大頭芋烘焙

營業中

休息中

由唔知幾時開始，我就迷上咗芋泥嘅所有食品或者飲品🤣最近就睇instagram就無意中發現到呢間賣台式芋頭酥嘅小店！二話不說緊係買嚟試吓啦～原來唔同顏色仲有分唔同味道😋💜紫色：原味芋頭餡💛黃色：蛋黃餡💚綠色：麻薯餡💖粉色：話梅餡個人嚟講就最鐘意蛋黃同埋麻薯！蛋黃無論夾乜都真係咁好食😭👍🏻麻薯口感好特別！煙煙韌韌咁，夾埋鬆化嘅酥皮真係好正呀🥰另外仲買咗芋泥蛋捲💕單睇外表都好吸引呀～仲分咗唔同口味添！👍🏻爆漿芋心蛋捲👍🏻蛋黃芋心蛋捲👍🏻海鹽奶油蛋捲👍🏻粒粒腰果蛋捲👍🏻可口肉鬆蛋捲同樣哋蛋黃mix埋芋泥簡直係無得輸🤣真係好好食呀，蛋糕整得好鬆軟，不過我人仔細細真係試唔到咁多隻味，因為都幾飽！請咗啲比屋企人☺️其他味道就唯有下次再買嚟試返啦💕

今日嚟荔枝角發現到呢間小店，有我最愛嘅芋泥酥😍忍唔住要買返屋企同家人分享。芋泥酥多種口味選擇，我揀咗不可不試嘅芋頭．蛋黃．麻糬．仲有好特別嘅話梅味。我有跟著指引，放入焗爐5分鐘加熱。暖笠笠．入口好鬆，又唔會好乾。最鍾意💕無防腐劑夠健康👍🏻另外仲試咗芋泥蛋卷，軟綿綿☺️都係有唔同口味揀㗎😎紅荳芋頭蛋卷唔太甜，仲有款肉鬆芋頭，好有驚喜🤩🤩原來味道可以咁夾👍🏻好足份量，大大件又抵食！平時出面真係好難食到新鮮又整得咁好味的芋泥，下次要Encore試埋其他口味😋

早前在The Gulu看到有大頭芋的「升升卷」，但無奈錯過了，等了一段時間，還是沒有再推出，算吧，這天決定到烘焙店，買點美味的與姪囝分享。由於之前經常來紗廠，所以對於這區亦非常熟悉，沿地鐵站步行不到5分鐘就到達。聽店員說現在可以地鐵站交收，不用到永康街分店取貨，這樣就更加方便了。而這裏最大的優點就是卷蛋及酥餅都可以件裝形式購買，對於三心二意的我來說，每樣要一款就可以試到不同味道。一共買了數款切件蛋卷及芋頭酥回家，店員表示蛋卷可雪藏可存放2日，而芋頭酥室溫3日，雪藏7日。原味芋心蛋卷將蛋卷拿起時，感覺有點重，而且內的芋泥超厚身，感覺真材實料，而蛋卷入口鬆軟，蛋香味雖然不重，但內層的芋泥口感非常軟滑綿潤，甜度適中，令人忍不住想一件接一件的吃下去。粒粒腰果蛋卷芋泥內加了點腰果粒粒，感覺又多了點層次，不過，腰果偏淋身，沒有了原身有的香脆感，個人認為若將腰果脆粒灑放於蛋卷表面，感覺會更惹味。麻糬蛋卷我愛煙韌口感，所以非常推介這款麻薯蛋卷，店員表示麻薯是自家製，入口時口感份外Q彈，而當芋泥遇上麻糬，味道是甜中帶鹹，軟綿中又帶點煙韌，很好吃。由於我們曾經將芋頭酥放在雪櫃中，所以就跟店員指示，吃時需要

平時食開甜品，都係以西式嘅蛋糕布甸為主。呢一間喺荔枝角工廠區嘅甜品，主打中式芋頭制嘅食物，每一日都由店主自己製作。因為最近疫情的原因，特別加真左可以地鐵站交收，更加方便。今日就上到去外賣左幾款特色嘅甜品喺度分享一下。甜品以芋頭為主，所以啲名冇改錯叫做「大頭芋」芋頭都係一樣比較難處理嘅食物，要揀靚嘅芋頭都唔係容易。不過呢一間嘅芋頭都好綿滑，真係未試過。先介紹主角芋頭酥，芋頭蓉甜味自然! 分別有原味、鹹蛋黃、華梅和麻薯。店主有提議，如果食嘅時候最好放入焗爐度焗15分鐘，酥皮充滿油香，香脆可口。而且芋頭蓉都好出色，好滑身。有點似在茶樓吃到的點心一樣！另外仲有芋泥蛋捲。蛋捲滿有蛋香，而且用了芋泥當作忌廉，相對地比較飽肚之餘，口感特別。而且都好容易分！另外麻薯芋泥蛋捲都係最近期推出嘅，就算說左一晚都冇變硬，仍然保持濕潤。唔會太多人工嘅甜味，所以屋企的長者都食得！

