大興餐廳 (第尾牛扒)

營業中

休息中

我很久未有食過 比較正常的牛扒， 試過很多餐廳自稱 是最好的牛扒價錢不平宜， 講緊都要三百幾四百蚊一塊牛扒， 都是很難吃， 有次經過太子上網search西餐廳， 看到食評讚好人數不少， 就嚟試一試 已經不怕再中伏， 結果畀我遇到價廉物美的西餐廳， 牛扒不會有太大的梳打粉呢 焗飯飯不會爛， 兼且服務態度親切有禮 ， 畀咁嘅價錢 我覺得 真的很值店內環境舒適雖然裝修比較舊， 因比較多卡位坐得很闊落， 我想在 此一讚他們的服務員安排很有效率 工作態度很友善， 現在很多餐廳食肆他們的服務員態度都很一般， 希望他們可以keep住這個水準 我都會介紹其他朋友食

自從早排睇咗 Yahoo一篇講香港扒房嘅介紹之後, 鋸扒引大發, 連去幾間出名嘅扒房, 終於輪到第尾.點咗個T骨黑椒汁8成熟, 什扒蒜蓉汁, 紅湯, 牛尾湯, 什果賓治同紅豆冰.優點 :1, 首先, 我最最最重視塊鐵夠唔夠熱, 哩點第尾滿分! 係我前后左右嘅範圍, 都發出鐵板餐獨有嘅”咋咋”聲. 先俾個讚!2, T骨肉嫩, 食唔出有肉鬆粉.3, T骨份量頗嚇人, 原因當然係夠大份.4, 個人喜好, 極中意青豆粟米粒等雜菜做伴碟, 好過用西蘭花.5, 伴碟嘅薯條唔似飛鷹得三四條，無偷工減料.6, 跟湯嘅餐包外型可愛, 而餐湯跟個牛油餐包一直係自己中意嘅配搭, 如果食西餐無餐湯餐包硬係覺得美中不足.7, 什扒有雞扒, 牛扒, 火腿, 香腸, 居然有雞蛋, 火腿比一般超級巿場嘅火腿片厚.8, 餐廳空調尚算okay.9, 上扒速度極快!缺點 :1, 如果太多客要等位, 要係一條又熱又焗嘅樓梯等.2, 紅湯尚算okay, 但牛尾湯味道古怪, 而且加入我唔中意嘅意米 (好似係意米) 個人口味原因, 所以唔太欣賞個湯, 后來先知原來有白湯供應, 唉…..3, 黑椒味同蒜蓉味都唔強.4, 紅豆冰同什果

以前大興係旺中舊店已經好鍾意幫襯，搬左新店去太子都時不時會去食，因為好喜歡佢地個羅宋湯同牛柳，價錢好抵又大件。今日再去食，價錢都係無乜變過，埋單都係 $67 蚊不過呢大家就唔好期望服務會好好，有去過舊店人都知乜事 J

3月1日去食牛扒 叫左2個111號既西冷牛扒 上台既時候 鐵板係冇冇晒咋咋聲 又冇煙 完全唔需要紙巾擋住 牛扒仲唔夠熱 有點地方仲凍凍地 汁又唔夠 份量正常3月前係12oz 今日去食 明顯份量變左普通晚餐 以為佢比錯左普通晚餐既西冷牛扒 跟住問店員 態度差就正常 一向都係咁 我問係未比錯左晚餐 我要既應該12oz 店員姐姐就話係依個嫁啦 我話依度12oz？ 佢話係丫 我就冇再問了 問黎都嘥氣 跟住睇其他台既普通晚餐 明顯係比以往細好多 一樣係冇咋咋聲亦唔夠汁 所以我地叫既變普通應該係正常 但係所謂既12oz 就唔再存在 .....唔知係咪換左廚房 所以咩都唔同晒 要去食既真係要諗清楚 新年後去食都仲正常 現在已經唔同晒

去太子一帶 想食平民餐廳鋸扒 會想起花園餐廳 同尾第 最後我選擇尾第 老字號 有質素既餐廳上到去門口要等位 一入去餐廳 燈光昏暗 是我小時候去的茶室格調 而且走入餐廳會被鐵板燒扒味吸引點菜後 先上紅湯羅宋湯 裡面有紅蘿蔔 蕃茄 牛肉碎 有些少辣 所以我沒喝完 及一個熱騰騰餐包 而餐包上抹牛油 再浸一浸湯吃 會更好味道吃牛的我，我叫左一個西冷扒 七成熟 好快上枱 當配汁剛倒落鐵板上 炸一聲 我拎起紙巾擋一擋油 但西冷味道好強烈 先說牛扒完全無梳打味 口感好軟身 熟度剛剛好 肉質外面熟透 入面少少生 配上黑椒汁更好 我拿起刀叉 將牛扒分解成粒粒 比外面餐廳的好吃多

