大班樓

呢間一位難求既預約困難店，終於俾我Book到可以帶屋企人黎食啦！環境高雅到爆，中式古典風同柔和燈光好有氣派，食物精緻又好味服務一流，職員細心有禮🍽️凍鹵水花椒小吊桶酸士魷呢道菜清新開胃，士魷滑溜鮮甜，花椒同鹵水嘅麻香混埋一齊，配少少醋提味，入口即化，超正！🍽️荔甫鴨盒鴨件皮脆肉嫩，鴨肉juicy又入味，包住靚菜同栗子，食落暖笠笠又有層次，份量啱啱好，精緻到不得了！🍽️炭火厚切叉燒叉燒烤得香濃入味，皮脆肉嫩，肥瘦比例啱啱好，配少少甜醬，厚切口感滿滿，食落滿足到爆，超吸引！🍽️雞油花雕蒸花蟹配陳村粉最期待就係呢道菜啦！花蟹蒸得入味，花雕酒香同雞油混埋一齊，陳村粉吸滿湯汁，果魚名不虛傳！🍽️話梅老薑陳醋排骨陳醋排骨酸甜開胃，排骨炆得軟腍，話梅同老薑嘅味道層次豐富，食落清新又下飯，超正！🍽️南乳麵醬炸子雞炸子雞外脆內嫩，南乳香濃又唔油膩，雞肉juicy，配少少醬汁，食落暖胃又有家常味，份量足到！🍽️魚湯白木耳浸瓜絲呢道菜清甜暖胃，魚湯鮮美不腥，白木耳同瓜絲滑溜，食落清新又養生，份量啱啱好！🍽️蟹肉鮮蝦蝦乾蝦醬炒飯炒飯粒粒分明，蟹肉同蝦肉鮮甜，蝦醬同蝦乾加咗濃郁香氣，食落開胃又下飯，超滿足！🍽️甜品三味甜品三味有芒果布甸、紅豆沙同芝麻糊，小份但精緻，甜度啱啱好，食完有種溫暖嘅滿足感，完美收尾！…查看更多

大班樓 @thechairmanrestauranthk 📍：香港中環威靈頓街198號The Wellington3樓🚗：上環地鐵A2出口 步行3分鐘📞：+852 2555-2202💲：~HKD1200/head for lunchFood quality✔️：炭火厚切叉燒、雞油花雕蒸花蟹陳村粉、話梅老薑陳醋排骨、凍卥水花椒小吊桶釀土魷👌🏼：白灼時蔬、煙燻馬友銀魚窩飯、甜品三味、南乳麵醬炸子雞、龍井菊花煙乳鴿總結：😋全港最一位難求嘅中菜廳 午餐劃一$1080/位 非常難預約 世界50最佳餐廳排名第26 亞洲50最佳排名第2 食完確實名副其實 平穩偶有佳作 絕對值得一試👍🏼😋最驚喜係話梅老薑陳醋排骨 我非常喜歡食話梅 話梅味同陳醋味相得益彰 食落口仲有陣陣老薑🫚餘韻 排骨外層好脆 非常好食😋第二個必試係佢哋嘅招牌雞油花雕蒸花蟹陳村粉 其實食海鮮夠新鮮就唔會死 花蟹高質 花雕酒同雞油顯得其鮮美無比 隻蟹死得值得😀唯一係陳村粉唔太夾😋大班樓另一招牌炭火厚切叉燒 炭火香都夠柱候醬陣味都出 肥瘦相間 唯一係食得出少少豬苦味扣咗少少分🙊😋花椒小吊桶釀土魷就有啲韌難咬開 但創新嘅一道菜 花椒味好香😋服務幾好 不卑不亢 重點本身預約咗4位有個朋友放飛機(神奇嘅人)餐廳超好人咁竟然冇沒收訂金 要多謝佢😣🤔其他菜式就比較中規中矩 唔錯幾好食嘅 只以呢個級數去計比較平庸🥲🤔正廳裝修有種草木系書卷感 偏廳就普通啲😨非常難預約 普通人要喺前三個月嘅1號準時9點搶閘 十分難搶 但搶到確實係人中之龍🫡…查看更多

