大山日本料理

營業中

休息中

海鮮沙律（$88）：有大蝦、蟹籽、蟹棒、三文魚等刺身粒粒。沙律菜份量都唔少，健康之選。刺身拼盤（$248）：赤蝦都幾大隻，吞拿魚、三文魚同油甘魚都係厚切，算抵食。鰻魚卷（$68）：蒲燒鰻魚一定唔會唔好食。飯卷內有青瓜雞蛋同蟹柳，幾多料。左口魚邊壽司（$18）：魚油豐富甘香，好味👍🏻火炙薄燒A5和牛壽司（$78）：和牛都幾大塊，火炙程度剛好，肉質柔軟，脂肪唔算多，食落唔油膩👍🏻鹽燒厚切牛舌（$38）：鹽燒但唔會過咸，調味同厚薄都適中，冇燒過頭，牛舌juicy 唔韌。牛肉壽喜燒鍋（$58）：雖然唔係檯上即時煮，但壽喜燒湯汁嘅餘温又令到牛肉生熟程度剛好。牛肉同蔬菜份量ok，味道唔錯。菜式選擇有好多，由刺身壽司拉麵到串燒壽喜燒都有。冇限時幾啱一班朋友share 野食，傾計吹水。

餐廳原來幾方便，雖然係樓上，但容易揾火炙燒類壽司做得啱啱好，有時有啲舖頭火炙，一係燒過龍，一係燒得唔夠，油香唔夠出。呢度算做得唔錯，油香味好足夠，又冇話燒到熟到爛開。串燒試左一串牛舌，夠厚夠juice ，都唔錯，因為叫左唔同的菜，有啲飽，下次可以試吓叫其他，應該都唔錯。刺身拼盤正常發揮，融雪乾淨冇咩雪藏味，油甘魚，三文魚腩位，冇得輸，仲有牡丹蝦，都幾鮮甜。海膽嘅話有少許失色，建議大家加少少錢，換加拿大海膽可能會好食之後叫咗個鰻魚卷，正正常常不過不失，起碼鰻魚無碎骨，如果中間個蛋變做忌廉芝士會更好食！😂牛肉壽喜燒大大煲好足料，58蚊黎講足料6-7片 ，又唔會咬唔開，又唔會太多肥肉，湯底都係鰹魚湯溝醬油，個人覺得依個價值呀！最後係炙燒A5和牛壽司正到爆必叫，超好味！餐牌其實有好多款食物揀下次會想encore

現燒火炙薄燒A5和牛壽司（1件） $78食日本嘢梗係要用壽司做頭盤啦🤣 呢件即燒和牛壽司大到我哋兩個人share都啱啱好🤣 可以一齊一啖食哂 如果唔係一個人一定冇可能一啖咬晒落去😂 因為超級大件🫢🫢 a五和牛超大件 上面落咗照燒汁 再用火槍即燒 好好味！ 火炙黑豚肉拉麵 $78當我喺炸豬扒拉麵同黑豚肉拉麵掙扎之中 我最後都係揀咗火炙黑豚肉拉麵🤣 因為日式叉燒唔係咁易整 睇一間餐廳既水準可以由佢個叉燒睇得出！ 總共有三片黑豚肉叉燒 超香既炙燒味！ 1 d都唔hea ! 滿意 高性價比牛肉壽喜鍋 $58性價比之選👑 有大量嘅牛肉同埋配菜 免頭仲有隻半生既鵪鶉蛋❤️ 雖然壽喜燒汁嘅味道比較淡 但係對於有少少唔舒服既我 岩岩好鰻魚炒飯 $98鰻魚有少失望 相比起其他菜式就有少少失色 不過可能因為我哋期望有啲高🤣🤣 其實食落味道都不錯 份量都好大份 同埋都有好多鰻魚喺入面 唔hea!

今日行開旺角去咗呢間日本餐廳食晚餐今次嗌嘅嘢食比較多😂壽司就我揀咗現燒火炙薄燒A5和牛壽司同加州卷🤤小食就揀咗日本番薯天婦羅主食就揀鍋仔手打烏冬（豚骨湯）呢間餐廳環境唔錯裝修好有日本風味👍🏻A5和牛壽司味道唔錯 和牛份量充足👍🏻和牛上面鋪滿蔥花而且和牛嘅表面有炙燒過 所以和牛係半生熟味道好香 口感好好🤤加州卷嘅味道好好👍🏻上面鋪滿沙律醬每一啖都可以食到沙律醬日本番薯天婦羅唔錯🤤番薯本身味道好甜👍🏻就算唔點醬汁都好好食最後食嘅係鍋仔手打烏冬烏冬嘅口感好彈牙👍🏻湯底係豚骨湯 味道唔錯 好香而且唔會好鹹比錢嗰陣見到佢哋餐廳仲有張A5和牛證書👍🏻唔怪得知店員推薦我食現燒火炙薄燒A5和牛壽司☺️

星期六一個人食飯，冇意申發現一間隱世居酒屋！三文魚壽司新鮮！日本串燒好食！飲酒氣氛一流！刺身ok！有北海道札幌啤酒特價，不過要星期一至星期二先有。侍應生服務都o k

