大四囍

營業中

休息中

I use to love Pang’s, but since it had received the M-star they haven’t been the same. Price up, taste down and same cramped seating. Found this new restaurant serving similar type of menu but in my opinion better tasting dishes for less, with spacious seating especially for HV area. Soy chicken is good, sweet&sour cooked by traditional style is very solid. Tofu with mushroom dish was great. Also had their daily soup which was excellent as well. My second time around and for sure the likel

環境乾淨舒適，唔會油立立，厨師經驗夠，食過 炸蟹鉗，清蒸游水斑， 燉湯等， 食物份量，質量，足料👍👍Good ，仕應services 也唔錯，甜品紫米露正(唔會喺糖水）足料，記得憑星期三休息。

事緣當日到跑馬地時才知道電車路旁一間年號老的酒樓已結業，正惆悵於該地段那裡還有中式點心的食肆時，卻無意中發現這間新開張的食館。查詢下得知此店午市有中式茶飲，於是便一試。說真的去之前並沒有抱太大期望。一來預料價格必定高，二來食品質素亦未必能如心中所想。但當進入店內時一看⋯卻已有點小驚喜。環境感覺清雅，面積雖然不大但光線柔和充足，座位寬敞，餐具擺設也仔細。一看餐牌便有第二重 “驚喜” ⋯茶錢每位只是$10，另外，點心的價錢亦相宜，款式多及特別。我點選了蝦多士，蝦胶份量十足，多士不肥膩，不會過火，配以 Wasabi 醬，更香口。香煎米高，較為乾但香口而不甜膩。蒸飯充滿荷葉香味，夠熱，飯粒爽口，不會過腍。而馬拉糕正正是現時很難尋回的那種 “香甜” 味，糕身很有彈性，不像現時一般的馬拉糕 “一夾就散” 及成口苦澀麵粉味的情況出現。店員的態度也很友善。總括而言，這次用餐體驗很好，食品質素、份量及溫度都恰到好處，值得推介。下次有機會，會來嘗試吓此店的晚飯小菜。

週末一家人逛街，一間餅店介紹我們來到這間茶樓，裝修新簇環境不俗，d姐姐都幾好人，可惜有個西裝四眼中年大叔以老闆的姿態出現（d 姐姐話佢係經理），小朋友有一下扭計哭左一陣，就立刻不停以極不良善的眼神盯着我們和嫌棄的態度對待我們，當時其實周圍未有客人，我們也用方法最終安撫好小朋友，其實無需要以好似客人失左佢既態度處理問題，呢種服務態度令人對佢嘅專業有好大質疑，再美味嘅食物都變得食之無味（本人覺得食物廚藝是無問題，不過有漏單情況，催幾次先得，後來也聽到有客人投訴佢哋質量唔夠穩定、東西太肥膩難以入口），令客人美好的時光都變成差勁的回憶，搞到頭赤赤影響人整日的心情。

一家四口去食飯，嗌咗咕嚕肉、乾炒牛河、星洲炒米、炒魷魚、菜同埋蠔餅。服務 ok (啲阿姐唔係好醒但算有禮貌）環境 ok （地方比較細但我鍾意佢夠光猛）。除咗星洲炒米同埋煎蠔仔餅之外，啲嘢算幾好食。星洲炒咪比較普通，而煎蠔餅就一啲都唔係平時潮州食店嗰啲煎蠔仔餅，係用好多炸粉炸出嚟嘅蠔。因為我哋屋企係潮州人，所以爸爸對呢一碟餸有啲期望，但嚟到之後打咗個突，食咗一舊然後唔肯再食 😆而且所有餸菜嘅份量真係細，我哋一家四口都覺得每人食得嗰少少唔係好夠，幻想下如果我要帶朋友嚟，一枱六七個人但碟碟餸都細到咁，真係唔知點樣招呼朋友。住咗喺跑馬地40幾年，附近有間新餐廳梗係開心，講真啲嘢都算好食，兩個人係可以嘅，但一家人我就唔會再去。

周圍搵下新野食，上網搵到跑馬地開咗新中菜廳，就落去試吓，職員都用心介紹，我哋六個人可以試多幾款，頭盤點了香檸茅台醉蝦、椒鹽鮑魚、沙薑豬手，主菜杏汁花膠燉菜膽、清蒸海班、羊肚菌燒豆腐、西蘭花清炒鮑片、當紅炸子雞、菠蘿咕嚕肉，其實已經好飽，但又為食，結果叫了芝麻卷，芒果布甸，杏仁茶。個醉蝦可能加左香檸，食落有酒味之餘仲有種清新味道。個湯，用料足，菜膽入哂味，正！羊肚菌夠爽口，上面灑了蝦子，豆腐滑口條魚蒸得剛剛好，d肉一掃就離骨，魚汁冇味精，讃x100，食完冇口渴鮑片厚薄適中，炒完都仲爽，清炒得嚟，個調味唔錯，不是一般就咁加蒜蓉炸子雞我冇點淮鹽，因為已經夠味，好滑嫩整體而言，每様都合格之上，下次可以再試其他菜😋

打咗半日衛生麻雀，XO仔食咗人生中的第一舖地糊，明顯意猶未盡，晚餐同班牌友要去跑馬地食埋「大四囍」先感到滿足。位於昌明街頂嘅「大四囍」灰磚拼金漆招牌嘅門面好似古裝片啲客棧咁，雙囍嘅木門尤其到題。室內並無花巧之裝潢，以木為主嘅間隔簡潔乾爽，簡單嘅吊燈同弧形木門已散發出中國風味。用餐大堂約有六張二至六人散枱，因當晚已坐滿八成食客，不好拍照。弧形木門身後原來設有兩間私人廂房，右方嗰間可容納上八人，最低消費額為$600/位。左邊較大嗰間則為$800/位。每位席上都擺有齊備嘅自用及公用餐具。十二頁餐牌早已有人上載，故電話訂座時亦懂得預訂招牌菜式。得知店子未領有酒牌，嘻嘻，暫時開瓶費全免喎，當然係放心自攜佳釀啦！金沙鮮魷（$158）：始終第一次食地糊太興奮，見人就講，電話亦忙個不停，第一道菜上枱時竟然唔記得咗影相，好在記得嗰陣都唔遲，仲有四件喺碟，Ken哥哥仲好人到轉咗隻乾淨碟話可以影得靚仔啲，認真唔話得！金沙鮮魷層炸皮香脆，鮮魷亦十分爽彈，用上嘅咸蛋黃份量恰到好處，惹味得黎完全唔會過咸。椒鹽鮑魚（$88/隻；兩隻起）：意外地，椒鹽鮑魚香口有嚼勁，一啲都唔韌，鮮味濃郁，送酒佳品也！潮州紅燒翅（推廣

跑馬地開咗間新嘅中菜，前兩日去咗試下：其實仲飲咗螺頭燉竹絲雞湯（不過冇人記得影相）， 個湯好清，但係好夠味，俾返5粒星佢。全晚6個人，食咗3000蚊，以香港島嘅中菜嚟講，一D都唔算貴。