已連續幾年榮獲米芝連一星兼被選中為亞洲50 家最佳餐廳之一嘅「大班樓」個朵咁響梗係好多人想試啦，XO仔試過幾季網上訂座都未有一次成功，講真都有啲氣餒。最近五月二號由朝早九點開始排，睇住佢話輪到自己起碼成半個鐘，點知十點左右就話爆哂，堅冇癮！機緣巧恰下，肥肥家族竟然翌日有枱去試喎，薯爺一聽到仲立即取消原有嘅約會，幾大都要跟埋去試，「大班樓」真係夠面子！位於中環The Wellington三樓嘅名店唔難搵。步出𨋢門，有少少迷信嘅小肥真係俾右手邊幅藝術畫品嚇親，只可以講句慶幸唔係七月囉！店子佔用面積全層，室內佈置就好似一個客廳同書房咁，柔和嘅光線有種無形嘅溫暖親切感。用餐大堂一眼睇哂，中間部份主要係二至多人合拼式散座，拍牆一邊有張長長嘅紅梳化。左右末端則為可容納多人嘅圓枱，私人空間都好足，唯獨厚墊椅櫈冇手柄就唔係咁穩陣。每位席上都擺有齊備嘅自用餐具及公筷。開瓶費為合埋嘅$250/樽，所以好多客人都會自備佳釀。為保證食物嘅質量，菜單必先預先定好，成功訂座後會由專人跟進，最低消費為$1,380/位（另收加一服務費）；寫餸時要謹記一點，如果用餐當日先發覺唔夠飽，係冇得即場加野食嘅。貴客可從一系列嘅頭盤、主菜、蔬菜及飯麵中選出菜式，預設餐單格式包括自選三款頭盤（如果想加頭盤的話，可另加$120/位揀多一款）、自選三款主菜（$1,380/位包一款海鮮及兩款肉類；$1,530/位包兩款海鮮及一款肉類；$1,680/位包三款海鮮；另額外加海鮮的話，每款$300/位；另額外加肉類的話，每款$150/位）、自選一款蔬菜、自選一款飯麵、全場指定嘅湯湯及甜品。魷魚涼麵百合配松子凍湯：晚餐迅即由奶白色嘅凍湯揭開序幕。清涼嘅松子湯底帶點苦澀，搓成長條形麵條般嘅魷魚涼麵完全冇魷魚味之餘，亦冇魷魚嘅膠質爽彈感；請恕細佬直言，分子作品最好食係清脆嘅百合。串燒羊腩鮑魚卷：第二道串燒羊腩鮑魚卷質感好夠鬆潤，不過唔講真係冇人食得出個卷入面有鮑魚，因為當中可以話係零鮑魚味兼零煙韌，食落只覺濃濃嘅羊味及辣勁，感受唔到組合有任何火花。龍井菊花煙乳鴿：乳鴿每人半隻，有齊脾同翼。脂肪不多嘅乳鴿皮層香脆巧薄，鴿肉軟潤，肉汁豐沛，而且煙燻味唔會過份濃烈，係三款頭盤中最好食嘅一味！食後最令靚靚媽咪感動嘅就係服務生已預先幫客人撕開咗張濕紙巾，體貼得很。一口湯（不用選）：湯湯講明冇得揀，當晚係花生木瓜雞腳湯，小肥因敏感問題唔飲得，幸好長輩們個個都大讚湯品好似咖啡咁濃縮，而且好夠火候熱力。表妹嘅思維認真有邏輯，提到廚房其實預早知道席上有人對花生敏感，但竟然會繼續選此花生湯作例湯，相信此湯應該煲咗好幾日囉！唔知如果遇上有敏感嘅係匿名米芝蓮評審的話，仲會唔會攞到嗰一星呢？！魚米粥蝦籽象拔蚌：量足又大片嘅象拔蚌爽就夠爽脆，可惜有啲腥，估計係因為個魚米粥底只屬和暖有關，唔夠熱乃海鮮大忌也！小弟愚見，師傅其實可以考慮將魚米粥同象拔蚌分開上，如果唔想張枱唔夠位的話，亦可以喺餐桌上先斟入滾粥。雞油花雕蒸花蟹配陳村粉：七人份量共有兩隻花蟹，份量係足，不過席上嘅蟹王蟹后微微失望在星級中菜廳冇俾隻重磅啲嘅大花蟹。影完大特寫後，拆蟹任務就由服務生一手包辦。離遠已經聞到花雕味好香濃，入口更覺蟹肉鮮甜幼嫩，配角陳村粉亦白滑非常，唔夠汁仲可以自己加。樟木煙燻黑腳鵝 ( 不適合三人或以下選擇）：同花蟹一樣，黑腳鵝先原隻上枱俾大家影個夠，之後再由專人斬件。鵝鵝嘅煙燻味好勁，意外地鵝皮比之前頭盤個乳鴿皮脆巧，鵝肉仲好鬆，不經不覺仲清埋碟。正當大家驚訝著竟然成隻鵝都食得哂咁勁時，服務生方才告知佢於拆鵝時將原隻鵝胸打包咗入盒，一刀都未切過嘅，全場梗係O哂咀啦，莫非餐廳預咗冇人食鵝胸？！其實就算客人要打包，係咪應該俾個選擇權人地先享用過最新鮮熱辣嘅版本呢？！魚湯白木耳浸瓜絲：造到好似一碗羮咁嘅魚湯浸瓜絲極易入口，嘻嘻，最啱唔係咁鍾意食菜嘅小肥！魚湯底清甜尤甚，簡單撈入爽脆嘅白木耳及軟腍滑溜嘅瓜絲足以添上口感，唯一菜王薯爺話唔似食過菜咁。蟹肉鮮蝦蝦乾蝦醬炒飯：金黃奪目嘅炒飯炒得好夠鑊氣同乾身，蝦醬味恰到好處，蝦蝦蟹肉都好足料。甜品三味（不用選）：三款甜品一次過以拼盤呈上，講真有啲普通。左起嘅桂花杞子雪糕芳香不溜滯；中間件紅棗糕煙韌Q彈；微甜嘅杏仁茶就唔係幾夠熱。一位難求嘅一星名店「大班樓」環境優雅，年長嘅服務生明顯有自己嘅做事原則及方式。廚房出品甚為參差，講唔出特色何在之外，誠意亦略為欠奉（有客人對花生敏感，但全場飲花生雞腳湯），雖然餐飯唔可以話難食，但實難以匹配高級嘅價錢，講到咁猛原來冇乜料到，完全唔值得咁辛苦去訂位囉，真心想問吓米芝蓮評審係點俾嗰粒星星！…查看更多

