唔係問題。但o 係我地等左十分鐘左右之後，隔離枱有個男人食完自己碗丼飯一半再想叫多碗華味鳥天丼，咁岩係同個類似老闆娘ge 人落order, 佢地傾多左兩句，個男人係咁讚d 天婦羅同d 飯好好食，好似日本o 個d, 咁個老闆娘就話叫廚房快d 整個新落ge order 俾佢， 過左五分鐘左右，佢新落ge order 就即刻由老闆娘拎左出黎俾佢， 而同佢叫埋同一個華味鳥天丼ge 我就仲未有任何野食！！！ 我心諗落左單都仲未夠20 分鐘，俾多陣佢睇下出未，點知等到落左單之後30 分鐘都

周末2點行到黎yohomall 食一食天丼，都係要排隊，因為一個人獨食，5分鐘就入得～呢度好似冇午餐或者下午茶餐牌，全日都係食一樣的野，咁樣睇黎夜晚食都幾好喎。眼見附近啲人都係嗌飯，我就跟風叫左個餐牌上最平的「天丼」，$49蚊，有跟一碗麵豉湯。麵豉湯都幾好似，同dry dry 炸物相輔相成，食落冇咁熱氣咁，濕下喉嚨，冇咁上火。天丼就等我簡單簡介下啲配料：有茄子，魷魚，魚蛋，豆，蝦 最好食係蝦，又大又彈牙冇雪味！全部炸物都保持到剛炸起的鬆脆，油分唔會過多，感覺唔會太大罪惡感！估唔到$49(加一$53)就食到咁好食嘅天婦羅我下次一定會再食㗎！

今天是2020/01/01， 新年第一天。我和家人抱著興奮心情來嘗試此間香港人氣店，也是第一次光臨。但是，所得到女經理之服務及態度，與我們在日本東京分店完全不同。我不知道她是否因為帶我們分配位置而責怪同事，但是同一時間也在間接責罵我們。令到我一家人之心情由天堂跌落地上。幸好此家之食品水準與東京店大致相若，有質素，性價比高，值得一試。

平時呢間經常要排隊，今日早咗黎所以可以直入，款式都幾好，有烏冬定食，天婦羅定食，而家仲有期間限定嘅廣島蠔櫻花蝦天丼，我就揀咗期間限定試吓，黎到都幾大碗，我只食到三分二碗，味道幾好，對得住呢個價錢，入口脆卜卜，又唔會太乾，醬汁都好好味，係形點一個唔錯嘅食飯地點

日本天丼在元朗ＹＯＨＯ開張了一段小時間，由於人實在太多，一直等到最近先有機會試下食，一來價錢唔貴，二來真的是日本品牌日本東西，唔係香港或大陸人扮日本菜再收你幾倍價錢。門面新裝修當然靚，排隊食午晚飯大約等４５分鐘，排隊期間可以諗定食咩，主食主打丼、麵、烏冬，怕等得耐，可以同朋友輪洗等，到電梯樓上的服裝店Window Shopping消磨時間。一人叫了一個定食，我私心加隻溫泉蛋，食具配置很有日本風味，天婦羅是成條都是蝦，炸皮非常簿，而且新解不腥，桌上有日本直送醬油任加，怕丼飯太乾身想要多點汁就最適合，由於太好味，醬油又需與對面共用一支，一席飯共添了４次醬油，十分誇張！橋麥麵正正常常，麵汁清爽，整體味道層次豐富而不膩，食材新鮮，價錢超值，性價比極高！

侍應：差,無禮貌,食完即刻收唔切,只求食完不顧一切趕你走環境：大家樂可能坐得仲舒服不要對食物有太大的期望，雖然價錢頗貴，但食物質素有很大的進步空間。物非所值，未到過就不要去食總結：沒有下次完全不合格

本人光顧這日式餐廳，食物味道中上，天婦羅炸得香口，服務員儀態令人滿意，總愛展露笑容，又願意裝多點水給顧客，留意客人需求; 唯本餐廳食物價錢偏貴，建議可稍微調低價格。

某星期六下午5時15分左右經過元朗YOHO MALL的天丼，正值休息時間，晚市5時30分才開始，窩夫與蝦子餅決定排隊等開門。天丼於1989年在日本開設第一間天婦羅丼飯專賣店，2018年打入香港市場，首間分店選址青衣城，今年10月進駐元朗，門外常現人龍。準時五時半開始安排客人入座，注意要人齊才能入座。排隊時已決定要點秋季限定的廣島蠔天丼($85)。還要點人氣熱賣的巨星天丼($78)。丼飯以外，定食看來也很吸引，下次要試烏冬。蝦子餅的廣島蠔天丼($85)來了，升級追加了兩隻廣島蠔($32)。店員細心地教窩夫與蝦子餅進食的先後次序。首先要吃追加的廣島蠔，因為沒有加醬汁，可以吃到原汁原味，並建議加少許鹽來提鮮。咬開熱辣辣的廣島蠔，蠔味濃郁，口感爽滑，跟平日吃的廣島蠔不一樣，愛吃蠔的朋友不要錯過。吃過廣島蠔，可以品嚐丼飯上的天婦羅，由赤魚開始吃起，赤魚比預期中厚肉，外脆內嫩，有驚喜。其他食材有黑虎蝦、蟹柳、皇帝菜餅和紫菜，皇帝菜餅炸得特別脆。各款丼飯均附送麵豉湯，湯裡有滑滑的豆腐和昆布等，味道不會太鹹。窩夫的巨星天丼($78)有黑虎蝦、帆立貝、魷魚、蟹柳、紫菜、本菇和四季豆。帆立貝不算很大粒，但

