大興餐廳 (第尾牛扒)

營業中

休息中

今日去咗經朋友介紹嘅第尾鋸扒。這是一間樓上鋪，中午到達嘅時候不用排隊。大部分人都係食鐵板餐，而menu上鐵板餐都係只有一款無得揀。今日嘅鐵板餐係肉眼扒。個餐有餐湯同嘢飲，埋單67蚊。餐湯我叫咗白湯，幾creamy。肉眼扒醃到好淋，易入口。 但雜菜就可能因為墊底嘅關係燶晒，唔食得。嘢飲叫咗檸樂，唔使加錢，值得一讚。

鋸扒唔一定要去高級餐廳嘅，港式扒房都可以好高質👍🏻👍🏻👍🏻，而且仲有陣懷舊嘅味道今日就嗌左個lunch set-鐵板燒牛仔扒🐮揀左7成熟，肉係粉紅色嘅，食落去就啱啱好🤤🤤黑椒汁濃得嚟又唔會遮左牛味，不過最好食嘅就係薯條🤣🤣🤣索晒牛肉同黑椒汁味，再有鐵板燒煎香左薯條🍟所以幾時都話配菜有時好食過主菜🤡🤡🤡另外要讚一讚個羅宋湯，真係食到有肉同好多菜，唔似用罐頭煲咁👍🏻👍🏻👍🏻

專登入黎寫食評唔推介👎🏻首先一入去，聽到個中年侍應當面鬧排我地前面個客人，鬧佢地「揀位當酒店呀？揀咁多野」同友人中午點左兩份西冷牛扒飯，黎到一塊扒正正常常，另一塊係正常扒的一半size。當我地要求更換細size牛扒，個侍應鬧我地話：係咁架啦，咁麻煩！係度揀扒，塊塊扒有磅過重係一樣，「人都有高矮肥瘦」。其態度極差，我地再度追究話拎出黎磅重以證實他說，就失去底氣，話唔做我地生意，趕我地走。兩塊扒大小為其次，其實原本好少事，黎到都係諗住食餐飯，換過塊扒可以無事。結果受氣員工大聲夾惡，低俗中佬嗌交式嘅對待。想俾人鬧就黎呢度啦。

常聽說這間餐廳要排隊排很久，之前也來了一次很多人等位，結果這次和朋友六時多便到，等了一會便可入座！我們分別叫了西冷跟肉眼，價錢可接受。湯沒有特別，不用期待，但麵包有熱一下，幾貼心。牛排不錯，這個價錢，質素不錯，可以再戰！

工作完一天，當然要搵返啲好野食啦於是就係左旺角呢一間平民扒房-第尾牛扒！同友人分別叫左個鐵板肉眼扒同鐵板西冷牛扒🤤🤤先送上白湯兩個，忌廉粟米湯，入口時微暖，稍為有點不足，如果個湯可以熱返少少就好！肉眼扒份量十足，啱啱好做到5成熟，入口有口感，有濃厚既牛肉味道西冷牛扒比肉眼薄身，輕易咬開，7成熟好好食，配上蒜蓉汁一流最後侍應好貼心為我地落埋餐飲，為呢晚畫上句號😂😂旺角呢個價錢同質素，絕對係值得

同老公去太子食飯，純粹方便走時搭火車花園同呢間俾佢揀，佢揀左呢間小插曲：老公原本想叫一個鐵板，另叫一個焗朱排飯，但我覺得黎得呢d地方無奶油唔食鐵板架喎我地揀左一個牛尾湯，一個羅宋湯牛尾湯對我來說太濃了，有d膩羅宋湯超好喝，多料，有蔬菜的甜1）和牛鐵板7成熟來到其實得5 成，食時再熱埋其實又啱啱好喎兩塊超厚的扒當然你唔好期望百幾蚊既和牛會入口即溶啦但肉質好淋2）雜扒基本野但可以講塊朱扒同雞扒都好味喎塊牛就差d喇老公話性價比超高，平過荃灣莎樂美同花園，但又好食過佢地喎