大班樓作為香港中環著名的中菜館，一直以創新和堅持食材質素聞名。這次到訪，體驗他們的經典菜式，無論賣相或味道都令人驚艷。首先推介必食的蟹肉花膠煲仔飯，飯面鋪滿金黃色的炸乾葱和蔥花，蟹肉鮮甜，花膠豐腴，飯粒吸收了海鮮的精華，入口粒粒分明卻又帶有豐富的油香和海味，每一口都令人回味無窮。另一道菜是花膠浸菜心，湯底奶白細膩，味道清甜，菜心爽脆，花膠口感互補，健康又滋味。大班樓的招牌醬鴨也是必試，鴨肉煙燻味濃，皮脆肉嫩，配上特製醬汁和軟滑包皮，層次豐富。另一道清蒸大魚，魚肉新鮮，火候剛好，醬油和蔥絲提升鮮味，完全展現出對食材的尊重。最後不得不提香燒乳鴿，外皮金黃油亮，肉質嫩滑多汁，吃得出師傅的功力。每道菜式都用心製作，口味天然，不會過分調味，體現出大班樓以食材為本的理念。整體而言，無論是環境、服務還是食物質素，都展現米芝蓮級數，值得一試再試。…查看更多

位於中環，是米芝蓮一星餐廳，以創新廣東菜聞名，2024年仍穩居香港高端餐飲榜首。招牌菜「樟茶鴨」是亮點，鴨肉經樟木煙燻，皮脆肉嫩，茶香濃郁，搭配酸梅醬和薄餅，口感層次豐富，每口都令人驚嘆。另一必試菜是「避風塘炒蟹」，蟹肉鮮甜，蒜蓉和黑椒的香氣完美融合，微辣開胃。甜品中的荔枝雪葩配桂花凍，清新解膩，完美收尾。餐廳環境典雅，木質裝潢配以中式藝術品，營造低調奢華的氛圍，適合商務宴請或情侶約會。服務極為細緻，服務員會詳細介紹菜式來源，並確保用餐節奏舒適。價格較高，人均約$600-800，需提前數週預約。整體而言，The Chairman將傳統廣東菜提升至藝術層次，值得一試…查看更多