第一次寫食評，第一次比劣評。 一行三人試新野，冇得攞票、要排隊、人齊先可以入，都可以接受。 但真係冇諗過三個人坐一張四人枱，佢都可以攝一個三唔識七嘅人坐你對面搭枱。 服務員不停收你啲嘢，抹枱，擺明就係趕客。 顧客感受唔重要，最重要係佢可以做多幾轉生意。 難得放假，想享受下，冇諗過自己會入一間茶餐廳。 真係好激氣。食物方面，面OK、飯OK。 唯獨是天婦羅非常一般，唔脆，雖然食材新鮮，但係唔算好食。咁嘅水準，咁嘅服務質素，一定會再幫襯。

Tenya has arrived in Hong Kong and they have opened a branch in Yoho,Yuen Long.And guessing from the queues for a table its proving to be just as popular as it is in Japan.Offers a variety of tempura sets either served with rice, udon, hot and cold noodles.Ordered rice sets, chose 2 of their "top picks", each includes a miso soup. Food was served quickly and although the portion looked small it was sufficient.We did order onsen egg and side pickles as extras. Servers suggested which tempura to e

之前喺青衣開嘅天丼喺元朗開咗分店呀，晚飯時間排咗大概20分鐘，要齊人先入得餐牌有飯有烏冬，揀咗個巨星天丼有齊唔同款式嘅天婦羅，食材新鮮，炸粉漿亦唔算太厚，最好味係蝦有蝦味，蟹柳好鮮味有肉地大大條，最驚喜係豆角新鮮幼嫩超濃味，魷魚都濕潤唔靱不過就無乜味，唯一不足嘅係紫菜淋咗唔脆所以無食。秋蠔天丼係期間限定，隻蠔唔係好大，外層炸得非常酥脆，蠔身保留住juicy 嘅肉汁，米飯唔知佢係咪日本種，形狀似珍珠米又有飯香，配埋鰹魚醬汁一齊食係好味嘅🤤至於中華沙律、玉子燒就還好，原本諗住份量好似好少就加呢兩樣小食，點知食到尾段就已經放慢速度，可能我細食，食晒天婦羅同埋個飯飲埋湯已經肚滿腸肥😋

每次經過都好多人等，難得今日中午冇人排隊，諗都唔使諗即刻入去啦😋Meun都算多選擇，我就揀左「穴子海老天丼」，入面有穴子、蝦、蟹柳、茄子、金菇同埋枝豆.....全部都超好味👍炸皮一啲都唔厚粉，亦夠鬆脆....穴子同蝦好厚肉同新鮮，唔會話淨係得舊炸皮，其他蔬菜類亦唔會話炸完淋晒或食到成口油.......隨餐送既麵豉湯都好好飲飯底份量看似唔太多，但其實加埋啲餸食晒係會超飽😂食天婦羅丼另一樣重要既野就係個醬汁，我想講，個醬汁好好食，簡直係成個飯既靈魂所在🤤

元朗真係搵唔到一間食正宗天婦羅嘅地方，難得呢間天丼開到嚟Yohomall 。係今時今日嘅社會狀況之下，夜晚都會排長龍，元朗人真係饑渴左好耐啦！鋪頭以前係Simplylife, 啲枱擺到密質質，而天丼反而注重空間感，枱與枱之間都留有好大嘅空間，食都食得開心啲。呢間鋪頭都唔係香港第一間店，青衣都有間。青衣嗰間都好多好評。入正題啦。我哋叫咗巨星天丼（$78）同廣島蠔天丼（$88），跟餐有一碗麵豉湯。望上去分量好似唔多，但食落原來好飽肚，事關佢每樣材料都係比足料㗎。所有嘅海鮮都係大大隻，例如蠔、蝦、帆立貝等。再加埋外面塗上嗰層麵粉、蛋漿，其實都好heavy。依家到嘅天婦羅層皮做得算薄，但係又保持到非常脆嘅口感，都係好食架。同埋係即炸嘅，食落好香口。天婦羅都係食醬油㗎啦，呢度嘅醬油係幾出色㗎，可以帶出本身食材嘅鮮味，亦都啱晒黎撈飯。食完唔夠喉仲可以買一支返屋企，盛惠$38。食材方面，我就覺得蝦係唔好食，又唔爽，又好棉咁，好雞肋。另外雞塊都普普通通，食唔出特別，比唔上韓式炸雞，又冇特別調味。其他食材都幾好味😋，我幾鍾意個豆角，炸完都好爽，好清甜！