大鍋口海鮮火鍋店 (已結業)

夜晚10點幾到，等左20分鐘左右有枱，全場爆滿而出面仲有好多人排隊等位。環境乾淨企理，無平時火鍋店咁大陣味，冷氣夠；食物方面以$152（每位連加一），絕對抵讚，海蝦隻隻新鮮爽口唔會霉，完全係out of expectation；肥牛勁靚仔，唔會好似出面垃圾任食雪到變左瘀黑色，都有牛味，肥瘦相間，勁surprise任食都有食得落肚而又ok好食既牛肉。其他食物都好新鮮portion都夠大，菜/魚/粉腸/丸都好好；飲品都係可樂忌廉竹蔗茅根水大路野；仲有侍應姐姐們都好快手，有效率又有禮貌（全晚有漏單一次既，可以接受），百五蚊一個人，呢度真係好抵食，會有下次

我諗大家去過都知道 佢有好多poster寫住2.5小時任食 但去到例如7點 照道理應該食到9:30 但職員就會用一招同你講9點有人訂左台如果你肯食2個鐘就無問題 呢個手法我已經試過幾次 今次打左去消委會投訴 職員話呢個手法已經係違反商品說明條例 職員特別聲明係刑事罪 同轉介我打去海關 雖然打邊爐2個鐘真係好足夠 但個手法其實同藥房買貴價貨斤/兩手法一樣 極之可恥

今晚同朋友去旺角食飯，想食得好啲但又唔想食太貴，最後輾轉去到大鍋口，但因為係星期五晚，根據以往多次6點鐘上去walkin都冇位既經驗，都驚今日會冇位大概17：30上到去，見到入面唔full但好多枱都留左座之後同朋友去門口問個counter姐姐有冇位，好好彩有位，但再問下有關收費啲優惠既時候，個counter姐姐就表現得唔耐煩咁，搞到我地都唔敢問咁多就話入座喇因為時間尚早，所以個counter姐姐安排我地兩個人坐一大張圓枱，有啲唔好意思添一坐低已經有兩位姐姐一位問我地要咩湯底一位幫我地倒豉油等我地落醬料，醬料有好多例如辣椒、蔥、蒜蓉等等，想幾重口味都得而湯底我地就點左沙嗲湯底，個湯底一滾起已經勁香，啲料加落去唔洗點豉油已經好好味，而且唔知係咪因為今晚飲野飲得多，之後竟然唔口渴！然後就講返啲料先下面係菜單個選擇都幾多，諗到既打邊爐料都有！而且我覺得質素同普通逐樣收錢既火鍋店不相伯仲，呢個亦係我愛食大鍋口既主因！呢個係滑雞件，原本想點無骨既雞肉，但點錯左，其實冇骨既雞肉叫“滑雞柳”，雖然之後都有點返，但滑雞件都好滑，係雞脾位黎架上圖係其他火鍋料，我地點左肥牛、滑牛肉、蝦滑、墨魚滑、不同丸類、

要幫同事搞Farewell，所以我地一早就BOOK好左去呢間食，點知同事搞錯左，我地去左佐敦果間，不過好多謝旺角呢間俾我地延遲少少去到，一入到去就已經有位（雖然門口排左好多好多人），野食既種類有好多可以揀，我地成枱10幾個人就唔洗驚食黎食去果幾味，海鮮都幾新鮮下，而且好多都黎齊哂同埋包大家食到飽先返歸！不過可能今日都太多人啦，好多少少甩漏，例如漏左單、送錯左隔離枱既黎咁，不過職員都好迅速黎到我地度解決左個問題！總之今日呢一餐我就好滿意既

之前預訂佐敦和荃灣的大窩口火鍋店，永遠book唔到枱，因為無論平日假期星期六日都是full booking 😵 新的旺角分店開張後，期望訂位情況有所改善但其實仍然如此受歡迎，於是與友人決定於星期日的五點鐘準時到達，期望食一餐唔需要等到天方地老的高質火鍋作early dinner。果然名不虛傳的大窩口未到五點已經開始排隊入座。我想全因是新鮮肥牛，好味湯底，超值價錢及多款食材選擇吸引眾人。多款火鍋食材湯底及飲品任君選擇，不會像坊間一些火鍋店，飲品又要加錢，肥牛又要加錢，海鮮又要加錢。皮蛋芫西湯底又咸又香，另有多款醬料魚沙茶醬、甜豉油、新鮮辣椒、辣椒油、辣椒醬、生蒜、炸蒜，可混出個人喜愛的中式打邊爐醬料。新鮮美國肥牛算是肥瘦均勻，肉脂平衡，兩人份量一碟如上圖，唔夠可以再order。粉腸處理得乾淨，沒有異味，在湯內滾後口感爽滑。滑牛比肥牛更有質感，因厚度及肉的比例更多。芝士丸、貢丸、四寶丸、魚皮餃一如既往的好。粟米超甜，仲有雞髀菇、冬菇、金針菇、茶樹菇及其他選擇。唯一令我失望的是這碟薯仔片，order時以為是新鮮薯仔切片，但原來是炸過的。涮湯後有很重油溢味，不太討好！