二訪～今次我吃晚餐，難忘的味道～重口味餐單，作為清淡人，表示好好食，有驚喜‼️ 每一道菜我都未曾係出面吃過類似，第一道菜嘅魷魚是椒麻味，好正，羊腩卷羶味係很重，但加埋鮑魚，口感味道都好好😍特是麻辣雞雜臭豆腐窩，我什少吃內臟，個汁好香好味，更加可以用來送白飯～凍鹵水花椒小吊桶釀土魷山楂梅子脆皮猪尾串燒羊腩鮑魚卷一口湯一口叉燒剁椒鹹肉蒸龍躉魚頭胡椒泥蟹麻辣雞雜臭豆腐窩豬皮櫻花蝦燉時菜薑絲肥牛膶腸窩蛋煲仔飯甜品三味 （杏仁茶/紅棗糕/杞子雪糕）…查看更多

#大班樓 🇭🇰這間亞洲五十大餐廳排第二，米芝蓮一星，可能是全港最難預約的中餐廳，我二月在它的網站搶到六月五號平日的午餐，跟三位朋友再試試新菜式。❣️前菜串燒羊腩鮑魚卷、脆皮迷你糉配菊花糖、山楂梅子脆皮猪尾❣️主菜胡椒泥蟹、樟木煙燻黑腳鵝、梅乾菜陳皮扣肉配夾包、豬皮櫻花蝦燉時菜、煙燻馬友銀魚窩飯❣️甜品三味 🍽️ 今次選的前菜就一般般，比較有印象係酸酸甜甜炸到脆卜卜的豬尾，脆皮糭略嫌太小醬油，桂花糖亦不太夠甜，鮑魚被羊腩搶左味。下次都係叫返叉燒或者花椒小吊桶。🍽️主菜就漸入佳境，泥蟹、黑腳鵝、梅菜扣肉、銀魚馬友飯非常美味😋😋😋泥蟹充滿胡椒味，乾身淡淡肉。黑腳鵝依舊出色。梅菜扣肉好入味，問過侍應原來午市係無梅菜扣肉飯。🍽️甜品則是一如既往無咩杞子味的杞子雪糕😆紅棗糕同杏仁茶都不錯。問埋侍應點樣book晚市，侍應尷尷尬尬感覺叫我哋上網book🫣但明明上網是沒有晚市的選擇。人均$1200📍地址：中環威靈頓街198號The Wellington 3樓…查看更多

前幾年已經將大班樓成為我嘅bucket list ,定期上網訂位，每次都失望而回最近終於朋友帶我去食晚餐。當日我哋選咗兩款海鮮加一款肉類主菜套餐（ 1530 +10% ）， 其中包括大班樓signature菜式花雕蟹陳村粉，而我最喜愛樟木煙燻黑腳鵝，煙燻味道真的很香鵝肉好腍，剁椒鹹肉蒸龍躉魚頭不太辣，最後煙燻馬友銀魚窩飯讓人忍不住添飯。最後我們點了三瓶酒埋單每人$1900 ，米芝蓮質素加一流服務菜式，我覺得值得一試！…查看更多

