大鍋口海鮮火鍋店 (已結業)

已經唔係第一次食大鍋口, 之前佐敦同旺角呢間都試過, 大家嘅評價都好好, 今次都一樣:  選擇好多好滿足肥牛質感幾好有雪花, 唔洗加錢都有唔錯嘅質素朋友話響鈴好新鮮蘿蔔切到薄片好入味稻庭烏冬口感好正, 每次必點, 但次次都要特登問幾次先會俾一兩個… 正常, 坐得舒服, 冷氣唔會太凍 要俾個like d 姐姐, 咁忙都有心機幫我地跟單又笑住同我地解釋 抵! 2.5小時真係唔話得雖然已比以前貴左但都仲係好抵,下次當然會再黎

今晚我們再去咗旺角瓊華中心嘅「大鍋口海鮮火鍋店」食宵夜火鍋！湯底我們又係選擇咗上次覺得好正嘅椰子滑鷄湯底，因所有火鍋材料都吸收晒呢個湯底嘅椰子香味，味道極之香甜濃郁，而且相當滋潤，真係好好味呀！手切肥牛、黑豚肉片同羊肉片嘅色澤都好新鮮紅潤，肉味都幾香濃，脂肪亦唔會好多！其中一款叫是日海鮮推介，今晚係大蜆，肉質好肥美，味道超鮮甜！生猛海蝦嘅肉質非常爽甜彈牙，而且相當大隻同新鮮！牛骨髓嘅質感好軟滑，同埋而家唔係有好多地方可以食到！鮮蝦滑同墨魚滑非常爽滑彈牙！炸魚皮炸得相當香脆同薄身！鮮蝦雲吞嘅皮都幾薄身，蝦肉好彈牙！其他火鍋材料同蔬菜都相當新鮮同乾淨衛生！

今晚我們去咗旺角瓊華中心嘅「大鍋口海鮮火鍋店」食火鍋！湯底我們選擇咗椰子滑鷄湯底，湯底嘅味道非常香甜滋潤，而且極之濃郁，所有火鍋材料都吸收晒椰子嘅香甜味，真係超好味呀！手切牛肉嘅肉味好香濃，脂肪嘅分佈好平均，色澤亦好紅潤！生猛海蝦非常新鮮，肉質相當爽甜彈牙！九肚魚同新鮮魚雲亦都係相當新鮮，肉質超嫩滑鮮甜！白鱔片嘅肉質極之爽脆彈牙！滋補花膠嘅都幾厚身，口感好軟滑彈牙！爽脆豬潤好爽脆軟滑，唔會有怪味！黑椒一口台灣腸嘅腸皮好脆身，黑椒嘅香辣味相當惹味！蔬菜同其他火鍋材料都處理同清洗得超衛生乾淨，而且非常新鮮！

價錢5點至9點半 每位$148 加一服務費種類唔算少 岩哂食肉獸任飲忌廉溝鮮奶,烏龍茶同汽水叫左個沙嗲湯底 裡面仲有豬肚 幾入味架全場最好食一定係栗米 超級甜 一定要食多兩舊環境幾舒服 冷氣夠凍 味道唔差 價錢相比其他餐廳算平 性價比幾高既餐廳 所以整體都好滿意 有時間可以再黎食多次

星期五旺角既餐廳就特別難book位，聽聞呢間餐廳價錢幾超值，就特意上黎博一博有無位坐！張list既選擇都好多下，任食2.5小時，食下傾下真係好抵！好過坐cafe shop吧！揀左五香牛雜湯底黎煲下湯咁雪白的魚滑類，非常彈牙！炸魚皮，係開鍋的前菜！最快可以食得！呢個波波都係啦！響玲都係吸湯大法之最滋味！又叫左粟米用黎煲湯！點知粟米超甜，非常吸引我地叫多左碟！叫左一大堆肥牛，羊肉就帶羊羶味！食物既種類都幾多，但個肚就得咁細，純粹都係食個飯同朋友吹下水！