前ㄧ日打電話去book7:00 6位,話有位,第二日到去竟然話我無book,話如果有位同事會比booking no.之後我話你d同事响電話答我ok,無問題,禁呢句説話已經示意ok左啦,之後走左個無厘頭嘅職員話係咪打錯電話,語氣勁差,我即時比埋我打出記錄比佢地睇問係咪呢個呀,佢地話係,之後個無厘頭職員即時閃左,跟住我再問禁而家可以點?個職員好串咀答無辦法!!究竟佢地乜野態度!!唔會再去low!

打電話訂枱，打三次，頭兩次就被cut線，想book 9/12，18：00，佢話六點果段時間已經full哂，我想再問有咩時間可以book，佢講完full哂之後就cut左我線😬。到底要幾多日前book枱先得既呢？

10月尾朋友生日，其中一個朋友提議食依間火鍋所以就大家一齊試下。上到去見到勁多人排隊，好彩之前book 左位，等左一陣就入得去。點完野馬上就有碟野送左過黎，因為大家太肚餓所以都無睇係咪我地嘅就食😂椰子雞湯底好甜，食物飲品選擇好多，我地就最中意牛肉同蝦，仲要只係百幾蚊一位。所以食完之後個個星期又想食，不過因為太遲book 位full 左所以無得食，所以真係要早d book 位，同埋個日帶埋蛋糕上去擺同食都唔洗俾切餅費，真係抵😆

一大班同事相約收工去打邊爐, 其中一人提議大鍋口時, 我仲大鄉里地講去到咁遠?因為我以為是荃灣隔離既大窩口呢提早訂了台, 準時到達, 限時2.5小時, 比坊間多了半小時, 即使是邊吹水邊吃, 都一定夠時間!我地一行12人, 所以叫了兩個不同的湯底。一個是椰子雞, 一個是鯊魚骨, 其他好似分別不大, 事實上都幾足料!抵讚。一坐低有醬料任落, 服務良好, 而且種類繁多, 岩曬鍾意混醬既朋友。好快叫到一台都係食物!! 我就只寫幾樣推介的食物:牛肉: 雖然薄切, 一碟得12 塊, 你叫幾多碟佢就俾幾多, 絕無欺場。牛味濃郁, 比其他任食火鍋的美國肥牛更勝一籌。是日海鮮: 當日既係蜆, 一落左落去後, 成日都唔記得左撈返, 攪到粒肉都唔知飛左去邊。新解手打丸類: 非常新鮮彈牙!嚮鈴: 一放落去吸曬湯汁, 十分入味!餐肉: 厚切餐肉係打邊爐既最佳配搭, 我應該差不多吃了一罐。打邊爐除左個爐外, 食物都好重要, 仲有就係要一大班人先夠開心呢間無論質料, 服務, 環境都一絕, 下次一定會再黎呢度打邊爐。

悶熱晚上…呢間火鍋真係唔使點介紹！任何時間都咁多人！ 不過真係多人多得有道理！價錢百幾蚊任飲任食！仲要野食好企理！樣樣俾小小你！又可以試多幾款野食！今次5個人比左張大檯我地！佢話冇人訂大檯，等我地坐得舒服D問題黎，咁大張檯，一個鍋唔方便，問左加多個鍋(原先包一個免費)都係$4X,唔好諗加多個鍋！點野食先！牛肉，墨魚同蝦滑，名種丸，餃，花膠，海蝦都樣樣點D！任食既牛肉係機切肥牛，不過味道都可以！同唔會好似煙肉咁肥！如果想食好d既牛肉，一碟都係百幾蚊，如果人多都可以試下！丸，墨魚，蝦滑就中規中舉啦！花膠雖然薄d,不過話哂都係花膠仲有時日海鮮，今次係聖子仔！真係幾細下！不過幾鮮甜！呢度冇論價錢，食物質素，服務都好好！唯一就係難攞位！好似今次咁5點2個字就到！啱啱好有位！遲10分鐘已經要坐係出面排隊！想食既記得訂位或者早d到！