終於有機會嘗試這一間米芝蓮一星經典中菜！昨天晚上到了大班樓慶祝生日，是他們搬了新地址的第一次！現在就跟大家分享一下昨晚的體驗新裝修當然是比較裝修好了很多！色彩豐富之餘，又不失優雅室內設計師應記一功！菜式方面，第一道菜是荔芋鴨盒。外面酥脆，接着便是有質感的芋泥，鴨是很有鴨香！互相嘅味道很配合！接着就是串燒鮑魚羊卷！這個是一絕！捲在外面的羊肉很有羊的香味！裏面嘅鮑魚烹調得剛剛好！有口感之餘又不會太韌！外邊再加上孜然粉，香味是一絕！接着是一個豬美的菜式！忘記了他的名字！這個又是一絕！保留了豬肉的香味，外面那個酥脆簡直就是一流！再加上那個香梅醬，酸酸甜甜，正好平衡了豬尾的香味！之後就是粉葛鯪魚一口湯。湯的份量是恰到好處，平時如果是一碗碗的，喝完之後便會太飽，沒有空間再吃其他東西了！這個湯很濃郁！很有鯪魚的香味，亦都很順滑！是很傳統健康的中式湯水！我們點了主菜就是花雕陳村粉蒸花蟹！果然是經典菜式！上枱時已經香氣四溢！蟹肉是很嫩滑，剛剛好，一疏疏的！簡直就是大滿足！而陳村粉配上花雕酒做的汁，又是一絕！炸子雞又是一個經典菜式。外皮的趣事不能夠用筆墨來形容的！雞肉嫩滑而我最喜歡的地方是雞肉還粘着一些用來醃雞的醃料，配上香濃的腐乳醬，簡直就是人間美食！而份量亦都是頗大的，我們也吃不完需要打包拿走呢！另外一個主菜就是梅菜扣肉煲仔飯，香甜嘅梅菜配上柔潤的扣肉！又是另外一個滿足之選！另外當服務員幫我們；煲仔飯之後飯焦是會另外上碟的！這個服務是很貼心！接着湯水就是白魚湯瓜絲！濃郁嘅魚湯配上香脆嘅瓜絲及木耳絲！健康之餘又營養豐富！是一個完美的收尾！甜點是甜品三味！經典嘅紅棗糕，綠豆糕及杏仁茶，杏仁茶係我嘅最愛！濃郁的杏仁茶亦都不會太甜！是整個晚餐嘅最好完結！而正如之前提及過，服務是非常貼心。最能體現到之二是上蟹之前，服務員是會預先撕開濕紙巾的包裝！另外便是打包之後，服務員會將紙袋放到客人的隨身袋旁邊。非常之暖心，貼心！唯一美中不足是旁邊有一班扮高級的客人，整晚在大聲叫囂，放聲講粗口，主管應加以勸阻以免影響其他客人之體驗。…查看更多

大班樓（The Chairman），位於香港中環，是一間以精緻粵菜聞名遐邇的米其林一星餐廳，曾榮膺「亞洲50最佳餐廳」冠軍及「世界50最佳餐廳」前十，堪稱香港中菜的驕傲。近日有幸一嚐其盛宴，無論從食材、烹調技藝到服務，皆令人讚嘆，完美展現了粵菜「鮮」字的精髓。大班樓的裝潢典雅簡約，木質色調營造溫暖氛圍，桌與桌之間間距適中，私密性十足。搬遷後的新址後，空間感更佳，但依然保留了那份低調的格調，讓人專注於美食本身。服務生專業而親切，細心安排上菜節奏，主動盞茶換碟，甚至會細心講解菜式背後的故事，令人倍感用心。例如，提到招牌菜的食材來源，譬如每日清晨由專人於香港仔魚市場挑選的鮮活海鮮，讓人對每一道菜的品質充滿信心。大班樓的菜式以傳統粵菜為基，融入創新巧思，強調食材原味，絕不依賴味精或雞粉，展現對天然風味的極致追求。以下是幾道令人印象深刻的菜式：雞油花雕蒸花蟹配陳村粉是大班樓的招牌菜，無人不曉。兩斤重的紅花蟹肉質鮮甜結實，蒸製時間精準，保留了蟹的鮮嫩。特別之處在於醬汁，加入雞蛋、蛤蜊汁和花雕酒，調和出層次豐富的鮮味，陳村粉吸盡醬汁精華，入口滑順，酒香撲鼻，令人回味無窮。唯一小瑕疵是蟹肉拆解耗時，粉略為冷卻時口感稍遜，若能保溫或分盤上桌，體驗或更完美。甜品方面，生磨杏仁茶配杞子雪糕清新不膩，杏仁香濃郁，整體為餐點畫上輕盈句號。大班樓的成功在於對食材的極致追求與烹調的精湛技藝。自家農場的蔬菜、每日鮮選的海鮮、自製醬汁與臘肉，每一個細節都體現了對粵菜傳統的尊重與創新 。唯一挑戰是訂位難度，需提前數月於官方網站或social media留意開放時間，猶如搶演唱會門票，建議有耐心的食客早作準備。整體而言，大班樓不僅是一場味覺盛宴，更是一次對粵菜文化的深度體驗，絕對值得一試。…查看更多

