大頭芋烘焙

營業中

休息中

屋企人訂嘅蛋捲，我幫手去拎，去到發現原來個蛋捲係即捲嘅，所以要等一陣等待期間喺度望張貼喺店內嘅雜誌報章介紹，原來店主喺台灣學師返黎，除左蛋捲，都有整蛋糕同台式嘅芋頭酥；我地叫嘅係芋泥麻薯蛋捲，拎上手好重手，感覺足料；一打開包裝就已經聞到好香蛋味，切嘅時候感覺都好實在；唔會好甜，食到本身蛋糕、芋泥同麻薯嘅美味，我本身好鍾意食麻薯，所以覺得如果個麻薯再大舊d就好喇，多d咬口；反而屋企人就覺得宜家嘅比例剛剛好，各有各喜好。

全家都是芋頭控，今日我終於搵到有間芋頭蛋糕。姐姐仲要好好人又細心 見我帶任個女仲幫我開門單單係個繡球花已經覺得好靚了仲有個閃靚靚嘅生日牌朱古力嘅生日牌仲要唔洗加錢

芋頭蛋黃，蛋捲部份鬆軟，蛋味足夠，內裡芋頭蛋黃餡料綿綿滑滑，在這段去不到旅行的時間食到真正接近台灣的口味，的確好開心，未可以出發去台灣前食住掛念住台味先，而且食得出天然無添加的味道令人十分滿足。今次芋頭餡好像對我來說比較飽肚，下次我要嘗試他們其他的口味。忙碌的生活中有朋友送來的一點甜，的確喜上心頭，簡單沖一杯咖啡，享受一個愜意的下午。芋頭餡綿綿豐滿口味，開開心的下午茶 🍰☕

原本打算在荔枝角覓食， 無意中 在openrice找到了 這間甜品店，有芋泥卷蛋賣 。我也說是芋頭的fans, 也掂念台式口味的甜點，所以刻意走過去 買 。地方 離地鐵站有一點距離， 但也 不算難找。卷蛋是即點即包的 。即是，有人落order 後，老闆娘就 立即入內，把芋頭蓉 鋪在蛋糕上 捲起來，入盒， 這樣才能保持新鮮口感。我在天氣不熱的一個下午買 ，晚上才 回家，仍沒有變壞。幾喜歡卷蛋不算太甜， 而且很足料， 芋頭蓉滿滿。每 一口都充滿著真材實料的芋頭蓉 ，超讚。

繼新晉芋圓控後，我終於成功𝚞𝚗𝚕𝚘𝚌𝚔芋頭同芋泥(係啊～我應該係呢個世界上最揀飲擇食嘅𝚏𝚘𝚘𝚍𝚒𝚎🤗)成為新晉芋頭控😹所有有芋頭嘅食物我都唔放過！！要補償番我由細到大𝚖𝚒𝚜𝚜左嘅芋頭😤一𝚞𝚗𝚕𝚘𝚌𝚔芋頭無耐就有機會試到見過好多人都推薦嘅芋頭專門店 - 大頭芋 @mr.taro_official 嘅產品，太好彩🙆🏻‍♀️.after unlocking almost all taro related foods 😆 finally got the chance to go to @mr.taro_official to try their awesome selection of taro related foods 😋 overall, the food quality is pretty decent! if you are a fan of taro, i would highly recommend you check them out 🤤 u can even attend taro baking classes as well!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞

話咁快就就嚟中秋節🌙🌕呢個節日又點少得月餅同芋頭酥呢🙈多謝大頭芋令我有機會試到佢哋嘅新產品😆-💜幻彩千層芋頭酥🤍-芋頭酥係用大甲檳榔心芋頭新鮮製作，每盒中秋禮盒都有2粒流心芝士芋頭酥、2粒金沙奶皇芋頭酥同埋2粒原味芋頭酥🤩🤩芋頭酥好靚，可以見到一層層幻彩顏色，仲要每一層都唔同顏色，好有心思💕原味芋頭餡幾綿滑，可以dap到淡淡嘅芋頭香同奶香🥛金沙奶皇酥好香奶黃味，奶黃落得好足料🌕所以鹹蛋黃味相對就冇咁重🙈流心芝士酥好特別，試過就咁室溫食都有流心，同埋佢芝士味鹹鹹地，味道好濃郁🧀但我個人比較鍾意食拉絲水牛芝士🤪唔知會唔會考慮推出呢🙈😆個人最鍾意係金沙奶皇芋頭酥🙈-評分：7.8/10 (原味) · 8/10 (奶黃) · 7.7 (芝士) 價錢：$258 (原價$298) -🎑中秋月餅禮盒🥮-每盒有六件，分別有三隻經典奶皇味同三隻拉絲芝士芋頭味‼️‼️中秋節又點少得經典奶黃月餅呢🌙焗2分鐘之後食真係超香超濃奶皇味😍 拉絲芝士芋頭味好新穎🙈甜甜綿滑嘅芋頭餡夾雜著鹹鹹地嘅流心芝士，都幾正😆而且我覺得芝士味相對芋頭酥冇咁濃郁，所以比較鍾意呢個🙈-評分：8.2/10 (奶黃) · 7.8/10 (芝士)

食過台灣芋泥蛋卷，一試難忘見店主講話去台灣拜師學藝，即刻狗衝試吓 早幾日訂定，講埋上嚟攞嘅時間上到去，竟然唔見咗個蛋糕？唔驚！佢哋話可以即刻整過個我都搭咗成個鐘車嚟，唔爭在等多陣啦！佩服佢哋可以兩個字搞掂！同埋好彩嘅係，佢哋有用淨嘅料，可以砌返一個俾我 返去打開，喂！啲芋泥去咗邊啊？唔通係因為淨返嘅料唔夠？ 唔驚！咪食少一半當減肥囉⋯雖然芋泥又少，個蛋糕又樣衰，但係呢啲先睇得出係手作吖嘛，同埋佢咁多正皮，一定有過人之處嘅但係點解個蛋糕咁乾嘅？好似仲乾過麵包舖臨收檔前十蚊三個嘅特價紙包蛋糕咁喎唔驚！可能係個蛋糕放得耐，乾咗啲㗎啫 芋泥？係咪要叮一叮佢先有香味㗎？就咁食好似唔覺有芋香咁嘅？ 個天見我咁廢，咁都食唔出清新嘅芋香，決定罰我咬蛋殼 點解呀？冇理由㗎喎，明明啲人啲相影到咁靚，又講到好好食咁㗎？

又一間本土小店！出名食芋頭，有和類既芋頭酥同芋泥卷蛋，一出lift已經聞到超大香，我係非常期待，可惜今次試完係覺得失望...唔知芋泥卷蛋會唔會好d1. 原味-紫色（$17）紫色既原味就單絕芋泥係入面，芋泥內餡好多，好滑身，冇顆粒；皮好薄，都夠酥，而且唔油膩，留意唔係酥脆路線。但唔知係咪芋頭問題，我食完咁多粒都唔太食得出芋頭味同芋香.....但係就食得出好甜好甜，應該有加左奶粉或者糖之類去調味2. 話梅-粉紅色（$17）呢粒真係好古怪，成粒食完只係有好衝擊既話梅味😨 不過屋企人就覺得話梅呢粒最特別，酸酸maymay好驚喜，覺得最好係呢粒...真係....人人口味唔同3. 麻糬-綠色（$20）我竟然最中意呢粒，中間有麻糬，質感有層次，而且有麻糬隔一隔，反而覺得個芋泥餡冇咁甜4. 咸蛋黃-黃色（$20）呢粒就好似平日蛋黃酥/月餅咁，食落芋泥存在感不高，不過呢粒符合期望同想像，個味就係大家會想像到既味總括黎講，今次呢4款食完覺得一般，首先個皮既顏色係螢光色，已經覺得好色素同少少creepy...加試食完感覺冇其他人講到咁好食，不過唔知係咪因為主打健康所以冇乜味掛，但我又食到好甜好甜，我期望既芋