海膽刺身（細板） $78餐牌上另外仲可以嗌（大板） $148蒲燒鰻魚飯 $98厚切鰻魚! 無骨, 肉質軟淋 , 蒲燒汁香濃, 撈蛋絲珍珠米飯啱晒啦!!鹽燒厚切牛舌串 $38店員推介話好多食客都對牛舌讚口不絕 , 好! 就嗌碟來試試佢! 確實幾好! 一來燒得油潤唔乾 , 二來牛舌肉質咬落好嫩又爽脆! $38 咋！好抵食！高質！A5和牛串燒 $58濃郁牛味! 有牛香! 肉質口感有嚼勁*～**～**～*～**～**～*～**～**～*～**～💌地址：大山日本料理 (旺角)旺角西洋菜南街2W-2X號2樓*～**～**～*～**～**～*～**～**～*～**～

想用app叫個餐,但app上找不到想叫的野食。問一問男服務員，態度好差，好唔情願咁。間野 野食係不錯，員工服務態度（某一男員工） 真係唔掂。。。如果唔想受氣。就唔好黎了。

搵唔到想叫嘅定食，叫服務員過嚟好耐先有人應(啲服務員故意扮睇唔到)，嚟到仲要好唔耐煩個樣😅叫我自己再搵下先同時比個黑面我。可能我專登同你食飯得罪咗佢，放假真係好唔想同人爭執，睇嚟要避上大陸🤣

平時喺旺角搵食最大苦惱就係要搵一間方便，又要坐得舒服既餐廳（當然好食都重要）。今次見Openrice 話菜街個邊有間叫大山日本料理唔錯又舒服，緊係要試下啦！🔸角切魚生飯：份量好足！有齊各款魚生包括三文魚、吞拿魚、蟹柳、鯛魚及蟹籽，仲有玉子。刺身都好鮮甜，吞拿魚唔會有筋，玉子甜甜地，非常好食😋🔸牛肉壽喜燒配珍珠米：壽喜燒湯底幾濃，但又唔會好鹹，配埋牛肉撈飯，一流！牛肉肉質幾嫩，牛味都重。🔸磯燒鮑魚及蟹籽魷魚刺身：鮑魚大大隻又新鮮！店家亦都好細心，預先將鮑魚切開一半，方便大家食。至於，魷魚一樣新鮮，又爽口，好岩炎炎夏日食！最後值得一讚係店鋪裝潢風格好有日本feel，店員又好nice，值得大家一試！

今日同朋友出旺角玩，行到兆萬肚餓，上左黎呢間食（係兆萬對面搭lift上2層），到去坐喺卡位望住出邊繁忙街道非常舒適，叫左個豐富的dinner😆😆現燒火炙薄燒A5和牛壽司 $78🐂🍣🤤：A5和牛真的不要太好食🙈🙈，佢燒到有d位微焦香，佢唔加上大量醬汁都已經極品😍 A5肉質十分嫩軟，入口即化。剛上桌時和牛仲散發著誘人的油花香。入口肉質的鮮嫩和舌尖上融化的感覺簡直是絕妙的享受😍😍 佢仲要好大塊肉，分左好幾次食d肉，可以單獨品嚐😋 然後再搭配上壽司飯、配料同醬汁，味道更加豐富，強推！！！💪🏻💪🏻💪🏻角切魚生飯 $78🐟🍚😍：魚肉新鮮，刺身種類都唔少，有三文魚、劍魚、吞拿魚、八爪魚、希靈魚… 三文魚同劍魚油脂同肉質都幾好，味道齒間留香😆 希靈魚的味道都好似比出面的更為濃一d。飯粒軟糯不易散，醋味合度火炙黑豚肉拉麵 $78🐷🍜😆2塊大大塊幾厚的黑豚叉燒，油脂分配比例好好，肉質口感唔係個d煮到干／老的咁，但同時味道好足👍🏻 湯底正正常常，但個🥚同拉麵都好高質👍🏻 蛋好入味，裡面熟度剛剛好，拉麵彈口唔會焾同時本身有d拉麵本身的味👍🏻牛肉壽喜鍋 $58🐂🫕👍🏻：我好鍾意食壽喜燒，呢間價值合理😆 性價比都

旺角是香港🇭🇰美食的聚集区，其中日本料理又是这里最出色素质的餐饮的代表～今日周五，得闲来旺角逛逛，看到在烟厂街旁边有一家日料人气好旺，于是便来试一试～ 这间店叫「大山日本料理」，店铺里的装修就很和风style，经理和店员都非常热情！作为食肉兽，决定尝一尝他们家的一些日式料理！ 🐮A5和牛寿司 绝对的看家招牌，牛肉的品质真心一级棒！上面的酱汁也调的非常好吃！寿司的米质也超好！ 🥩秘制牛扒 用的是上好的西冷牛扒，牛味十足，味道鲜嫩！吃起来爽口不弹牙！配上蘸料真的一个大满足！ 🍔照烧鸡扒 没想到鸡扒也可以做的这么好吃！份量也超足，强烈推荐！

