大本瀛日式放題

營業中

休息中

有個一向奄尖的同事上星期推介此 日本放題餐廳 ， 疫情前試過幾間其他的放題餐廳 ， 一肚氣地 敷衍 order 有， 座份不舒服的有， 所以有 啲抗拒 。 大瀛喜 放題的食品雖是一貫般水準，冇驚喜但一般的巳要鮮要熱的都有。 份量也根據 要求 冇漏單，上菜也很快。 有三文魚腩都算肥美。串燒虎虾 燒得剛剛好，不太老太鞋。 侍應 貼心有禮貌地回應需要及主動收拾台面， 最後還貼心地 推介幾款雪糕甜品 到枱邊，服務水準好好。 一洗之前對放題的 恐怖經驗 的壞印象。真心 值得推薦

嚟到劣食之塔之稱嘅兆萬中心挑戰，果然不眾望，依一間嘅味道都相當普通可能因為咁，依間餐廳食飯嘅人數都比較少，平時飯鐘時間，其他餐廳己經多人都排曬長龍，依間就一定有位，可能是因為大家都發現了這家店的問題。食物方面，個人覺得真心普通，刺身唔太新鮮，有融雪嘅味道，而且有時侯仲會無貨。雖然依個價錢唔算貴，但都夠有質素好少少嘅肉可以食，但佢依個性價比，真心唔高，食其他會更開心另外，我都幾驚佢啲職員，特別係樓下派傳單果個，會衝過嚟叫你拎傳單，好似逼住你收咁，搵食姐，洗唔洗咁🥲🥲

好失望既一次放題🥲，唔太推介大家黎食每次食放題第一樣都會叫左盆刺身先，睇傳單個時見到既好多款刺身去到都係冇貨🙃例如池魚、龍蝦呢啲貴野。咁都算，叫其他款黎食，點知啲刺身係好唔新鮮，食落好大陣雪味🤢。而且間野都已經唔係多人食，出單都可以咁慢，重要黎到啲野食係錯哂🤷🏻，問下啲野食幾時黎，職員啲態度又唔好，淨係叫人等下，未試過食放題食到一肚氣，真係貼錢買難受，blacklist 呢間野，唔會再黎😤

最近好想食放題，然之後行過旺角兆萬嘅時候見到咁多人查宣傳單張，我就求其揀咗一間叫做大本瀛日式放題嘅去試吓😃上網見到有七百幾個好評我就滿懷希望入到去應該質素會唔差環境亦都OK嘅🤣但係點知就令我非常之失望😅食放題最緊要就係刺身同壽司啦，但係呢一點佢哋就做得非常之差啦😨簡直覺得自己中伏啊首先刺身有好多都係冇貨嘅，本身佢仲標榜話會有一啲比較貴價小小嘅嘢食就例如龍蝦同蟹嗰啲，點知上到去佢又話冇貨或者根本就冇嘅！咁我比呢個價錢出嚟，然之後乜都冇得食完全唔抵囉🫠就算有貨嘅刺身都好啦，好明顯係食得出，佢仲未融雪，質素好差，完全唔新鮮。就咁睇相都見到啲刺身魚生完全唔吸引🥲跟住佢哋出單又慢，叫完要等好耐先有，浪費唒啲時間。就算有野食啲野食都黎錯唒🙈熟食又唔ok，生冷野食又唔新鮮整體來講性價比真係唔算高囉🥲重點係佢嘅價錢同埋傳單上面都唔一樣上到去埋單發現個價錢係再貴啲嘅感覺好似俾人呃咗咁😅唔怪得知入到去發覺冇咩食客啦，感覺真係好伏到爆。我諗應該都唔會有下次㗎啦

前幾日諗住同朋友去食放題慶祝吓佢生日，但係就食得唔係幾開心，真係食到一肚氣呀！🫠食得放題都會想食刺身，但係好多都冇貨，其他嗰啲都好唔新鮮，食得出有雪藏味，連三文魚都係咁差。另外喺傳單見到嗰啲龍蝦同蟹去到都冇得叫，好唔抵之餘仲要被呃！我哋有嘗試禮貌地問職員，但係佢哋啲態度都好差，粗聲粗氣！其他食物啲質素都唔好，肉類嗰啲都好唔靚，完全唔知食咗啲咩，我朋友直程肚痾咗幾晚添呀！下次一定唔會再去，大家小心中伏。

服務員態度好，上菜速度很快，而且添飲速度快刺身有多款選擇服務員還親自挑選各款甜品給我們挑選值得推介是任飲的生啤，梅酒和青酒經 Openrice 訂位，仲有每位四選一的選擇 :可以揀生蠔，海膽，鮑魚或雪糕。我哋揀咗海膽，質素不錯

