大盛日本料理

營業中

休息中

平時行過見依間工廈入面既日本餐廳好多人食 所以我地搵左一日lunch過黎試下先 佢餐牌都超多選擇 我地都諗左好耐食咩好 最後同同事一日叫一個set 再share 😚首先就係壽司定食 ($68)🍣 壽司自選5件我地分別叫左吞拿壽司魚 鰻魚壽司 帶子壽司 我覺得係正常發揮 cp值黎講就好ok 🍣 是日卷物3件都幾多料 有d驚喜✌🏻🍳 茶碗蒸蛋都幾滑 🥰🍜 手打湯烏冬細細碗 味道正常👌🍲 麵豉湯冇咩特別🤣另一樣就係黑松露滑蛋雞扒飯 ($69) ✨超級surprise 因為冇諗過咁好食 黑松露味好濃 超多拉絲芝士 雞扒份量亦好多 全部mix埋撈飯真係好正 完全抵食 推介 👍🏻

🍱超抵食午市日式定食 $68 免加一🍣 壽司自選5件有海膽蝦食，不過唔係好食到海膽架，都係有啲海膽味嘅蝦～希靈魚好爽😄芥末八爪魚🐙🍣 是日卷物3件有青瓜、燒肉，都幾飽肚🍳 茶碗蒸一般質素，不過呢個價錢算係咁🍜 手打湯烏冬細細碗，份量剛剛好🍲 麵豉湯熱騰騰仲包埋凍熱飲品🍹🍹叫了杯凍檸茶呢間餐廳顧名思義大盛～ 野食大大份食足十年了，方便（觀塘站巴士站隔離）大份夾抵食👍🏻 多位，座位寬敞食物選擇多～😋😋

光顧了十多年，仍然有質素有睇頭，價格也是非常親民但，希望大家要明白，現在社會做生意是困難的。着數時段要留意所點的不同食品就有不同價錢，如果要得到某一種優惠，就可能損失另一種優惠了。舖頭是有會員制度的，點餐通知店員，請教如何使用最好的優惠吧。揾啲外表似資深職員問吓吧歷久常新的壽司，就係差不多有十吋長的三文魚和鰻魚壽司吧。用來影吓相都幾開心呀！我要分開三次，才可以慢慢享受它。溫馨提示：觀塘店座位寬敞，坐得舒服啲。

今日天氣又凍又落雨，搞到完全唔想起身返工，捱過左返工既路程仲要捱過lunch time去餐廳既路程🤦🏻‍♀️真係邊行邊震，係呢個甘寒冷既天氣緊係要食返啲熱野暖下身啦，立即諗起去大盛到食鍋物，呢個餐廳每個星期都會食一次，原因係佢食物質素唔錯價錢合理同憑單一星期內再去食係有九折優惠😂.壽喜燒定食 $64壽喜燒湯底偏甜夠味，入面有大量白菜娃娃菜，少少豆腐金菇同一舊芋絲，牛肉份量適中不過就有少少煮得太老，無乜牛肉味，湯底配飯食都唔錯.叉燒拉麵 $63拉麵有溏心蛋，粟米同木耳，味道中規中矩，麵質尚算彈牙，不過叉燒偏咸同偏腍。

天氣涼左，lunch 想食返D熱野。Openrice 外賣見到大盛啲鍋物有折，咁就叫黎暖下。本來叫左個泡菜牛肉鍋，但返到去見到變咗豚肉，可以太多外賣，忙中有錯，我都啱食，咁就費事去換，照食。50幾蚊一大鍋，又有金菇，芋絲，泡菜，同埋都幾多肉，算好抵食，味道都唔錯。