無可否認「大班樓」是我最喜愛的中菜。當晚彷彿是指定動作的雞油花雕蒸花蟹配陳村粉不見了，換上另一道風格不一的蟹菜式；如大鄉里出城，首嚐「大班樓」的蒸魚，還要一下子來兩尾，不得不用上一箭雙雕、好事成雙來形容；半路中途殺出特別「嘉賓」的龍蝦，心沒有涼了一截 (怕荷包被清空)，大抵被味蕾的快感蓋過了！總之，「大班樓」從不缺味道與溫度的驚喜，那麼多年 ..... 幸福就是了！年紀大，平日少吃魷魚，但掛上甜香滋潤、又帶松子香氣的凍湯，魷魚麵也變身日本拉麵，簌簌簌、多暢快！ 有點中西合璧、也有點亦正亦邪的魷魚涼麵百合配松子凍湯，帶來一個爽朗的開場！除了雞油花雕蒸花蟹配陳村粉，蟛蜞膏柚皮冬瓜也是命中率高的菜式！不得不承認，以它的獨突性和滋味，的確是百吃不厭。皮脆焦香、內層膠原的一剛一柔口感，配合解膩的微微酸甜，每人三尾的山楂梅子脆皮豬尾顯得有點吊癮，不過這才是剛開始，大量好戲在後頭！純素的一口湯究竟有什麼烹調秘密，每次都令人好想多來幾杯！恕我簡潔地運用香嫩清甜來形容蝦籽豆仁炒赤米，不染俗塵的清純味道！上圖是清蒸三刀、下圖是清蒸冧蚌，前者嫩滑、後者魚味較濃，個人較喜愛後者。無論魚肉多美，還不及精華所在的魚汁配合「大班樓」的靚米飯，澱粉竟成了搶手貨！剁椒龍蝦的美不在於賣相，而是在於香而不辣的滋味度，恰好把龍蝦的鮮甜巧妙地襯托出來，沒有糟蹋鮮活的同時、也能帶出滋味，果然有特別「嘉賓」的風範！換上鹹檸陳皮肉丁炒蟹的新嘗試，特色在鹹檸陳皮肉丁譜出的鹹甜與幽幽的檸香，有趣之餘，妙在那份順喉的惹味。 「大班樓」善長運用二十年的鹹檸配搭海鮮，曾有緣一嚐鹹檸與蟶子的滋味。今趟鹹檸與肉丁跟肉蟹，當然也是一絕的創新配搭！女士們可享用甜美與啖啖肉的蟹鉗，多幸福！樟木煙燻黑腳鵝幾乎是每次的必吃，當然是有它的魂力！未上桌，濃香的煙燻已夠勾魂﹐隨後薄脆帶脂香的鵝皮，正好來一口紅酒來昇華；而桃紅香嫩的鵝肉，恰似抹上腮紅的女士，充滿神采，要多親幾遍！還是第一次試吃鵝頭，那股鵝香實在沒法擋，以前真的不懂吃！整晚最不滿意的是魚湯白木耳浸瓜絲！魚湯好、用料佳，唯獨份量對於蔬菜控的我，實在遠不及要求，大有不夠喉之感！對炭燒熟成鰻魚膶腸煲仔飯最深印象是鰻魚，鰻魚表層被烤得非常焦脆，有如燶邊叉燒的感受。可是一咬，鰻魚肥美的魚脂隨即溢出，有如甘露的滋潤。其次是色澤金黃、厚度均勻的飯焦，相信要有一定功力才能煮出這樣完美的飯焦來！飯焦分為兩部份，一部份用以蘸沙糖來品嚐，另一部份則做成泡飯！略嫌膶腸切得太細，未能品嚐出「大班樓」自家膶腸真味與粉粉的質感，有點可惜！甜品三味是生磨杏仁茶、紅棗糕及杞子雪糕，我最愛是雪糕！每次吃上都是一㮔幸福！…查看更多

