大師傅粥品 (牛頭角道)

營業中

休息中

首先堂食，D甜醬係水到一個點，次次食炸兩D炸兩淋過你阿媽塊面 ，放喺出面嗰啲油炸鬼都係淋 ，全部畀啲唔新鮮嘅嘢人食，服務又差。外賣， 碗粥啲豬皮仲多嗰啲粥，碗入面D瘦肉難食到嘔，今日食碗艇仔粥，花生仲要爛，益到迷， 唔明點解佢哋可以上D垃圾比人食。食埋啲垃圾嘢，價錢又唔係特別平過人， 買套餐28蚊啲腸粉又少。 絕對唔會介紹任何人都呢間餐廳食飯，伏到冇得再伏， 仲要做得越嚟越差，我寧願食頹飯都唔會再去呢間粥店食嘢。

今晚屋企無煮飯，加上自己一個人食，胃口又麻麻，所以落街去食粥，去到粥鋪見到好多人，連搵個位都無，唯有買外賣返屋企。買左一碗艇仔粥，再加多個炒麵，兩樣加埋都唔駛四十蚊，真係相當抵食！艇仔粥份量好多，粥料好豐富，有肉丸、豬皮、魷魚、花生，本身個粥底已經有味，再加埋其他粥料一齊食，味道更加豐富，而個粥幾過差不多二十分鐘路程，返到屋企仍然熱，確實值得一讚。炒麵仲抵食，$11一大盒，食埋炒麵非常飽，但炒麵今次好似差左啲，偏咸，用來配番碗粥一齊食就好啲，唔係就真係麻麻。

叫“菜乾排⻣粥”，收銀會覆你“豬⻣粥”，你覆多一次“菜乾排⻣粥”，佢會再覆你“豬⻣粥”，你問“係咪一樣？”，佢會勁大聲喝你：“係呀，咪即係豬⻣粥囉”！！！！食物質素一般…

大師傅既粥係觀塘都無人不曉第一次食佢既魚片粥 真係幾特別下😂😂口感一流 其他粥都好綿好濃 吾會有口精味 但重食材味！ 完全係價廉物美！佢既腸粉都好大份！ 一個粥要出色真係好考功夫架！但佢做到🤙🏻

哩間大師傅都好多年架啦 一定有佢原因既！ 叫左豬紅粥！同蝦腸！ 佢個粥底好綿！ 豬紅好杰身！ 食落又吾係平時果隻味！ 偏淡小小！個粥都好大碗！蝦腸一定要叫！ 蝦又大粒又有咬口！ 條條又有蝦！ 物超所值！

平價足料艇仔粥（外賣HKD22）!!!!諗住清下腸胃食粥啦，不過最怕無咩料變咗食粥水。但係呢度嘅粥食過幾次，次次都超級足料。之前食開皮蛋瘦肉粥，今次就試艇仔粥，豬皮魷魚都好爽口；肉好滑；花生香；粥底綿；份量大大碗! CP值極高

喺牛頭角返工嘅我，最想每日都食一個極度豐富嘅早餐🤗☀️🍳🥐🍚🍲🍵！每星期實有一日朝頭早就會去到大師傅粥品買早餐外賣😌😌😋😋最飽肚嘅方法就莫過於叫一碟炒麵或者炒米粉再加新鮮即刻整嘅美味炸両！拎返工同同事share兩份食🤤🤤🤤🤤！每人都只係俾＄14就可以食到一個勁飽又勁正ga 早餐！🤣🤣🤣🤣🤣我要推介一下呢度ga 炸両，油炸鬼不停新鮮炸！炸両每次都係即叫即做，一定唔會淋晒！仲有平時lunch 都有時過嚟食，呢度嘅肉丸有大地魚落所以非常好食，又彈口！👍🏻👍🏻上次叫咗朱膶粥，啲豬膶好似豬扒咁厚，又大塊，但都係幾鮮嫩，好肉藏人仕可試下。😅😅😅總括，呢間粥品店平靚正又好食！😌

