大堂酒廊

營業中

休息中

真係掃興，諗住嚟請朋友食飯，當係多謝佢以前對我的照顧照顧，所以揀一間比較好的酒店食個下午茶，諗住呢間咁貴，實冇死喇，點知中伏！第一，成間酒店冇人推門，我唔係話自己殘廢，所以以為推門，不過一間五星級酒店，我未見過係冇人推門，所以比較之下，呢間就比較差啦第二，環境，如果坐到窗邊位，可以觀望香港景色，確實係唔錯，如果坐唔到窗邊位都唔使覺得可惜，可以遠眺窗景。另外，其實佢哋廁所都有大玻璃望到出面景色，幾搞笑。第三，餐廳員工服務，三個字，不合格。舉手完全睇唔到我，三個人一齊舉手都睇唔到我哋，既然睇唔到我哋，就不如安排我哋坐中間嘅位置啦，又要安排我哋坐側邊，坐得太側又睇我哋唔到。平常的五星級酒店，基本上只要抬高頭，有一個眼神，就會有人行過嚟招呼。第四，食物，叫咗一個二人下午茶，三個飲品，一個三文治🥪。三層下午茶質素好一般，蛋糕質素太差，好cheap，就連連鎖麵包店嘅西餅質素比佢哋更好！下午茶嘅重點，就係蛋糕細，不過希望係精緻好吃，呢間就淨係做到細，做唔到好食，真心覺得電鎖西餅店$4.5嘅蛋糕仲好食😓😓😓三文治，用料求其，成個三文治係凍嘅，咁都得？啲薯條又係凍嘅，林啤啤，如果冇廚房，可唔可以去隔離麥

同Best friend 去 high tea ，佢帶埋19個月大嘅BB女一齊去，我訂座時已寫明有BB，餐廳有因應BB而提供相關安排，仲好好啊！由安排座位、提供BB餐具、送小禮物、同BB交流、落單、幫我地影相等等，全部哥哥姐姐都好nice 啊！我地都好開心🥳座位安排咗L形梳化俾我地，BB可以坐喺我地中間，好安全。食食吓，酒店職員送咗隻小Bear Bear 俾BB，可以消磨吓BB嘅時間，等我地兩姐妹可以坐耐啲，影多幾張相😆因爲個view 實在太靚High tea 賣相ok ， 但份量不多 ，味道也不是很突出。所以好評係俾服務同個靚view 😌

前排restaurant week，見到ritzcarlton 依間 the lounge & bar 竟然都有得 book！感覺都有品質保證所以決定試吓！入坐嘅時候坐到 window seats 真係好開心侍應都好有禮貌，感覺舒服～restaurant week 有特別嘅 menu叫完嘢食，就會送上溫熱麵包籃，仲有cross bun！好食啊～ 食完會問你需要需要 refill ，好貼心～前菜:三文魚tartare就係食緊三文魚刺身嘅感覺不過就已經調好味！ 有三粒正常size嘅帶子，未煎得太熟，口感軟滑不過下面嘅醬汁就太辣，cover咗鮮味主菜:魚煎過之後富有油脂香，每一啖都好香滑下面嘅薯蓉打得綿密，應該用咗唔少牛油，好邪惡！而雞胸真係煮得太嚡，唔值得食到期待已久嘅甜品，果然都冇失望！The Ritz-Carlton Cake朱古力味好濃郁，甜度中下，仲有橙酒中和朱古力嘅膩～Lemon Tart比較之下遜色一啲，撻皮唔夠脆但檸檬 custard 夠酸，不過食到最後都有啲甜總結全晚嘅感覺都好好！不過最好笑係梳化同枱面有一段距離，食嘢嘅時候要坐得好前，唔太方便如果要睇景就要有心理準備會坐得

