大師傅粥品 (牛頭角道)

營業中

休息中

今晚ot 完係觀塘搵食，唔算好肚餓所以想搵啲平靚正嘅嘢食下。見到呢一間有生滾豬膶粥，唔係間間粥店有架！我都幾鍾意食豬膶，所以就坐低咗。💨小店格局，通常都係要搭枱，而衛生情況尚可。不過我張枱近門口位都幾熱呀。生滾豬膶粥只係$28 ，價格非常之抵！仲可以加錢加配料😳😳我加咗艇仔配料，埋都只係$32😛 粥比較細碗，其他枱大部份都有加油炸鬼或者炸兩之類，應該咁先夠飽？豬膶嚟到嘅時候滲緊少少血水，大家記得推佢落去粥入邊浸熟佢丫🥰 咁樣浸熟既豬膶非常嫩口，不過有少少腥味。艇仔配料就正正常常啦。粥底唔太濃，可能米比較少😂都係果句，咁嘅價錢咁嘅份量係正常👌🏻我收貨㗎😆😆😆下次食粥都可能會再揀佢，不過如果找附近更好嘅選擇我唔介意俾多啲錢試下

晏晝係牛頭角整完嘢突然想食炸兩，搵下附近有咩粥舖就搵到呢間都有幾多分店既大師傅～一點左右去到，仲驚lunch hour會好多人，好彩都唔駛等位～基本上唔識嘅人同一張枱店員都會安排塊板隔住👍我叫咗個白粥同埋香蔥炸兩 (好似好少見到其他粥店既炸兩係有得揀香蔥/蝦米，幾特別👏)白粥見到一粒粒嘅米，係我鍾意嘅濃稠度，唔會太稀又唔會太稠👍炸兩等左幾分鐘，腸粉皮唔算好厚，幾滑幾好食👍不過個炸兩就有啲乾同硬， 但係脆脆地既，似係翻炸左超過一次嘅口感，味道都算對得住呢個價錢嘅～呢度水準ok不過感覺幾乾淨同裝修新淨，係幾抵食既！見到隔離既生滾粥都好似唔錯，有機會可以再試下～(p.s.主要負責收銀果位員工態度幾悔氣，服務不太好)

抵食好味生滾粥超過一個月無幫襯大師傅，今日又想食粥，就去左呢度買lunch 😁。呢間粥店好受歡迎，選擇多，應該總有啱你嘅粥口味😉，當然仲有腸粉、油條⋯⋯今日order左艇仔粥，同我嘅至愛牛脷酥。佢都keep到之前嘅水準。碗粥好棉、唔會水汪汪。粥熱辣辣，要小心燙口喔😛。粥、餡料如碎牛、豬皮、魷魚、花生等份量都夠，不過今生花生唔香脆，有點失望，希望店主改善一下😃。好彩其他整體都ok。至於牛脷酥都依然香脆，大大件夠曬飽😁，口感唔錯呀。

今日想食粥，就諗起附近出名嘅大師傅。呢間粥店嘅款式有好多，又有腸粉類、油條類如牛脷酥、鹹煎餅等等，真係日日食都唔會悶，haha。粥類我最鍾意就係生滾牛肉粥同埋艇仔粥。今次我揀咗生滾牛肉🐂粥🫕配牛脷酥，鍾意粥好‘棉’，唔會水汪汪。最緊要外賣返黎仲熱辣辣🔥，要慢慢食小心熱親喔。佢嘅生滾牛肉新鮮嫰滑不在話下，仲要份量足夠架。😚至於個牛脷酥，大大件，鍾意佢唔會硬，邊脆脆地，有口感。🤩但係店舖環境就比較擠迫😬，疫情😷期間，外賣會好d。