我哋呢日夜咗少少返到去，咁就去咗呢間大師傅度買少少外賣返去食。呢個炒麵嘅份量都幾多吓，每條麵條上面嘅豉油都算分佈得平均，入面仲有少少蔥花同芽菜，油份都冇話非常非常多尚可接受。牛脷酥外層就炸得香口同脆身，入面就鬆軟同埋有彈性，甜甜哋咁都唔錯。炸兩腸係用米漿腸粉皮包住油炸鬼嘅，啲醬料就係自己加，我哋加咗好多甜醬同白芝麻，食起上嚟就仲惹味。呢度啲嘢唔算係好特別，簡簡單單咁，不過係好在可以平平哋填飽個肚。

平時係粥店多數叫皮蛋瘦肉粥,今次第一次見到有菜乾豬骨粥,覺得好特別,所以點了一碗.當然叫埋我最愛既牛脷酥.菜乾豬骨粥:好多菜乾,煲到粥變了菜乾色.即時試一啖,嘩,粥很甜,亦有菜乾既香味.粥內仲有幾件小豬骨可以咬下.可能粥內有幾件豬骨,所以粥既份量少左,但反而適合胃口細既女士.唔錯.最正係佢地既油器,可能多人幫襯,周時就會有一堆新鮮既油器推出黎.所以佢地既油器可以咁香脆.今次叫了我最愛既牛脷酥,依然咁香.酥.脆.甜.推介.

在牛頭角、官塘之間尼－帶真係唔多粥店，朋友唔舒服想吃少油食物，就去光顧這裡了。超级多人只剩中間一張圓枱和近廚房好迫的三人位，我們坐在中間張枱無幾耐，阿姐就不斷游說我地坐入去好逼那枱，好煩下。生滾豬潤粥有成6,7塊厚厚豬潤，實在幾多！味道唔錯，但粥底不算結，男士應該未必夠食。炒米粉沒有什麼料，當然都係為左飽肚先至叫啦。但個底ｄ米粉乾左，又结埋－舊，真係唔好食。$11就算了。朋友食生滚牛肉粥、齋腸都唔錯。總結係食粥唔錯，其他就唔好有期望了。

炸兩腸粉滑，入面唔算好脆口都酥酥地，加埋甜醬，麻醬，辣醬，完美。第一次食既時候為之驚艷，因為豬膶夠厚又多，岩岩好熟，食落冇異味。但之後幾次點都有啲生，出血水，粥底調左味亦夠綿滑。

今晚大约9:30入去買外賣回家,点了艇仔粥加咸蛋,粥底ok,料亦算豐富,腸粉幼滑但醤汁ㄧ般,油炸鬼不是剛炸起,但都夠香脆,總數$45埋单,用後對食品及價錢都滿意,但.....

路過牛頭角道 見到間新派小小嘅粥店原本抱着一試心态 和女友走入去 叫了及底粥、炸兩、鲜牛粥、炒面 粥底杰且绵 配料入口感覺新鮮 炸兩皮軟油條很脆 炒面不過不失我會再回來食的 不錯

今晚平安夜同女朋友行完街，肚有D餓，我地就去左牛頭角“大師傅粥品”食宵夜，坐低一陣就有個好惡嘅服務員語氣好差咁問我地食乜，心稔呢D係乜野待客之道。其後我地就揾左另外一個服務員落單，我地就叫左碗黃沙豬潤粥，豬潤好新鮮，咬落好粉，粥底好綿;仲有鲩魚粥，鲩魚肉好新鮮，但有鱼鳞，粥底好靚，未有整理乾淨;還有碟葱花炸腸，好少有咁大碟，油炸鬼好脆，腸粉皮好薄，配埋甜醬食，簡直一流 整體食物質量可以，價格合理，但服務員態度太差，下次一定唔會再黎.

是日無胃口於是試試家附近的粥店買了油條及我至愛皮蛋瘦肉粥味道不過不失,但總不及另一間連鎖粥店特別係油條就見真張油條炸得唔夠脆外賣回家後已變稔亦唔香而粥雖夠綿滑但味道稍需改變可能是價錢高低吧大師傅的粥定價較低油條加粥30元不用合理不過我始終愛另一間的粥店此粥店還需要改善的地方特別油條下次再惠顧希望會有驚喜