大山日本料理

營業中

休息中

好耐無去日本,真係好掛住日本嘅味道,所以搵到呢間餐廳首先試咗佢哋嘅照燒雞排定食,雞肉好鮮嫩多汁,表皮酥脆得恰到好處,配上咁好味嘅醬汁,好正!三色魚生飯,飯底系經典嘅日式醋飯,上面擺滿咗新鮮嘅吞拿魚、三文魚同油甘魚,配上可以淨化口腔嘅甜蛋,感受到日本料理嘅細緻同用心兩個餐都有甜品、湯、沙律,餐具擺盤都好靚,坐得幾舒服,食得滿足無論你係日本料理愛好者定係普通食客,呢間餐廳絕對值得一試,而身為日本料理愛好者,我下次一定會再嚟試其他野食

有行開潮特/家樂坊附近既一定對依間餐廳唔陌生🙂‍↕️大大個logo～好似東京街頭啲餐廳招牌咁🤣係入面坐低望返出去既風景都好有feel～餐廳既裝修都好日式真係可以當自己去左轉日本咁如果19:15前落單仲有壽司刺身優惠添啊🥹可惜我今次遲左入座～唯有bookmark住個優惠下次再黎除左單點既野食都有set 岩哂選擇困難症既人🤣不過我今次就貪心啲想試多啲野～一於每樣試少少啦左：牛油果軟殼蟹卷$78每件都大大件 份量勁足新鮮牛油果加上新鮮即炸軟殼蟹 口感好夾😍右：現燒火炙薄燒A5和牛壽司$78本身一上枱嗰時我仲諗緊舊飯係邊🤣舊牛真係大到好誇張～仲要入口即溶好Juicy😍（富山縣產）白蝦天婦羅 $58估唔到香港都食到白蝦😍😍神級還原富山縣既鮮味！！送酒一流～右：照燒雞肉串 $28左：塩燒雞皮串 $28串燒類都好出色🤤燒得岩岩好～外脆內juicy三文魚明太子串 $38估唔到明太子同三文魚又幾夾🤤鐘意明太子既一定要試試

今晚八點到了這餐廳食飯，點了一個炸蠔壽司，壽喜燒鍋，幾件壽司，一個燒魷魚，及一個蟹籽沙律。上菜很快，但當食的時候就發現問題了。首先，炸蠔很腥，連那些壽司飯也大有一點腥味，叫了四件，最後只剩了兩件就吃不下了。之後壽喜燒鍋入邊的故事酸的，我馬上吐了出來，及這個壽喜燒鍋來有兩塊菜是苦的，我估計應該用了不太新鮮的食材。請餐飯最不愉快的地方是在臨埋單時，我向酒樓的經理反映這些問題，但那經理只是開「哦」一聲之後就沒有再跟進，這個付款後離開。今次是第一次在這間餐廳用膳，也是最後一次了。這餐飯吃了$400 ，但如果論服務水平及食物質素，我認為絕對不值得這個價。

今日係旺角食咗一間幾抵食嘅日本餐廳，位置就係兆萬對面。搭電梯上2樓都係居酒屋嘅佈置，近窗邊仲可以望到西洋菜南街添。食物都好多元化，拉麵、串燒、炸物、鍋物、刺身、壽司乜都有。見佢有特價小食就叫咗一客吉列廣島蠔壽司伴芝土黑松露醬，兩件都係$18。吉列蠔渣都好鬼脆，芝士黑松露醬個味濃就冚咗蠔嘅腥味，仲要上邊熱辣辣即叫即整。另外佢啲雜錦刺身飯，都係做緊大約$88 呢啲價位，都真心幾平。叫咗杯啤酒飲，除咗雜錦天婦羅送酒之外，燒三文魚皮都好鬼正，魚皮脆卜卜，下便有連埋少少魚肉，鹹鹹香香。如果飲酒一定要試。

鰻魚炒飯:這家餐廳的鰻魚炒飯絕對是必點的佳餚。米飯煮得恰到好處,每粒米飯都分明且鬆軟。不過,真正的亮點是鰻魚 - 它被烹煮至外層酥脆,內部卻仍然鮮嫩多汁。各種風味融合得恰到好處,鰻魚的微甜味與米飯的鹹香微燒味相得益彰。灑上香蔥,淋上美味的醬汁,這道菜就成了一種升華版的comfort food。辛辣豚肉拉麵:這家餐廳的辛辣豚肉拉麵是一次味蕾的爆發式體驗。高湯濃郁醇厚,飽含鮮味 - 這種湯頭會讓你從內心深處感到溫暖。豬肉軟嫩如絲,幾乎化在口中,表面微焦的邊緣更增添了層次感。但最讓人難忘的是辛辣程度 - 剛好夠辣,辣味漸進,卻從不讓人感到overwhelming。炙燒和牛壽司: 每一塊上等的和牛都經過細緻的炙燒,外層形成了精緻的焦香,內裏卻保持著化在口中的絲滑感。米飯煮得恰到好處,恰好能夠平衡和牛的肥美。不過,這款壽司最讓人驚艷的,是細緻入微的擺盤。