環境衛生惡劣，毛巾有嗅味，醬料全是溝水，稀釋了！怎能食？職員見狀立即轉頭走了😭 由於疫情關係，兩位小朋友一張枱，有一位帶鄕音的職員嬸嬸還把其他食客食完的碟、食淨的餸和有鼻涕的紙巾放在我小朋友張枱面前，不止一次，每次執完枱都要放在我小朋友張枱上分類，再放入洗碗盤分類😡場面十分嘔心，小朋友講過不要放在他面前，嬸嬸的眼神十分恐怖，示意叫佢收聲😡我小朋友十分驚，還在我小朋友頭頂傾計，我仔回家嘔了！真怕被傳染！我要求了幾次，希望職員教導一下員工，和幫忙消毒枱面，很可惜她們都沒人願意做和改善！可惡😡

近來身體抱恙食野要就住就住，今晚去左外賣碗粥食加埋炸兩，結帳都只係四十蚊價錢算經濟，而外賣每樣野都要俾多一蚊。每次夜晚經過都見粥店內唔少食客幫襯，食客有老有嫩，天氣凍食碗粥暖暖地確係唔錯。店內環境一般光線充足，可望見廚房三位員工忙過不停。點了餐不到三分鐘就到效率幾高。菜乾豬骨粥 $22下火粥菜乾豬骨粥係一個好選擇，菜乾都幾多下，豬骨兩舊真係得骨無肉的，粥底唔算好棉但有味，味道唔錯。炸兩腸 $16份量唔少炸兩都有好多件，油炸鬼無油膉味仲少少脆，自行落埋豉油、麻醬、甜醬食完，簡單好味食完都幾飽。

腸胃不適想食碗粥，就會想起屋企附近依間大師傅粥店，不能說是最好味的一間，但同區內而言，除了另一間連鎖粥店外，想食粥已無其他店選擇。來這間食過好幾次，印象中該店最抵食係炒米/炒麵，都只係$11份量好多味道不錯，但食完炒米再食碗粥就會勁飽肚。今晚到來無揀到炒米，叫左碗粥和炸兩但依然勁飽，埋單$38都算抵。艇仔粥 ($22)粥是大大碗的粥料夠，有花生豬皮、魷魚鬚、肉碎，但粥底唔夠綿，粥有味不算難食，只能說一般，比早年開張時退步了，只知大師傅的靈魂早已跑了別店，不再用心再食不到綿綿的口感。炸兩腸 ($16)腸皮厚不算滑，份量多，油炸鬼唔脆，味度只能用醬汁任落搭夠。

喺大圍依個小小地方，想食粥冇乜選擇，只係得依家，佢大圍有兩間，市中心依間鋪頭細啲不過客人好快食完就走可能做開街坊生意，態度普通不過佢性價比OK，依個價錢，都算幾足料

今天買隻糭不要外賣盒照收一元，跟他理解不理會還說外賣就要收，（平時我自己帶盒就不收錢），為何不要外賣盒還要收費呢？難得膠袋要收費？這間店開業止今一直請服務員都是沒有笑容又差劣語氣，以後都不會再去。想收氣就去吧！

今日突然想食炸兩，知道要去粥舖先有得食，就搵下「附近餐廳」比我發現左哩間「大師傅粥品」，咁我就自己入左去食野。哩間粥舖價錢都幾抵下。炸兩$16蚊。我口痕叫多左個齌腸粉$11。炸兩味道比較麻麻。因為好似已經放左好耐。中間個油炸鬼好淋。個腸粉皮很普通沒有太多米漿味而且很糊口。腸粉也沒有什麼特別不值一提。我都知道此類小店沒有service可言。我想勞煩個姐姐幫手執抬（上一個客人的碗未執）佢個面色已經麻麻地好看，而且連抬都懶的抺。最後唯有我自己用紙巾抹乾淨。臨走想去個廁所問下有無洗手間又比個阿姐串係味唔識字。大佬呀個洗手間掛牌咁細個附近又咁亂又多雜物睇唔到有幾出奇。最後食到我一肚氣。以後就算有幾想食炸兩都唔會黎哩度！

