天丼 (已搬遷) 新店位置

天丼想食天婦羅，自然就諗起天丼一個人系yoho揾午餐食經過天丼，就系您了！款式都幾多不過最衰除左定食，丼飯無得轉蕎麥麵睇左一陣都好難揀，樣樣都想食但炸野食多會好流，所以都唔打算再追加平時食開都系海老，今日就試下雞先“華味鳥天丼”肉分量好夠，系蔬菜少左啲不過食完系夠飽既講番個雞，一啖咬落去，見到外皮下 就系‘’白賴哂‘’既雞肉心諗中伏？但食落舊雞肉好滑，好有雞味好好食喔！不過舊雞寶就普普通通之後其他配菜發揮正常鳥丼好驚喜，下次都會食佢

［🥇一級棒天婦羅專門店-天丼］-夏天熱辣辣☀️🥵最啱就係食冰涼冷麵🍜🧊落雨濕濕☔️食脆卜卜嘅炸物🍤真係好爽!咁就一定要試下呢間主打天婦羅嘅日本過江龍🇯🇵-我幫襯開嘅天丼係Yoho Mall地理位置方便 座位相當闊落👍🏻餐廳仲好貼心 有籃比食客放袋👜-🍤上·天丼 $63包括蟹柳、蓮藕、茄子🍆、四季豆同海蝦天婦羅兩隻呢到嘅天婦羅非常推薦唔會超厚粉 仲好脆卜卜蔬菜變左天婦羅非常有驚喜😋😋😋本菇都幾推薦👍🏻仲有碗麵豉湯，非常豐富！個飯落左有「靈魂醬汁」之稱嘅日本地道醬油好食好食😋美中不足嘅係熱飯會整淋天婦羅😿所以要盡快食😛好味指數：🌕🌕🌕🌕🌕-🍤天婦羅蕎麥麵 $83定食就包埋天婦羅汁😛仲有白蘿蔔蓉同薑蓉點左個醬真係會將天婦羅昇華！冷麵都有特製豉油，可以按個人喜好落蔥花同Wasabi😋Wasabi同蕎麥麵出奇地夾🥹👍🏻好食！好味指數：🌕🌕🌕🌕🌕-📍💸人均消費：$80

星期五夜晚六點半左右到達，當時入座率三成，立即就被安排座位了。甫坐下，店員便端上兩杯熱茶。在我們整理物品期間，有一位細心的女店員看到我是孕婦，便立刻提出替我把熱茶換成一杯暖水，她的舉動真的令我覺得十分窩心。謝謝那位女店員！是次點了天婦羅配冷蕎麥麵，天婦羅保持一貫水準。蕎麥麵也十分彈牙，麵汁不會過鹹，很滿意這一頓晚餐。

今日外賣天婦羅。天婦羅外賣幾抵食，又唔使排隊、只要用氣炸鍋返熱，和店內食嘅感覺一樣，不錯吧。下午嘅時間完全沒有人排隊，或許這是工作天吧！所以外賣更加不用等。淺草海老天井$81，另加帆立貝$15，本菇$15這天井的材料豐富，有三隻虎蝦、仲有茄子、紫菜和四季豆、今晚加餸再加帆立貝和本菇，超級豐富！虎蝦大大隻，揸得香脆又鬆化，味道鮮甜；茄子10分軟滑，紫菜香口又煙韌；四季豆還有少少豆汁；帆立貝大大粒又厚肉，鮮美嫩口；本茹最得我心，既多汁，又有茹香，又沒有油膩感，配埋燒汁白飯，真豐富！鰻魚盛合井$99這鳗魚盛合有半條厚身鰻魚，鰻魚幾厚肉肥美，口感軟滑，沒有太多细骨，加上玉子味道甜香，還有爽滑的中華沙律，味道不錯。