位於Ritz-Carlton 102樓嘅The Lounge & Bar, 很多食客通常都嚟幫襯afternoon Tea， 但我就鍾意專程來吃自助早餐。這間餐廳的賣點就是海景，大多數靠窗邊的座位，係一字排面向着海景坐，所以可以180度望住海景食早餐。這裏的自助早餐種類不是很多，但一般基本嘅早餐都有，例如中式點心、煙肉腸仔蛋、粥、炒麵、豆漿、芝士、三文魚、Yoga、生菓等等，也有任飲果汁、有一張枱擺咗好多麵包、有一位廚師負責粉面檔、另一位負責煎蛋同窩夫。總結：自助早餐每位大約$350，食物質素就係一般嘅早餐質素，唔可以話差，但係冇驚喜。用這個價錢，坐喺五星級酒店102樓，望住180度嘅維港食早餐，我覺得唔貴。

The Ritz Carlton 樓高100多層居高臨下，好耐之前已經想黎試吓，今次專登帶媽媽們嚟到酒店試吓high tea，一入到酒店裝潢已經好Grand，加上無敵大海景，真係冇得輸，媽媽們都好鍾意，嚟到都瘋狂打卡。之後我哋兩人分嘅tea set 三個人分，再叫多一個飲品，都已經非常足夠，因為甜品真係好漏。我好鍾意佢嘅鹹點，迷你牛角包有兩個味道，煙三文魚配檸檬蛋黃醬及松露蛋沙律，一次過滿足兩個味道。至於甜點，朱古力蛋糕好出色，有濃烈嘅朱古力味。食到尾聲，已經非常滿足。最後等到接近五點半，太陽落山，簡直靚到冇得彈，整個行程圓滿了。

有機沙律吧🤩好多唔同款式嘅菜同埋配料，菜都幾新鮮，但係加得唔夠快，有陣時要等一陣先有返。醬汁都好多款揀。有一兩款熱食，我就攞咗青醬意粉，意粉比較乾，醬唔夠稀。🥩烤牛腿扒青豆鷹嘴豆泥 五香鷹嘴豆配烤羅馬生菜牛扒煮得啱啱好，幾腍，配菜都好食，調味👍🏻🐟烤比目魚配日式高湯 白菜魚烤得幾香，又滑，配埋個高湯一流，但係冇澱粉質，唔夠飽。要去自助吧食多啲😅🍰甜品甜品都有四五款揀，有健康嘅雜果，我哋攞咗朱古力布甸🍫同埋啡色果個原來係柚子蛋糕。最後仲送兩杯香檳同埋兩杯餐飲🤩整體黎講都唔錯，食物質素幾好但係自助吧冇乜熱食揀🥺。我哋都係買咗個按摩套餐包呢個午餐，成個體驗都好正🥰。

今日終於去到成個月之前就book咗嘅Ritz-Carlton The Lounge & Bar High Tea!Book嘅時候就book咗個window side, 雖然3pm 坐低嗰時係有啲曬，但坐到5pm就睇到日落，好正😍全個high tea最好食係個鬆餅，可惜其他嘅質素係一般，但有靚景搭救，同最開心都係同閏蜜雞啄唔斷咁傾咗幾個鐘頭偈。

有成幅畫咁靚既維港景色, 地方好舒服咁傾下計食個tea, 係好enjoy既一個地方! 呢個tea set既甜品主要係用法國頂級朱古力品牌Valrhona❤甜點有:Valrhona阿拉瓜尼72%朱古力金寶蛋糕南瓜肉桂芝士蛋糕德國糖霜曲奇黑森林慕絲杯傳統乾果蛋糕原味鬆餅, 提子鬆餅配果醬及奶油忌廉要先講下呢個糖霜曲奇, 好有德國風味, 除左用蜂蜜, 杏仁粉&白胡椒粉焗製, 重有薑餅粉, 喜歡食呢個糖霜既味道😛另外呢個黑森林小熊慕絲杯有幾個層次, 有櫻桃蜜餞, 朱古力海綿蛋糕慕絲, 朱古力脆片&櫻桃酒忌廉, 甜左d 但有好濃郁的朱古力香我個人喜歡食呢個朱古力金寶蛋糕, 佢係用 72%朱古力製作, 有朱古力忌廉&朱古力薑餅醬mix金寶蛋糕, 唔會好甜👍🏻鹹點有:烤栗子配法式蘑菇三文治法式煙三文魚醬配醃紅菜頭及德國黑麵包法式紅桑子撻肉桂、紫薯、火腿及羊奶芝士迷你泡芙其中烤栗子配法式蘑菇三文治的焦糖栗子&法式蘑菇泥, 夾在菠菜麵包之間, 幾夾&幾香,第一個就食左佢先!😋而肉桂、紫薯、火腿及羊奶芝士迷你泡芙好特別, 用羊奶芝士加上肉桂香味都唔錯, 但唔係個個喜歡食luBook左4~6pm 重可以見到