老字號品牌粥麵店不乏捧場客，係牛頭角道這一條比較靜街有間大師傳粥麵經常要座無虚席，今晚路過見唔使等位順便試番碗，叫個魚腩粥，魚腩粥睇住師傅滾幾滾就即刻比我加上佢地個粥底其本熱辣辣座住所以成個粥好快就上枱~ 魚腩有鮮味, 連帶個鮮味都滲入個粥度, 增加粥嘅鮮甜味數一數魚腩居然俾足五大嚿魚腩！真驚喜。因為呢度係賣35蚊去尖沙咀啲粥擋食過成60蚊碗食過就知乜野叫做抵！整體個粥都幾清！應該都唔係味精粥, 係唔錯嘅.銀芽炒麵因為太少韮菜, 個炒麵望落唔夠色水～～芽菜都夠多補救番, 咬落都幾爽口, 另外味道偏淡, 要落多啲辣醬先得…都算合格.

近日食太多好西....要食返d清清地既野~點知出面熱....餐廳入面仲熱!!極微既冷氣....愈食愈熱.....愈想食快d早d走就更加熱上加熱~~~好少見既菜乾豬骨粥~好香菜乾味~有降火既感覺~但係肉體仲係好熱~體感溫度很高~我就吃鮮牛粥~大大片牛肉~仲要好多塊好足料~很滿意呢度d粥^.^再叫埋叉燒腸同咸粽子吃~叉燒腸就唔夠熱~但個豉油就好好味~咸粽就正常貨式~係鐘意個咸蛋黃~但唔鐘意咁多綠豆蓉~~總結:味道唔錯~但環境麻麻~好多野飛飛下~冷氣唔夠凍~冬天再黎食啦~~一流呀!

同事病倒了，唯有同佢一齊食粥。先唔講野食，講下環境先，店內好細，一張細圓枱已經坐5個人，枱與枱之間好逼，差d同後面背脊貼背脊，坐得唔舒服。服務呢，係無既，最基本落單，個侍應連行過黎寫單都懶，離遠係cashier 叫我地講啦，大聲講就得，就直接係cashier落單，其實都係幾步啫，環境又嘈，要鬥大聲，確實有d尷尬囉。好彩，食物係ok既，叫左個菜乾豬骨粥，材料係岩岩好，粥底又軟綿綿的，好夠味，下次要試下佢d生滾粥。驚唔夠飽所以叫多個炸両腸粉，無乜期望，所以無失望，腸粉都滑，但係裏耐既油炸鬼唔脆，扣晒分，好左，d醬汁係任落，岩晒我呢d重口味慘。平日我都好鐘意搵d平靚正既餐廳食飯，從來無要求有咩服務，平野係咁架啦，但係度食野真係坐得幾唔舒服，下次都係叫外賣算。。

冬天成日嚟食粥，但依家太熱喇，就食炒麵同第一次試嘅腸粉。炒麵(HKD11)冇影到，但唔知係咪夏天少人食，擺得耐，乾乾地.......但分量冇咩變。牛肉腸(HKD16)都算肥厚，不過入口粉皮唔滑，嚡咗啲。牛肉溝咗少量馬蹄，肉量ok。美咪指數：7/10抵食指數：6.5/10

這是一間簡單吃粥的店，一般碎牛，炸兩那種。吃粥，有時由不需要米芝蓮的靠得住，但普通級的海皇又貴又越來越難吃，剩下的街坊店好吃像樣的很少很少，所以我現在很少吃粥了。今天胃口不太好路過此處便入內試試。叫了碎牛粥和腸粉。粥方面，份量十足。粥底夠身厚算是杰。雖然不是有干貝排骨的鮮味，但已比眾多粥店好。另外份量也十分足夠。腸粉不過不失，雖然不是皮薄，但不失為滑溜新鮮，是中上之作。一定會以後再多多來光顧支持。