每次去完迪士尼都會嚟依度食～～次次都係揀我最鍾意嘅巨星天丼，全部天婦羅都真係好好食。我最鍾意嘅一定係炸蝦同埋炸紫菜！炸蝦又脆又彈牙，紫菜又香又好食！推薦！！！！

天丼位於元朗Yoho mall 第一次食呢間 發現都幾多人排隊同有幾間分店🤣🤣店鋪主打天婦羅 一場去到必試 炸得好香脆吾會厚粉 除左炸蝦 仲有炸蔬菜🥬而冷烏冬亦好彈牙 份量十足 夠哂飽

.終於可以食天丼啦😍去過幾間專食天婦羅既餐廳，始終都係覺得天丼最好食😋知道元朗yoho呢間長期都要排隊，今次中午黎都要排，不過都係等15-20分鐘左右就入得，佢要人齊先入到去既，用餐時間45分鐘。因為疫情關係，佢將每枱位都隔得好開，所以座位唔多，但感覺安心啲既。天婦羅醬油湯烏冬 ($82)(天婦羅包括2隻黑虎蝦、蟹柳、茄子、蓮藕、四季豆)天婦羅炸粉厚薄適中，食落脆卜卜，就算凍左都冇淋到，仍然好脆，好食😋黑虎蝦正常，肉唔霉都冇雪藏味，蟹柳好大條好食，茄子同蓮藕都係厚切大舊👍🏼沾上天婦羅汁更好食，汁除左配有蘿蔔蓉，仲有薑蓉，提昇左個天婦羅汁😍醬油湯烏冬都好食，湯底完全唔咸，佢仲有柚子皮絲，令到個湯底fresh左，烏冬份量都好多，食到好滿足好飽！巨星天丼 ($82)(天婦羅包括黑虎蝦、帆立貝、魷魚、蟹柳、紫菜、本菇、四季豆)好豐富既天丼，每件天婦羅都炸得好好，脆卜卜，但完全唔油膩，如果想要多啲天婦羅汁，枱上本身有枝，可以去隨自己喜好添加。飯都煮得剛好，所以整體都好食😋甲羅天婦羅 ($38)我地見到呢個好吸引，因為好少見有甲羅天婦羅，好特別咁，自己又唔會整🤪原來咁樣食甲羅係好食的😍都有好多蟹膏

天婦羅蕎麥冷麵/烏冬平時好少食冷麵 不過經過呢間排緊長龍又好似好正咁 就去左試🙈我地坐左近窗位有的熱 比較曬 Try try天婦羅啦 見隔離枱個set好吸引麵超多 無論蕎麥麵定烏冬都好食 冇淥到太軟仲係彈牙既口感🥰比天婦羅兩隻虎蝦吸引左 平時啲蝦仔嚟 粉多過肉呢個就大大隻咁 咬落去脆又多肉 係好正😆其他啲菜就正常咁啦 不乜大特別

📍天丼 @ 元朗 / 將軍澳 / 青衣ღ 華味鳥天丼 $72ღ 天婦羅烏冬（湯）$82ღ 明太子魚餅 $28有日經過見到唔洗排即刻入去食～算係香港好食嘅天婦羅 而且價錢幾抵！嗰日見幾得意就試咗嗰新嘅華味鳥天丼即係天婦羅蝦變咗雞🤣雞肉係雞胸 但炸完仲係好juicy完全唔嚡！雞寶類似健康版麥樂雞 係炸過嘅雞肉餅 食得出少少胡椒粉/椒鹽(?)味道 又幾正 \(//∇//)\天婦羅烏冬就正常發揮 蝦外皮唔厚又酥脆😙之前夏天食過冷麵蕎麥麵都好出色 超fresh(´∀｀)小食魚餅入面嘅明太子份量都幾多魚肉打得幾彈牙 想試下嘅都可以一戰～回頭指數😼4/5（唔洗排隊就真係要食(≧∀≦)

雖然呢一間主要係食天婦羅，但係我係沖著佢既蕎麥麵嚟食本人超鐘意食蕎麥麵，呢間有湯/冷麵，食蕎麥麵一定要食凍天婦羅蕎麥麵 (冷麵) $79天婦羅包兩隻黑虎蝦、蟹柳、茄子、蓮藕、四季豆。個人覺得天婦羅唔錯，未去到話有驚喜，但唔會超油膩，蓮藕係最出色，夠爽👍🏻呢個價錢都算OK啊而個蕎麥麵最出色，面底唔會「一pat pat」，紫菜、蔥、Wasabi有較多，配蕎麥麵專有嘅汁，好清新😇，唔會好淡，食到雪雪聲👍🏻 天婦羅烏冬 (冷麵) $79另外朋友叫咗個烏冬冷麵，烏冬就一般般。