/📍hongkong終於試咗ritz carlton嘅下午茶，今次仲要係聖誕版本🎄🎅今年嘅聖誕節，The Ritz Carlton, Hong Kong同歷史悠久的德國玩偶品牌Steiff合作，攜手呈獻小熊節慶下午茶，甜品方面更加係用上法國頂級朱古力品牌Valrhona作為材料。首先講下鹹點，總共有4款：法式紅桑子撻好有驚喜！我地以為紅桑子會係甜嘅，不過竟然有啲鹹鹹地，唯獨係份量有啲細法式煙三文魚醬配醃紅菜頭及德國黑麥麵包呢個相對冇咁大驚喜，不過煙三文魚醬配麵包嘅組合一定唔會出錯烤栗子配法式蘑菇三文治一個不過不失嘅三文治，加咗栗子甜甜地，同蘑菇都幾夾肉桂、紫薯、火腿及羊奶芝士迷你泡芙呢個我地都唔係太鍾意，因為羊奶芝士好騷，完全蓋過咗其他材料嘅味道甜品方面，總共有6款：傳統聖誕乾果蛋糕一個超級甜嘅聖誕蛋糕，裡面有少少乾果，不過真係甜到食咗一啖已經冇辦法再食德國糖霜曲奇又係一款太甜嘅甜品，咬落去淨係食到糖霜，又係咬咗一啖就已經覺得太膩法國Valrhona阿拉瓜尼72%朱古力聖誕樹金寶蛋糕上面嘅朱古力mousse有淡淡嘅薑味，下面就係普通嘅朱古力撻同蛋糕。朱古力味好濃南瓜肉桂芝士蛋糕呢個係咁

Ritz-Carlton嘅afternoon tea係每一季都會更新一次menu，之前食左佢地推出嘅秋季下午茶，不過而家已經推出左聖誕版本啦🎄個人覺得鹹點同甜點味道都正正常常，都預左會有一兩件已經係難食嘅😂，整體無話邊一款特別出色，個scone算整得幾好食😆環境方面應該算係無得彈，如果提早book位嘅話可以坐窗邊睇曬全個維港，不過如果個日天氣好好嘅話就可能有啲曬，想睇靚景就要自己取捨啦🌞🤭**********<Autumn Harvest Afternoon Tea> $698 for two🥐Selection of savouries🥐🔹蜂蜜烤紫薯泡芙配橄欖油魚子🔹煙三文魚配檸檬蛋黃醬及松露蛋沙律迷你牛角包🔹深海藍蟹肉配蜜糖芥末、胡南瓜及意大利里考塔芝士配黑麥麵包🔹焗純素豬肉配野菌松露忌廉酥盒🍰Mini confection🍰🔸南瓜肉桂芝士蛋糕🔸麗思朱古力蛋糕🔸綠茶栗子蘑菇型蛋糕🔸蘋果白朱古力忌廉泡芙🔸榛子及黃香李醬杯🔸鬆餅配果醬及奶油忌廉

我見咁難book位，抱住好高期望去點知大失所望所有食物都係得個”””””甜”””””字！基本上我食唔出佢哋係咩......就算見到係綠色，知道係綠茶味都食唔到綠茶味🌚只係好甜咸點都係甜，唔知自己食緊咩，好怪個牛角包🥐可以完全唔脆🌚點做到🌚比較好少少就只有scone, 正常level 亦都唔稱得上係好食。呢到唯一可取之處就只有個view 居高臨下，係好靚嘅，可惜食物質素配唔上加埋一差不多要成$400@1 但食物同服務態度都做唔到6星酒店應有嘅級數....都係返過去天龍軒or cafe 103算完。