今日勁黑仔,ip6x 漏左響的士,希望有好心人會交回警署,amen話說我一直都吾鐘意大鍋口呢間店.原因我俾荃灣個一個好惡好無禮貌既經理對待.不過今日我生日.成班朋友同我慶祝.我沒理由BEND佢地提議.就去旺角大鍋口啦.一出電梯.wawa,好多人等位.好彩朋友一早訂左位.否則我真係吾會等,今日坐卡位比較窄.隔離圓台的成幫男人講野又粗魯又飲酒又嘈.拍拖真係吾適合黎食野.bf order左個番茄湯.味道偏甜.我不太喜歡.食品質素保持水準.蝦特別大隻.我個人較喜歡個凍豆腐同魚頭,同我一樣紅紅白白好fresh(自我陶醉X100000)btw, below few food and drinks are not satisfy for myself, hope their top management can be improved in future.beef so fat. 意米水too sweet, tofu have some smell

呢間大鍋口都唔係第一次去食...想食既朋友記得真係真係真係要book位囉如果唔係等超耐！侍應帶埋位之後就會拎配料比你自己加，問埋你要咩湯底.湯底都有幾款選擇食物種類多唔再講，而且都幾新鮮佢每日仲有個時令海鮮供應.值得一叫上碟速度都算快，叫完一輪又一輪哈哈！飲品除左係7仔買到既汽水仲有我中意既蘆薈汁、忌廉鮮奶...但就要自己出去拎任飲任食下...人頭計百零蚊位抵到爛😂岩哂啲中意拾下拾下既朋友仔

嘩...多人到呢，星期二平日去食都等左成個鐘先有位，原來佢系半個鍾拎位一次，我8:38pm到，話9:00pm位無晒位，要9:00點先可以拎9:30pm位，下次要醒周時間去，唔洗等甘奈，好啦入到去講下d野食，我地叫左個蕃茄薯仔豬骨湯底，味ok la,多豬骨，不濃湯底，叫餸叫十樣黎7-8樣，自助系甘上下，好死既者甘咪就再叫過羅，牛肉肉質林，其他餸出黎整齊乾淨，整體黎講$128呢個價錢，抵食了，仲要多款野飲任飲，可樂仲要系可口可樂唔系百x,

由荃灣分店，再由佐敦分店，到今時今日的旺角分店，大窩口火鍋仍然保養一貫水準，令人愉快 旺角分店位於小時候的Mk勝地瓊華，十年人事幾翻新，今時今日瓊華已經變成16層新食肆。樓下等𨋢亦算快，大窩口火鍋在最高的16樓，一出𨋢已經人路湧湧。這裡如果有預先打電話留座限時兩個半小時，否則walkin是限時兩個小時，時間十分充裕。價錢是148加一，任飲任食已算十分便宜。一坐下姐姐已經放上醬汁配料，全部新鮮切好企理，任加。火鍋配料多得很，而且漏單情況很少，姐姐手腳快，招呼周到。肥牛質素很高，沒有一般任食的恐怖，至少沒有瘀血色，入口肉質不會過份淋，牛味亦足。而火鍋紙上有一款菜色是是日海鮮，每天也不同，今晚是新鮮花甲，身型大而肉厚，而且鮮甜，回味無窮 海蝦亦新鮮，肉質爽口，追加好幾次也沒有漏單，很開心。蝦滑墨魚滑這裡也有提供，自己做型放在湯底中，有得食有得玩。希望大窩口長做長做，繼續成為有質素的港色任食火鍋。

大鍋口，一直都有聽朋友介紹過，今日終於無咁多人食，所以唔洗點排隊，之前試過兩次上來，但都好多人，好旺，所以放棄左，一間主力食海鮮為主既打邊焗，係吸引我來既主要原因！食物款式都唔少，是日海鮮係聖子，放落湯度煮約20秒左右就食得，好鮮甜，好新鮮凡立貝食落就有d失色，有少少梅其他食物都好新鮮，難怪會咁旺場

呢間火鍋店真系好多人架，如果要去食就要訂位，次次去親都要訂位。不過真系物有所值，位置唔算大，六個人坐都可以坐得落噶。所有材料都好新鮮，一定要試呢度的魚滑蝦滑，真的爽口彈牙。烏冬都系心必食之選，朋友次次黎都必點。上菜的速度都快，而且最最最重要的系冇漏單！！真系食開放題的人都知道，漏單一定有，但系呢間店真系做到唔漏單，起碼我冇系度試過漏單。

