多賀野 (K11 Musea)

營業中

休息中

拉麵話題在饕客中永遠長青，在日本當地吃拉麵，一般路邊小店或拉麵店，價錢不算太高，已可享高質素的拉麵。至於香港地，拉麵店林立，大型連鎖店都要引入拉麵及沾麵吸引更多人流！可想然之香港人愛吃日本拉麵，幾近瘋狂，每有拉麵名店登港，必定大排長龍。今次【多賀野】進駐「K11 MUSEA」，又排左我好耐隊了，能成為米芝蓮推介的日本菜餐廳既拉麵究竟係咩味呢？在外等位已經見到師傅製麵過程，因為店內自設製麵工廠，所用的麵條全都是自製保證拉麵質素新鮮，好似話係用上4款日本麵粉、做法都相當講究！門口有塊長布都介紹佢地既由來同理念...到我地啦終於...店內環境好有日本風格，偏黃既燈光好有氣氛！另外仲貼心咁設有屏風間格，為單獨嚟嘅食客增添私人空間。總括黎講入面既設計都好有藝術感同時尚風格呢。有別於一般的傳統日式拉麵店。呢度仲可以可以容納60個座位，被安排坐屏風間格中，面前餐具齊整。睇睇餐牌，圖文有齊，望落都好吸引，見佢主打中華風蕎麥拉麵，「湯㡳以大量雞隻、豬肉和魚鮮熬成，加入醬油、胡椒、花山椒、唐辛子等，炮製多款拉麵。「招牌麵包括：酸辛擔麺、粟國鹽味拉麵及豚肉鴨肉沾麵。」🔹香蔥山椒叉燒拉麵 $138湯底是拉麵是

#中意嘅請分享請點讚🍻----------連續拎左多年米芝蓮嘅拉麵，呢度嘅麵條都係即日店內製作，而且店內仲可以睇到製麵過程。-😋豚鴨沾麵 $168湯底較濃郁，由豚+鴨+雞+魚淆製而成，重口味人士可以一試，沾麵比拉麵粗，而且份量好多，大食嘅都一定夠。另外有兩片叉燒、溏心蛋、荀同大量蔥。-😋香蔥山椒叉燒拉麵 $138雖然辣味重冇酸味，但湯底有dd似酸辣湯🤣，而且湯底好濃味，對比沾麵，會推薦沾麵。另外有兩片叉燒、溏心蛋、荀同大量蔥。-😋自家製蟹肉薯餅 $68入面有一絲一絲蟹肉🦀再加薯餅，表皮粉好薄，外脆內軟。另外有燒汁同檸檬，加小小檸檬汁直接食已經好正，加左醬反而蓋過蟹肉薯餅味。----------🔎多賀野🚩尖沙咀梳士巴利道18號K11 Musea 2樓220號舖

我本身係一個拉麵控, 最鍾意食拉麵沾麵...見到呢間日本大熱店來香港開。。由於之前太多人排隊關係。。。。。於是最近先黎試食上網見有youtuber 好推介呢間野所以見價錢雖然好貴, 都比一次機會呢間野同朋友兩個人來食叫左三樣野食醬油拉麵$128招牌菜鴨豚沾麵$168同埋都係招牌菜既炸蟹餅薯蓉$68另外再加一醬油拉麵味道好淡, 同出面$75-90 一碗既醬油拉麵差唔多味😅鴨豚拉麵, 呢個價錢竟然只得半隻蛋😂叉燒好乾好乾同柴口唔見有鴨肉塊麵雖然即制, 唔見得好彈牙唔夠粗身周月沾麵 , 座銀好過佢湯都算甜甜地 都可以蟹餅除左味道比較蟹味重之外同出面食個d 唔大分別炸得好黑座位坐得迫 要搭台埋單總數$400呢個價錢係香港都算數一數二貴(拉麵) 性價比低 無下次。

同朋友一齊去試新嘢，一去到…超級多人排隊，個個都等住試🙂入到去，見到師父親手整麵，佢呢度既拉麵全部都係手打， 今次我order咗一個沾汁麵我朋友就order咗一個湯拉麵, 嘩！好食到傻😍果然係米芝蓮級😍我叫左個豚鴨沾汁麵，味道非常有層次✔️個麵軟硬適中，而我朋友的湯拉麵又係超正，必試！！我地仲叫左個蟹餅，又係好好食，雖然價錢有dd貴，不過都值得一試！！

- 姐姐講譚仔話- 麵隨便放低（一般拉麵店🍜係會問清楚邊位食邊一款拉麵，然後送到你面前）- 跨過隔離台放低拉麵（有茶餐廳嘅感覺）- 拉麵無論湯或麵都比其他日本鏈鎖式嘅還要差...

