影片
更多
2020-06-17
425 瀏覽
️大頭芋烘焙 #荔枝角❗️專賣芋頭產品 推出芋頭糭應節❗️——————————————————一向鍾情於芋頭產品嘅我一直都有留意呢一間小店🤩記得幾年前曾經買過，當時已經覺得好好食！最近留意到佢哋推出埋芋頭糭應節✨決定要再次品嚐佢哋嘅芋頭產品！佢哋嘅芋頭產品款式種類多，包括最經典嘅芋頭酥、卷蛋，配搭唔同嘅味道，芋頭控一定要試吓！雖然只係一間位於荔枝角工廠大廈嘅店舖，但已經得到多間報章雜誌推介，包括蘋果日報、新假期、U magazine等等👍🏻佢哋定期將會搞啲芋頭甜品烘焙班，有興趣自己整嘅都可以報下。芋頭糭💚💚$118/2以為係甜嘅芋頭蓉糭，點知原來係咸🤣內裏包着滿滿嘅條狀台灣水芋、原粒瑤柱、半肥瘦豬腩肉、鹹蛋黃，非常足料🤩調味恰到好處，本身糯米同綠豆蓉都帶有少少鹹味，配上充足嘅餡料，完全唔需要點豉油、糖都已經好好食😋仲要坐咗低油配方，可以健康咁渡過端午節！不過糯米容易較黏口，建議大家烚十分鐘就可以，太耐反而會過淋㗎。味道: 4.2/5性價比: 4.3/5四色芋頭酥💖💛💚💜色彩繽紛嘅芋頭酥分別象徵着唔同嘅味道：有綠色嘅麻薯芋頭酥$20💚紫色嘅芋頭餡 $17💜粉紅色嘅話梅餡$17💖同埋黃色嘅蛋黃
❗️專賣芋頭產品 推出芋頭糭應節❗️
——————————————————
一向鍾情於芋頭產品嘅我一直都有留意呢一間小店🤩記得幾年前曾經買過，當時已經覺得好好食！最近留意到佢哋推出埋芋頭糭應節✨決定要再次品嚐佢哋嘅芋頭產品！佢哋嘅芋頭產品款式種類多，包括最經典嘅芋頭酥、卷蛋，配搭唔同嘅味道，芋頭控一定要試吓！
雖然只係一間位於荔枝角工廠大廈嘅店舖，但已經得到多間報章雜誌推介，包括蘋果日報、新假期、U magazine等等👍🏻佢哋定期將會搞啲芋頭甜品烘焙班，有興趣自己整嘅都可以報下。
芋頭糭💚💚$118/2
以為係甜嘅芋頭蓉糭，點知原來係咸🤣內裏包着滿滿嘅條狀台灣水芋、原粒瑤柱、半肥瘦豬腩肉、鹹蛋黃，非常足料🤩調味恰到好處，本身糯米同綠豆蓉都帶有少少鹹味，配上充足嘅餡料，完全唔需要點豉油、糖都已經好好食😋仲要坐咗低油配方，可以健康咁渡過端午節！不過糯米容易較黏口，建議大家烚十分鐘就可以，太耐反而會過淋㗎。
味道: 4.2/5
性價比: 4.3/5
四色芋頭酥💖💛💚💜
色彩繽紛嘅芋頭酥分別象徵着唔同嘅味道：有綠色嘅麻薯芋頭酥$20💚紫色嘅芋頭餡 $17💜粉紅色嘅話梅餡$17💖同埋黃色嘅蛋黃餡$20💛。
每款味道各有特色，最鍾意淨芋頭，最能品嚐到芋頭嘅香氣！話梅餡酸酸甜甜味道衝擊幾大。蛋黃餡就鹹香味最重。麻糬就更有口感，如果可以煙韌啲就更正！
欣賞佢芋頭蓉喺香港來講味道的確非常突出🥰而且品嚐到芋頭本身嘅香甜，唔會有過多嘅奶或者糖👍🏻冇乜忌廉奶所以口感就實啲。佢哋嘅酥皮亦唔係非常酥化嗰種，少少似老婆餅，感覺冇乜油健康啲。
味道: 4/5
性價比: 4.3/5
整體來講，覺得呢一間嘅芋頭產品的確幾高水準✨尤其係最新推出嘅芋頭糭，真係比我想像中好食得多😋我平時唔係特別鍾意食糭，而且每次食親都一定要加糖或者豉油先覺得好食，但呢一個芋頭糭居然唔需要加任何額外嘅調味都已經好好味💯另外仲有香港較為少買到嘅芋頭酥，買來過下芋頭癮的確唔錯。
——————————————————
芋頭糭
$118
9 瀏覽
0 讚好
0 留言
芋頭糭
$118
6 瀏覽
2 讚好
0 留言
芋頭糭
$118
5 瀏覽
1 讚好
0 留言
四色芋頭酥
19 瀏覽
2 讚好
0 留言
張貼
