大戶屋

營業中

休息中

作成一個成功的肉食獸，我點了肉盛大拼盤2人餐，當中有燒雞、燒牛肉、牛舌、五花肉，五花八門！ 然後仲有串燒，好好味！仲有前菜兩款，我叫了薯仔沙律及煎魚沙律🥗又有兩碗飯及面豉湯。我加了$20蚊左加將白飯升級做魚生飯，十分抵食然後仲包括兩杯$30下的飲品，於是乎我地就一杯啤酒及一杯梳打梅酒咁豐富既晚餐，仲要兩個人都食唔哂，都係一人$150左右。真係好抵食As a meat-eater😂! Tell me how can we resist this! Chicken, beef, pork -all in one dish! A 2ppl set with 2 Japanese rice,miso soup and ...etc (shown on sec. pic)😍 The alcoholic beverages are also included ! So we ordered umeshu soda and a asahi beer! Only around $300 you can have this rich supper in Tsuen Wan limited stores

話說我剛剛去完荃灣整牙，咁就諗食啲咩好，行到荃新天地，就兜了一個圈睇有咩食，最後揀咗這間大戶屋！環境好舒服，牆上掛着幾幅畫，簡約的裝修令人望落去都好舒適，心靈好寧靜的感覺！我點了一個銀雪魚定食，有前菜，蒸蛋，麵豉湯！雖然望落去普普通通一個定食，但係味道唔錯！我欣賞個前菜海草莖，其實呢個前菜都要煮好耐，因為煮得耐先會軟淋！跟住個蒸蛋非常之滑，銀雪魚燒得恰到好處，不會太乾，而且好滑，如果有埋QB沙律醬會更加好😍

疫情下晚飯時段都有一定食客，叫左兩個set 黑醋鱈魚野魚$87鱈魚味道唔錯，酸酸甜甜連埋脆外皮啲野菜有薯仔、紅蘿蔔、青椒、洋蔥、茄子加埋好似食緊咕嚕肉，都幾新奇配定食要加$23麵豉湯，漬物，茶碗蒸好求其，可以講係難食🙅🏻‍♀️麵豉湯竟然配豆卜而唔係豆腐，仲要好淡麵豉味漬物係酸椰菜？ 食落未醃夠時間未整好咁，係德國酸菜定係咩東東？唔似傳統日本前菜茶碗蒸完全無香味甜味，得粒雞肉，蛋味都食唔出自選牛舌飯定食加蕎麥面$140牛舌相對好韌，個醬亦唔好食，食唔到香味蕎麥面普通，唔係靚麵，加配定食質素同上🙅🏽‍♂️連加一$275，個侍應姐姐過黎埋單個陣，仲唔識放底張單，企左係到望住我地數錢搵錢...服務態度都唔似日本料理餐廳應有既質素。

我同男朋友拍拖成日都食大戶屋，無論喺太古、荔枝角同埋荃灣嘅aeon，我地都有幫襯過，其實佢食物質素唔錯，啲嘢食都幾精緻，而且定食可以添飯，一定夠飽。不過，我哋食過10幾次，覺得大戶屋有個通病，就係等位嘅時候，明明入邊好多空位，都要客人喺門口度白等。例如我哋今次前後腳到，我遲到，去到諗住入去直接揾男朋友，因為見佢冇乜人，但入去搵唔到，諗住問店員有冇位，佢就叫我出去等位。好彩我男朋友早到，一早拎咗張A 004 ，我到嗰陣係到a 005 ，我男朋友俾咗張飛個店員，我哋就即刻有得入去。呢一個做法好明顯係餐廳上有客人喺門口等位，令其他人覺得餐廳好受歡迎。其實呢個做法唔係咁理想，會令等嘅人客白企15分鐘至半個鐘不等，都仲未計入去上菜點餐嘅時間。《入到去，其實真係好多空位。》不過入咗去，都照叫嘢食。入到去安排左二人位，因為冇位擺野，於是想搵職員幫手。荃灣分店唔知其他大戶屋可以撳鐘，所以要三催四請職員，先有一位職員肯俾個籃我哋擺嘢。睇嚟依度人手唔係好夠。呢度有一啲特別嘅Menu，例如串燒、壽喜燒等等。我就叫咗個泡菜豬腩片定食，男朋友就叫咗豬扒飯配蕎麥面。另外我哋留意到大戶屋會員app 送雙球雪糕，所以