見媽咪生日突登book位去食 限聚令之下要分坐 ok既環境係好靚 好值得去 但食物就勁差... 得個scone好食 其他完全食唔落 連爸爸媽媽都話好難 真係食個景 上網睇全部都話難食 都唔係幾信 試完先知真係咁難食 除左scone 其他食一啖就無食 難食到擺唔到落口🤢🤮 真心建議唔好去 第一次食tea就咁難食... 仲有 個碟竟然好污糟 有朱古力漬🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢

因到Ritz Carlton staycation，預訂了這家西餐廳晚飯。它裝修極有型格，約兩層高的樓底，吊著長長而巨型的吊燈。餐廳走廊一邊是玻璃酒櫃，不同款式的紅酒整齊地擺放好，另一邊是霓虹光管，燈光效果很特別。 我們二人獲安排坐窗口位置，餐桌是面向玻璃窗，有別於平衡擺放，這樣可以令食客直接面對海景。身在400多米高，居高臨下，看著維港對岸的建築，很有氣勢，剛巧到了8時，幻彩詠香江匯演開始，第一次從高處看這匯演，那種震撼的感覺很難忘。 我們看看餐牌，決定各自點一客晚餐。為了可以嚐到不同的配搭，我和朋友在前菜、主菜和甜品都各自點了不同款式。 在等待的時候，侍應送來麵包和晚餐的香檳，塗上香滑的牛油，吃著鬆軟的麵包，邊看著起泡的香檳，徐徐喝一口，欣賞維港的夜景，為這頓精彩的晚餐掲開序幕。   先介紹一下前菜。龍蝦濃湯是熱騰騰的，蒸汽不斷升起，顏色呈深紅。入口濃稠，龍蝦味道極濃，每一口都是享受。 香煎鵝肝配蘋果蜜餞及烤奶油麵包 - 鵝肝優雅地放在麵包上，表面有一些蘋果蓉，旁邊有嫰綠的生菜做配菜，賣相像一件藝術品。鵝肝肥美，入口油脂豐腴，有淡淡的鹹香，蘋果蓉多了一份清新，和鵝肝亦互相匹配。底層

又係因為疫情放棄個靚景, 乖女order咗個tea set返屋企, 值得一讚係外送係酒店員工非常好禮貌😊， 包裝亦非常美觀， 而且鹹甜點排列整齊 一啲都冇 東歪西倒👍 仲有三個捷榮茶包 ，迷你牛角包煙鮭魚， 牛角包冇口感冇牛油香味🤨 純素豬肉 松露酥盒 只係食到松露香味但係個酥盒唔鬆脆 亦冇味道🤔 甜點 我只係最欣賞 榛子黄香李酱杯， 榛子香味好濃 黃李酱 食到黄李肉酸甜度適中， 口感亦好好😋 總體嚟講呢個tea set都係一般， 食完唔會特別回味， 但係彩蛋就係竟然 收到電話原來乖女係訂單裏面頭50位， 稍後有人 送咗一支香檳同六隻水晶杯到屋企從來唔相信頭幾位有獎品嘅我終於都信呀🤣🤣

今年我生日男朋友帶咗我去Ritz carlton staycation，我哋book咗7:30食dinner，男朋友好早之前預約咗Window seat，可以望到無敵維港景，我第一次係103樓食dinner，真係好興奮，位置剛剛好可以睇到港島區嘅IFC呢間餐廳嘅景觀來講我覺得價錢一啲都唔貴，dinner set都只不過係$498，前菜我哋嗌左牛油果蟹肉芒果莎莎層層，主菜我哋嗌左安格斯牛扒另外我地仲散叫左一個龍蝦湯，烤樽魚同埋水牛芝士雞翼上主菜嗰陣待應都好貼心好主動咁幫我哋影相，我覺得成餐飯最好飲就個龍蝦湯，真係超香龍蝦味，同埋湯裡面仲有粒粒龍蝦肉，但係水牛城雞翼就唔會咁建議大家叫，因為呢個雞翼太濃味最後餐廳仲為我哋送上左個生日蛋糕，真係好多謝男朋友細心嘅安排今餐飯我哋食左$1500，我覺得可以望到呢個維港景色絕對係超值