呢家餐廳嘅價格同傳單上不符！而且傳單上面高價格菜品全部都冇😒刺身的貨源又有限，質量差，甚至有浸雪櫃味！性價比又唔高，食完一肚氣！出單速度又慢，等到人都癲🤬餐廳人很少，職員服務態度差，下次唔會再幫襯😡😡

中伏了，今次同朋友嚟兆萬呢間大本瀛食放題，不過真係好失望。傳單上嘅龍蝦同池魚，不過最後竟然冇得食！如果餐廳唔能夠提供某啲菜式，應該要喺傳單上清楚標示，唔可以俾客人揀到餐廳先話冇得食。而且啲菜嘅價錢都唔同傳單上面嘅價格，上到去食就貴啲，俾人感覺好唔舒服。除咗呢啲問題，啲食物嘅質素亦都好差。啲刺身好多都唔新鮮，有融雪嘅味道，真係好令人失望。牛肉都係差嘅牛肉，好似街市唔算好嘅凍肉質素，同其他餐廳比起黎，呢度嘅性價比實在唔高，令人感覺好似自己係水魚咁。不過，除咗食物質素唔好之外，啲服務亦唔好。出單慢，係甘上錯，仲有上少野食。整個餐廳都唔多人，可能係因為啲野唔好食。而且職員服務態度都好差，全程唔理客人。我試過叫侍應嚟幫手收碟，佢哋就咁慢條斯理嚟，好似唔係出嚟返工咁。總括黎講，呢間餐廳真係唔值得一試。

食飯好推薦呢間野我同老公黎食過好多次架喇，嗰日個老闆講笑咁話如果有讚嘅就上OpenRice這篇好評俾佢哋，咁咪專登上嚟寫囉😆不過有嗰句講嗰句，呢間嘢真係嚟過好多次，有試過同成班親戚嚟，亦都有試過同老公兩個嚟拍拖食飯，每次佢哋都安排得好好。講真佢哋個地方唔大，但係都盡量滿足到我哋嘅要求：人多嘅時候，想安排坐埋一齊；兩個嚟食嘅時候，想盡量搵個清靜小小嘅位，都得，只要喺唔影響到佢哋生意嘅情況下，都會盡量滿足到我哋👍同埋佢哋啲嘢食，係真係對得住價錢，刺身款式又多、有厚切、食得出師傅處理得好好，同埋有大部份熟食都係出邊放題冇嘅，全部都係落單先整㗎食得出。我間唔中都有同朋友食吓其他放題，大x屋，大x喜果啲都試過曬，佢哋勝在環境優秀，但係講真啲嘢食通常嚟到都係微暖🫡呢間野基本上每款熟食嚟到都係熱辣辣，真係喺出邊放題未必食到👍如果真係要講缺點嘅，可能就係佢哋啲員工太熱情🤣會成日同你傾偈，間唔中問吓你啲嘢食點，有冇嘢可以改善。同埋佢哋個廁所偏細少少，有潔癖嘅人可能就…..🤣總結嚟講，食咗咁多次，我都係會再返嚟再食㗎😆👍

今日約左朋友仔行旺角，行完搵野食，經過有兆萬，樓下有人派單張，朋友仔話試下囉，點知中伏⋯⋯上到黎已經唔多人食，見係放題，咩都有得食ok啦！岀去拎野食，已經玩緊花式溜冰，線住去，線住咁番埋位⋯⋯諗住放題實有野啱食，係呀，塊塊都係厚切，but啲刺身好唔新鮮，係個雪櫃訓左好耐咁⋯⋯好彩叫左少少試下先，伏！啲肉仲搞笑，想問下隻豬生前經歷左啲咩，啲肉食落仲梅梅地，咁都可以岀比客嘅⋯⋯職員啲態度fight得贏澳牛⋯⋯第一次食放題係輕輕鬆鬆餓住咁走⋯⋯劣食之塔真係唔講得笑！

近排天氣太熱啦，所以就出街搵日本放題嚟食，諗住食番啲凍冰冰嘅刺生降下溫🌞經過兆萬見到呢間放題大大間，poster上面嘅刺生好新鮮，而且好多選擇，所以就入去試吓，點知原來圖片只供參考😢😢入到去發現印喺Poster上面嘅貴價野好似龍蝦、池魚等都見唔到，冇得食…😣刺生選擇唔多，仲要有雪味，竟然連超市刺生都唔及，好失望食完刺生就轉食牛肉🐮，以為點都正常掛，結果牛肉好老，唔嫩滑，食完仲要成口油😵‍💫

