大榮樺

營業中

休息中

晚餐時段真係非常多人，所以點都要一早黎，否則真係有排等呀。加上，如果遲d黎，有d餐更加會售罄添。先黎個餐湯，味道幾濃，不錯。但等左20分鐘左右，終於有野食，韓式泡菜意粉配西冷牛扒。d意粉有d辣，但個牛扒就不錯，有問下食幾成熟，牛味都幾好食。另外，我地亦都叫左個炭燒黑毛豬配意粉。呢款意粉就有d忌廉汁，幾好食。黑毛豬豬味濃，好味。

一句講晒，唔使錢都唔會再去，離晒譜不知所謂，坐低都要叫人起返身，仲要一早打電話Book咗位比街客先，點解一早唔講唔比Book位啦接受了就留位比人我又無遲到，你話我遲到就我唔啱姐，仲要一句對唔住都無

大埔大榮樺，建議大家5⃣️好去，個廚房佬根本唔識煮牛扒！我老公點在個安格斯牛扒，個侍應係冇問你要幾成熟，我地飲完個湯先醒起，所以就同另一個侍應講，點知，佢話只會按廚師既諗法，以佢一般做法煮幾成熟！咁我問佢一般即係幾成，佢話七成，咁我地話要5成，另一個侍應好有禮貌的，答我地話廚師會盡量做五成！但等左15分鐘，出黎既係9成熟！冇牛味，冇口感，仲要切哂件，上面放左D似蒽油既source! 其實....佢係咪拎左件煲湯瘦肉出黎呀🤔我自己叫左個珍寶蠔燉飯，但係，佢將三隻bbq用既半殻蠔連殼放上碟飯到，好5⃣️衞生！如何使用食材煮食都唔識，hopeless!全餐只係個餐湯可以接受！我地另外叫左咖哩雜菜餅，當然係現成貨！只能夠話佢份量夠多，可以維持生命兼增加fat! 但咁既質素都有十幾廿人排隊！

行過路過，經常錯過。真失禮現在先係第一次食，早從朋友口中提過呢間野值得一食，但經常都人太多了， 之前試過去食，但7點幾去好多野食賣曬，而且勁多人在等不得不放棄。今次6點去到.....都係要等位的說，大約等了30分鐘有多先入到去，拿拿聲點餐，點了黑毛豬意粉同芝士龍蝦意粉。早到的鳥兒有蟲吃，因為等食途中聽到龍蝦cut,又見到門口個餐牌不停改......其實早入去都要等好耐先有得食，建議有心食的早點去食。餐包埋餐湯野飲，個餐湯一般，但主菜有驚喜。先講黑毛豬，其實有2塊，一塊細塊少少在底。我食左細塊的，好食的，好有燒野食的感覺，外面脆，好豬香而沒有豬膻，好甜，但肉就難咬左少少。其實都覺得ok，不過唔明為何咁多人讚。不過當食大塊果件時，嘩，好淋呀～有少少肥肉更甜，好食到不得了！蘸埋BBQ醬就更加好食，無咁膩。另外要提一提個意粉，絕對是普通意粉不是果d咩手制意粉。不過，佢唔係就咁一個意粉，亦都唔係蕃茄意，係白汁洋蔥蒜意！好creamy,就咁食個意粉已經不得了！因為我係蒜蔥愛好者，大愛這個意粉。88蚊來說，佢真係交足功課！沒有hea你。至於龍蝦意粉，半份龍蝦，配上芝士其實都無得唔好食，可惜係肉有點硬

等，一定係呢間餐廳嘅必然嘅事，因為等位起碼要30分鐘，等上菜亦都起碼要30分鐘，所以無耐性嘅千其唔好去。不過，食過一次一定會再去，因為D野食係好好食，係大埔黎講可以算係必去嘅餐廳。個湯係忌廉湯，好濃味。今次就叫左個牛仔柳配意大利粉。牛仔柳外脆，而內裹好juicy，牛肉味亦好重，重點係有兩大舊。意大利粉係撈左忌廉汁，好好味。另外，黑毛豬亦都係值得推薦，因為豬味濃，$88真係好抵依食。不過，如果唔係早D黎，牛同豬都無哂傢。

昌運中心這裡的食店以小店為多價格相對便宜合理早已聽朋友介紹過大榮樺這店的豬仔肶今次終於來一試這裡的晚餐！星期日晚上8時多到達..已座無虛席大約等候約15分鐘便有位了～必點朋友推介的百花蜜燒烤豬仔肶老公就選了北海道帆立貝珍寶蠔黑松忌廉燴飯配是日餐湯及加配凍飲是日餐湯為忌廉湯忌廉味算香但不算出色，中規中矩吧～湯內也沒什麼配料增加口感百花蜜燒烤豬仔肶，配意粉烤豬仔肶好稔好入味！！甜甜的蜜糖味配上芝麻香氣，好味！！本身擔心意粉沒什麼醬汁會很乾身～但竟然不會！意粉滑溜的帶點忌廉香，不會糊糊的！淋上一些燒烤醬就更為惹味！！北海道帆立貝珍寶蠔黑松忌廉燴飯，有3大隻珍寶蠔帆立貝的size也很大隻呢！！芝士焗珍寶蠔，芝士味不會膩，也不會掩蓋蠔味！焗蠔不會焗得太乾，反而仍很飽滿多汁呢帆立貝煎得夠香之餘，亦保持嫩滑～～燴飯同樣煮得入味，不會稀稀爛！食物水平確實挺高，難怪小小的店面也坐滿饗客！值得再光顧！！

午餐時間有限，一般都選擇一啲快嚟快去嘅快餐，今日有多少少時間，決定挑戰每次行過都好多人排嘅大榮樺。都已經係比一般午飯時間早到，最後都要等20分鐘，齋睇個餐牌都明白點解咁吸引，價錢比附近嘅快餐廳高一點點，不過包餐湯、主菜同飲品。哩一味係慢煮話梅豬手，的確份量比其他餐少，不過味道好特別，又酸又甜，豬手都好淋。到西冷牛排，由點餐到牛排到都真係同餐牌上寫咁，要半個鐘先到，不過物有所值，牛排真係好好食，喺無血淋淋嘅情況下，都可以好嫩口。蜜糖芥末鴨胸都係推介之選，熱辣辣咁上，又嫩口又大份量。喺時間鬆動之下，大榮樺係大埔午餐嘅強烈推介。