太耐無食 Sushi 🍣 於是同老婆食左個late-lunch。我們係大山日本料理⛰️食左呢幾款，現燒火炙薄燒A5和牛壽司（1件）和牛薄片都幾大塊，熟成是半生熟～ 有地方燒過，但都有地方算係未燒到、有種sashmi 的感覺。如果中意原味啲，叫少醬都得。鵝肝壽司😍 好中意，有少少焦糖甜味，零舍好食。鹽燒厚切牛舌串（1串）佢每間日本餐廳都會叫的必食。咁呢度都冇令我失望，入口嘅溫度都幾熱。加埋檸檬汁，惹味、彈牙。玉子壽司純粹個人特別中意食玉子紀念下原條海鰻壽司醬燒的海鰻鋪在壽司上，好長，我用手機度咗影低紀念下，原來有成22cm。磯煮鮑魚壽司磯煮鮑魚的味道濃度都適中，肉質彈牙，有少少微甜的味道。

同朋友係旺角行街，想食日本野，係樓下睇緊Menu時諗住上去，店員見我地睇緊，主動帶路🤣🤣終是就上左去食特盛海鮮丼飯魚生好新鮮，冇腥味，隻蝦好甜好爽口，將蟹籽撈勻，每啖都食到蟹籽嘅口感👍🏻丼飯都煮得唔錯，唔會太酸而且粒粒分明火炙和牛壽司和牛入口即溶十分嫩滑，配上鹹鹹甜甜嘅醬汁，食完一件會覺得唔夠喉泡菜豚肉鍋非常足料，泡菜味好濃，蔬菜量亦好夠，豚肉係比較肥嘅五花肉薄片，但食落都唔會太油膩，湯底偏鹹少少，如果配飯食就剛剛好

同朋友係旺角東行一陣，一路傾計，慢慢行到去油麻地附近。就搵下有咩好野食，見到呢間鋪既選擇都幾多，而且價錢合理，所以決定試下🤗🟠現燒火炙薄燒A5和牛壽司（$78/1件）呢件和牛壽司上枱好有氣勢，一件長長既和牛鋪係面。和牛一食入口肉味好濃，油脂分佈平均，好有油脂既香味，但又唔會好膩個種，肉質仲好嫩🤤個細汁少少甜甜地，就咁食都已經非常美味😽職員仲好細心叫我地唔要快d進食，因為岩岩整好既時候係最好味🟡鰻魚卷（$68）一碟6件既鰻魚卷，每件既鰻魚都幾大塊，而且鰻魚入口既質感好好👍🏻🟢特盛海鮮丼（$88）海鮮丼有多種刺身係入面，件件都好新鮮，而且夠哂大份，2個人齊齊share都得😝🔵豚肉泡菜鍋（$58）泡菜鍋嘅材料豐富，有唔同嘅蔬菜、豆腐、泡菜同豚肉，份量亦唔少。而且個人好中意佢既辣度，少少辣夠惹味，但又唔會辣到食得太辛苦🙈環境方面：餐廳裝修幾有日本嘅氛圍，燈光同環境都好舒適，適合同朋友慢慢傾偈🤠服務方面：餐廳職員反應好快又有禮貌而且夠貼心。另外，亦好欣賞餐廳既壽司上枱時，個碟仲係和暖既🥰地址：旺角西洋菜南街2W-2X號2樓

旺角食肆仲多，今日來吃一間樓上日式料理，午餐。我分別叫了以下食物和飲品。1. 辛辣黑豚肉拉麵：這碗辛辣黑豚肉拉麵是大山日本料理的招牌之一。拉麵的麵條煮得剛剛好，有嚼勁，湯頭濃郁而帶有微辣的味道，讓人回味無窮。豚肉則是用特製的調味料燉煮而成，肉質鮮嫩多汁，入口即化。配菜方面，青蔥和木耳增添了口感的層次，整體來說是一碗非常滿足的拉麵。2. 豬軟骨拉麵：這碗豬軟骨拉麵的湯頭清爽而不油膩，帶有淡淡的豬骨風味。豬軟骨經過燉煮後變得軟嫩，入口即化，配上細緻的拉麵，每一口都充滿著滿滿的滿足感。湯頭中的蔬菜也增添了口感和營養價值。3. 三文魚壽司：這道三文魚壽司是用新鮮的三文魚片裝飾在精心調製的壽司飯上。三文魚片鮮美且肉質鮮嫩，配上壽司飯的酸甜口感，每一口都是一種極致的享受。搭配少許醬油和芥末，更能突顯出三文魚的鮮味。4. 北寄貝壽司：這款北寄貝壽司是一道口感豐富的壽司。貝肉鮮甜彈牙，擺放在壽司飯上，整體口感層次豐富。每一口都讓人感受到海鮮的鮮美和壽司飯的香鬆。5. 熱宇治抹茶鮮奶：這杯熱宇治抹茶鮮奶濃郁香濃，深深吸引著抹茶愛好者。宇治抹茶的香濃和鮮奶的滑順完美結合，帶來一種獨特的風味。溫熱的口感更能