大鍋口海鮮火鍋店 (已結業)

每枱都有調料兜，基本野辣椒、蒜、蔥、沙茶醬等等有齊曬，仲唔額外收費添👍🏻。湯底亦都用心，唔係湯包開水沖出黎，胡椒豬肚湯🐷帶辣、番茄薯仔湯🍅偏清，兩款都唔錯，而且加湯既時候真係會加返湯，而唔係水，唔驚食食下冇曬味。食物款式都多，芝士丸🧀好有驚喜，唔係街市買開個款，芝味濃好多，一咬就爆曬出黎。烏冬係稻庭烏冬，彈牙好味，一人一個都唔夠喉。仲有帆立貝、白鱔、花膠等等比較少見既食材，全部都夠新鮮，不過帆立貝細粒左啲，但叫多幾粒補返數啦。