兆萬中心雖然係廣為人知嘅劣食之塔，不過都無阻我挑戰佢，今次就去咗10樓嘅大本瀛日式放題，無影單所以唔太肯定價錢，大約$260兩個鐘，90分鐘就last order🙈首先嚟到嘅係大大盤刺身，呢度選擇都算多，除咗普通嘅三文魚吞拿魚，仲有油甘魚同希靈魚👍🏻三文魚果然係兆萬代表作😂冇腥味或者冰味、都食到啲魚味😛可惜油甘魚同蝦都好腥，吞拿魚咬落去好乾好柴💩希靈魚嘅魚味幾重、唔錯，北寄貝都值得一試😆壽司方面幾乎每樣都叫咗件，炙燒三文魚食落幾香，而且冇好似樓下咁燒濃啲飯🤣和牛完全冇牛味，又冇落咩饅魚汁，所以都唔係好知食緊咩🤦🏻‍♀️青檸象拔蚌好彈牙、味道好夾❤️所有松露醬壽司都唔太建議，因為真係太重味，而且知道唔係真松露😂金龍卷完全食唔出有炸蝦，好彩仲有蟹籽撈飯😝軟殼蟹手卷炸得幾脆(唔記得影😢)，舊飯仲係微暖，職員都有提我哋要快啲食，驚紫菜會淋咗，不過份量頗大，食完都會飽飽地🤪泰國嘢食叫咗飛天通菜、冬陰功湯同生菜包，全部都好高質，絕對比得上泰國餐廳🤩通菜炒得通透、蝦醬有爆香；冬陰功仲有蝦有菇，辣得嚟好爽；生菜包嘅肉半肥瘦，彈牙得嚟好入味，配埋爽脆嘅生菜真係一流🤤強烈建議佢哋改做泰式改題🤓不過另外有個韓式

星期五收工打算同朋友食餐好少少，經過旺角兆萬見到有人派傳單，唔使$200就有日式放題可以食，就諗住入去試吓啦！點知入到去嘅價錢同傳單嘅唔一樣，收費會貴啲😥😥咁都算啦，反正都入咗去啦，唯有硬食啦🫠🫠到點餐嘅時候，先發現傳單上嘅龍蝦、池魚、刺身等，比較貴價嘅食材野好多都冇貨😫😫其中有頭甜蝦冇貨，變咗冇頭細細隻嗰啲甜蝦，完全冇味🥺另外希靈魚、帶子就唔太新鮮，有陣未融好雪嘅味道，亦都有啲腥，質素影真麻麻哋😥😥😥至於其他熟食，個人覺得性價比偏低，肉類都係用啲比較低級嘅，食落冇乜肉味🫠🫠仲有呢個，食完都唔知自己食左咩，食完都唸唔到自己究竟叫左啲咩....個場嘅人唔算太多，但係出單速度都偏向慢，間唔中都會有漏單嘅情況😖😖😖個人嚟講，就唔太推薦一間日式放題店，咁嘅價錢會有更加好嘅選擇！😥😥

這間店我已經幫襯左都有10次以上，當日我哋book左6位下午七點，但6:40分已經到了，登記後職員叫我哋坐下先，等一陣很快職員已請我哋入去，但我哋話還未夠七點（因未齊人）職員同我哋講入去坐下先，七點先計時，坐到九點唔會趕我哋走😅，職員非常風趣！我哋入去當然即刻點刺身先同鍾意既食物，職員非常體貼，刺身先上，熟食後上，刺身非常新鮮，而熟食都相當不錯，我最欣賞係羊架，無騷味，我都食左幾件，價錢都合理，我哋食得好開心，如果三個鐘就更加好😅😅下次會再來

这次经大学的同学介绍，说是跟自助餐的种类差不多的，尝试过后觉得性价比不错特意开了个Openrice的户口推荐给大家。食物整体不错，当然没有酒店的食材高级，可是绝对对得起两百多的价钱。同学推荐了他们家的熟吃，吃起来也是很不错的，很多小炒类的，上菜时都会冒烟的，另外有日式炸天妇罗，粉浆不厚，会烫口哈哈。同学还特意叮嘱我要吃他家的榴连炸弹，榴连味真的好浓郁，可怜了我的朋友，不吃榴连的被熏到。鱼生方面有基本款式的三文鱼，也是厚切的，另外有鲔鱼（吞拿鱼）、带子刺身等等，种类挺多，基本都是很新鲜，没有冰柜的味道。有一点要特别说的，他们家的服务很好，刚开始不太会点餐，服务员注意到都好好的帮助了我们一下，另外也提点了我们外面有冰淇淋和饮料自取，其间都换了几次碟子，还主动提供了湿巾，很贴心。