️大頭芋烘焙 #荔枝角❗️專賣芋頭產品 推出芋頭糭應節❗️——————————————————一向鍾情於芋頭產品嘅我一直都有留意呢一間小店🤩記得幾年前曾經買過，當時已經覺得好好食！最近留意到佢哋推出埋芋頭糭應節✨決定要再次品嚐佢哋嘅芋頭產品！佢哋嘅芋頭產品款式種類多，包括最經典嘅芋頭酥、卷蛋，配搭唔同嘅味道，芋頭控一定要試吓！雖然只係一間位於荔枝角工廠大廈嘅店舖，但已經得到多間報章雜誌推介，包括蘋果日報、新假期、U magazine等等👍🏻佢哋定期將會搞啲芋頭甜品烘焙班，有興趣自己整嘅都可以報下。芋頭糭💚💚$118/2以為係甜嘅芋頭蓉糭，點知原來係咸🤣內裏包着滿滿嘅條狀台灣水芋、原粒瑤柱、半肥瘦豬腩肉、鹹蛋黃，非常足料🤩調味恰到好處，本身糯米同綠豆蓉都帶有少少鹹味，配上充足嘅餡料，完全唔需要點豉油、糖都已經好好食😋仲要坐咗低油配方，可以健康咁渡過端午節！不過糯米容易較黏口，建議大家烚十分鐘就可以，太耐反而會過淋㗎。味道: 4.2/5性價比: 4.3/5四色芋頭酥💖💛💚💜色彩繽紛嘅芋頭酥分別象徵着唔同嘅味道：有綠色嘅麻薯芋頭酥$20💚紫色嘅芋頭餡 $17💜粉紅色嘅話梅餡$17💖同埋黃色嘅蛋黃

近期好興芋泥，成日想食，但好多地方既芋頭產品都冇芋頭味，得啲假味又死甜無意中發現呢間，蛋糕夠軟，芋頭味濃，真材實料，不時仲食到粒粒芋頭，又吾會太甜🍰🥳佢個麻糬芋頭味一樣好好食，入面既麻糬餡非常軟糯！

因為疫情關係，原本3月去台灣既trip cancel了🤧唯有食番d台灣野安慰下自己🤧🤧試左間專食芋頭既甜品小店，價錢合理，又好食，推薦比大家😆芋頭酥 一共有4款，每款我都要左一粒試下😍包括原味（$17）、話梅味（$17）、咸蛋黃（$20）、麻糬（$20）～麻糬味都唔錯咖，qq既口感，但相對上芋泥蓉少左～而咸蛋黃味係芋泥入面有原個咸蛋黃，非常邪惡🙈話梅味就係芋泥加入話梅，酸酸甜甜，但唔係個個都接受到～芋頭控既我最中意食原味的芋頭酥，有超足料芋頭蓉，淡淡芋頭香味，唔會太甜。我食戈陣仲有焗一先食，微暖、皮脆，更加好食！爆醬芋泥捲蛋（$25）超爆多既芋泥！大滿足！而且好香既牛奶味！捲蛋幾扎實，較濕潤，仲有淡淡既蛋香味🥰

哩間大頭芋烘焙真的想試好耐，見佢IG有POST大大舊的香芋泥捲，真的好想買返去試下，上到去 職員招呼我一陣， 10分好禮貌，好有耐性講解食芋頭酥同埋芋頭旦捲的口味，因為想同HONEY試多D不同的味道，所以就買左三舊不同口味的旦捲伯爵紅茶蛋捲，抹茶紅豆蛋捲，芋泥蛋捲，另外也買左佢地三舊不同口味的芋頭酥蛋黃芋頭酥，話梅芋頭酥，原味芋頭酥可惜麻薯芋頭酥賣曬~~~伯爵紅茶蛋捲，抹茶紅豆蛋捲，芋泥蛋捲伯爵紅茶蛋捲 - 真的值得推介，本身鐘意飲伯爵紅茶的我，食落D CREAM好足夠的伯爵紅茶味，真的比起芋泥蛋捲，佢哩款旦榚真的值得一試抹茶紅豆蛋捲- HONEY最愛，抹茶紅豆再加上芋泥，真的多重口感芋泥蛋捲- 佢的招牌真的做得好出危，入口芋泥好綿密，又唔會太甜，心機真的唔少蛋黃芋頭酥，話梅芋頭酥，原味芋頭酥三款不同口味的芋頭酥，顏色真的好美~~蛋黃芋頭酥，真的有唔少的旦黃╴食落好甘香，好惹味話梅芋頭酥，.話梅清新，真的同芋頭好夾原味芋頭酥，大大口芋頭真的正~~HONEY都話哩間的芋頭甜品真的唔錯!!

