大師傅粥品 (牛頭角道)

營業中

休息中

今晚屋企無煮飯，加上自己一個人食，胃口又麻麻，所以落街去食粥，去到粥鋪見到好多人，連搵個位都無，唯有買外賣返屋企。買左一碗艇仔粥，再加多個炒麵，兩樣加埋都唔駛四十蚊，真係相當抵食！艇仔粥份量好多，粥料好豐富，有肉丸、豬皮、魷魚、花生，本身個粥底已經有味，再加埋其他粥料一齊食，味道更加豐富，而個粥幾過差不多二十分鐘路程，返到屋企仍然熱，確實值得一讚。炒麵仲抵食，$11一大盒，食埋炒麵非常飽，但炒麵今次好似差左啲，偏咸，用來配番碗粥一齊食就好啲，唔係就真係麻麻。