話說由細到大都鍾意食芋頭酥，奈何疫情嚴峻，冇辦法去台灣食，就唯有喺香港搵好嘢食啦！結果我發現位於荔枝角一間蛋糕店，專門售賣台灣手信必買嘅芋頭酥，同埋人氣爆燈嘅芋泥卷蛋先講下招牌芋泥卷蛋，卷蛋口感鬆軟，但保持濕潤，食落富有蛋香；芋泥口感綿滑，甜度適中，整體做得唔錯～店主提供四款口味，包括：麻薯👉🏻口感煙韌，味道少鹹，更能突出芋泥卷蛋嘅甜味蛋黃👉🏻蛋黃壓成碎狀，口感唔錯，同卷蛋不謀而合肉鬆👉🏻肉鬆份量相對少，但勝在口感豐富，味道亦幾特別紅豆👉🏻做法似日式，紅豆好大粒且偏甜，值得一試整體來講，四款口味我都好喜歡，不過如果要排序，我會認為麻薯＞蛋黃＞肉鬆＞紅豆，🤤🤤至於芋頭酥，個人認為做得比台灣食到嘅更精緻紮實，酥皮厚度適中，不得不讚店主嘅實力；店舖提供四款口味，包括原味、話梅、蛋黃同埋風乾火腿，以上口味既酥皮都用咗唔同天然色素，食落格外健康又安全！

疫情關係，外遊嘅安排已經全部取消晒...連鄰近國家嘅台灣，而家都唔可以入境唯有留返係香港照顧好身體之後再向世界出發！朋友知道我好鍾意食芋泥酥，特登同我介紹咗一間佢試過嘅手工小店！呢間「大頭芋」起初原來係一間IG店，三年後嘅今日開設左實體店喺荔枝角。於是我放工就去咗鋪頭度睇下有咩新鮮做既芋泥酥買返屋企😋估唔到芋泥酥可以有唔同嘅味道，除左原味，仲有麻薯味、紅豆味、話梅味...等等綠色：麻薯味 ；粉紅色：話梅味；黃色：蛋黃味；紫色：芋頭原味食咗個原味，一啖咬開整個芋泥酥一邊爆滿左滿滿嘅芋泥肉！！而且味道好香口，芋泥香滑！除咗芋泥酥外，仲有芋粉卷！！！可以買返去做聽日嘅早餐啊！佢有分幾隻味我買咗蛋黃、紅豆、麻薯、肉鬆！每一舊都爆滿左厚厚嘅芋泥，蛋糕都非常之新鮮食落口好軟軟有彈性！而家唔使去到台灣都可以食到芋泥食品，可以滿足到我對芋泥嘅慾望！而且食物嘅品質絕對唔差過名牌餅店！分分鐘好食過老店👍🏻應該鋪頭中有工作坊可以教有興趣嘅朋友親手做芋泥酥

屋企有兩隻化骨龍最鍾意就係食，成日都要我放工買啲甜品比佢哋食。咁就上網搵吓附近有咩新鋪頭可以試吓啦，咁啱就比我搵到呢間烘焙店。所以就即刻上去睇吓有咩買，一上到去發現係嗰兩隻化骨龍都幾鍾意食芋頭，而且聽人講佢哋嘅芋頭酥都比較健康，所以就即刻買啲返屋企比佢哋試吓。果然個芋頭酥一食落去勁紮實，新鮮出爐，所以熱辣辣勁重芋頭味。個芋頭蓉相當creamy，而個酥皮又幾酥脆。簡直就係傳說中嘅外脆內軟，加上佢個價錢都好相宜，都只不過係十幾蚊就有一個，性價比超高。以後得閒路過都買返幾件返去俾啲親戚朋友試吓。包你食過返尋味。

不嬲都好鐘意食芋泥嘅產品😍所以點會放過呢間大頭芋😚之前已經買過幾次芋頭酥不過冇影到相🙈佢除咗有原味仲有鹹蛋黃同話梅味 好有特色😋覺得佢可以媲美到台灣嗰啲💓佢做得好鬆化！仲有好濃嘅芋香味🤤個人最鍾意話梅味❣️甜甜鹹鹹咁 好開胃🤩-爆漿芋心捲蛋💜個蛋捲好濃蛋味🥚啲芋泥都好creamy好smooth!!!!原本以為佢落咗好多忌廉或者牛奶但係問過老闆娘🙈佢又話冇喎～成舊夾埋食好香🤤💓

上次試食完原味香芋酥，今次一於決定trytry 佢其他味嘅酥啦。上次就紫色，今次一於試下差唔多嘅粉紅色，梅味香芋酥啦！！！唔知係咪我期望太高，一入口，同上次原味好似冇乜分別，都係外脆內......等等，雖然口感一樣都係外脆內軟，香芋餡嘅甜度都係差唔多，但係......今次呢個梅味香芋酥，竟然有陣淡淡嘅梅香味伴隨住香芋餡由內散發出黎，跟住係我口入面徘徊。呢種特別嘅感覺真係expect 唔到。就咁食可能覺得冇咩特別，但係一有比較，就有正襯。上次嘅原味已經5粒星，今次想嗅覺都攻陷埋我，真係唔知點比分啊！睇緊時評嘅你一定覺得我太浮誇，你唔信可以自己試下，到時我估會有一篇同我差唔多嘅時食評🤤