2個人叫左一份雜扒同炒飯，因為我同朋友都對湯同飲品無咩興趣，所以諗住單點，點知個女職員無咩語氣可言咁重覆問：唔跟餐？唔跟餐？唔使跟餐呀？起碼問左4，5次，雜扒落枱份量好大，又腸仔又煙肉又薯條，超大碟，2個人share食都夠飽，不過當然唔會咁做，而已牆上都貼明紙話唔消費要俾$20，炒飯亦都好大碟，炒得都算乾身，不過味道偏淡，雜扒就雖然份量大，不過個蒜蓉汁真係好咸，同埋肉質太淋，以太子區黎計佢食物既價錢唔算貴，份量亦算多，不過最差就係服務，職員好多，不斷有職員係你身邊行黎行去，不過啲職員個個都黑口黑面，完全無招呼，見你食完野唔會收野，飲晒水又唔會主動幫你加水，只係識行黎行去，最離譜係問其中一個短髮既女職員2次加水都係應完唔理，再問另一個又係短髮既女職員就扮聽唔到，係咁向前行，我地突登大聲啲叫：唔該！個女職員居然問：要幾多杯呀？我地心諗：本身以為你雖然無野做不過可能人多太嘈你聽唔到，點知原來係聽到想扮聽唔到做少樣野，轉頭連攞個水壺加水既動作都賴得做，隨手係前面攞左2杯只係斟左半杯滿既水黎，反而埋單個時就一叫就聽到，攞到張單埋黎我地就諗住用信用卡俾錢，點知果個女職員又再黑口黑面，毫無禮貌咁講：

每逢情人節 一定要鋸扒先應節 上年去左西餐廳享用晚餐 但今次就唔同啦😄來到旺角花園街附近 有間平民化主打鋸扒既餐廳去到已經好多人大排長龍 甚至排到樓下門口😝可想而知泥間有幾受歡迎👏🏻👏🏻我等左半個鐘就可以入坐啦👅👅前菜有羅宋湯 幾好飲 仲有牛肉粒送😋😋酸酸地 飲完好開胃 跟住仲有個包 俾你擦牛油咁食飲到差唔多 個主菜就到了 😍我叫左紐西蘭肉眼牛扒配黑椒汁 🤩哇 見到都流口水啦😘😘7成熟 睇下真下岩岩好呀 🤓入口好有咬勁 食得出同平時食既好唔同 好好食再加上黑椒汁既配合 同牛扒好夾當然配菜都唔錯 有薯條 杂豆食之前落左單 雜果賓治 紅豆冰 🤤埋單要260蚊 包加一服務費 我覺得係唔錯既🙂無論係食物質素定服務員既上菜速度都係滿意既情人節因為呢度而過得不一樣❤️❤️

行開太子，突然間好想食扒，去到花園餐廳，條對都唔短。知道樓上其實都有一間，但未食過，於是一探究竟。上到去都有一條小隊既，不過既然上左去就等埋算了。條隊都算去得快，等左15分鐘左右。最後點左肉眼扒，要左五成熟。同其他唔同，佢D汁係淋左先拎出來，唔係你面前淋，無左果個淋汁既沸騰感覺，不過就唔彈得咁緊要。食落都幾淋，肉質都ok，唔太差既。不過D薯條因為淋左先拎出來，一開始食已經係淋曬。補翻餐湯先哩個湯就麻麻，無咩味，不過都無咩期望既本身。入面既裝修都好復古既感覺。其實都OK既，下次食扒，又多一個平民餐廳選擇了^^

羅宋湯裡有些牛肉碎，所以我沒喝，但基於友人在我不知情下已鯨吞了餐包，所以我再點了另一個湯。另外點的周打魚湯，周打味淡如水，質感稠如汁。沒關係，我只想在溫熱的餐包上抹牛油，再浸一下湯吃，還是可以的。上桌很好看的芝士呑拿魚意粉，滿滿的芝士，燒得微焦。意粉煮得發漲是意料中事，味道就比想像中足(對比起周打湯淡口的程度)，料也很夠就是了。不吃牛的我，朋友吃著西冷說”牛扒完全沒梳打味，口感好，黑椒汁更好，比外面的好吃多了”

港式牛扒自有其吸引之處，多年以來屹立不倒，至今仍然全場滿座。冬天將至，食返個熱辣辣嘅鐵板牛扒，啖啖肉，包埋餐飲餐湯餐包，即時全身暖笠笠，一百蚊嚟返個大滿足。😋

好耐冇黎第尾啦～ 午餐今日係ad hoc約咗個朋友食, 佢話就我方便, 就諗起第尾餐廳諗住食牛~我先到搵位，兩個位已經冇晒卡位啦，所以就搭枱坐。我都未睇過個餐牌，未叫嘢食，無端端已經有個紅湯擺我前邊～ 我話我未叫野喎～ 啲侍應嘅效率果然真係高！之後我哋一個叫咗個牛柳飯一個個焗豬扒意粉，都係午餐嚟嘅，由$50起這算係咁啦～個牛柳都算淋，不錯，但係周圍嘅人都叫緊鐵板牛扒，佢哋嗰個睇落正好多。而個焗豬扒意粉嘅豬扒煎得好香，豬扒夠琳，係得一塊唔太大的豬扒嫌少咗啲囉~返到公司之後，發現成身都係陣鐵板餐嘅味，下次都要諗過先再上去啦～