知道尖沙咀開左間新商場- K11 Musea, 約左好友黎行下 順便食埋晚餐🥣, 見到呢間拉麵店大排長龍, 就8卦下, 原來係東京人氣拉麵店- 多賀野, 聽聞仲係米芝蓮級, 我同朋友唔係趕時間就去排隊試下自家製黑胡椒炸雞🍗外層香脆, 肉質嫩滑🌟聽店員講, 製麵機械由日本🇯🇵直送, 每碟麵都係自家製造, 所以麵既份量同硬度都係統一既, 食落麵質彈牙幼滑, 無鹼水味多賀野醬油拉麵🍜醬油味清香叉燒肉質又腍又嫩, 肥瘦適中, 唔油膩溏心蛋🥚超濃郁醬油香味, 溏心效果1流因為本人鐘意食辣,所以就揀左呢款- 芝麻辛辣拉麵🍜湯底濃濃既芝麻香味, 仲加入左唔少既蔥粒, 同叉燒肉粒!

第一次咁認真寫食評就係為左寫衰佢, 可想言知間店有幾唔掂！行過K11 musea, 見到間寫東京名店拉麵就入去試下喇。8點半開始排左半粒鐘左右終於入得, 你以為落左單就有得食? 傻啦, 等多3,4個字先到你張單啊！作為一間拉麵店, 手腳慢之餘, 仲要無得你加麵底加料, 價錢貴(係k11嘛)都預左, 味道還可以, 但係計埋d服務黎講就真係完全唔值!!!((成肚氣))店面大, 人手都唔少, 係唔明點解出餐咁耐, 廚房d人好似係到玩咁, 隔離幾枱都係到催餐, 真係不可一不可再!!

K11 Musea開左冇幾耐，對於佢入面既鋪頭真系了解唔多，閒時過來行下又幾想搵間餐廳試試，奈何大多餐廳新開業，冇咩網評，唯有跟大隊，邊間人氣旺就不會錯架啦！途經多賀野，不得了，夜晚7點未到，人龍已分成兩條隊，人氣旺吖，于是決定試下新野。日式風格，主打拉麵，也有蒲燒鰻魚定食，吉列炸蠔定食，多款日式小食，價錢算系合理。一場來到揀左佢最出名的豚鴨沾麵，佢廣告系「每一啖都充滿著豚，鴨，雞，魚的香味。」先講下個沾麵湯底，湯底是精華同重點，佢唔會太油太咸，但又可以好香，有細細塊的鴨肉，很有特色，鮮甜而不油膩，麵爽Q彈非常適合沾湯，不多不少的洽到好處將麵包裹住，入口即贊。糖心蛋誘惑十足，糖心爆漿。朋友就揀左個蒲燒鰻魚定食，色香味俱全，配一碗白飯，好特別咁，飯上有少少糖粉，感覺很親切，又好溫情，好有日本懷舊風，蒲燒鰻魚系鰻魚控不可錯過的選擇，鰻魚肉質肥美多汁，外表蒲燒香味四溢，內里軟嫩充滿魚香。非常吸引！配上日式沙律，營養又膳食均衡，很贊！

商場岩岩開，同朋友過黎行下街同食下野。第一次黎，就叫了餐廳侍應簡單推介一下。佢地話，日本總店最招牌的係醬油拉麵，湯底用咗大量濃湯加上清湯整成。另外嘅塩味拉麵，湯底係清湯，加上日本沖繩海鹽，味道清淡又帶鹹香。同時都推介豚鴨沾麵，湯底同時有豚肉，鴨肉，雞肉和魚干味，味道豐富帶層次。叫了個多賀野醬油拉麵，湯底香但唔油膩，唔會太過濃味。就算我平時食慣豚骨拉麵，都覺得幾好😁另外仲試埋豚鴨沾麵👍👍呢個更好味，湯底味道複雜有層次，試真啲真係食到有豚肉鴨肉魚干等幾種味道。至於個麵，用凍水過左冷河，麵質彈牙，同樣唔錯。整體來講味道唔算驚艷，但質素其實都不錯👌只係價錢來講比其他拉麵店都要貴，性價比就一般，不過可以一試🤔場內環境裝修都非常舒適，加分👍

今日係日本德仁天皇登基嘅大日子，我地嘅特醜竟然公然現場玩手機贈慶，認真得體。既然係咁，大胃唯有食吓拉麵以示支持啦一入嚟，樓面就安排我地坐勁入嘅位，雖然係搭檯，但有窗幕隔一隔對面，係嗌人難啲，不過樓面會定時過嚟睇睇需要蟹肉薯餅好脆，裡面嘅蟹肉一啲都唔膩，點埋醬一流聽講呢個沾麵係大熱，就嗌嚟試吓麵嘅份量都幾多吓沾湯好濃肉香味，飲又得，浸又得以為冇蛋好失望，拎開叉燒原來有溏心蛋嘅，好正呀醬油拉麵湯底都唔錯麵就唔同沾麵，係幼麵等對面檯走咗，我地先閂埋扇窗，係咪好有禮貌呢？