規定咗係叫set 至少48小時前要先揀好食啲咩 我嗰日係3個人食的~ set既份量好多 食到勁飽🤰🏼🤰🏼食物質素的確幾好 值得粒星🌟 不過環境比較逼 唔係太舒服 服務都未達到米芝蓮級數· 龍井菊花煙乳鴿 Smoked Baby Pigeon with Longjing Tea &Chrysanthemum的確食到淡淡茶香 肉味都重 皮亦夠脆口😋· 荔甫鴨盒Crispy Taro Cake with Smoked Duck炸得好鬆脆 少少油但未至於膩 芋頭蓉mix埋鴨肉很不錯! 🤩· 炭火厚切叉燒Thick Cut Chairman Style Char Siu 佈滿蜜汁 好香甜 調味屬於比較甜 炭燒味唔重 肉質帶有點咬口 唔韌同時唔會霉霉爛爛🥸· 🍲一口湯Cleansing Soup· 雞油花雕蒸花蟹配陳村粉Steamed Fresh Flowery Crab with Aged ShaoXing Wine, Fragrant Chicken Oil & Flat Rice Noodles其中一道最signature既dish🤩 花蟹有膏 肉嫩鮮甜 嗰汁帶有蟹膏味又有啲花雕酒香 撈埋陳村粉 闊扁掛汁又滑身 似唔油既河粉 推薦🤪🫶🏻 · 醬燒羊肋骨Grilled Lamb Ribs in BBQ Bean Paste超有驚喜🙂‍↔️ 應該係我食過最出色既中式羊肉!! 燒得啱啱好外脆內juicy 超嫩 羊肉重味 有膻味的! 唔會太多汁which我好喜👅· 南乳麵醬炸子雞Crispy Skin Chicken with Red Bean CurdMarinate皮微脆 肉都算嫩滑 未算話好juicy但調味ok 南乳醬另上 有明顯南乳鹹香 唔會太鹹~· 魚湯白木耳浸瓜絲Gourd Juliennes and White Wood Ear FungusCooked in Homemade Fish Broth相對之下呢個無咁特別但無咁heavy味道都好唔錯 魚湯幾濃郁 木耳絲同瓜絲帶有咬口 我自己幾鍾意呢個😌· 蟹肉鮮蝦蝦乾蝦醬炒飯Fried Rice with Crab Meat, Fresh Prawns, Sun-dried Prawns & Shrimp Paste好足料😭 好多蝦頭蟹肉 餸同飯可以話係1:1 同埋加咗蝦乾 食落好夠蝦味蟹味 鮮甜超超超好食!!! 😻· 甜品三味Desserts Trio〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃😋 𝘵𝘢𝘴𝘵𝘦? 𝟴/𝟏𝟎 🥳 𝘦𝘯𝘷𝘪𝘳𝘰𝘯𝘮𝘦𝘯𝘵? 𝟳/𝟏𝟎🤑 𝘤𝘱 𝘷𝘢𝘭𝘶𝘦? 𝟳.𝟐/𝟏𝟎🤩 𝘳𝘦𝘷𝘪𝘴𝘪𝘵? 𝟕/𝟏𝟎〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃📍 大班樓 …查看更多

大班樓同朋友一齊去食飯 原來呢間米芝連要早幾個月book 喺中式嘅無菜單料理🔆甜醋子薑豬手豬耳凍好得意嘅前菜 薑醋豬手開胃 但因為變咗果凍咁 似食啫喱多啲 食唔到豬手豬耳原型🔆炭火厚切叉燒雖然喺前菜但食到中間先嚟 已經分好一人一舊 估唔到仲喺熱辣辣 叉燒選部位半肥瘦適中 而且燒得好香 同出面嘅燒味喺唔同🔆串燒羊腩鮑魚卷上菜就聞到孜然粉嘅味 燒得好香口🔆雞油花雕蒸花蟹配陳村粉好香花雕酒味 再用蟹膏煮出湯汁配陳村粉 比腸粉更薄更滑 蟹肉就要自己再拆出嚟食 有啲麻煩但蟹肉鮮甜🔆大班樓酸辣甜蒜牛四味有牛肚、牛腩、牛肉片、牛筋再加竹筍、酸菜辣椒一齊煮 地道香港美食 🔆樟木煙燻黑腳鵝食到嚟呢度已經有啲飽 再上呢個鵝…好大隻 我哋7個人都食唔晒😂 呢隻鵝真喺好肥 仲見到好多肥膏喺肉身 但皮喺燒得脆嘅 🔆豬皮櫻花蝦燉時菜 好開心今日嘅菜喺豆苗 上湯煮豆苗好甜 加豬皮食都喺第一次 🔆蟹肉鮮蝦蝦乾蝦醬炒飯蟹肉份量算好多 而且炒飯炒得好乾身 好香口🔆甜品三味生磨杏仁茶 冬瓜豆沙餅 紅棗糕杏仁菜最好🤣不甜紅棗糕都好吃 但凍咗 熱啲會更好豆沙餅好古早味…加咗冬瓜糖…唔啱我😂環境喺不錯 但要早幾個月訂而且菜單應該不定時換 lunch 時段每位都要一千 菜式喺精緻 有特別節日有預算可以一訪📍 大班樓 (中環)中環威靈頓街198號The Wellington3樓…查看更多