行到太子想食扒 點知聖誕洗大左要食平價扒不是金華就是第尾牛扒唔想坐入茶餐氣氛的金華唯有去太子只此一間的第尾入去平日7半好彩唔洗排隊二人卡位 坐得舒服 傾計又唔嘈人一睇餐牌 就決定要 F G餐一個西冷 一個肉眼扒一個白湯 一個羅宋湯不論是紅白湯都正正子 羅宋湯根本無得輸內有牛肉 大量菜 足料白湯 不夠熱 但濃度剛剛好叫了一塊7成西冷朋友唔想食太生 無計啦 配菜是 雜豆 小量薯條 蕃茄可惜這份的蕃茄 超細塊更碎成醬但勝在有塊扒搭救到 中等水平 對得住價錢一看相就知肉眼更勝一籌薯條放邊 無完全被汁淋到有大半都是又熱又脆 蕃茄是完整的一塊5成熟的肉眼扒 口感真係剛剛好牛扒雖然有根位 但唔算會太難咬有外貌有內涵 正的！總結一下...食平扒房有時是要鬥運氣的汁是一早淋好 扒又要睇下廚房的手勢不過以$211的價錢 有湯有包有扒有冷飲 兩份我真是無咩要求了

首先講下環境，排隊等位都唔錯嘅有凳坐下，餐廳夠大，通風系統對比起舊式嘅扒房相對好好多，而且座位闊落啲，唔會郁啲就頂到隔離枱先。扒餐每次食都係king size,大件係幾大件嘅，不過肉質林治治，冇啲口感之餘亦都冇牛味，無論你叫3成定5成熟，出到嚟都會係七成，甚至係全熟。餐湯都係好似平時嗰啲咁冇乜特別，餐包呢就係咁多間扒房最細個嘅，而且我見啲員工係徒手拎啲餐包入微波爐叮嘅，食唔識就自己諗啦。餐飲就永遠都係沖定嘅，所以啲冰融到乜都淡晒嫁喇。上次加咗份薯條，而我重點想講嘅唔係薯條，而係佢放喺張枱嗰支唔知放左幾耐既茄汁，支野臭嘅仲岀曬水。所以佢真係冇改錯名㗎

每年這段時間都會在附近幫公司工作。 必然會來到這裏醫肚。 九成九都只會點焗豬扒飯， 飯來是以幫你大兜亂。 豬扒大約有兩塊很夠食。 蛋飯亦出色 茄汁不會太多太酸。 我覺得這餐廳的羅宋湯特別好飲！今次旅遊是埋他的鐵板餐， 叫了肉眼扒， 沒有太多肥大部分肉都可以食落肚， 十分超值。

當日打算到太子一間出名食平民扒房一試威力，點知6點前等位都要等50個號碼，即使好多人拎完籌都走，但門口仍然迫爆人。早兩天打電話去訂位，但總店原來不提供這服務。因為母親有點不耐煩，於是我地即刻走去第尾牛扒，希望今晚都有得鋸扒啦!去到門口，可能時間還早，只是等了5分鐘左右，3個人坐一張大枱。雖然唔係卡位，但坐得非常闊落。我們叫了「鐵板肉眼扒」8成熟($96)、「鐵板什扒」($96)、「鐵板T骨扒」7成熟($128)。因為怕好細塊，而且又冇飯或意粉，所以就叫了T骨，食餐飽我們叫了羅宋湯，酸酸尾尾，又有幾舊牛肉，好味。牛尾湯卻比較甜，杰杰地，用來點餐包吃都合適。我地還是愛羅宋湯首先，媽媽的肉眼扒先到，黑椒汁已經一早淋上，不會怕會彈到成身都係。食落肉質軟淋，係全晚最好吃的一件。之後，爸爸的什扒都到了，男人嘛，要食大份量一點。什扒就冇得要求要幾成熟，所以相比有D嚡口，因為係全熟的。雞扒都滑，仲有豬扒火腿腸仔，最後爸爸都吃唔晒，剩下少少薯條、雜豆、DD肉。我的T骨扒都送上啦!超級大塊，大過我塊面。切開入面都紅紅地，怕生的可能會不敢吃，但不會有血水，7成熟我食落就覺得好易咬。部分有少許筋，但不算多，可