由於疫情關係，買外賣天婦羅回家，外賣有八五折。由於這店主打天婦羅，外賣以天婦羅為主，還有鰻魚飯等等，相片十分吸引。淺草天井$81這天井的材料有黑虎蝦三隻，茄子、紫菜、四季豆等。回家後用氣炸鍋返翻熱，幾香口。天婦羅的炸衣很薄，沒有太油膩，黑虎蝦十分鮮美，啖啖肉，還有軟滑茄子和大大片紫菜，加上肥厚的四季豆，配上燒汁白飯，十分滿足。巨星天井$85這巨星天井有六款配料：黑虎蝦、本菇、魷魚、帆立貝、蟹柳、紫菜等。黑虎蝦大大隻，蝦肉鮮甜；本茹厚肉多汁，又有茹味；帆立貝也厚身，味道鮮又不過熟，不鞋口，而鱿魚又軟又嫩，完全不用花勁咀嚼；蟹柳大大條，配上紫菜和香軟白飯，十分豐富。雖然味增湯有點鹹，但味道還可。雖然沒有堂食咁新鮮，但用上氣炸鍋，還原風味八九成，不錯吧！

今次叫咗2款定食，天婦羅份量一樣，有蝦、蟹柳、茄子、蓮藕、四季豆，只係跟配嘅麵食唔同，天婦羅好脆身唔油，粉漿夠薄唔厚身，好怕食到成口粉，蝦肉夠爽，不過唔鍾意食蓮藕🙂另外點咗個明太子魚餅，非常一般。喺日本家庭，只要你喜歡，任何食物都可以做成天婦羅～大家試過最奇特嘅天婦羅係咩？🤣麵食分別揀咗蕎麥冷麵同豚骨白湯烏冬，烏冬湯底好香，以為會好求其，有啲意外。不過有樣嘢提吓大家，由坐低到走，店員都好心急，經常在位置附近遊走，放低筷子就想立刻捧走餐盤，有啲趕人走咁，雖然有限堂食時間，但時間未夠而且眼見冇人等候，尚有空座位🤷🏻‍♀️天婦羅蕎麥麵 / $79天婦羅烏冬 / $79

裝修設計同擺設都好有日本feel🥰無得去旅行睇吓都開心。本身都好鍾意食天丼、天婦羅🍤之類嘅食物。好耐冇食，期待🤩價錢都幾合理。大部分都唔會過$100。啲個醬汁真係唔錯，有鮮味甜甜地，配飯配炸嘢一流。上天丼（$63）啲個價錢有2隻大大隻天婦羅黑虎蝦🍤、仲有四季豆、茄子🍆、蓮藕、蟹柳，真心抵🤩蝦肉彈牙。天婦羅炸得鬆脆香口👍🏻華味鳥天丼（$72）有好正嘅流心蛋，配飯好正炸雞好juicy唔乾😋

今日同朋友去左元朗天丼食飯，這間店主要係食天婦羅飯，我地叫左巨星天丼及淺草海老天丼，食材新鮮，每件都炸到金黃色，炸粉又會太厚，食落好香脆，佢嘅醬油仲係日本直運，用黎撈飯一流呀。價錢都好抵食平均都係80蚊左右一個飯。而甜品我地叫左青森炸蘋果雪糕，炸新鮮蘋果一冷一熱好特別！

天婦羅專門店呢間餐廳係元朗都開左一段時間，次次都見有人排隊，今日去試左，天婦羅鬆脆又唔油膩但鐘意炸蔬菜多啲，外面脆入面juicy😋見到烏冬或蕎麥麵都好吸引，下次可以試下🌟🌟華味鳥天丼+天婦羅汁(內有蘿蔔蓉及薑蓉）