最近無意中發現左荔枝角呢間「大頭芋」，係一間由香港90後女生開設的純手工制作芋頭酥餅甜點專賣店。選擇豐富，包裝精美，送禮或自食皆可原味芋頭酥層次豐富的酥皮，包住飽滿芋泥蓉，甜度適中，芋頭味突出，味道同口感都好豐富！麻薯口味的芋頭酥夾心層煙韌彈牙，充滿嚼勁，同芋泥餡都幾夾蛋黃味的則帶有陣陣鹹蛋黃香，口味獨特，我鍾意台式芋泥蛋卷蛋卷呈金黃色，鬆軟可口，帶濃郁蛋香！內裡包住嘅芋泥份量爆多，身為芋頭控的我表示大滿足！店主採用台灣水芋，口感綿滑，甜而不膩，芋味香濃，好正呀！

想念台灣既我無意中搵到呢間賣芋頭酥同蛋卷既小店，佢隱藏左係荔枝角既工廈入面，主打大甲芋頭甜點，包括芋頭酥同埋蛋卷。由於佢無添加既關係，買左就要快快手食，同埋數量有限既關係，事前最好要電話預約呀！！芋頭蛋糕磚蛋糕好鬆軟，蛋味香濃，芋泥更加唔洗講，細滑得黎又有濃郁既芋頭香味，超級正！家中兩老表示呢個味道好岩佢地胃口！伯爵茶蛋卷好鐘意伯爵茶既我表示，第一次食到伯爵茶味咁濃，而且唔會過甜既蛋卷！佢入面無包芋泥，蛋糕同忌廉本身都加入左伯爵茶去整，好好食。原味芋頭酥佢既外型做得十分完美，酥皮整得幾靚，唔油膩，好乾爽同脆身，加上色彩繽紛，睇到都開心。內餡無加任何香料，味道天然濃郁。麻糬芋頭酥基本上同原味芋頭酥差唔多，不過佢入面多左粒麻薯。強烈建議有焗爐既話要焗一焗，無焗爐都用微波爐輕輕熱一熱佢，智好食好多架！麻薯又煙韌又唔會過甜，係正既！聽店主講，除左可以打電話上去預定之外，仲可以留意平時既ig post，會有地鐵站交收團，相對方便好多！另外，除左普通散買之外，可以訂購做婚宴回禮或者小禮物，送比朋友～而且佢地仲不時會有烘培班，有興趣既朋友可以試試呢！

在網上見到朋友POST出好靚靚的台式酥餅，最近成日都在家中開飯，忍唔住問左資料就上去買O黎試下，當係送俾家人的好味甜點。小台在工廈入面，並唔難找。一入去見到哇好精美又用心的包裝呢因為未食過，所以今次總共買了4件，每隻味都試下。台員用心介紹，原來呢到既餅都是自己手作做架，由餅的酥皮到入面的料都係真心感覺到係用心製作的精神原味芋頭酥、話梅味芋頭酥、蛋黃餡及麻薯芋頭酥，每件$17-20左右。四個就有個好精緻的盒包裝，加上每個都有CUP CAKE的杯，令人見到都好開心~味道方面，每一個入面都有好大份量的料，芋頭酥好香芋頭味，真材實料。話梅味芋頭酥就甜中帶少少酸，好開胃呢蛋黃餡就似蛋黃酥，我最鍾意~麻薯芋頭酥就比較甜。每一款個皮都又鬆又香，真係又好睇又好食的甜點~!