叫左牛舌定食，同吉豬飯加蕎麥面等左20分鐘上枱，吉豬飯凍既，面頭又唔知做乜野鋪d生既生菜上去，本來吉豬同飯都唔熱，攪到成兜飯更加凍，蕎麥面個汁係可以淡過水，而牛舌上枱係熱熱地，但係自問牙力好夠，不過6舊有5舊趙到似係趙香口膠咁款，真心好多年未食過牛舌係可以整到咁垃圾，隔離d菜落埋D柚子皮一齊烚攪到連D菜都係苦既，一set野收舊幾水好似比錢食到咁不知所謂，又凍又難食，呢個價錢得啖笑，仲要係出而見到d食評話好食，呢班人其實知唔知咩叫好食？ 衰d講句，真係仲衰過一間幾十蚊既平價日本定食

之前懷疑轉左廚師因為上幾次去食都好難食都隔左大約成年幾無食今日去食番，竟然好食番堝！😋。招牌五花腩真係好好味喔💓半肥瘦一啖就可以擁有人生仲有咩要求？哈哈哈(誇張)。牛舌定食就有少少失望比想像中薄左少少同硬左少少我order時心裡以為會juicy啲🤭。最欣賞同中意大戶屋係有套餐配上日本蒸蛋，湯，配菜小食，飯真係大滿足🤭🌈不過我咁大食當然會再加碼😋要加一定加我的最愛---納豆🤩仲要只係＋$10就有一份而飯就轉左要海藻飯💓健康喔！

1家3口食晚飯，最緊要搵一間舒服既餐廳，今次去左荃新天地個既大戶屋試下，之後都係其他地方食過大戶屋，佢既五花腩定食相當好味，又見餐廳入面都坐得舒服，所以決定去食晚飯。我地睇哂成本Menu，都係決定叫2個五花腩定食，再散叫一個壽喜燒同一杯巨峰提子梳打。五花腩定食仍然都係咁好味，只係個醬無左芥辣醬，變左一個有薑味既粉，不過佢個壽喜燒真係令人相當之失望，一黎到，又無Gas爐，得一個鍋，個湯好咸，D 牛肉又淥到好韌，好唔值HK$110。巨峰提子梳打都OK好飲。下次再黎，一定唔會再叫壽喜燒。

成日經過大戶屋，今晚happy Friday 終於黎左食😋😍餐牌選擇好多，大多數都係定食。價錢由80至150左右。我叫左個牛排定食 價值$126蚊牛排係靚既 牛味好重😅😅但煎得太熟，不過佢有個牛肉汁，淋上牛排到好好食。佢既配菜有薯仔沙律，我平時都鍾意食薯仔，所以呢個好岩我口味😋👍🏻😋茶碗蒸係細細杯既，但入口非常滑，一入口就滑落喉嚨，好好味呀。成個set食埋個飯真係好飽架。😋😋下次會再試下其他定食

曾經大戶屋係我既飯堂，不過因為公司搬左之後，就好少幫趁。難得今晚係附近行街，一於重溫舊夢。入到黎，唔駛睇餐牌已經決定左叫豬腩肉set，我個人認為係佢既招牌菜五花腩係一層肉一層脂肪，食落好香口，但又唔會好油咁，再加上面輕輕灑上鹽，將豬肉既味道帶哂出黎。另外個薯蓉亦都好好味，最鐘意有d薯粒係中間增加口感友人就叫左個玉子豬扒，上菜果陣仲見到果汁係滾，非常熱辣辣塊豬扒一d都唔鞋口，但就嫌細塊左少少。同埋因爲已經有玉子，變相無左個茶碗蒸，所以，鐘意茶碗蒸既朋友要留意返。最後，以前儲落既分原來仲未過期，所以用黎換左個風味雞翼。炸得啱啱好，食果陣果皮仲係脆，無野比脆更重要，所以非常值得一試

我係荃新天地大戶屋點夜晚叫左兩份定食，點知第一份黎左之後，等左30分鐘d野都已經凍晒，第二份都未黎，追問第一次，佢話整緊，前後問左三個待應，追問兩次先肯話漏單，即係第一次係敷洐答啦，佢仲叫你食住沙律先,唔通佢只係以為我肚餓先問？想問客戶服務可以幾時回應，個侍應好寸甘講星期二先有返工，大戶屋曾經是我好中意食的餐廳之一，好食又性價比高坐得舒服。不過服務質素差左好多，估不到日本餐廳登陸香港搞成這樣。希望下次去其他分店不好再係甘。