大盛日本料理喺新蒲崗仲有另外一間分店，係午餐時間比較多人嘅餐廳如果平日中午嚟食會比較多人，可能要等一陣.今次我哋叫咗三個主食❇️壽司套餐壽司套餐係會連埋一個細烏冬一齊上，仲會有麵豉湯.壽司唔係乜嘢特別貨色，但係鰻魚幾好食❇️滑蛋牛肉菜鍋入邊嘅牛肉啱啱好，唔會煮到好硬另外仲會加一個係珍珠米嘅白髮.❇️刺身飯刺身飯嘅刺身新鮮，雖然只係得三文魚，但係都可以過吓口癮另外，紫菜十分之脆👍🏼，見到餐廳都唔會慳住俾，都有成4 片紫菜

同屋企人食飯，因為臨時先決定，周圍都book 唔倒位同埋好多人等位，屋企人又想食壽司。人在觀塘，就到平時都唔多人，一定有位既大盛。果日去到，人唔算少，都有六、七乘咁。大盛以前係出便有門口入，唔知咩原因，而家就要兜入工廠大廈入便既入口。三個人食，揀左刺身，壽司，丼，蟹子沙律同手卷。蟹子沙律好食，份量充足，手卷一送上黎即刻食D紫菜都已經淋左，刺身唔夠新鮮，食落係放題質素，不過其實食大盛都唔會太大期望，都係諗住有個位坐下傾下計食下野。

觀塘喺工業大廈入邊有一間好受歡迎嘅日式料理，放lunch時間都好多人去食，真係抵食性價比又高，就一於去試一試！🍴壽喜燒定食 牛肉 轉手打烏冬需要(+$6) $68 另收加一 (7/10)套餐主食包一杯飲品，壽喜燒都好大份，裏面有好多大白菜，牛肉分量都足嘅，同埋有一隻生雞蛋，有一舊芋絲，一束金菇。牛肉煮得比較老，偏硬，冇牛肉味，唔會太肥，壽喜燒湯底偏甜，都夠味，唔會太淡，菜非常吸汁，其他配菜都正常，生雞蛋都有啲蛋味，撈埋烏冬食係一流！推薦指數: 7/10觀塘打工仔嘅平民飯堂，咁嘅價錢咁嘅質素都OK呀，食得過！

炎炎夏日，來到觀塘上堂，已經熱到冇乜胃口食嘢。咁啱路過呢間日式餐廳，就諗住入嚟食一個輕便午餐吧！餐廳嘅壽司套餐唔錯，可以比客人自選五件壽司，之後再配飯卷，烏冬同沙律。整體份量唔算大，幾啱女士食用。自選嘅壽司，質量尚算可以，都算新鮮，烏冬嘅湯底係清淡嘅日式醬油汁，唔會令到人有食濟嘅感覺，沙律就配左小量麻醬，入邊嘅蔬菜尚算新鮮，感覺係水耕菜。60幾蚊可以食咗一個full set午餐，仲配埋飲品，其實性價比都算唔錯。

地方好大8點黎到唔駛等位座位又幾寛敝下點左~香蒜雞軟骨整到好香呀可能加左大量蔥同炸蒜0係面食到停唔到口送酒一流呀~蟹粥比想像中大呀份量每人兩碗有多呀(二人)蟹又唔會無晒味粥底係清淡既但可能多配料(大量菜絲羅白絲)食落都OK唔會好DRY~火炙三文魚壽司係好大塊三文魚呀黎到好SURPRISE燒得幾香~枝豆灑左D鹽0係面吊下味唔會好淡幾好同埋份量都唔細

午市定食🍲壽喜燒牛肉定食-配白飯🍚 $62*牛肉過熟，好鞋口，鍋底唔夠熱，所以上菜時果隻雞蛋都唔熟。湯底味道不俗，濃而不會太甜，味道適中。隻蛋黎到浸左一陣都係得兩成熟，我將隻蛋黃撈飯再加壽喜燒湯一齊食👍🏻又不錯喔。*🍲花膠鍋牛肉定食-配白飯🍚 $78*花膠有四塊，牛肉都係過熟，好鞋口，鍋底都係唔算太熱，不過冇雞蛋就還可以。湯底係鰹魚湯既味道，唔會太咸還可以，但較為普通。*午市套餐會送一杯飲品或麵豉湯。**呢間日本餐廳細細個媽咪帶我黎食，估唔到今時今日仲係度😁，係兒時回憶，呢種較為舊式既日本餐廳真係愈黎愈少見，價錢合理，食既係回憶。

