影片
更多
2024-06-24
600 瀏覽
兩個人去食中午，叫咗瘦肉粥，魚片粥同埋一碟牛肉腸首先，望落個環境都幾暗，地下有唔少垃圾未掃。個第一印象已經麻麻，但係心諗，橫掂都嚟到啦，照食，或者啲嘢食唔差呢，如果唔得咪無下次。點知，我發現我真的徹徹底底錯了，佢跟住落嚟上枱啲食物真係顛覆我想像。瘦肉粥，係雖然個碗入面有好多瘦肉，但係全部都好鹹，應該全部都係用啲火腩燒肉去做，一啲鹹瘦肉都冇，碗粥鹹到頂唔順，從來未食過啲咁鹹嘅瘦肉粥㗎。魚片粥，呢個仲正，碗粥一上枱，攞隻匙羹一撈上嚟舊魚片係生嘅，唔係唔熟咁簡單，係全生，紅色㗎。我估計佢係啲粥滾咗，直接掉幾舊生魚肉落去，滾多兩下都費事，就直接上枱。唔食到肚痾算好彩。牛肉腸，呢個好快上，一叫，唔使1分鐘就上枱，我心諗，腸粉都要蒸，起碼都三幾分鐘先搞掂啦，使唔使咁快啊？食咗一啖，啲腸粉凍㗎，仲有入邊啲牛肉係生牛肉咁，係紅色，我覺得佢係未熟嘅，我唔敢博，我叫佢換過一碟俾我，個樓面話，幫我蒸多陣，我心諗，算啦，都唔會有下次啦，費事搞咁多嘢，萬一你響我碟嘢加料咪仲弊。碟牛腸返蒸完，出返嚟，係熱嘅，但係個質感就當然冇第一次整咁正常，不過呢個唔係重點，重點係我發現上面多咗一隻昆蟲，有一隻死蚊響碟腸粉上面，
首先，望落個環境都幾暗，地下有唔少垃圾未掃。
個第一印象已經麻麻，但係心諗，橫掂都嚟到啦，照食，或者啲嘢食唔差呢，如果唔得咪無下次。點知，我發現我真的徹徹底底錯了，佢跟住落嚟上枱啲食物真係顛覆我想像。
瘦肉粥，係雖然個碗入面有好多瘦肉，但係全部都好鹹，應該全部都係用啲火腩燒肉去做，一啲鹹瘦肉都冇，碗粥鹹到頂唔順，從來未食過啲咁鹹嘅瘦肉粥㗎。
魚片粥，呢個仲正，碗粥一上枱，攞隻匙羹一撈上嚟舊魚片係生嘅，唔係唔熟咁簡單，係全生，紅色㗎。我估計佢係啲粥滾咗，直接掉幾舊生魚肉落去，滾多兩下都費事，就直接上枱。唔食到肚痾算好彩。
牛肉腸，呢個好快上，一叫，唔使1分鐘就上枱，我心諗，腸粉都要蒸，起碼都三幾分鐘先搞掂啦，使唔使咁快啊？食咗一啖，啲腸粉凍㗎，仲有入邊啲牛肉係生牛肉咁，係紅色，我覺得佢係未熟嘅，我唔敢博，我叫佢換過一碟俾我，個樓面話，幫我蒸多陣，我心諗，算啦，都唔會有下次啦，費事搞咁多嘢，萬一你響我碟嘢加料咪仲弊。碟牛腸返蒸完，出返嚟，係熱嘅，但係個質感就當然冇第一次整咁正常，不過呢個唔係重點，重點係我發現上面多咗一隻昆蟲，有一隻死蚊響碟腸粉上面，咁我就要求換過第二碟，我不如穩陣啲，轉蝦米腸算啦。佢碟蝦米腸當然又係好快喺1分鐘之內就上碟，我夾起一食，真係想講粗口，又係凍嘅，我幫襯咁多間粥舖，未試過有一間啲腸粉上枱係凍㗎。佢仲要啲豉油已經變酸，根本就係一早整定，豉油一早落定，擺咗好耐，當有客order就即刻攞出嚟。連腸粉呢啲上枱時候係要熱嘅最低要求都可以做到咁樣，間嘢到而家都未執笠，都算係一個奇蹟。
總結就係，永無下次，執到錢都唔會幫襯啦。呢間嘢要執笠個老細真係多得啲夥計。
張貼