✨大班樓新址首試！神仙粵菜終於名不虛傳！🙌🍴 整份菜單吃下來，驚艷又平衡的一餐！從冷盤到熱菜再到甜品，層次感十足，每道菜都處理得很精緻！沒有任何一口讓人覺得膩！👇🦑 鱿鱼凉麵配百合松子凍湯：爽口的鱿魚搭配松子凍湯，清新又帶點堅果甜香🫚 甜醋子薑豬手薑汁凍：膠質Q彈，酸甜不膩🥓 串燒羊腩鮑魚卷：羊腩的濃郁與鮑魚Q彈口感很好的結合，灑上的香料更是將整道菜的層次提升到新高度🥧 荔甫鴨盒：外層酥化，內餡帶著鴨肉的濃香和煙燻氣息🍖 山楂梅子脆皮猪尾：這道菜是意想不到的驚喜！脆皮豬尾的外層炸得金黃酥脆，搭配山楂和梅子的酸甜風味，口感與味道層層遞進🦀 鹹檸陳皮肉丁炒蟹：高光！鹹檸的清香與陳皮的甘香完美平衡，搭配鮮嫩的蟹肉和微焦的肉丁🌶️ 剁椒鹹肉蒸龍躉魚頭：嫩滑魚頭加上剁椒的辣味提鮮，香麻的一口接一口完全停不下來！🐡 炭火脆皮熟成鰻：炭火烤出來的香氣和鰻魚本身的油脂融為一體，外酥內嫩🫓 梅乾菜陳皮扣肉配夾包：梅乾菜的鹹香和肥瘦均勻的扣肉完美🍽 驚喜 - 除了味道，整份菜單的設計也非常「講究」，既有粵菜的傳統韻味，也加入了不少創新巧思。🗓️ 話說這家店真的太火了！目前訂位已經排到明年三月 ✨…查看更多

大班樓係一間非常難預訂嘅餐廳，但幸運地我同朋友成功訂到，享受咗兩個鐘嘅中菜精緻餐飲。菜單上嘅菜式包括凍滷水花椒小吊桶釀土魷、炭火厚切叉燒、山楂梅子脆皮猪尾、雞油花雕蒸花蟹配陳村粉、樟木煙燻黑腳鵝、梅乾菜陳皮扣肉配夾包、豬皮櫻花蝦燉時菜同煙燻馬友銀魚窩飯。凍滷水花椒小吊桶釀土魷係一道菜式，呢款菜式有獨特嘅名稱同口感。佢係使用滷水同花椒製作，再將材料填充喺土魷中，呢道菜有清新嘅口感同微辣嘅風味，值得一試。山楂梅子脆皮猪尾係另一道菜式，呢道菜以猪尾為主要食材，搭配山楂同梅子調味，再以脆皮方式烹調。這款菜式有猪尾嘅香濃味道，配合山楂同梅子嘅酸甜風味，加上脆皮嘅口感。至於炭火厚切叉燒。叉燒肥瘦適中，燒烤後帶有微微炭燒焦脆嘅口感，非常滿足。唯一缺點係每人只有一件，需要提前預訂，唔預訂可能冇機會試到。其次，招牌雞油花雕蒸花蟹配陳村粉。這道菜有特色，嘅雞油花雕蒸雞表現出色，無被酒味蓋過鮮味，依個菜式仍然係值得每次到訪必點嘅。總括而言，大班樓嘅菜式帶有獨特風味同口感，有部分菜式可以進行改善，但整體餐飲體驗係非常值得一試嘅。希望我嘅評論可以幫助你更加了解呢間餐廳嘅菜式同質素。…查看更多