仔仔上星期開生日會派對，所以訂左2打芋頭酥，包裝好靚，攞住行左幾條街都仲係完整無缺嘅。我將每舊再切成四舊，啲酥皮都冇散，比多啲人試吓食下，啲朋友親戚食完都話好好食，芋頭味好重，好足料，啲酥皮仲係一片片嘅，啲芋泥食完唔算好濟，食完仲有肚可以食其他嘢，成舊都唔算太甜，男女老少都啱食，老人家都唔會話太甜，食完一舊話想要再食，但最後又費事其他人冇得試，價錢合理，雖然地點偏僻左少少，但都有介紹佢哋下一次開派對聚會可以再訂黎食。除此之外，鋪頭好準時俾到貨我地，服務態度好，好有心咁推薦唔同嘅產品，所以好評！下次會再光臨！

之前天氣有d乾燥，但又想食下香芋酥。但係正常嘅香芋酥驚太乾，乾到咳。所以膽粗粗試下呢間（朋友介紹）。食左幾十舊，一唔貴，二唔乾，水都淨洗飲左一杯。外脆內軟，甜到入心都又唔會惹痰，好岩我口味。平時d香芋酥，又乾，又甜，食一舊就膩曬，真係送多舊比我都不了，呢間就唔同幾多都唔夠！我咁講你地一定覺得浮誇，我都驚太主觀，所以.......所以，我邀請我d fd 試下，睇下係我要求低，定佢太高質。佢地試完之後，我心都放埋，因為佢地試極都唔夠，好彩唔係太貴！大家試完之後坐低認真討論，先知道唔係我太主觀，而係真係好食！！！所以真心推介......

可以娛工作於娛樂，真是一件難得的事。這隱藏於荔枝角工廈的蛋糕店便給我一種這樣的感覺！集零售與workshop於一身，如果能騰出空間做埋堂食，就更好了。我本人並非芋頭控，但對芋頭也不抗拒。得知荔枝角開了此店，也心思思想買來一試，今日途經附近午餐，便趁機過去望一望。店舖並非一般蛋糕店，門面沒有蛋糕實樣，只有相片以供選擇。店員說原味卷蛋新鮮制成，所以便推介我一試。蛋卷size不大，但卻沉甸甸的，相信芋頭份量相當。包裝精緻，好有自家制的風格。回家一拆，軟綿綿的蛋糕佔的比重不多，芋頭遍怖整個蛋卷。蛋糕好綿有蛋香味，芋頭茸好幼滑，甜味是芋頭自然帶出來的，所以沒有人工糖的死甜，好清好香。除了卷蛋，還買了兩件芋頭酥。同樣地包裝細緻，酥皮層次分明，質地偏脆，砌下時不會粉碎。芋頭茸比卷蛋實一點，同樣帶芋頭清甜的味道。原味卷蛋$70，芋頭酥則$15一件，對自家手作的食品來說，價錢合理不過。

上次拎原味芋泥蛋糕個時～順便買左兩個月餅回家食～味道口感都可以～之後見到openrice又出月餅優惠劵～咁我一向都鐘意純手工製造食物～就決定買來自己食同送一盒給人～當天取貨時職員問我有無早五天打來取貨～因為沒有了紅豆月餅～但我早五天前就打了來～仲留了電話～不知道是不是中秋節太忙～我問店員食用期有幾多天～她說七天～但我在第三天食～所有餅皮都好好好好好林～酥皮同傳統月餅個皮都一樣～味道就正常～真係好失望～我家人們全部都講唔好食～我仲送了一盒給人下年我都買返有信譽既月餅～

為了芋頭而去這間店朝勝，卻發現原來是一間位於工廠大厦內的烘焙製作室。可能臨近中秋節，忙於製作月餅系列的產品，所以店裹並沒有陳列糕點,略為失望，店員說若要買，要先預訂，好彩當天還有小量存貸，才不至於白走一趟芋頭蛋捲$70蛋捲裏面大量芋泥, 完全滿足到芋頭控的渴求大滿足,回家巳忍住一口食了半條芋頭酥$15~外層酥皮和芋頭溶分佈得剛剛好，外皮酥脆，不會有厚皮面粉的感覺。而芋溶軟硬適中，不是太甜，完全有台灣芋頭酥的感覺

之前Openrice有個優惠劵～可以購買$20享無糖紅豆水+原味芋泥蛋捲切件/抹茶紅豆芋泥切件～當日早少少打電話去店舖～問仲有無得拎蛋捲～店員說有，但紅豆水說沒有～去到換了原味原味芋泥蛋捲切件同埋薄荷茶包～蛋捲芋泥好濃厚～仲可以食到啲芋頭粒～又唔係好甜～都唔錯～討好～但紅豆水未能試不知道味道如何～薄荷茶換了德國Ronnefeldt～現在夏天飲薄荷都幾舒服～涼涼地～P.S. 店舖位於工廠大廈，但位置都方便，不會好難找～店員都好細心～