一行三人，晚上8點黎到旺角分店的大鍋口火鍋放題，任飲任食。友人極力推介！我地walkin ,等左大概15mins 到就入得。我地叫左2種湯底，1個沙嗲，另一邊就加左$48 叫左鯊魚骨猴頭菇湯底。首先，湯底都未叫 侍應哥哥就放低左一“行”調味架，飲品係叫侍應哥哥拎ge, 有道地烏龍，忌廉鮮奶，jollysandy可樂,忌廉同韓國7喜，仲有成jar 檸檬薏米水。menu 上都有好多選擇，特別推介ge 係我第一次食到ge 千島龍蝦丸 ，咬落去千島醬加蟹子ge爆漿,味道出奇地夾，仲有正當拼命係menu 上搵緊腸仔時，眼角餘光竟然發現台灣黑椒一口腸而且仲有是日時令海鮮 ，生猛海蝦，蟹柳係用台灣蟹棒，仲有超甜粟米份量全部按人頭份量，細細碟唔怕嘥，食完又可以再叫。真係cp值高嘅食店。同埋每人都有2對筷子，分別夾生熟食物。通常任食都係一大兜上，成隻碟都有生肉血水甘 呢間就衛生得多，最欣賞佢分碟上。

每枱都有調料兜，基本野辣椒、蒜、蔥、沙茶醬等等有齊曬，仲唔額外收費添👍🏻。湯底亦都用心，唔係湯包開水沖出黎，胡椒豬肚湯🐷帶辣、番茄薯仔湯🍅偏清，兩款都唔錯，而且加湯既時候真係會加返湯，而唔係水，唔驚食食下冇曬味。食物款式都多，芝士丸🧀好有驚喜，唔係街市買開個款，芝味濃好多，一咬就爆曬出黎。烏冬係稻庭烏冬，彈牙好味，一人一個都唔夠喉。仲有帆立貝、白鱔、花膠等等比較少見既食材，全部都夠新鮮，不過帆立貝細粒左啲，但叫多幾粒補返數啦。

中學grad左幾年, 好耐冇見過舊同學, 難得有人話食飯當然黎啦幾經討論最後book左呢間, 雖然另一間分店早前有啲事令到我有陰影, 不過同學推薦就決定一試啦 對於一間火鍋店黎講呢間係比較細, 一個長方形嘅場一眼睇晒, 如果唔book位真係會等到2046一埋位可以揀湯底同混醬, 大枱有兩個湯底, 揀左沙嗲同胡椒豬肚, 醬就豉油加蔥同胡麻醬, 唔鐘意加太多款變左好多種味豬肚湯底嘅味唔算突出, 即係唔會太影響野食本身嘅味道, 至於沙嗲湯底我比較少食, 不過呢隻味本身算係重味, 所以野食都會加左重沙嗲味, 因為自己幾鐘意沙嗲所以接受到 呢度野飲係要叫店員拎, 如果懶得行出去嘅話係好事黎嘅😂不過叫店員要比啲耐性至於野食係跟得幾足嘅, 冇乜漏過單, 啲野食都ok, 比較印象深刻係芝心丸, 芝士味好濃, 係屋企打邊爐都好少會買到呢隻丸 其實全程我地都嗌左唔少野, 除左丸之外仲有海鮮呀, 菜呀, 魚呀等等, 種類都幾豐富, 任食黎講唔係太難食就已經接受到, 以呢個價錢黎講係合格架啦呢兩個半鐘食得好開心, 同舊同學過左個愉快嘅晚上😃

今晚book左位所以來到不要等，可能由於抵食的緣故，11pm都全場滿座。一坐下，就有汁醬配料任自己調，有指天椒，炸蒜，葱，沙嗲醬。另外飲品都是任飲的，有汽水，仙地，烏龍茶，竹庶水，竹庶水是自家製，不太甜，健康點，推介。    免費湯底都有6款可選，我們點了沙嗲湯底和蘿白牛腩湯底，沙嗲湯底味濃，牛腩湯底雖然鍋內有很多牛腩，蘿白，粟米，但不知為何個湯仍是無味！ 海蝦，新鮮，唔係細細隻果d  鱔片，雖然切得薄，但很好吃，出面叫碟鱔片都很貴，現在居然係任食。 肥牛和滑牛，望落亦新鮮，我不吃牛，友人說很好吃。  皮蛋貢丸，好吃，一咬開肉丸內有很多皮蛋碎，如喜歡吃皮蛋的朋友，必點。 粟米，很甜。另外我們還點了年糕，凍豆腐，響鈴，牛骨髓，炸魚皮，雲呑，芋絲，鵝腸，芝士腸等等等等。。個人認為任食來說，已算很多選擇了