海馬過後，3号風球出來尋找食飯8點到但無位了，9點再來等 9:45入座開始2.5小時任飲任食先擇了蕃茄薯仔湯底，好濃而且蕃茄好多我地急不及待去叫野食，10分鐘內嚟哂，超快速特別一讚是海蝦，好大隻同新鮮！叫了9隻haha肥牛唔似外面個d勁多肥油，好爽口其他就正常都唔錯，唔會唔新鮮

打個電話去book位...聽唔清楚個服務人員就cut線...甘無禮貌學咩人開鋪呀...服務態度咁d野好味都無胃口啦...比錢去買心情差?...真係勁無禮貌咯...

琴日個FD生日，佢話想打邊爐，見D人話大鍋口幾抵食，咁就一於去試下啦。BOOK左7點半，可以食2.5HRS。一入到去環境方面都算企理，唔會話好污糟咁，而且都有唔少大枱，岩哂一班FD去聚下!我地叫左2種湯底 – 沙嗲同埋椰子雞。椰子雞湯底真係好足料，見佢都落左唔少椰子同埋切雞落去，一滾起果陣淡淡既椰子香氣撲鼻而來，令人食慾大增。而沙嗲湯底都好濃郁，但唔會辣，岩哂重口味既人食!至於食物方面我地都叫左唔少野，包括必叫既肥牛、滑雞肉，肥牛唔算得上係好頂級，但牛味濃郁，可以接受，而滑雞肉真係值得一讚，煲左好耐都唔會老唔會鞋，真係非常滑，市面上好多餐廳都未必可以做到咁。另外一D特別D既墨魚/蝦滑都唔錯，食落感覺佢真係用左好多料，而唔係加左好多粉，食落去爽口彈牙，大家都必定要試下!另外打邊爐一定食菜，生菜都好翠綠好新鮮，唔會好黃好似就黎爛咁，粟米都真係好甜!而飲品方面，真係要讚佢個竹蔗水，飲落好甜，每一樽竹蔗水都會附送一大條竹蔗、栗米、紅蘿蔔，睇得出係自己煲，真材實料，唔想飲蔗水都仲有其他烏龍、龍井、可樂等飲品，整體黎講呢餐十分抵食!!

和公司同事玩完war game一行十四人到大鍋口宵夜。之前在荃灣吃過幾次，印象一直不錯，所以這次在旺角都訂了這間。因為訂了位的關係，不用等很久就可以入座。值的推薦的是肥牛，新鮮、不肥，和其他任食的火鍋店不同，不會1/2是肥膏。鮮蝦，用了根竹簽穿起，不易消失在諸多浮尋的食物中。肉質新鮮彈牙，而且個頭不小。肉丸/魚滑：同樣爽口鮮美，不容錯過。烏冬：平時一般很少點，但有人叫了，吃了兩條。意外地發現這里的烏冬很爽滑，不同於普通的10蚊2包的平價版，入口粉粉的。同場推介的還有珊瑚蚌，澳洲桶蠔😋

凌晨時分下班，和同事們一起吃個夜宵。一行七人選擇了到旺角打邊爐好解一日上班之苦。大窩口每位$138+，任飲任食啤酒除外。大約一點半左右到達，姐姐告知一點四十五分last order，我們二話不說瘋狂點選。首先，湯底先到，分別點了普通的沙嗲湯底及麻味十足的麻辣湯底。麻辣湯底的麻味真的十分強勁，害我打了好幾個噴嗤，但只有香味及色水，味道遠不及看的辣。過了不一會兒食物到！全班人像牛魔王拓世似的，爭先涮了牛肉。我猜最主要原因都是因為牛肉快熟吧，哈哈。牛肉相對於其他任食打邊爐餐廳好，雖然任食但並不劣質是我對它們的感想。另外，我覺得比較特別的是南瓜丸。丸內有流心的南瓜蓉，而皮外像芝士丸的味道，整體還是蠻不錯。三點關門，二點四十分左右便要求我們要走。我們捧著脹脹的肚皮回家去。