非常之唔明點解可以攞到米芝蓮一星，除非日本嗰間同香港呢間爭咁遠。個湯淡到無論，佢開頭仲要問我係咪鍾意食濃味嘅之後先推介呢個俾我。我情願去買個日清「ラ王」食好過。啲面係即場做嘅，但又係非常普通，而且又唔俾揀軟硬度，我食嗰陣覺得有少少淋。配菜仲有一隻蛋丶筍丶紫菜同青葱。除咗蛋全部都冇乜特別。不過隻蛋係真好食嘅。個薯餅仲衰，真係得薯仔味，同我响日本食嗰啲好嘅コロッケ差太多了。如果日文講的話就係「問題外」，即係比嚟都嘥氣。

連續拎左多年米芝蓮的拉麵，今天終於一嚐！店員帶我們到餐廳右邊，原來這邊有一排私隱度極高的位子，有點像自修室那樣，可以一邊用notebook ，一邊享受頂級的拉麵。拉麵其中一項最重要的就是麵條本身，這間拉麵店就是十分重視麵條，麵條都是即日在店內製作，甚至讓客人看到製麵過程，好讓我們放心食用。我叫了粟國塩味沾麵，賣相很美，湯底、肉、麵分開上。這個湯底雖很清甜，但湯裡面有很多肉粒等配料，仍毫不油膩。麵條是冷麵，每一口的麵條都好香、好煙韌，感覺光吃麵條已經有夠好味了。有兩片叉燒，有淡淡煙燻過的味道。溏心蛋都是高質，還有大量的蔥，啱曬愛蔥人士。豚鴨沾麵跟粟國塩味沾麵的叉燒跟麵條都一樣，分別是這個湯底比較濃郁，畢竟由多種肉熬成的，喜歡濃郁的朋友可以點豚鴨沾麵。把拉麵吃光後，可以請店員加湯，湯底溝淡後，可以把剩下的湯底喝光。這裡的沾麵，麵條跟湯底同樣首屈一指，不愧拿了多年米芝蓮，果然名副其實，實力不可小覷！

K11 Musea 開左冇耐，我已經行左3次，但次次經過呢間，都大排長龍，今日難得6點黎到冇乜人，即刻入左去試下，睇下連續四年榮登米芝蓮美食指南推介的餐廳有幾好味先。-呢度麵條每日新鮮製造，餐廳內設有製麵機，客人可以邊吃邊看製麵過程。-1⃣多賀野醬油拉麵 💰128湯底望落清澈不油膩，飲落醬油味濃淡得宜，但飲完唔會涸喉；自家製叉燒肥瘦適中，肉質鮮嫩，仲有清脆筍條，黏黏溏心蛋。拉麵麵條偏幼身，口感煙韌彈牙。2⃣栗國塩味沾麵 💰148採用4款日本海鹽調配而成，湯底鮮味帶有層次；洋蔥和芝麻香令湯味更鮮更清新。其他配料和醬油一樣。3⃣菠蘿雪葩 💰68麵後來一個雪葩，感覺清新。原個新鮮菠蘿起肉打成雪葩，冰感細緻，而且不會過甜，很不錯。-整體品質係唔錯，但冇乜驚喜,略厭價錢較貴

豚鴨沾麵 $168有豚、鴨、雞、魚的香味，個沾麵湯汁味道豐富，好有層次。鮮甘、甘香、咸鮮、濃郁……配微粗身的沾麵，掛滿湯汁好好味。沾汁內有鴨肉粒，好彈牙好香。粗身有小麥香的麵，掛到好多湯汁，口感很好。叉燒半肥瘦，輕輕火炙過，但無咩香味，不過唔會好厚或薄身，口感不錯，肉質扎實。味道正常，但未見特別。個味付玉子超入味，半熟流心感正，蛋黃好濃好正。粟國塩味拉麵 $128友人的拉麵我試左少少， 用沖繩海鹽調味湯頭，咸香清新，味道輕怡，可食出食物原味，加入芝麻同洋蔥粒，添加風味，拉麵幼身保持爽彈口感。多賀野醬油拉麵 $128友人的醬油拉麵，帶東京醬油風味，湯頭清澈，味道鮮甜濃郁，且不油膩，感覺清爽，醬油咸度剛好，也很夾叉燒。整體味道幾好， 服務有禮且上菜落單也迅速，環境舒適座位寬闊，價錢微微貴，但可接受。

日本東京人氣拉麵店「多賀野」開設首間海外分店於K11 Musea ，鐘意蒲K11的我當然要朝聖啦！（不過首先要向大家強調，排隊真系要排好耐）多賀野醬油拉麵🍜（$128），湯底超級無敵正，清澈不油膩，面質系彈牙果款（唔系一蘭嗰種，一系腍一系硬），醬油味較濃，必食之選。蒲燒鰻魚定食🍱（$148），鰻魚好厚肉，好好味。條鰻魚我比101分，不過佢個白飯就差了點，無飯香，完全不夠鰻魚汁撈飯，整體感覺有點乾。自家制蟹肉薯餅🦀（$68），超級好味😋滿滿蟹肉薯蓉，外脆內軟，日式煎餃子🥟（$58)，普通到不能再普通，連最基本的冰花都沒做到。如果你不飽又錢多就叫吧。店鋪：多賀野拉麵地址：K11 MUSEA 2樓220號鋪