📍大山日本料理 (旺角)樓下有位姐姐派緊傳單，諗唔到食咩就上去試一試啦❣️明太子雞翼 ($48)呢個唔係到到都食到，我覺得明太子同雞肉呢個配撘幾夾又唔會話好咸❣️海膽壽司❣️炙燒薄片A5和牛壽司🍣 ($78)呢個炙燒偏向生啲嘅，我就鐘意食炙燒唔會好韌，但唔食生嘅朋友就要注意一下❣️逢星期二北海道札幌生啤買1送1在場好多人都係咁叫啤酒串燒🤣❣️炸雞軟骨粒 ($48)呢個份量cp值好高，又脆香，每次食日本野都要叫呢個食😼愈簡單就唔係度度都好食❣️鐵板薄切牛舌蒜蓉炒香晒再加埋薄牛舌🥰好食❣️蟹籽海膽炒飯 ($128)炒飯上面好多蟹籽，啲海膽除左面頭個啲，炒飯都夾雜住啲海膽炒飯炒到粒粒都有色分明、都好夠味❣️off menu choice日本岩手直送雞拼盤- 雞皮，雞腎，雞肝，雞肉見menu仲有麵類選擇，下次可以一試

大山日本料理旺角西洋菜南街2W-2X號2樓家樂坊對面坐 卡位可以望到樓下繁忙嘅西洋菜南街位置的確優勝 居酒屋設計坦白講，可能因為租金問題價錢會貴少少不過見佢依家做緊優惠，同埋大割引之後嘅價格都幾吸引 現燒火炙薄燒A5和牛壽司$78薄薄一塊半生熟和牛 油分非常豐富火槍燒一燒 A5和牛嘅油脂出晒嚟捲着細細舊飯一齊食 入口即溶係幾貴 不過話晒A5蟹籽沙律$68都幾大份 醬汁會偏多 如果想少啲記得提早少少講聲作為前菜開胃一流蟹籽海膽炒飯 $128生海膽嘅鮮味 撈入去熱辣辣嘅炒飯入面同蟹籽幾match 蛋花均勻 另外加少量肉碎一齊炒 更顯入味

就在兆萬中心對面的商廈二樓，商廈入口很小，食客們需要仔細尋找下。進入店內，規整有序，濃濃的日式居酒屋氛圍感。！點了招牌現燒火炙薄燒A5和牛壽司，十分新鮮高質的和牛，入口即化。一大塊薄肉配上小口米飯，相得益彰！牛油果壽司卷，同樣令人印象深刻，牛油果明顯是新鮮現切，且選擇熟度剛剛好，配上裡面炸物，滑軟和爽脆對比得很妙。鰻魚炒飯味道也很香，唯一遺憾就是鰻魚粒可以再多些。炒雜菜也是很考驗居酒屋用心與否的一道料理，大山沒有讓人失望，雜菜爽脆可口，料汁濃淡也晏晏好。

今次喺吉之島買完嘢，見落雨就去咗隔離一間日本餐廳食飯，喺餐廳樓下見到佢哋有海報買唔同嘅優惠，見到幾抵食，所以就上咗去，大約係七點，但係其實已經差唔多一半滿座，餐廳用QR code點單，侍應都非常之有禮貌。位置都算係闊落。我叫咗現燒火炙薄燒A5和牛壽司，極尚北海道帶子丼，雜錦天婦羅同鹽燒厚切牛舌串。先上菜嘅係和牛壽司，一上枱已經聞到好香嘅和牛味，和牛色澤鮮嫩，亦都好夠大塊，足以包住舊飯再蹺幾個圈，和牛燒到三成熟左右，上面配上燒汁，蔥等等。牛肉亦都係邊邊見到有烤過嘅痕跡，咬落去非常嫩滑，好夠油潤，有入口即溶嘅感覺，咬落無筋好易入口，壽司飯有足夠醋飯，亦都唔會有冰鮮嘅味道。不過建議燒汁可以再落少啲，咁就可以更加享受到牛嘅鮮味。之後到丼飯，入邊有三文魚子，蝦，玉子燒，三文魚同帶子。三文魚厚薄適中，食落去唔會起筋。帶子亦都非常之厚肉，蝦就好大隻，兩者都有嗰種鮮甜嘅味道。三文魚子份量充足，食落去唔會有嗰種魚腥味，撈飯就一流啦。值得一讚係丼飯嘅飯係有微暖，食落去好舒服。玉子燒係最好食嘅，好夠柔軟，唔會話係硬梆梆。佢附送嘅麵豉湯亦都有相對嘅質素，係有用心去煲嘅，入邊有紅蘿蔔，海帶，豆腐同三文魚肉，令到