早排同朋友黎慶祝生日🎂覺得食物唔錯，但員工態度太惡劣啦，唔止一個，係serve我地枱每個態度都好差，一坐低就催我地落單，又會串我地無講食幾成熟，咁我覺得佢可以開口問而唔係黑口黑面咁。。😂 問野飲又係唔提就唔諗住比我地 不過唔敢講咁多野，驚被加料野食方面包都軟熟，忌廉湯就正正常常，少少少少淡，無料既，點吓包食ok我自己就無食扒，食左少少朋友既t骨同肉眼！！覺得肉眼黑椒汁最好食🥰🥰都好大塊，又香肉味我呢個海鮮天使麵好難食😿🤢🤢 啲汁一pat pat嘔吐物咁，啲天使麵都唔係天使麵，似鹼水麵多啲。啲餸都好一般，雖然好大份，但我情願佢細份啲好味啲。。 我最後要加茄汁格硬加啲味比佢陰公！

今日又係Happy Friday🎈🎈🎈一於去第尾鋸扒慶祝慶祝d咩就係慶祝又到星期五~~🎉努力工作左一星期~~呵呵呵呵~~😎第尾是一間懷舊扒房燈光較為暗暗的~~~💡不過佢地方都夠寬闊枱同枱之間的位置不會太迫就算我兩個人坐👫都俾一個四人卡位俾我地坐~~~很不錯啊~~~🤗🤗🤗佢的晚餐套餐有飯🍛、有麵🍝、有鋸扒🥩~但餐廳附近幾枱全都是叫鋸扒的~~~👀一叫完餐，餐包和餐湯即送到~~餐包微暖~~🍞牛油一放落包，一搽就搽得開~~餐湯羅宋湯微辣🔥，好好飲~~🤤🤤🤤有豐富湯料，有牛肉粒🐮、菜🥦、蘿蔔🥕~~全都煲到淋曬~~😚😚😚我地叫左鐵板什扒餐 + 雞翼薯條小食~~鐵板什扒餐 ($99)🥩什扒餐一上枱就是熱辣辣~~~出曬煙~~💨💨💨💨炸炸聲~~~💥💥💥未食都已經夠吸引~~有牛扒、豬扒、雞扒、腸仔、火腿扒、煙鴨胸啦~~~我地選了黑椒汁~~~當中雞扒🐥最香口，嫩滑，味道最好~~豬扒🐷也不錯，不會太厚，夠鬆軟~~~牛扒🐮不知是不是鐵板太熱，把佢弄得太熟了變得有少少韌~~~腸仔、火腿扒、煙鴨胸就是正常味道啦~~🤭薯菜則吸曬d黑椒汁~~~雖然油少少~~但係真係好好味~~~🤤🤤🤤雞翼薯條 ($46) 🐥🍟雞翼炸到剛

很久沒有為拍拖的大日子慶祝一番，今日先去睇場電影，再去吃個晚餐。這間餐廳很久沒有來過，突然想起它，以前拍拖成日會來，因為這裡的鐵板餐大大份，價錢又合理，想不到今日到來依舊好味。尤其掛住這裡的羅宋湯，又足料又濃味，如果10分為滿分，我會比10分。今晚我點了什扒餐，很久沒有見過真正的什扒餐了，這裡可以找到它，一個鐵板滿在牛扒、豬扒、雞扒、火腿扒、腸仔、薯條，真是超級開心，雖然我無法全部吃掉，因為份量真的超出我能吃的範圍，哈哈!是晚真的大滿足。沒有想到什扒餐內的牛扒也很有質素，下次要點個西冷牛扒或肉眼牛扒先得，相信會更滋味。

15/5/2019 @太子第尾牛扒行開太子想鋸扒就醒起第尾牛扒，羅宋湯， 少少辣蕃茄味適中，好飲！F 鐵板帶子鑊仔牛柳， 首先分量真係超大碟！帶子有三粒，煎得非常鮮味！ 牛柳起碼有四至六塊，每塊雖然唔算好厚切，但係煎得好腍，有牛的肉香！H 鐵板雜扒餐， 有腸仔煙肉雞翼豬扒牛扒薯菜，非常豐富！總括嚟講食物質素高而且服務效率更加係極高！ 侍應雖然都上了年紀 ，但佢哋的工作效率比年輕人還要高 ，快手快腳又醒目！ 食物 唔需要等得好耐，飲品更加係神速送到！整個晚餐用三個字來形容：平靚正！