餐廳地方寬敞，坐得好舒服! 食物方面就點左個大戶屋嘅招牌套餐，有炸牛肉薯蓉球，炸雞塊同煎蛋，另外跟沙律，麵豉湯，白飯同漬物... 本身個set嘅份量已經大(我覺得3個人分享2個餐都好夠)，味道亦十分好! 炸雞外皮脆口，雞肉有肉汁，牛肉薯蓉香口，牛肉碎嘅口感同薯蓉頗夾，煎蛋嘅蛋白邊做到微焦脆口，蛋黃呈流心狀，好味! 至於最好食嘅係朋友點嘅燒肉，好香好濃肉味，肥瘦適中，下次一定要點黎食!

在日本東京，很喜歡去大戶屋，因為D炸嘢好好味，又大碟。原來香港都有大戶屋，看到就當然要試，叫了三份定食，有菜，肉及燒。定食份量剛剛好，不太油、不太醎、及不太淡，所以每人都能吃清。個菜炒得super good，保持到菜的鮮味，牛肉炒得香，不會硬，又滑又有汁，串燒夠香，好似自己燒烤一樣💯，個steam egg 好正，滑嘟嘟，有蛋味🉐️，一定要提的，是沙律伴菜，夠新鮮，又乾淨，脆卜卜，D 米飯夠和風，想再添🉐️✌️，個燒冬茹🍄，味道超超鮮美，有茹汁文香味🥰雖然簡簡單單的三個定食，但仍想再去試✅

今日收工同朋友落荃灣行街🤪係朋友介紹之下黎左荃灣新天地搵食係門口睇左陣menu都發覺有好多選擇所以我地就決定入去試果然無揀錯重點係今日都唔洗排隊 2個人坐4個人既位🤫我地嗌左兩個定食和一個什錦串燒D什錦串燒D杏鮑菇偏乾身左d但好彩醬汁都算比較多翠玉瓜岩岩好 好爽口特別讚一讚蘑菇同秋葵好入味滑蛋燒雞飯經過朋友品嚐後佢就覺得同平時市面食到既就比較遜色左d主要原因係蛋味不算太濃郁幸好燒雞尚算嫩口中規中矩 以咁既價錢都算合格燒鹽麴熟成五花腩定食呢個真係值得一讚五花腩脂肪分佈平均，而且有陣焦香味配埋個薯蓉食真係超match🤪因為肉就偏鹹所以送飯我都覺得岩岩好每一啖都可以feel到肉汁四溢真係超滿足！！！

在日本旅行7天回來，仍對日菜依依不捨，雖然知道在香港除咗比一個好昂貴嘅價錢之外，你根本好難食到像日本新鮮的魚生及用心做的日菜，因為大部分已是流水作業式經營，中央處理煮法。朋友介紹在荃灣有間「大戶屋」質素還可以的日菜，比一般高檔少少。來到門口要拿票等兩張枱左右，老公被那menu 內的燒腩肉吸引，而我除了要有吞拿魚魚生和菜之外便足夠。呀仔只係比兒童餐嘅配套吸引，例如有小禮物係一支筆送。先上菜係吞拿魚腩碎飯加半熟蛋，而家左半熟蛋同埋啲豉油另選已經係 fusion 嘅做法。魚生算係新鮮，但係飯就比較硬，唔似日本米做，這裏失色了一點。跟住上雜菜份量以這個價錢都算多有啲日本汁伴食算開胃。呀仔嗰份兒童餐比較平凡。最驚喜要是那燒腩肉，皮脆肉嫩還帶點咸香！

和母親大人在大户屋吃個早晚飯，再到吉之島週三特價日買零食。在大户屋吃早飯有個好處，就是可以避開人潮，不用排隊等候。我們點了燒生薑醬油牛脷定食 配微辣味增醬（$115）及吉列熟成豬扒玉子鍋定食（$117），可能即點即煮的關鍵，點餐後等了20多分鐘兩份餐才陸續送到。燒生薑醬油牛脷定食：牛脷配以味增醬相當好吃，但過亦過韌；跟餐的蒸蛋很滑嫩；味噌湯不會過鹹👍🏻吉列熟成豬扒玉子鍋定食：吉列豬扒可能放在湯汁內太長時間，已不脆了；玉子明顯過熟；其餘配菜尚可👌🏻