睇到open rice 廣告有折去試星期日7:15pm 前落單只是正價刺身、壽司有折其他都無（而正價選擇唔多）全場得2台客叫左刺身最差最差是個刺身（顏色暗）吞拿魚、生文魚仲要未溶雪唔知食緊咩手打烏東ok冷麵一般壽司非常細件未見過咁質素的帶子壽司海膽壽司免強可以其他全部差仲打左折都唔平總體感覺是差浪費我時間懷疑香港D日本料理都是咁一般食物無意慾影相顏色暗貌相差埋單700我仲要突登搵路行黎浪費哂我時間我不如在樓下食碗麵好過

今日放工約咗朋友食飯 relax 下我想食日本野 就搵到呢間係旺角 嘅 大山日本料理 位置都好方便 就係係兆萬對面 以前watsons 個位 搭lift 上去一開門就見到呢張cert, 朋友就話 咁一定要試試和牛！ 裝修都好用心！ 好靚 位置都坐得舒服 食物真係好多野揀 厚厚一本menu 最後我地嗌咗4樣野食 1. 現燒火炙薄燒A5和牛壽司（$78)強烈推薦！塊和牛燒完之後好香，再加埋d 蔥同汁好正好juicy 和牛入口即溶！ 2. 炸雞軟骨粒（$48)雞軟骨炸得好香脆 唔洗點醬都已經好夠味同埋 份量都夠！3. 牛肉壽喜鍋（$58)性價比好高！雖然只係58蚊，但好足料除咗牛肉，仲有蛋，菇，菜，豆腐個湯都好甜 正4. 鰻魚炒飯 ($98)個飯炒到好香， d 鰻魚粒同d 飯完美溶合！ 再加埋d 饅魚汁 令人食完一碗又一碗 總結： 食嘅果日係平日，都見好多人去幫襯 因為位置+ 價錢+ 食物質素 各方面都好好又多野揀！

有 life 直達2/F, 唔洗行樓梯，地點方便，有質素既日本料理，種類都幾多，由刺身，壽司，炸物，拉麵，串燒都有水準可以再食😋，今晚未滿客，服務員還可勤快👍，還有各類優惠

見到佢環境成個日本居酒屋咁價錢仲好抵食 即刻去試😍•現燒火炙薄燒A5和牛壽司🥩和牛超大塊 仲大過隻手掌🫢食落去充滿油脂感肉質軟嫩 入口即溶加上醬汁非常惹味搭配埋壽司飯 絕配🤤•甜蝦刺身（4隻）🦐蝦肉晶瑩剔透味道鮮甜•德島雞皮餃子🥟日本居酒屋常見熱門小吃以雞皮取代傳統餃子皮炸後外皮金黃酥脆 雞皮油香十足 餡料亦都好飽滿 軟嫩多汁•三文魚飯🍣面頭有8大片三文魚 三文魚好新鮮飯粒飽滿有口感 飯量好多 男仔都一定夠食附送嘅味噌湯有驚喜🥣有三文魚 白蘿蔔 紅蘿蔔 蕃茄同豆腐非常足料！味道清甜•而家壽司刺身仲做緊85折‼️（ 正價食品7:15p.m.前落單

所有食品味道也不錯，尤其是明太子雞翼，A4牛壽司，炙燒左口魚壽司，雞皮餃子。生蠔可以不肉試。母親節媽媽覺得味道偏濃一點，我哋後生就覺得可以。食物上菜速度快，所有店員服務都好有善，冷氣充足，地點方面更是冇得輸，有心的食店。

大家好今日去了位於旺角西洋菜南街既大山日本料理食飯這間店之前都已經來過幾次這間餐廳在2樓可以坐Lift 到達入到去環境都係日本風今次首先叫了一個店員介紹既現燒火炙薄燒A5和牛壽司和牛其實都好大塊可能係A5既關係 食落去都好有油脂感個燒汁有D似壽喜燒汁既味道都幾惹味跟住就係點番兩個海鮮丼第一個係角切魚生飯這個飯單點係$78 比較抵食己經包左沙律 面豉湯 同一個泡芙好多唔同既魚生切左粒好方便食用這裏既醋飯無寫係咪用日本米但都係粒粒分明也唔會太酸同太黏既質量都算幾好另一個係特盛海鮮丼 這個比角切魚生飯貴十蚊用料更加足料有三文魚 吞拿魚 魷魚 甜蝦 北寄貝 蟹籽等等加埋D清瓜同蟹柳粒一齊食好清爽食完兩個丼飯 再叫多個北海道芝士蛋糕做甜品就岩岩好了