有一晚平日放工諗唔到食咩，又唔想食得太頹，就同男朋友去太子試下朋友介紹既第尾牛扒。叫左份蒜蓉汁肉眼扒同埋雞扒湯烏冬加一杯紅豆冰。跟餐有餐湯，味道正常。鐵板夠熱，扒份量多，味道一般，牛扒太淋。雞扒尚可，烏冬唔好食。紅豆冰唔洗加錢但太淡，無紅豆味。服務態度一般，侍應除左落單果下唔會主動serve你。埋單有$2尾數，我地打算比齊唔洗找，但侍應特登拎開個$2銀唔收，要找散想我地比tips，我地當然唔比，佢收加一已經收左服務費，呢個服務質素唔值得我再比。呢個價錢唔算貴，但可以有更好選擇。

當晚20:00去到，唔洗等位就即刻入去啦😛我哋叫咗2個餐，餐湯一個要咗羅宋湯，一個要牛尾湯，個牛尾湯就一般啦，但係個羅宋湯好好飲，好足料👍🏻主菜就叫咗鐵板帶子鑊仔牛柳餐同埋鐵板西冷扒我地都2份都叫咗五成熟鐵板帶子鑊仔牛柳啲帶子就有啲鹹，而且口感有啲假，吾係太好食🙈另外塊牛柳都幾薄，不過勝在唔會韌，不過不失啦至於鐵板西冷扒塊扒就好夠厚亦都吾韌👍🏻👍🏻但係食得出佢啲牛一定有”乸”過，不過應該而家嘅港式鐵板扒房都會咁做🙈總括而言，以呢個街坊價錢嚟講呢個質素都算okay嘅~

第尾牛扒咁多年，一路質素都無變Keep到一模一樣，就好似杜生講另外一間餐廳咁從來冇令你失望🙊咁嘅價錢，冇嘢需要埋怨啦～西冷牛扒西冷牛扒肉質軟滑，肉質稍為欠奉，熱辣辣嘅鐵板牛扒上面，侍應係你面前幫你再淋上埋黑椒汁，畫面度都聞到香味🤩神戶牛柳牛柳比西冷更厚，食落肉質更好，更有咬口，而且套餐附送迷你沙律，係傳統茶餐廳個種，好有回憶～羅宋湯餐湯羅宋湯都幾濃味，味道OK餐包上枱時候都熱辣辣，再放入整粒牛油，開心

今晚心血來潮突然想去据扒，於是去咗太子既第尾牛扒，計計下應該都有成年無嚟過，大約排咗20分鐘左右就有位喇，我今晚就叫咗‘T骨扒餐’，當塊T骨扒嚟到既時候，我唔敢相呢塊就係T骨扒，我朋友塊肉眼仲大塊過T骨，我記得以前塊T骨係大過塊鐵板㗎，塊牛扒都算「林」，唔會好難咬，不過呢個都不是重點，重點係蒜容汁...好咸呀！我朋友個黑椒汁又無事喎！唔知關唔關星期日事呢？點解好似差咗好多咁。我會係平日再嚟一次，俾多次機會佢！

聞說以前叫太興牛扒，其後改做第尾牛扒。我唔清楚典故，但我四五年前已經開始食。.肉眼黑椒汁５成熟，紅湯，什果賓治。牛扒未上台前一定要盡快食好好味既餐包同紅湯。餐包嘉頓麵包，微熱，加牛油食，已經足夠！紅湯，非常足料，有一定份量雜菜及肉，千萬不要再加調味，酸酸甜甜辣辣，為食牛扒做足準備。上餐速度非常快，湯飲到一半左右，滋滋聲的牛扒已經送到。肉眼非常抵食，肉厚但仍然嫩，粉紅，肉汁完整保留。薯條等伴碟就較普通，但有黑椒汁補救。.如果食不飽可以加意粉或炒飯。一百頭食一個高質扒餐，性價比一流！