♥ 帶子壽司完全唔係帶子！接受唔到😣😣😣 食落口感似魚肉，比較吸睛嘅就係三文魚同埋鰻魚壽司，都係比較長身 味道都ok，食完鰻魚之後即刻飽左🤣 芝士年糕$30都係得兩粒有啲失望仲要勁厚麵粉，得好少芝士。唯一推薦嘅剩係得炙燒比目魚裙邊，魚油好香♡總括嚟講 兩個人夜晚食咗$4xx，但係覺得又唔算特別掋同唔算好好食，試一次就好了，或者下次去主要可以淨係食返三文魚同埋鰻魚另外，星期一至四 6:00pm後，星期五至日 9:00pm後會有激安價平啲，可以喺呢啲時段去食

第二次係依間買外賣 上次打定電話落單最後都等咗9個字 已經唔打算再係到食 但今次因為地方便就試多次 Lunch叫咗個大盛海鮮丼 折咗都過一百 啲刺身得四款勁薄仲要得每樣兩片 平時係apm間居酒屋買海鮮丼唔洗一百 但啲刺身款式同數量多過依間 又切得厚勁多 唔expect係觀塘比多過$100去食啲咁嘅嘢 好似另一個comment咁講 真係茶餐廳式日本嘢

今次推介一間喺觀塘 性價比幾高嘅日本餐廳 ❗⭐ 雜錦壽司刺身拼盤 食客可以自由選擇唔同刺身👍今次我哋就揀咗：三文魚 鯛魚薄切 帶子 八爪魚刺身夠大件 新鮮❗最好食係鯛魚 八爪魚都有咬口😋以哩個質素同價格 算係唔錯嘅刺身拼盤推薦指數：⭐⭐⭐⭐⭐ 黑松露蟹肉炒飯 ＄82黑松露味好香濃👅飯粒粒分明 食落去都幾香可惜蟹肉唔算好多🙈推薦指數：⭐⭐⭐⭐⭐ 蜜糖甜薯 ＄30蜜糖味唔會過甜 味道啱啱好❤甜薯夠熱 朋友食到停唔到口🥰推薦指數：⭐⭐⭐⭐⭐⭐ 炒雜菇＄48唔算好有鑊氣 🙈調味麻麻 冇咩味🙈整體嚟講普普通通推薦指數：⭐⭐⭐⭐ 豆腐野菜沙律沙律菜新鮮 配埋芝麻醬都幾好食 💓份量好大😍可惜豆腐唔夠嫩滑🙈推薦指數：⭐⭐⭐⭐📍總括而言， 餐廳刺身拼盤可以畀食客自己選擇， 而刺身嘅性價比都高，想食平價少少嘅日本料理，可以一試❗大盛日本料理觀塘觀塘道404號時運工業大廈A,B,C舖

話說呢排成日好鐘意夾公仔咁去到觀塘大x夾完公仔附近食野見到間日本菜好似都幾抵下，以前食過唔錯同平但入到去可能加左價既關係最後只叫左牛肉壽喜燒同海鮮鍋壽喜燒其實好難會難食得去邊，所以係唔錯，牛肉都多海鮮鍋就一般般啦，有粒青口，帆立貝，其他真係麻麻地，份量都唔少整體黎講，不過不失啦，你問我點解唔食壽司刺身，因為貴lo可能平時食開x鮮，所以會覺得貴左d，但係下次有機會我都會試下，至少我希望係食完高質過爭x果d就好